Ўзбекистон Республикаси Вазирлар Маҳкамасининг 06.07.1995 й. 258-сон "Ўзбекистон Республикасида янги меҳнат дафтарчаларини жорий қилиш тўғрисида"ги Қарори

Функцияни амалга оширишнинг имкони йўқ

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

06.07.1995 й.

N 258

ЎЗБЕКИСТОН РЕСПУБЛИКАСИДА

ЯНГИ МЕҲНАТ ДАФТАРЧАЛАРИНИ

ЖОРИЙ ҚИЛИШ ТЎҒРИСИДА

Ўзбекистон Республикасида янги меҳнат дафтарчаларини жорий этиш ҳамда корхоналар, ташкилотлар ва муассасаларни зарур миқдордаги меҳнат дафтарчалари билан таъминлаш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикасида янги меҳнат дафтарчалари иловага мувофиқ тасдиқлансин. Ходимларга илгари берилган амалдаги меҳнат дафтарчалари алмаштирилмайди.

2. Белгилаб қўйилсинки, меҳнат дафтарчаси ходимнинг меҳнат стажини тасдиқловчи асосий ҳужжат бўлиб, беш кундан ортик, ишлаган барча ходимлар учун юритилади.

3. Ўзбекистон Республикаси Меҳнат вазирлиги, Ўзбекистон Республикаси Ижтимоий таъминот вазирлиги, Ижтимоий суғурта жамғармаси Ўзбекистон Касаба уюшмалари Федерацияси Кенгаши билан биргаликда бир ой муддатда "Меҳнат дафтарчаларини юритиш тартиби тўғрисидаги йўриқнома”ни ишлаб чиқсинлар ва тасдиқласинлар.

4. “Шарқ” нашриёт-матбаа концернига янги меҳнат дафтарчаларини ва уларга "қўшимча варақлар”ни ўз ҳисобидан 2 ой муддатда чоп этиш топширилсин. Меҳнат вазирлиги меҳнат дафтарчаларини манфаатдор вазирликлар ва идораларнинг буюртманомаларига мувофиқ тарқатсин ва ушбу масала бўйича ҳисоб-китоб ишларини юритсин.

5. Белгилаб қўйилсинки, Қорақалпоғистон Республикасида меҳнат дафтарчалари қорақалпоқ ва ўзбек тилларида юритилади.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.С. Ҳамидов зиммасига юклансин.

Ўзбекистон Республикасининг Бош вазири                           А. Муталов

Вазирлар Маҳкамасининг

1995 йил 6 июлдаги

258-сон қарорига

ИЛОВА

МЕҲНАТ ДАФТАРЧАСИ

Ўзбекистон Республикаси герби                               ГТ-1 N 0000000

Фамилияси, исми ва отасининг исми__________________________________

___________________________________________________________________

___________________________________________________________________

Туғилган вақти ____________________________________________________

(йил, ой, кун)

Маълумоти ________________________________________________________

(тугалланмаган умумий ўрта, умумий ўрта, тугалланмаган ҳунар-техника,

ҳунар-техника, тугалланмаган ўрта махсус (касб-ҳунар), ўрта махсус

(касб-ҳунар), тугалланмаган олий, олий, таянч олий

(бакалавр), олий (магистр))

Касби, мутахассислиги______________________________________________

Тўлдирилган санаси 19____йил "_____"_______________________________

Дафтарча эгасининг имзоси _________________________________________

___________________________________________________________________

М.Ў.

Меҳнат дафтарчаларини беришга масъул

бўлган шахснинг имзоси, фамилияси,

исми ва отасининг исми

________________________________________

(имзо аниқ бўлиши керак)

Иши тўғрисидаги маълумотлар

Рағбатлантириш тўғрисидаги маълумотлар ГТ-1 N