Молия вазирлигининг 94-сон, Давлат солиқ қўмитасининг 2004-46-сон "2004-2009 йилларда мактаб таълимини ривожлантириш Дастурини молиялаш учун йўналтирилаётган маблағларни солиқ солиш базасидан камайтириш юзасидан хўжалик юритувчи субъектлар учун даромад (фойда) солиғи бўйича имтиёзларни қўллаш тартиби тўғрисида низомни тасдиқлаш ҳақида"ги 13.07.2004 й. Қарори (АВ томонидан 21.07.2004 й. 1387-сон билан рўйхатга олинган)

Функцияни амалга оширишнинг имкони йўқ

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

21.07.2004 й.

N 1387

ҚАРОРИ

2004-2009 йилларда мактаб таълимини ривожлантириш

Дастурини молиялаш учун йўналтирилаётган маблағларни

солиқ солиш базасидан камайтириш юзасидан хўжалик

юритувчи субъектлар учун даромад (фойда) солиғи

бўйича имтиёзларни қўллаш тартиби тўғрисида

низомни тасдиқлаш ҳақида

(2004 йил 31 июлдан кучга киради)

Ўзбекистон Республикаси Президентининг 2004 йил 21 майдаги "2004-2009 йилларда мактаб таълимини ривожлантириш давлат умуммиллий дастури тўғрисида"ги ПФ-3431-сон Фармонига (Ўзбекистон Республикаси қонун ҳужжатлари тўплами, 2004 йил, 21-сон, 250-модда) асосан ҚАРОР ҚИЛАМИЗ:

1. 2004-2009 йилларда мактаб таълимини ривожлантириш Дастурини молиялаш учун йўналтирилаётган маблағларни солиқ солиш базасидан камайтириш юзасидан хўжалик юритувчи субъектлар учун даромад (фойда) солиғи бўйича имтиёзларни қўллаш тартиби тўғрисида низом иловага мувофиқ тасдиқлансин.

2. Мазкур қарор Ўзбекистон Республикаси Адлия вазирлигида давлат рўйхатидан ўтган пайтдан бошлаб ўн кун муддатдан сўнг кучга киради.

Молия вазири ўринбосари                                 Д. Қўчқоров

Давлат солиқ қўмитаси раиси                            Б. Парпиев

"Ўзбекистон Республикаси қонун ҳужжатлари тўплами", 2004 йил, 29-сон, 338-модда.