ЎзР Республика бюджети, Қорақалпоғистон Республикаси бюджети ва маҳаллий бюджетлар ижроси бўйича якуний ўзаро ҳисоб-китобларни ўтказиш бўйича Услубий кўрсатмалар тўғрисида (ЎзР МВ 31.12.2008 й. ЁТ/03-04-04/203-сон Хати)

Функцияни амалга оширишнинг имкони йўқ

ЎЗБЕКИСТОН РЕСПУБЛИКАСИ

МОЛИЯ ВАЗИРЛИГИНИНГ

31.12.2008 й.

N ЁТ/03-04-04/203

Ўзбекистон Республикаси Президентининг 2008 йил 29 декабрдаги ПҚ-1024-сонли “Ўзбекистон Республикасининг 2008 йилги асосий макроиқтисодий кўрсаткичлари прогнози ва Давлат бюджети параметрлари тўғрисида”ги Қарорининг ижросини ҳамда Ўзбекистон Республикаси, Қорақалпоғистон Республикаси бюджети ва маҳаллий бюджетлар ижроси бўйича якуний ўзаро ҳисоб-китобларни муваффақиятли ўтказилишини таъминлаш мақсадида, Ўзбекистон Республикаси Молия вазирлиги томонидан “Ўзбекистон Республикаси, Қорақалпоғистон Республикаси бюджети ва маҳаллий бюджетлар ижроси бўйича якуний ўзаро ҳисоб-китобларни ўтказиш бўйича услубий кўрсатмалар” ишлаб чиқилди (илова қилинади).

Юқоридагиларни қайд қилиб, Ўзбекистон Республикаси Молия вазирлиги Сизлардан ушбу Услубий кўрсатмаларни Қорақалпоғистон Республикаси, вилоятлар ва Тошкент шаҳар молия бошқармаларида ҳамда туман (шаҳар) молия бўлимларида, шунингдек ҳудудий ғазначилик бўлинмаларида ижросини таъминланишини назоратга олишингизни сўрайди.

Ахборот ҳисоблаш маркази ҳудудий молия органлари билан биргаликда ушбу Услубий кўрсатмалар талабларидан келиб чиққан ҳолда, Қорақалпоғистон Республикаси ва маҳаллий бюджетлар ижроси бўйича ҳудудий молия органларидаги мавжуд компьютер дастурига тегишли ўзгартиришлар киритилишини таъминлаш юклатилади.

Илова ____ вароқда

Вазир ўринбосари                                                                   Ё. Турсунов

Молия вазирлигининг

2008 йил 31 декабрдаги

ЁТ/03-04-04/ 203-сонли хатига

ИЛОВА

Ўзбекистон Республикаси республика бюджети,

Қорақалпоғистон Республикаси бюджети ва маҳаллий

бюджетлар ижроси бўйича якуний ўзаро

ҳисоб-китобларни ўтказиш бўйича

УСЛУБИЙ КЎРСАТМАЛАР

Мазкур услубий кўрсатма Ўзбекистон Республикаси Президентининг 2008 йил 29 декабрдаги ПҚ-1024-сонли “Ўзбекистон Республикасининг 2009 йилги асосий макроиқтисодий кўрсаткичлари прогнози ва Давлат бюджети параметрлари тўғрисида”ги Қарорига асосан ишлаб чиқилган бўлиб, ҳисобот даврининг охирида (2008 йилнинг 31 декабр ҳолатига) бюджетлар ўртасидаги бюджет ссудалари ва ўзаро ҳисоб-китоблар бўйича бўлган қарздорлик қолдиқларини 2009 йил январ ойида узиш ва ушбу операцияларни 2008 ҳисобот йилида акс эттириш тартибини белгилайди.

I. Якуний ҳисоб-китобларни ўтказиш учун

вақтинчалик субсчётларнинг қўлланиш тартиби

Ушбу якуний ҳисоб-китобларни ҳисобда акс эттириш учун қуйидаги вақтинчалик субсчётлар қўлланилади:

а) Республика бюджети билан Қорақалпоғистон Республикаси, вилоятлар ва Тошкент шаҳар бюджетлари ўртасидаги ҳисоб-китоблар учун:

б) Қорақалпоғистон Республикаси, вилоятлар ва Тошкент шаҳар бюджетлари билан туман (шаҳар) бюджетлари ўртасида ҳисоб-китоблар учун:

II. Якуний ўзаро ҳисоб-китобларни

бухгалтерия ёзувида акс эттирилиши

а) Республика бюджети билан Қорақалпоғистон Республикаси, вилоятлар ва Тошкент шаҳар бюджетлари ўртасида ҳисоб-китоблар.

