Бюджет тизими бюджетлари даромадларининг касса ижроси тўғрисидаги Йўриқнома (АВ томонидан 30.03.2016 й. 2771-сон билан рўйхатга олинган 24.03.2016 й. Молия вазирлигининг 20-сон, Давлат солиқ қўмитасининг 2016-14-сон, Давлат божхона қўмитасининг 01-02/8-10-сонли қарори билан тасдиқланган)

Функция недоступна

Ўзбекистон Республикаси

Адлия вазирлигида

2016 йил 30 мартда 2771-сон

билан рўйхатга олинган

Ўзбекистон Республикаси

Молия вазирлиги,

Давлат солиқ қўмитаси ва

Давлат божхона қўмитасининг

2016 йил 24 мартдаги

20, 2016-14, 01-02/8-10-сонли қарорига

ИЛОВА

Бюджет тизими бюджетлари даромадларининг

касса ижроси тўғрисидаги

ЙЎРИҚНОМА

Ушбу Йўриқнома Ўзбекистон Республикасининг Бюджет, Солиқ ва Божхона кодекслари ҳамда Ўзбекистон Республикаси Президентининг 2007 йил 28 февралдаги ПҚ-594-сонли "Давлат бюджетининг ғазна ижроси тизимини янада ривожлантириш чора-тадбирлари тўғрисида"ги қарорига мувофиқ бюджет тизими бюджетлари даромадларининг касса ижроси тартибини белгилайди.

1-БОБ. УМУМИЙ ҚОИДАЛАР

1. Ушбу Йўриқномада қуйидаги асосий тушунчалар қўлланилади:

божхона божи, солиқлар ва йиғимларни ундириш бўйича ваколатли органлар - қонунчилик ҳужжатларига мувофиқ солиқлар, бошқа мажбурий тўловлар, маъмурий жарималар ва молиявий санкцияларни (бундан буён матнда тўловлар деб юритилади) ундирилишини амалга оширувчи органлар;

ортиқча тўланган солиқ суммаси (пеня, жарима) - солиқнинг (пенянинг, жариманинг) тўланган суммаси билан ҳақиқатда тўланиши лозим бўлган суммаси ўртасидаги ижобий фарқ. Солиқнинг (пенянинг, жариманинг) ортиқча тўланган суммаси у илгари ҳисобга олинган ва (ёки) солиқ тўловчига қайтарилган суммаларни, шунингдек солиқ бўйича келгуси тўловлар ҳисобига ўтказиладиган суммаларни ҳисобга олган ҳолда уни ҳисоб-китоб қилиш санасида аниқланади;

ортиқча ундирилган солиқ суммаси - давлат солиқ хизмати органининг ғайриқонуний ҳатти-ҳаракатлари натижасида ортиқча тўланган солиқ суммаси;

хатолик билан тўланган солиқ (пеня, жарима) суммаси - солиқ (пеня, жарима) суммасини тўлаган шахсни ва (ёки) ушбу тўловнинг мақсадини қатъий аниқлаш имкониятини бермайдиган тўлов чоғида хатоликка йўл қўйилган солиқ (пеня, жарима) суммаси. Қайси солиққа (пеняга, жаримага) нисбатан уни тўлаган шахс солиқ тўловчи деб ҳисобланмайдиган шахсдан ёки тўланиши лозим бўлган бюджетдан бошқа бюджетга келиб тушган солиқ (пеня, жарима) суммаси ҳам хатолик билан тўланган деб эътироф этилади;

Ягона ғазна ҳисобварағи (бундан буён матнда ЯҒҲ деб юритилади) - Ўзбекистон Республикаси Молия вазирлиги (бундан буён матнда Молия вазирлиги деб юритилади) томонидан бошқариладиган, бюджет тизими бюджетларининг даромадлари ва бошқа тушумлари киритиладиган ҳамда харажатлари тўланадиган, Ўзбекистон Республикаси Марказий банкида (бундан буён матнда Марказий банк деб юритилади) очилган махсус банк ҳисобварағи;

Ўзбекистон Республикаси Молия вазирлигининг ахборот тизими (бундан буён матнда "ЎРМВ" АТ деб юритилади) - бюджет тизими бюджетларининг бюджет жараёнини комплекс автоматлаштириш, шу жумладан бюджет тизими бюджетлари ижроси билан боғлиқ операцияларни акс эттириш учун мўлжалланган ахборот тизими;

