Тошкент шаҳар хокимининг 22.12.2000 й. 718-сон "Тошкент шаҳридаги маъмурий биноларга қўлланиладиган ижара ҳақининг ягона энг кам миқдордаги ставкалари ҳақида"ги Қарори

Функция недоступна

ТОШКЕНТ ШАҲАР ХОКИМИНИНГ

ҚАРОРИ

22.12.2000 й.

N 718

ТОШКЕНТ ШАҲРИДАГИ МАЪМУРИЙ

БИНОЛАРГА ҚЎЛЛАНИЛАДИГАН ИЖАРА

ҲАҚИНИНГ ЯГОНА ЭНГ КАМ МИҚДОРДАГИ

СТАВКАЛАРИ ҲАҚИДА

Тошкент шаҳридаги маъмурий биноларга қўлланиладиган ижара ҳақи ставкаларини, асосий фондларни таъмирлаш учун сарфланадиган харажатлар қийматининг ошиши билан боғлиқ бўлган бугунги кундаги даражасига мувофиқлаштириш, ҳамда кутилаётган ҳаражатлар билан корхона ва ташкилотларнинг ижара ҳақидан тушадиган даромадларини бир русумга солиш мақсадида,

ҚАРОР ҚИЛАМАН:

1. Давлат мулкини бошқариш ва тадбиркорликни қўллаб-қуватлшн давлат қўмитасинииг Тошкент шаҳар ботқармаси билан Бинолардан фойдаланиш Департаменти биргаликда кўриб чиқилган Тошкент шаҳридаги Давлат мулкига қарашли бўлган маъмурий биноларга қўлланиладиган ижара ҳақининг ягона энг кам миқдордаги ставкалари 1-иловага мувофиқ тасдиқлансин.

2. Корхона ва ташкилотларга қўлланиладиган имтиёзли ижара ҳақи ставкалари 2-иловага мувофиқ белгилансин.

3. Тошкент шаҳрининг асосий қатнов йўллари рўйхати 3-иловага мувофиқ тасдикдансин.

4. Бинолардан фойдаланиш Департаменти ва Коммунал-фойдаланиш бошқармаси тасарруфидаги буткул таъмирлашга мухтожлиги сабабли, ижара ҳақи ставкаларига қўлланиладиган оширувчи коэффициентлардан ва эксплуатация харажатларидан 2001 йил 1 январдан 31 декабргача қўлланилмайдиган корхона ва ташкилотлар рўйхати 4-иловага асосан тасдикдансин.

Ушбу корхоналар ва ташкилотлар ўзлари эгаллаган бино ва иншоотларда бажариладиган жорий таъмирлаш ишларини ўз маблағлари ҳисобига бажаришлари инобатга олинсин.

5. Давлат мулкига тегишли биноларни ижарага берувчилар ижара ҳақининг шартнома қийматини белгилашда 1-иловада кўрсатилган маъмурий бинолар учун қўлланиладиган ягона энг кам миқдордаги ижара ставкаларидан таянч сифатида фойдалансинлар.

6. Тошкент шахридаги Давлат мулкига қарашли бўлган маъмурий биноларга қўлланадиган ягона энг кам миқдордаги ижара ҳақи ставкалари 2001 йил 1 январдан кучга киритилсин.

7. Ижарачилар ижара шартномаларидан ташқари умумий фойдаланиш жойлари ва фойдаланилаётган коммунал хизмат харажатларида иштирок этиш учун коммунал фойдаланиш ташкилотлари билан алоҳида ижара шартномалари тузишлари мумкин эканлиги белгилансин.

8. Маъмурий биноларнинг ижара эгаси ҳисобланган ташкилотлар, корхоналар ва Бинолардан фойдаланиш Департаменти:

- амалдаги ижара шартномаларини ўрнатилган тартибда 2001 йил 1 январдан бошлаб қайта тузилишини таъминласинлар;

- коммунал мулкга тегишли объектларини ижарага бериш ва ижара шартномасини тузишни, "Ижарачи"нинг буюртмасига биноан, Ер муносабатларини ва кўчмас мулк кадастрини тартибга солиш Бош бошқармаси томонидан тайёрланган далолатномаларга асосан амалга оширсинлар;

9. Давлат мулкига тегишли биноларнинг эгалари, яъни идоралар, корхоналар ва ташкилотлар тасарруфидаги биноларни ижарага бериш ва ижара шартномаларини тасдиқлаш Бинолардан фойдаланиш Департаменти орқали ўтказилсин. Шунингдек белгилаб қўйилсинки, ижарага берилаётган майдонларга доир маълумотлар учун, майдонлардан шартномада белгиланган мақсадларда фойдаланиш, ижара ҳақидан тўланадиган тўловларнинг ўз вақтида ўтказилиши бўйича бино эгалари Ўзбекистон Республикаси Президентининг 1995 йил 12 майдаги ПФ-1154-сонли, 1996 йил 9 августдаги ПФ-1504-сонли, 1998 йил 4 февралдаги ПФ-1923-сонли ва 1998 йил 4 мартдаги ПФ-1938-сонли Фармонларига асосан шахсан маъсулдирлар;

- ижара шартномаси шартлари бажарилиши устидан қатъий назорат ўрнатсинлар ва унинг бузилиш ҳоллари аникланганда, шартномани ўрнатилган тартибда бекор қилиш ва майдонларни бўшатиш чораларини кўрсинлар.

