Ўзбекистон алоқа ва ахборотлаштириш агентлиги бош директорининг 19.07.2004 й. 208-сон "Ўзбекистон Республикасининг берилган радиочастоталарини халқаро-ҳуқуқий ҳимоя қилиш тўғрисида низомни тасдиқлаш ҳақида"ги Буйруғи (АВ томонидан 06.08.2004 й. 1397-сон билан рўйхатга олинган)

Функцияни амалга оширишнинг имкони йўқ

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

06.08.2004 й.

N 1397

ЎЗБЕКИСТОН

АЛОҚА ВА АХБОРОТЛАШТИРИШ

АГЕНТЛИГИ БОШ ДИРЕКТОРИНИНГ

19.07.2004 й.

N 208

БУЙРУҒИ

Ўзбекистон Республикасининг берилган

радиочастоталарини халқаро-ҳуқуқий ҳимоя

қилиш тўғрисида низомни тасдиқлаш ҳақида

(2004 йил 16 августдан кучга киради)

Ўзбекистон Республикасининг "Радиочастоталар спектри тўғрисида"ги Қонуни, Ўзбекистон Республикаси Президентининг 2003 йил 9 декабрдаги "Республика давлат бошқаруви органлари тизимини такомиллаштириш тўғрисида"ги ПФ-3358-сон Фармони ва Ўзбекистон Республикаси Вазирлар Маҳкамасининг 2004 йил 7 майдаги "Ўзбекистон алоқа ва ахборотлаштириш агентлиги фаолиятини такомиллаштириш чора-тадбирлари тўғрисида"ги 215-сон қарорига мувофиқ, БУЮРАМАН:

1. "Ўзбекистон Республикасининг берилган радиочастоталарини халқаро-ҳуқуқий ҳимоя қилиш тўғрисидаги низом" иловага* мувофиқ тасдиқлансин.

2. Мазкур буйруқ Ўзбекистон Республикаси Адлия Вазирлигида давлат рўйхатидан ўтганидан ўн кун кейин кучга кирган деб ҳисоблансин.

3. Ушбу буйруқ кучга кирган кундан бошлаб амалда бўлган ЎзАПТнинг 1999 йил 22 март 123-сон буйруғи билан тасдиқланган ҳамда Ўзбекистон Республикаси Адлия вазирлигида (1999 йил 3 март, рўйхат рақами 659) рўйхатдан ўтган "Ўзбекистон Республикасининг берилган радиочастоталарини халқаро-ҳуқуқий муҳофаза қилиш тўғрисидаги низом" ўз кучини йўқотган деб ҳисоблансин.

4. Мазкур буйруқнинг бажарилишини назорат қилиш Бош директор ўринбосари А.Д. Хаджаев зиммасига юклансин.

Ўзбекистон алоқа ва ахборотлаштириш

агентлигининг Бош директори                                            А. Арипов

*) Илова рус тилидаги матнда берилади.

"Ўзбекистон Республикаси қонун ҳужжатлари тўплами", 2004 йил, 31-сон, 362-модда.