даромадлар бўйича шахсий ғазна ҳисобварақлари - бюджет тизими бюджетлари даромадларининг ғазна ижроси жараёнида тегишли бюджетлар даромадларининг тасдиқланган миқдори, даромадларнинг касса тушумлари ҳажми ва тегишли бюджетларга ва бюджетлардан даромадлар тури ва манбаси бўйича амалга оширилган қайтариш (ҳисобга олиш) суммалари бўйича маълумотларни акс эттириш учун мўлжалланган аналитик ҳисоб регистрлари;

"UzASBO" ДМ - бюджет ташкилотлари томонидан бюджет ҳисоби ва ҳисоботининг юритилишини комплекс автоматлаштириш учун мўлжалланган дастурий мажмуа.

2. Бюджет тизими бюджетлари даромадларининг касса ижроси "ЎРМВ" АТда ЯҒҲни қўллаган ҳолда амалга оширилади.

3. Жисмоний ва мулкчилик шаклидан қатъи назар, юридик шахслардан миллий валютадаги тўловлар Ўзбекистон Республикаси банклари томонидан қабул қилинади ва ЯҒҲга ўтказилади.

4. Бюджет тизими бюджетларига тўловлар тушуми бўйича операциялар ҳисобини юритиш ва кейинчалик уларни бюджет тизими бюджетлари ўртасида тақсимлаш учун Молия вазирлиги томонидан "ЎРМВ" АТда ҳар бир туман, шаҳар учун ҳар бир тўлов тури бўйича божхона божи, солиқлар ва йиғимларни ундириш бўйича ваколатли органлар кесимида даромадлар бўйича шахсий ғазна ҳисобварақлари очилади. Бунда даромадлар бўйича шахсий ғазна ҳисобварағига ўтказилган тўловлар, ушбу Йўриқноманинг 1-иловасига мувофиқ Тўловлар тури таснифидаги 08201 - 08203, 08301 - 08303 тўлов кодлари билан кўрсатилган тўловлардан ташқари, бюджет тизими бюджетлари ўртасида тақсимлангунига қадар бюджет тизими бюджетларига тўловлар контингенти (бундан буён матнда тўловлар контингенти деб юритилади) ҳисобланади.

5. Бюджет тизими бюджетларига тўловлар тўловчилар томонидан ҳар бир тўлов тури бўйича алоҳида тўлов ҳужжатлари билан тўланади ва тегишли даромадлар турлари бўйича тегишли шахсий ғазна ҳисобварақларида акс эттирилган ҳолда тўлиқ ЯҒҲга ўтказилади.

6. Даромадлар бўйича шахсий ғазна ҳисобварақлари "ЎРМВ" АТда очилган кундан бошлаб, шунингдек келгусида уларга ўзгартиришлар киритилган ҳолларда ҳудудий молия органлари бир иш куни мобайнида солиқ ва бошқа мажбурий тўловларни ундириш бўйича ваколатли органларга бу ҳақда хабар беради.

"ЎРМВ" АТ билан божхона божи, солиқлар ва йиғимларни ундириш бўйича ваколатли органлар ва Марказий банк ахборот тизимлари ўртасида идоралараро ўзаро ахборот алмашинуви йўлга қўйилганида даромадлар бўйича очилган шахсий ғазна ҳисобварақлар ва келгусида уларнинг ўзгариши тўғрисидаги маълумот (бундан буён матнда даромадлар бўйича ШҒҲ маълумотномаси деб юритилади) "ЎРМВ" АТдан божхона божи, солиқлар ва йиғимларни ундириш бўйича ваколатли органлар ва Марказий банк ахборот тизимларига автоматик тарзда берилади.

7. Банклар Марказий банкнинг ахборот тизими орқали олинган даромадлар бўйича ШҒҲ маълумотномаси маълумотидан бюджет тизими бюджетлари даромадларига жисмоний ва юридик шахслардан тўловларни қабул қилишда фойдаланадилар.