10. Тошкент шаҳар ҳокимининг илгари қабул қилинган 1999 йил 31 декабрдаги 761-сонли қарори ўз кучини йўқотган деб ҳисоблансин.

11. Мазкур қарор халқ депутатлари Тошкент шаҳар Кенгашининг навбатдаги сесиясига тасдиқлаш учун такдим этилсин.

12. Ушбу қарорнинг бажарилишини назорат қилиш Тошкент шаҳар ҳокимининг биринчи ўринбосари Р.М.Шоабдурахмоновга юклатилсин.

Тошкент шаҳар ҳокими                    К.Н.Тўлаганов

Тошкент шаҳар ҳокимининг

2000 йил 22 декабрдаги 718-сонли

"Тошкент шаҳридаги маъмурий биноларга

қўлланиладиган ягона энг кам микдордаги

ижара ҳақи ставкалари тўғрисида"ги

қарорига 1-сонли илова

ТОШКЕНТ ШАҲАР ДАВЛАТ МУЛКИГА

ТЕГИШЛИ БЎЛГАН МАЪМУРИЙ БИНОЛАРГА

ҚЎЛЛАНИЛАДИГАН ЯГОНА ЭНГ КАМ

МИҚДОРДАГИ ИЖАРА ҲАҚИ

СТАВКАЛАРИ

(бир йилда умумий майдоннинг 1 кв.метри учун сўмда)

Ижара ҳақи ставкаларига қўлланиладиган оширувчи коэффициентлар:

1. Худудий зона коэффициенти - Кх (Тошкент шаҳар ҳокимининг 1996 иил 13 июндаги 170-сонли қарорида белгиланган чегараларга асосан)

2. Маъмурий бинонинг ҳолати ва қурилиш турига кўра қўлланиладиган коэффициентлар:

2.1. Бинонинг қурилишга кўра тури (Кқ):

- алоҳида турган бино - 1.0

- бинога тақаб қурилган - 0.8

- ярим ертўла, ертўла - 0.6

- чердак, мансарда- 0.5

2.2. Ёндош ҳудудидан фойдаланиш коэффициенти (Кёҳ):

- ер майдони мавжуд бўлганда - 0.3

2.3. Тижорат йўлида фойдаланишга қулайлиги (Кт):

- метро станциясидан 200 метр радиус атрофида - 0.7

- асосий қатнов йўлларида жойлашгани - 0.6 (3-иловага мувофиқ)

- иккинчи даражали транснорт қатнови йўлларига чиқиш жойи - 0.5

Маъмурий бинонинг коэффициентлар қўшилади.

Ижара ҳақини ҳисоблашда ижара ҳақининг таянч, ставкаси аниқланади:

Тс = Бс х Кх х (Кқ + Кёҳ + Кт)

бунда: Тс - бир йилга 1 кв.м. учун ижара ҳақининг таянч ставкаси;

Бс - 1-иловага мувофиқ корхонанинг фаолият турига кўра бир йилга 1 кв.м. учун энг кам бошланғич ижара ставкаси.

Изоҳ: а) Фойдаланиш учун харажатлар ҳамда коммунал хизмат харажатларини қонлаш, бинонинг тасарруф эгаси томонидан ижарачилардан алоҳида, ижара ҳақидан ташқари йиғилади;

б) Тошкент шаҳри ва туман ҳокимиятларининг структура бўлинмалари ҳисобланган ижарачиларга, бинолардан ишлаб чиқариш мақсадларида ва тайёр ишлаб чиқарилган махсулотларини сақлаш учун фойдаланиладиган биноларга, "Тошшахармаишийхизматуюшма" таркибига кирган ахолига маиший хизмат кўрсатадиган ташкилотларга ва жисмоний шахсларга ижара ҳақига кўлланиладиган оширувчи коэффицентлар қўлланилмайди;

в) Ўзбекистон Республикаси Вазирлар Маҳкамасининг 2000 йил 24 июндаги 242-сонли қарорини инобатга олиб, хуқумат қарорига асосан савдо корхоналарининг 8 хил озиқ-овқат махсулотлари ва нон махсулотлари билан савдо қилувчи, ҳамда озиқ-овқат дўконларининг омбори сифатида ишлатиладиган хоналарига қўлланиладиган ижара ҳақининг таянч ставкасига 1,4 камайтириш коэффициенти қўлланилади;