Республика бюджетидан олинган (лекин, қайтарилмаган) бюджет ссудаси қолдиғи миқдорига қуйидаги бухгалтерия проводкаси амалга оширилади:

Республика бюджетига ўзаро ҳисоб-китоблар бўйича бўлган қарздорлик қолдиғи миқдорига:

Республика бюджетининг маҳаллий бюджетларга ўзаро ҳисоб-китоблар бўйича бўлган қарздорлик миқдорига:

Юқоридаги берилган бухгалтерия проводкалари тегишли китобларда (“Бош-журнал” 1-шакл ҳамда “Ўзаро ҳисоб-китоблар” 4-шакл китоблари) 2008 йил ҳолатига якуний айланмагача акс эттирилади.

Янги молия йилининг январ ойида ушбу маблағларни тўлов топшириқномаси асосида бюджетларга ўтказилганда, ушбу бюджетлар бухгалтерияси томонидан қуйидаги бухгалтерия проводкаси амалга оширилади:

Республика бюджетига бюджет ссудалари ўтказилганда:

Республика бюджетига ўзаро ҳисоб-китоблар бўйича қарз миқдори ўтказилганда:

Республика бюджетидан маҳаллий бюджетларга ўзаро ҳисоб-китоб қарздорлик миқдорлари ўтказилганда:

Юқоридаги берилган бухгалтерия проводкалари “Бош-журнал” китобида 2008 йил ҳолатига якуний айланмадан сўнг акс эттирилади.

б) Қорақалпоғистон Республикаси, вилоятлар ва Тошкент шаҳар бюджетлари билан туман (шаҳар) бюджетлари ўртасида ҳисоб-китоблар

Юқоридаги берилган бухгалтерия проводкалари тегишли китобларда (“Бош-журнал” 1-ф шакл ҳамда “Ўзаро ҳисоб-китоблар” 4-ф шакл китоблари) 2008 йил ҳолатига якуний айланмагача акс эттирилади.

Янги молия йилининг январ ойида ушбу маблағларни тўлов топшириқномаси асосида бюджетларга қайтарилганда, ушбу бюджетлар бухгалтерияси томонидан қуйидаги бухгалтерия проводкаси амалга оширилади:

Қорақалпоғистон Республикаси, вилоятлар ва Тошкент шаҳар бюджетларидан туман (шаҳар) бюджетига ўтган йилги қарздорлик миқдорлари ўтказилишида:

Юқоридаги берилган бухгалтерия проводкалари “Бош-журнал” китобида 2008 йил ҳолатига якуний айланмадан сўнг акс эттирилади.

III. Ҳисоб-китобларни бюджет ижроси

бўйича ҳисоботларда акс эттирилиши

Якуний айланмалар бўйича янги молия йилининг январ ойида ўтказилган маблағлар, январ ойининг айланмалари миқдорларидан (ҳисобварақ кўчирмалари бўйича) чиқарилиб ташланади, якуний айланмалар бўйича айланмалар миқдори ўтган йил декабр ойининг охирги мемориал ордерига, мемориал ордер сонидан сўнг “қўшимча ой якуний айланмалари” сўзлари ёзилган ҳолда кўрсатилади.

Бошқа бюджетдан ўзаро ҳисоб-китоблар бўйича қарздорлик ҳисобидан олинган маблағлар бюджет ижроси ҳақидаги ҳисоботда бюджет таснифининг 30 бўлим 9-12 параграфи бўйича акс эттирилади.

Қарздорлик миқдорининг ўтказилиши харажатларнинг бюджет ижроси ҳақидаги ҳисоботда бюджет таснифининг 254 бўлим 9-12 параграфи бўйича акс эттирилади.

Қорақалпоғистон Республикаси, Тошкент шаҳар, вилоятлар ва туман (шаҳар) бюджетлар бўйича айланма касса маблағларнинг сақланиши ва эркин маблағларни мавжудлиги 2009 йил 1 январ ҳолатига 011 субсчётлардаги якуний айланмалардан сўнг ҳисобланган қолдиқлар асосида аниқланади.

Янги молия йили бошидаги маҳаллий бюджет ҳудудий ғазначилик ҳисобварағидаги қолдиқлар бўйича ҳисобот кўрсаткичлари ва тегишли хизмат кўрсатувчи банклар (ғазначилик бўлинмалари) томонидан берилган маълумотлар ўртасидаги фарқ миқдори бўйича молия органлари томонидан ҳудудий бюджетларнинг ижроси ҳақидаги йиллик ҳисоботнинг тушунтириш хатида аниқлик киритилади.

Қорақалпоғистон Республикаси Молия вазири, вилоятлар ва Тошкент шаҳар молия ҳамда ғазначилик бошқармалари бошлиқлари Ўзбекистон Республикаси бюджети ва қуйи бюджетлар билан ҳамма ўзаро ҳисоб-китобларни амалга ошириш учун ҳамда қуйи бюджетларга берилган бюджет ссудаларини тўлиқ қайтарилишини таъминлаш учун шахсан жавобгардир.