8. Божхона божи, солиқлар ва йиғимларни ундириш бўйича ваколатли органлар тўловчилар эътиборига ҳудудий молия органларидан олинган маълумотни ва унга келгуси ўзгаришларни етказади.

9. Келиб тушаётган тўловлар Марказий банкдан ЯҒҲга тўловлар суммаси киритилганлиги тўғрисидаги маълумот келиб тушганидан сўнг "ЎРМВ" АТ орқали автоматик режимда тақсимланади.

2-БОБ. ТЎЛОВЛАРДАН БЮДЖЕТ ТИЗИМИ

БЮДЖЕТЛАРИГА АЖРАТМАЛАР МЕЪЁРЛАРИ

10. Тўловлардан бюджет тизими бюджетларига ажратмалар меъёрлари қонунчилик ҳужжатларига мувофиқ ўрнатилади.

11. Тўловлардан Ўзбекистон Республикаси республика бюджетига, Қорақалпоғистон Республикаси республика бюджетига, вилоятлар ва Тошкент шаҳри маҳаллий бюджетларига, шунингдек давлат мақсадли жамғармалари (бундан буён матнда ДМЖ деб юритилади) бюджетларига ажратмалар меъёрларининг миқдорлари улар ўрнатилганидан сўнг 3 иш куни мобайнида Молия вазирлиги томонидан Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига, Қорақалпоғистон Республикаси Молия вазирлигига, вилоятлар ва Тошкент шаҳар ҳокимликларининг молия бошқармаларга, Молия вазирлиги Ғазначилигига, Қорақалпоғистон Республикаси, вилоятлар ва Тошкент шаҳри бўйича Ғазначилик бошқармаларига етказилади.

12. Тўловлардан Қорақалпоғистон Республикаси, вилоятлар ва Тошкент шаҳрининг туманлар ва шаҳарлар маҳаллий бюджетларига ўрнатилган ажратмалар меъёрларининг миқдорлари Қорақалпоғистон Республикаси Молия вазирлиги, вилоятлар ва Тошкент шаҳар молия бошқармалари томонидан тегишли туман ва шаҳар ҳокимликларига, туман ва шаҳар ҳокимликлари молия бўлимларига, туман ва шаҳарлар бўйича Ғазначилик бўлинмаларига етказилади.

13. Тўловлардан Ўзбекистон Республикаси республика бюджети ва ДМЖ бюджетларига ажратмалар меъёрлари "ЎРМВ" АТга Молия вазирлиги Ғазначилигининг ваколатли ходимлари томонидан киритилади.

14. Тўловлардан Қорақалпоғистон Республикаси республика бюджети, вилоятлар вилоят бюджетлари ва Тошкент шаҳрининг шаҳар бюджети, туманлар ва шаҳарлар маҳаллий бюджетларига ажратмалар меъёрлари "ЎРМВ" АТга мос равишда Қорақалпоғистон Республикаси, вилоятлар ва Тошкент шаҳри бўйича Ғазначилик бошқармаларининг ваколатли ходимлари томонидан киритилади.

15. Молия йили мобайнида ўрнатилган меъёрлар ўзгарса ёки янгидан киритилган бошқа тўловлар бўйича ажратмалар меъёри ўрнатилса, янгидан ўрнатилган ажратмалар меъёрлари миқдорлари улар ўрнатилганидан сўнг 3 иш куни мобайнида ушбу Йўриқноманинг 11 ва 12-бандларида ўрнатилган тартибда тегишли манфаатдор органларга етказилади. Бунда янгидан ўрнатилган ажратмалар меъёрларининг амал қилиш санасининг бошланиши мажбурий тартибда кўрсатилади.

16. Тўловлардан бюджет тизими бюджетларига аниқлаштирилган ажратмалар меъёрлари ушбу Йўриқноманинг 13 ва 14-бандларида белгиланган тартибда "ЎРМВ" АТга киритилади.

