Ўзбекистон Республикаси Вазирлар Маҳкамасининг 06.12.2012 й. 344-сон "Аудиовизуал асарларни, фонограммалар ва ЭҲМ учун яратилган дастурларни такрорлаш, сотиш, прокатга бериш, шунингдек фонограммаларни тайёрлаш бўйича фаолиятни амалга ошириш ҳуқуқи учун лицензиялар ўз вақтида расмийлаштирилишини таъминлаш чора-тадбирлари тўғрисида"ги Қарори

Funksiyani amalga oshirishning imkoni yo`q

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

06.12.2012 й.

N 344

АУДИОВИЗУАЛ АСАРЛАРНИ,

ФОНОГРАММАЛАР ВА ЭҲМ УЧУН ЯРАТИЛГАН

ДАСТУРЛАРНИ  ТАКРОРЛАШ,  СОТИШ,  ПРОКАТГА

БЕРИШ, ШУНИНГДЕК ФОНОГРАММАЛАРНИ ТАЙЁРЛАШ

БЎЙИЧА ФАОЛИЯТНИ АМАЛГА ОШИРИШ ҲУҚУҚИ УЧУН

ЛИЦЕНЗИЯЛАР ЎЗ ВАҚТИДА РАСМИЙЛАШТИРИЛИШИНИ

ТАЪМИНЛАШ ЧОРА-ТАДБИРЛАРИ ТЎҒРИСИДА

Аудиовизуал асарларни, фонограммалар ва ЭҲМ учун яратилган дастурларни такрорлаш, сотиш, прокатга бериш, шунингдек фонограммаларни тайёрлаш бўйича фаолиятни амалга ошириш ҳуқуқи учун лицензиялар ўз вақтида расмийлаштирилишини таъминлаш мақсадида Вазирлар Маҳкамаси ҚАРОР ҚИЛАДИ:

1. Вазирлар Маҳкамасининг 2012 йил 15 мартдаги 72-сон қарори билан тасдиқланган Аудиовизуал асарларни, фонограммалар ва ЭҲМ учун яратилган дастурларни такрорлаш, сотиш, прокатга бериш, шунингдек фонограммаларни тайёрлаш бўйича фаолият турларини лицензиялаш тўғрисидаги низомда назарда тутилган талаблар бажарилишини назорат қилиш, шу жумладан белгиланган тартибда расмийлаштирилган лицензияларни имзолаш вақтинча Ўзбекистон Республикаси Бош вазирининг ўринбосари А.И. Икрамов зиммасига юклансин.

2. Ўзбекистон Республикаси Бош вазирининг ўринбосари А.И. Икрамов Бош вазирнинг ўринбосари - Ахборот тизимлари ва телекоммуникациялар масалалари комплекси раҳбари тайинлангунга қадар ушбу қарорнинг 1-бандига мувофиқ функциялар бажарилишини таъминласин.

Ўзбекистон Республикасининг Бош вазири                          Ш. Мирзиёев

"Ўзбекистон Республикаси қонун ҳужжатлари тўплами", 2012 йил, 50-сон, 558-модда