Ўзбекистон Республикаси Вазирлар Маҳкамасининг 15.05.1998 й. 212-сон "Ўзбекистон Республикаси Ер кодексини, "Қишлоқ хўжалиги кооперативи (ширкат хўжалиги) тўғрисида"ги, "Фермер хўжалиги тўғрисида"ги, "Деҳқон хўжалиги тўғрисида"ги Ўзбекистон Республикаси қонунларини ҳаётга татбиқ этиш чора-тадбирлари ҳақида"ги Қарори

Funksiyani amalga oshirishning imkoni yo`q

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

15.05.1998 й.

N 212

ЎЗБЕКИСТОН РЕСПУБЛИКАСИ

ЕР КОДЕКСИНИ, "ҚИШЛОҚ ХЎЖАЛИГИ КООПЕРАТИВИ

(ШИРКАТ   ХЎЖАЛИГИ)   ТЎҒРИСИДА"ГИ,   "ФЕРМЕР

ХЎЖАЛИГИ ТЎҒРИСИДА"ГИ, "ДЕҲҚОН ХЎЖАЛИГИ

ТЎҒРИСИДА"ГИ ЎЗБЕКИСТОН РЕСПУБЛИКАСИ

ҚОНУНЛАРИНИ ҲАЁТГА ТАТБИҚ ЭТИШ

ЧОРА-ТАДБИРЛАРИ ҲАҚИДА

Қишлоқ хўжалигида ўтказилаётган иқтисодий ислоҳотларнинг амалийлиги ва самарадорлигини юксалтириш, Ўзбекистон Республикаси Олий Мажлисининг ўн биринчи сессиясида қабул қилинган Ўзбекистон Республикаси Ер кодексини, "Қишлоқ хўжалиги кооперативи (ширкат хўжалиги) тўғрисида"ги, "Фермер хўжалиги тўғрисида"ги, "Деҳқон хўжалиги тўғрисида"ги Ўзбекистон Республикаси Қонунларини ҳаётга татбиқ этиш жараёнларини давлат назоратида ушлаш ҳамда бу муҳим масалани амалга оширишда ўзибўларчилик ва ўзбошимчаликка йўл қўймаслик мақсадида Вазирлар Маҳкамаси ҚАРОР ҚИЛАДИ:

2. Республика комиссияси Ўзбекистон Республикасининг мазкур қонунларини ҳаётга татбиқ этиш бўйича меъёрий-ҳуқуқий ҳужжатлар ҳамда Вазирлар Маҳкамасининг тегишли қарорлари лойиҳаларини тайёрлашни бир ярим ой муддатда таъминласин.

Белгилаб қўйилсинки, ушбу меъёрий-ҳуқуқий ҳужжатларда ва Вазирлар Маҳкамасининг тегишли қарорларида назарда тутилган тадбирларнинг босқичма-босқич амалга оширилиши тартиби, шарт-шароитлари ва муддатлари кўрсатилсин.

3. Республика комиссияси 1998 йил 1 июлгача Ўзбекистон Республикаси Ердан фойдаланиш ва ер унумдорлигини сақлаш давлат қўмитасини тузиш тўғрисида Ўзбекистон Республикаси  Президентининг Фармони ва мазкур Қўмита фаолияти тўғрисида Вазирлар Маҳкамаси қарори лойиҳаларини тайёрласин.

4. Ўзбекистон Республикаси Адлия вазирлиги юқорида қайд этилган меъёрий-ҳуқуқий ҳужжатлар лойиҳаларини тегишли тартибда ҳуқуқий экспертизадан ўтказишни таъминласин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари И. Жўрабеков зиммасига юклансин.

Вазирлар Маҳкамасининг Раиси                                                 И. Каримов