3-БОБ. ТЎЛОВЛАР КОНТИНГЕНТИНИ "ЎРМВ" АТДА

АКС ЭТТИРИШ ОРҚАЛИ ЯҒҲГА КИРИТИШ ВА ОРТИҚЧА

ТЎЛАНГАН ЁКИ УНДИРИЛГАН ТЎЛОВЛАРНИ ҚАЙТАРИШ

1-§. Тўловлар контингентини ЯҒҲга ўтказиш, уларни

"ЎРМВ" АТнинг "Тушумларни бошқариш"

модулида акс эттириш

17. Бюджет тизими бюджетлари даромадларига жисмоний (юридик шахс мақомига эга бўлмаган якка тартибдаги тадбиркорлар ва деҳқон хўжаликлари) ва юридик шахслар томонидан тўланадиган тўловлар ушбу Йўриқноманинг 2-иловасига мувофиқ шаклдаги тўлов топшириқномасига асосан ЯҒҲга ўтказилади.

Суд ва (ёки) давлат солиқ хизмати органининг қарорларига асосан мажбурий ижро бюроси томонидан ундирилган солиқ ва йиғимлар ушбу Йўриқноманинг 2-1-иловасига мувофиқ шаклдаги тўлов топшириқномасига асосан ЯҒҲга ўтказилади.

18. Тўловни амалга ошириш учун тўлов топшириқномасида тўловчи томонидан:

"Даромад шахсий ғазна ҳисобварағи" графасида - тегишли даромад шахсий ғазна ҳисобварағи;

"Тўлов мақсади" графасида - ушбу Йўриқноманинг 1-иловасига мувофиқ тўлов турининг коди ва тўлов мақсади кўрсатилади.

Бунда тўлов мақсадида биринчи навбатда тўлов турининг коди кўрсатилади.

19. Банк ходимлари тўловни амалга ошириш учун тўловчилар томонидан тақдим этилган тўлов топшириқномаларини қабул қилганларидан сўнг, "Даромад шахсий ғазна ҳисобварағи" графасида кўрсатилган даромадлар бўйича шахсий ғазна ҳисобварағи рақамини бюджетга ўтказилаётган тўловга мувофиқлигини ва тўғрилигини, "Тўлов мақсади" графасида эса ушбу Йўриқноманинг 1-иловасига мувофиқ кўрсатилган тўлов тури кодининг мувофиқлигини текширадилар.

20. Тўловчиларнинг банк ҳисоб рақамларидан ЯҒҲга келиб тушган тўловлар контингенти суммалари "ЎРМВ" АТда тегишли даромадлар бўйича шахсий ғазна ҳисобварақларида, шунингдек "ЎРМВ" АТнинг "Тушумларни бошқариш" модулида юритиладиган Тўловлар контингентини ҳисобга олиш китобида акс эттирилади.

21. Божхона тўловлари, уларни божхона органларининг "ЎРМВ" АТда очилган депозит шахсий ғазна ҳисобварақларида акс эттирган ҳолда ушбу Йўриқноманинг 3-иловасига мувофиқ шаклдаги тўлов топшириқномасига асосан ЯҒҲга ўтказилади.

22. Божхона тўловларини божхона органларининг депозит шахсий ғазна ҳисобварақларидан даромадлар бўйича тегишли шахсий ғазна ҳисобварағига ўтказилиши божхона органлари томонидан ушбу Йўриқноманинг 4-иловасига мувофиқ шаклдаги тегишли ғазначилик бўлинмаларига тақдим этиладиган ғазна мемориал ордерларига асосан амалга оширилади.

23. "ЎРМВ" АТда даромадлар бўйича шахсий ғазна ҳисобварақларида ва Тўловлар контингентини ҳисобга олиш китобида келиб тушаётган тўловлар контингентининг ҳисоби қуйидаги талабларга риоя этган ҳолда юритилади:

келиб тушаётган маблағларни тўлов турлари бўйича мажбурий тартибда акс этиш ва гуруҳлаш;

банклар томонидан тўловчиларнинг банк ҳисоб рақамларидан ЯҒҲга ўтказиб берилаётган ҳар бир суммани келиб тушиш санасини мажбурий тартибда кўрсатиш;

ҳар бир тўлов турини ҳудудий белгиси ва божхона божи, солиқлар ва йиғимларни ундириш бўйича ваколатли органлар бўйича мажбурий тартибда гуруҳлаш;

келиб тушган тўловларни кунлар, ойлар, чораклар ва биринчи ярим йил, тўққиз ойлик ва йиллик ортиб борувчи якун билан мажбурий тартибда ҳисобини юритиш.