г) Кўрсатилган ижара ҳақи ставкаларига, қўшимча қиймат солиғи ва ер солиғи киритилмаган бўлиб, ушбу солиқлардан озод қилинган ижарачилардан ташқари Ўзбекистон Республикаси амалдаги қонунларига асосан алохида тўланади;

д) Уй-жой мухандислик коммунал қурилмаларини қайта тиклаш зарур бўлган ертўла, бино ва иншоотларини таъмирлаш, қайта тиклаш (уй-жой режасини қайта бажариш) ишларига маълум маблағ кетиши ва ўзлаштириш ишлари ижарачи ҳисобидан бажарилган тақдирда, бажарилган ишлар учун ажратилган маблағ миқдорига қараб, 4 (тўрт) гача камайтириш коэффициенти қўлланилиши мумкин;

е) Марказлаштирилган тартибда (инфляция жараёнларни ҳисобга олган ҳолда) ижара ҳақи ва коммунал тўловларга индексацияли коэффициентлар жорий қилинган пайтда ижарачига ижара берувчи (бинонинг тасарруф эгаси) томонидан ёзма равишда хабар қилинади ва шартномада кўрсатилган муддатларга асосан керакли тўловларни бажаради;

ж) Ижара ҳақи ўлчами Ўзбекистон  Республикаси “Ижара ҳақида”ги Қонунига мувофиқ ижарачи ва ижарага берувчининг ўзаро келишувига асосан белгиланади. 1-сонли иловага асосан белгиланган энг кам миқдордаги тавсия этилган ўлчам бўлиб, ижара ҳақининг шартномавий қийматини аниқлашда таянч сифатида қўлланилади.

Бинолардан фойдаланиш

Департаменти бошлиғи                            Т.Ш.Мирхидоятов

Тошкент шаҳар ҳокимининг

2000 йил 22 декабрдаги 718-сонли

"Тошкент шаҳридаги маъмурий биноларга

қўлланиладиган ягона энг кам микдордаги

ижара ҳақи ставкалари тўғрисида"ги

қарорига 2-сонли илова

ТАШКИЛОТ, МУАССАСА ВА КОРХОНАЛАРГА

ҚЎЛЛАНАДИГАН ИМТИЁЗЛИ ИЖАРА

ҲАҚИ СТАВКАЛАРИ

(бир йилда умумий майдонининг 1 кв. метри учун сўмда)

Изоҳ: а) Фойдаланиш харажатлари ҳамда коммунал хизмат харажатларини қонлаш, бинонинг тасарруф эгаси томонидан ижарачилардан алоҳида (шу жумладан, ижара ҳақидан озод қилинганлардан ҳам) ижара ҳақидан ташқари йиғилади, "Ўзбекистон Чернобилчилари" уюшмасининг Республика, шаҳар ва туман бўлимларидан ташқари;

б) Марказлаштирилган тартибда (инқироз жараёнлари ҳисобга олинган ҳолда) ижара ҳақи ва коммунал тўловларга индексацияли коэффициентлар жорий этилганда ижарага берувчи (бинонинг тасарруф эгаси) томон ёзма равишда ижарачига хабар қилади ва ижарачи шартномада кўрсатилган муддатларга мувофиқ керакли тўловларни бажаради;

в) Кўрсатилган ижара ҳақи ставкаларига қўшимча нарх солиғи ва ер солиғи киритилмаган бўлиб, Ўзбекистон Республикаси амалдаги қонунларига асосан маълум даражадаги ижарачилар томонидан тўланади.

Бинолардан фойдаланиш

Департаменти бошлиғи                         Т.Ш.Мирхидоятов

Тошкент шаҳар ҳокимининг

2000 йил 22 декабрдаги 718-сонли

"Тошкент шаҳридаги маъмурий биноларга

қўлланиладиган ягона энг кам микдордаги

ижара ҳақи ставкалари тўғрисида"ги

қарорига 3-сонли илова

ТОШКЕНТ ШАҲРИДАГИ АСОСИЙ

ҚАТНОВ ЙЎЛЛАРИ РЎХАТИ

Бинолардан фойдаланиш

Департаменти бошлиғи                         Т.Ш.Мирхидоятов

Тошкент шаҳар ҳокимининг

2000 йил 22 декабрдаги 718-сонли

"Тошкент шаҳридаги маъмурий биноларга

қўлланиладиган ягона энг кам микдордаги

ижара ҳақи ставкалари тўғрисида"ги

қарорига 4-сонли илова

Бинолардан фойдаланиш

Департаменти бошлиғи                     Т.Ш.Мирхидоятов