Ўзбекистон Республикаси Олий Мажлиси Сенатининг 07.05.2010 й. 42-II-сон "Ўзбекистон Республикаси Президенти И. Каримовнинг 2010 йил 26 январдаги Ўзбекистон Республикаси Олий Мажлиси Сенатининг биринчи мажлисидаги, 2010 йил 27 январдаги Ўзбекистон Республикаси Олий Мажлиси Қонунчилик палатаси ва Сенатининг қўшма мажлисидаги "Мамлакатимизни модернизация қилиш ва кучли фуқаролик жамияти барпо этиш - устувор мақсадимиздир" номли маърузаларининг асосий қоида ва хулосаларини рўёбга чиқариш юзасидан Ўзбекистон Республикаси Олий Мажлиси Сенатининг Ҳаракат дастури тўғрисида"ги Қарори

Funksiyani amalga oshirishning imkoni yo`q

ЎЗБЕКИСТОН РЕСПУБЛИКАСИ

ОЛИЙ МАЖЛИСИ СЕНАТИНИНГ

ҚАРОРИ

07.05.2010 й.

N 42-II

ЎЗБЕКИСТОН РЕСПУБЛИКАСИ

ПРЕЗИДЕНТИ И. КАРИМОВНИНГ 2010 ЙИЛ

26 ЯНВАРДАГИ ЎЗБЕКИСТОН РЕСПУБЛИКАСИ

ОЛИЙ    МАЖЛИСИ   СЕНАТИНИНГ   БИРИНЧИ

МАЖЛИСИДАГИ,     2010  ЙИЛ    27  ЯНВАРДАГИ

ЎЗБЕКИСТОН РЕСПУБЛИКАСИ ОЛИЙ МАЖЛИСИ

ҚОНУНЧИЛИК    ПАЛАТАСИ    ВА   СЕНАТИНИНГ

ҚЎШМА  МАЖЛИСИДАГИ  "МАМЛАКАТИМИЗНИ

МОДЕРНИЗАЦИЯ ҚИЛИШ ВА КУЧЛИ ФУҚАРОЛИК

ЖАМИЯТИ БАРПО ЭТИШ - УСТУВОР МАҚСАДИМИЗДИР"

НОМЛИ МАЪРУЗАЛАРИНИНГ АСОСИЙ ҚОИДА ВА

ХУЛОСАЛАРИНИ РЎЁБГА ЧИҚАРИШ ЮЗАСИДАН

ЎЗБЕКИСТОН РЕСПУБЛИКАСИ ОЛИЙ МАЖЛИСИ

СЕНАТИНИНГ ҲАРАКАТ ДАСТУРИ

ТЎҒРИСИДА

Мамлакатимизда сиёсий, иқтисодий, гуманитар ва суд-ҳуқуқ соҳаларида ҳамда фуқаролик жамияти институтларининг жамият ва давлат қурилиши тизимидаги ҳуқуқлари, ваколатларини кенгайтириш бўйича амалга оширилаётган демократик янгиланишларнинг устувор йўналишларини қонунчилик жиҳатидан комплекс таъминлаш, Ўзбекистон Республикаси Олий Мажлиси Сенати ва унинг қўмиталарининг мамлакатни демократик янгилаш ва модернизация қилиш, кучли фуқаролик жамиятини шакллантириш жараёнларида парламентнинг ролини оширишга қаратилган самарали назорат-таҳлил фаолиятини олиб бориш мақсадида Ўзбекистон Республикаси Олий Мажлисининг Сенати ҚАРОР ҚИЛАДИ:

1. Ўзбекистон Республикаси Президенти И. Каримовнинг 2010 йил 26 январдаги Ўзбекистон Республикаси Олий Мажлиси Сенатининг биринчи мажлисидаги, 2010 йил 27 январдаги Ўзбекистон Республикаси Олий Мажлиси Қонунчилик палатаси ва Сенатининг қўшма мажлисидаги "Мамлакатимизни модернизация қилиш ва кучли фуқаролик жамияти барпо этиш - устувор мақсадимиздир" номли маърузаларининг асосий қоида ва хулосаларини рўёбга чиқариш юзасидан Ўзбекистон Республикаси Олий Мажлиси Сенати Кенгашининг 2010 йил 25 февралдаги 15-II-сонли Қарори билан маъқулланган Ўзбекистон Республикаси Олий Мажлиси Сенатининг Ҳаракат дастури тасдиқлансин (илова қилинади).

2. Ўзбекистон Республикаси Олий Мажлиси Сенати Кенгаши ва қўмиталари:

Ўзбекистон Республикаси Президенти И. Каримовнинг 2010 йил 26 январдаги Ўзбекистон Республикаси Олий Мажлиси Сенатининг биринчи мажлисидаги, 2010 йил 27 январдаги Ўзбекистон Республикаси Олий Мажлиси Қонунчилик палатаси ва Сенатининг қўшма мажлисидаги "Мамлакатимизни модернизация қилиш ва кучли фуқаролик жамияти барпо этиш - устувор мақсадимиздир" номли маърузаларининг асосий қоида ва хулосаларини рўёбга чиқариш юзасидан Ўзбекистон Республикаси Олий Мажлиси Сенатининг Ҳаракат дастурида назарда тутилган тадбирларнинг рўёбга чиқарилишида халқ депутатлари маҳаллий Кенгашларининг депутатлари, фуқаролар ўзини ўзи бошқариш органларининг ва бошқа фуқаролик жамияти институтларининг вакиллари фаол иштирок этишини;

Ўзбекистон Республикаси Олий Мажлиси Сенати томонидан ўтказилаётган тадбирлар оммавий ахборот воситаларида кенг ёритилишини таъминласин.

3. Ушбу Қарорнинг ижро этилишини назорат қилиш Ўзбекистон Республикаси Олий Мажлиси Сенати Раисининг ўринбосари М.А. Раджабова зиммасига юклатилсин.

Ўзбекистон Республикаси

Олий Мажлиси Сенатининг Раиси                                     И. Собиров

Ўзбекистон Республикаси Олий Мажлиси палаталарининг Ахборотномаси, 2010 йил, 5-сон, 193-модда