24. Даромадлар бўйича шахсий ғазна ҳисобварақлари келиб тушган тўловлар контингентини тасдиқланган меъёрларга мувофиқ бюджет тизимининг тегишли бюджетлари ўртасида амалиёт куни мобайнида ҳар соатда тақсимлаш йўли билан "ноль" ҳолатига келтирилади. Зарурат туғилганда келиб тушган тўловлар контингентини бюджет тизимининг тегишли бюджетлари ўртасида тақсимлаш реал вақт режимида амалга оширилиши мумкин.

25. Тўловлар контингентини ҳисобга олиш китоби ҳар бир молия йили учун алоҳида юритилади.

26. Маълум бир сабабларга кўра тавсифланиши ва тегишли бюджетга киритилиши имконияти йўқ бўлган тўловлар тушуми суммалари, аниқланмаган тушумлар сифатида идентификация қилинади ва ЯҒҲга қайси банк ҳисоб рақамларидан ўтказиб берилган бўлса, шу банк ҳисоб рақамларига ғазначилик бўлинмалари томонидан 3 иш куни мобайнида қайтарилади.

27. Аниқланмаган тушумлар Тўловлар контингентини ҳисобга олиш китобида ҳудудий мансублиги бўйича, яъни ЯҒҲга маблағ ўтказилган ҳисоб рақами банкининг жойлашган жойи кўрсатилган ҳолда акс эттирилади.

28. Бюджет ташкилотлари томонидан бюджет ва бюджетдан ташқари маблағлари ҳамда бюджет маблағлари олувчилар томонидан бюджет маблағлари ҳисобидан тўланадиган тўловлар тегишли даромадлар бўйича шахсий ғазна ҳисобварақларига ушбу Йўриқноманинг 4-иловасига мувофиқ шаклдаги ғазна мемориал ордерига асосан ўтказиб берилади.

Бунда, бюджет ташкилотлари ва бюджет маблағлари олувчиларга тўловларни тўлашнинг ушбу Йўриқноманинг 18-бандида назарда тутилган тартиби қўлланилади.

29. ЯҒҲга тўловлар тўғрисидаги маълумот Молия вазирлиги томонидан ҳар куни электрон шаклда "ЎРМВ" АТдан божхона божи, солиқлар ва йиғимларни ундириш бўйича ваколатли органларнинг ахборот тизимларига тақдим этилади.

30. Тўловлар жисмоний шахс томонидан:

нақд пул маблағлари орқали амалга оширилганида маблағлар тўлови ушбу Йўриқноманинг 5-иловасига мувофиқ шаклдаги тўлов ҳужжатини расмийлаштириш йўли билан амалга оширилади. Тўлов ҳужжати уч қисмдан, эълон, квитанция ва кирим ордеридан иборат. Кирим ордери банк куни ҳужжатларига тикилади, квитанция тўловни тўлаб берган жисмоний шахсга берилади, эълон эса тегишли туман (шаҳар) давлат солиқ хизмати органи ходимларига тақдим этилади;

банк пластик карточкаси орқали амалга оширилганида маблағлар тўлови ушбу Йўриқноманинг 6-иловасига мувофиқ шаклдаги тўлов ҳужжатини расмийлаштириш йўли билан амалга оширилади;

ўзининг омонат ҳисобварағидан тегишли даромад бўйича шахсий ғазна ҳисобварағига амалга оширилганида маблағларни ўтказиш Ўзбекистон Республикасида нақд пулсиз ҳисоб-китоблар тўғрисидаги низомга (рўйхат рақами 2465, 2013 йил 3 июнь) мувофиқ амалга оширилади. Бунда кўрсатилган тўлов суммаси банк томонидан мемориал ордер орқали, унда тегишли даромад тури бўйича шахсий ғазна ҳисобварағини кўрсатган ҳолда ЯҒҲга ўтказилади.

