Ўзбекистон Республикаси Вазирлар Маҳкамасининг 18.03.1993 й. 143-сон "Ўзбекистон Республикасида итчиликни такомиллаштириш чора-тадбирлари тўғрисида"ги Қарори

Funksiyani amalga oshirishning imkoni yo`q

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

18.03.1993 й.

N 143

ЎЗБЕКИСТОН РЕСПУБЛИКАСИДА

ИТЧИЛИКНИ ТАКОМИЛЛАШТИРИШ

ЧОРА-ТАДБИРЛАРИ ТЎҒРИСИДА

Итчилик соҳасида давлат манфаатларини таъминлаш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Кинология федерациясини итчиликда бош ташкилот деб эътроф этилсин.

2. Ўзбекистон Республикаси Кинология федерациясига урчитиб кўпайтириладиган итлар зоти бўйича ягона насл дафтарини юритиш, ягона намунадаги насабнома бериш, мамлакатимизнинг ит зотлари бўйича стандартларини тасдиқлаш, итларни кўпайтириш, экспертиза қилиш ва ўргатиш қоидаларини белгилаш, итлар чет элларга олиб кетилеётганда кинология назоратини амалга ошириш, эксперт-кинологларни аттестациядан ўтказиш бўйича алоҳида ҳуқуқлар берилсин.

3. Белгилаб қўйилсинки, Ўзбекистон Республикаси Кинология федерацияси Халқаро Кинология федерациясида Ўзбекистон Республикасининг манфаатларин ҳимоя қилади.

4. Ўзбекистон Республикаси Кинология федерациясииинг мазкур қарор билан берилган ҳуқуқлар доирасидаги фаолиятини назорат қилиш Ўзбекистон Республикаси Қишлоқ хўжалиги вазирлиги зиммасига юклатилсин.

Ўзбекистон Республикасининг Бош вазири                                     А. Муталов