Ўзбекистон Республикаси Вазирлар Маҳкамасининг 20.10.1994 й. 514-сон "Германия Тараққиёт Банки - "KFW" билан ҳамкорликни кенгайтириш тўғрисида"ги Қарори

Функцияни амалга оширишнинг имкони йўқ

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

20.10.1994 й.

N 514

ГЕРМАНИЯ ТАРАҚҚИЁТ БАНКИ - "KFW" БИЛАН

ҲАМКОРЛИКНИ КЕНГАЙТИРИШ ТЎҒРИСИДА

Германия Федератив Республикаси билан иқтисодий ҳамкорликни чуқурлаштириш, илғор технологияларни жалб этиш ва Ўзбекистон Республикаси иқтисодиётининг устувор тармоқларидаги экспорт қилишни кўпайтирувчи ва импортнинг ўрнини босувчи лойиҳаларни маблағ билан таъминлаш мақсадида Вазирлар Маҳкамаси ҚАРОР ҚИЛАДИ:

1. Германия Тараққиёт Банки - "KFW" нинг бу банкнинг Ўзбекистон Республикаси Ташқи иқтисодий фаолият миллий банкига кредит йўналишида берадиган лимитини 200 млн ФРГ маркасидан 400 млн ФРГ маркасигача кўпайтириш тўғрисидаги таклифи қабул қилинсин.

2. Ўзбекистон Республикаси Ташқи иқтисодий фаолият миллий банки (Р.Азимов) кўрсатиб ўтилган кредит битими белгиланган тартибда расмийлаштирилишини таъминласин.

3. Ўзбекистон Республикаси Бош вазирининг ўринбосари Б.С.Ҳамидовга кўрсатиб ўтилган кредит битими бўйича кафолат битимини Ўзбекистон Республикаси номидан имзолаш ваколати берилсин.

4. Мазкур қарорнинг бажарилишини назорат қилиш Ўзбекистон Республикаси Молия вазирлигига юклансин.

Вазирлар Маҳкамасининг Раиси                                            И. Каримов