2-§. Тўловлар суммаларини қайтариш ёки ҳисобга олиш

31. Тўловлар суммаларини қайтариш ёки ҳисобга олиш мазкур тўловлар ортиқча, шу жумладан нотўғри тўланганида божхона божи, солиқлар ва йиғимларни ундириш бўйича ваколатли органлар томонидан Ўзбекистон Республикасининг Солиқ ва Божхона кодексларида ҳамда тўловлар суммаларини қайтариш ёки ҳисобга олиш масалаларини тартибга солувчи бошқа норматив-ҳуқуқий ҳужжатларда белгиланган тартибда амалга оширилади. Агар юқоридаги норматив-ҳуқуқий ҳужжатларда мазкур параграфда назарда тутилганидан бошқача қоидалар белгиланган бўлса, ушбу норматив-ҳуқуқий ҳужжатлар қоидалари қўлланилади.

31-1. Давлат хизматлари марказлари орқали хизматлардан фойдаланишда жисмоний ва юридик шахслар томонидан ортиқча тўланган тўловлар, шунингдек, давлат хизматини тезлаштирилган тартибда кўрсатиш учун қўшимча тўланган йиғимлар суммаси (тезлаштирилган тартибда кўрсатилмаган тақдирда) Ўзбекистон Республикаси Адлия вазирлигининг (бундан буён матнда Адлия вазирлиги деб юритилади) Давлат хизматларини ривожлантириш бюджетдан ташқари жамғармаси маблағлари ҳисобидан бир иш куни ичида қайтарилади.

Бунда қайтариб берилган маблағлар Адлия вазирлиги томонидан тегишли давлат хизмати учун очилган даромад шахсий ғазна ҳисобварағидан жорий тушумлар ҳисобидан регресс тартибида ундириб олинади. Маблағларни ундириб олиш мазкур параграфда белгиланган тартибда амалга оширилади.

31-2. Давлат хизматлари марказлари, "Лицензия" ахборот тизими ҳамда Ягона интерактив давлат хизматлари портали (бундан буён матнда ЯИДХП деб юритилади) орқали кўрсатилаётган давлат хизматлари қонунчилик ҳужжатларида белгиланган муддатидан уч иш кунидан ортиқ вақтга кечиктирилганда, ариза берувчиларнинг мурожаатларига асосан, хизматдан фойдаланиш учун тўланган давлат божлари, йиғимлар ва бошқа ҳар қандай тўловларнинг 50 фоизи уларга бир иш кунида Адлия вазирлигининг Давлат хизматларини ривожлантириш жамғармаси маблағлари ҳисобидан қайтарилади.

Ариза берувчига қайтарилган тўловлар Адлия вазирлиги томонидан давлат хизматини кўрсатиш муддатини кечиктирган давлат органи ва ташкилотининг бюджетдан ташқари ва бошқа маблағлари ҳисобидан (муддат бир нечта давлат органи ва ташкилоти томонидан кечиктирилганда давлат божлари, йиғимлар ва бошқа ҳар қандай тўловларнинг уларга ўтказилган улушларидан келиб чиқиб ҳисобланган миқдорларда) ёки тегишли давлат хизмати учун очилган даромад шахсий ғазна ҳисобварағига жорий тушумларнинг давлат органи ва ташкилотига тегишли қисми ҳисобидан сўзсиз (акцептсиз) тартибда ундирилади.

Адлия вазирлиги томонидан пул маблағларини қайтариш тўғрисида қўйилган талабномадаги маблағни қайтариш учун етарли маблағи бўлмаганда, ваколатли органнинг бюджетдан ташқари ва бошқа жамғармасига маблағ келиб тушганда биринчи навбатда сўзсиз (акцептсиз) тартибда ечиб олинади.

Маблағларни сўзсиз (акцептсиз) тартибда ундириш:

шахсий ғазна ҳисобварақларидан "ЎРМВ" АТда шакллантирилган электрон тўлов ҳужжатлари орқали;

ваколатли давлат органи ва ташкилотларининг тижорат банкларидаги ҳисобварақларидан Адлия вазирлиги томонидан қўйиладиган акцептсиз тўлов талабномалари орқали амалга оширилади.

32. Тўловлар жисмоний шахс томонидан нақд пул маблағлари орқали амалга оширилганида қайтариш жисмоний шахснинг "20206 - жисмоний шахсларнинг талаб қилиб олингунча депозитлари" ҳисобварағига, банк пластик картаси орқали амалга оширилганида эса жисмоний шахснинг "231ХХ - жисмоний шахсларнинг пластик карталарига ўтказилиши лозим бўлган пул маблағлари бўйича транзит ҳисобварақлари" ҳисобварағига амалга оширилади.

