Ўзбекистон Республикаси Савдо-саноат палатаси ҳузуридаги Ҳакамлик судига ҳакамлик судьяларини қабул қилиш тўғрисида Низом (ЎзР ССП Ижроия қўмитасининг 07.01.2008 й. 55-сон Қарори билан тасдиқланган)

Функция недоступна

Ўзбекистон Республикаси

Савдо-саноат палатаси

Ижроия қўмитасининг

07.01.2008 й. 55-сон Қарори билан

ТАСДИҚЛАНГАН

Ўзбекистон Республикаси Савдо-саноат

палатаси ҳузуридаги Ҳакамлик судига ҳакамлик

судьяларини қабул қилиш тўғрисида

НИЗОМ

I. УМУМИЙ ҚОИДАЛАР

1. Мазкур Низом Ўзбекистон Республикаси “Ҳакамлик судлари тўғрисида” ги қонуни, Ўзбекистон Республикаси Савдо-саноат палатаси ҳузуридаги Ҳакамлик судининг Низоми (кейинги ўринларда - Ҳакамлик суди), Ҳакамлик судининг Регламентига мувофиқ ишлаб чиқарилган бўлиб, ҳакамлик судьялигига номзодларни танлаш, шунингдек, ҳакамлик судьяларни Ҳакамлик судининг ҳакамлик судьялари рўйхатига киритиш ва рўйхатдан чиқариш тартибларини белгилайди.

2. Ҳакамлик судьялигига номзодларнинг танлови ва уларнинг дастлабки текшируви Ҳакамлик судига ҳакамлик судьялигига номзодларни танлаш бўйича Ўзбекистон Республикаси Савдо-саноат палатаси Комиссияси томонидан амалга оширилади (кейинги ўринларда - Комиссия).

3. Ҳакамлик судьясини Ҳакамлик судининг ҳакамлик судьялари рўйхатига киритиш ёки чиқариш тўғрисидаги қарор Ўзбекистон Республикаси Савдо-саноат палатасининг Ижроия қўмитаси томонидан, Комиссияни хулосасига асосан, қабул қилинади.

II. КОМИССИЯ ФАОЛИЯТИНИ ТАШКИЛЛАШТИРИШ

4. Комиссия доимий фаолият кўрсатувчи коллегиал орган бўлиб, унинг вазифаларига Ҳакамлик судининиг ҳакамлик судьялиги лавозимига танлов ва судьяларни тавсия қилиш киради.

5. Комиссиянинг шахсий таркиби Ҳакамлик судининг ишчиларидан ва фаолият кўрсатувчи ҳакамлик судьяларидан жами олти кишидан иборат бўлиб, Ижроия қўмитасини қарори билан тасдиқланади. Комиссиянинг таркибига лавозими бўйича Ҳакамлик судининг раиси, раиснинг ўринбосари ва маъсул котиб кирадилар.

6. Комиссия ўз фаолиятини жамоатчилик асосларида олиб боради. Айрим ҳолларда, Комиссия бажараётган ишни оғирлигидан келиб чиққан ҳолда, Ижроия қўмитасининг қарори билан Комиссиянинг аъзоларига меҳнат ҳақи белгиланиши мумкин.

7. Комиссиянинг асосий вазифалари қ