Давлат божхона қўмитасининг 02/8-21-сон, Марказий банкининг 121 В-3-сон, Молия вазирлигининг 3-сон "Божхона тўловларини тўлаш муддатларини кечиктириш ва бўлиб-бўлиб тўлашга имкон бериш бўйича йўриқномага қўшимча киритиш тўғрисида"ги 29.12.2001 й. Қарори (АВ томонидан 10.01.2002 й. 697-3-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

10.01.2002 й.

N 697-3

ЎЗБЕКИСТОН РЕСПУБЛИКАСИ

МОЛИЯ ВАЗИРЛИГИНИНГ

29.12.2001 й.

N 3

ҚАРОРИ

Божхона тўловларини тўлаш муддатларини

кечиктириш ва бўлиб-бўлиб тўлашга имкон бериш

бўйича йўриқномага қўшимча киритиш тўғрисида

(2002 йил 20 январдан кучга киради)

Ўзбекистон Республикаси Вазирлар Маҳкамасининг 2001 йил 10 сентябрдаги "Кичик корхоналар, деҳқон ва фермер хўжаликларига молиялаш, моддий-техника таъминоти, божхона имтиёзлари, банкка оид ва бошқа хизматлар кўрсатиш бўйича қўшимча чора-тадбирлар тўғрисида" 366-сон қарорини бажариш мақсадида ҚАРОР ҚИЛАМИЗ:

Ўзбекистон Республикаси Давлат божхона қўмитаси томонидан 1999 йил 16 мартда 03/8-78-сон билан тасдиқланган, Ўзбекистон Республикаси Марказий банки ва Молия вазирлиги билан 1999 йил 16 мартда 121-В, 24-сон билан келишилган Божхона тўловларини тўлаш муддатларини кечиктириш ва бўлиб-бўлиб тўлашга  имкон бериш бўйича йўриқноманинг (рўйхат рақами 697, 1999 йил 8 апрель) 5-банди қуйидаги мазмундаги хатбоши билан тўлдирилсин:

"Моддий ишлаб чиқариш ва хизматлар кўрсатиш соҳасининг микрофирмалари ва кичик корхоналарига, фермер хўжаликларига, шунингдек юридик шахс мақомига эга деҳқон хўжаликларига 2001 йил 1 октябридан бошлаб ўз эҳтиёжлари учун импорт қилинадиган ускуналар, хом ашё ва моддий ресурслар учун 90 кун муддатга фоиз ундирмасдан божхона тўловларини тўлаш бўйича муддатлари кечиктирилади (божхона расмийлаштируви учун йиғимлар бундан мустасно)".