33. Ўзбекистон Республикаси Солиқ кодексининг 104 ва 105-моддаларига мувофиқ солиқ тўловчи томонидан ариза тақдим этилиши зарур бўлганда:

ортиқча тўланган ёки ундирилган солиқлар суммаларини ҳисобга олиш тўғрисидаги ариза мазкур Йўриқноманинг 7-иловасидаги шаклга мувофиқ тақдим этилади;

ортиқча тўланган ёки ундирилган солиқлар суммаларини қайтариш тўғрисидаги ариза мазкур Йўриқноманинг 8-иловасидаги шаклга мувофиқ тақдим этилади;

Хатолик билан тўланган солиқ суммалари, шунингдек пенялар ва (ёки) жарималар солиқ тўловчига унинг ёхуд банкнинг ёки Ўзбекистон Республикаси Ғазначилигининг ёзма мурожаати асосида, агар хатолик улар томонидан йўл қўйилган бўлса, қайтарилади.

33-1. Муайян маъмурий-ҳудудий бирлик ҳудудидаги давлат солиқ хизмати органида ҳисоби юритилаётган солиқ мажбурияти бўйича ортиқча тўланган солиқлар ва бошқа мажбурий тўловлар, бошқа маъмурий-ҳудудий бирлик ҳудудидаги давлат солиқ хизмати органида ҳисоби юритилаётган солиқ мажбуриятини бажариш ҳисобига ҳисобга олиш мумкин эмас.

33-2. Ўзбекистон Республикаси Солиқ кодексининг 104 ва 105-моддаларига мувофиқ ортиқча тўланган (ортиқча ундирилган) ёки хатолик билан тўланган солиқ (пеня, жарима) суммаларини қайтариш ёки ҳисобга олиш учун давлат солиқ хизмати органи ахборот тизимида маблағларни қайтариш ёки ҳисобга олиш тўғрисида электрон топшириқнома тайёрлайди ва электрон рақамли имзо билан тасдиқлаш орқали "ЎРМВ" АТга электрон тарзда юборади. Электрон топшириқнома тузишнинг имконияти мавжуд бўлмаган ҳолларда, топшириқномалар давлат солиқ хизмати органининг ёзма мурожаатига асосан тегишли ғазначилик бўлинмаларига қоғоз шаклида юборилиши мумкин.

Ортиқча тўланган (ортиқча ундирилган) ёки хатолик билан тўланган солиқ (пеня, жарима) суммаларини ҳисобга олиш суммаси базавий ҳисоблаш миқдорининг 20 баробаридан ошмаган ҳолларда, электрон топшириқномалар давлат солиқ хизмати органларининг ахборот тизими орқали автоматик шакллантирилиши ва электрон рақамли имзо билан тасдиқланмасдан "ЎРМВ" АТга электрон тарзда юборилиши мумкин.

Электрон топшириқномада қуйидагилар мажбурий тарзда кўрсатилади:

топшириқнома рақами;

топшириқнома тақдим этувчи давлат солиқ хизмати органининг номи;

тўловчи юридик шахснинг - номи, СТИР ёки тўловчи жисмоний шахснинг - Ф.И.О., СТИР (ЖШШИР);

ортиқча тўланган солиқ ёки тўлов тури;

суммаси;

тўловчининг маблағларни қайтариш тўғрисидаги аризасига ҳавола қилинган ҳолда, қайтариш ёки ҳисобга олишнинг аниқ сабаблари;

даромад шахсий ғазна ҳисобварағи;

олувчининг банк реквизитлари;

электрон рақамли имзо билан тасдиқлаган масъул шахс тўғрисидаги маълумотлар.

Ортиқча тўланган ёки ортиқча ундирилган солиқ суммаларини қайтариш ёки ҳисобга олиш тўғрисидаги давлат солиқ хизмати органининг қарори ушбу Йўриқноманинг 10-иловасига мувофиқ шаклда давлат солиқ хизмати органи томонидан солиқ тўловчининг тегишли аризаси олинган кундан эътиборан ёки агар биргаликда ўзаро солиштириш ўтказилган бўлса, давлат солиқ хизмати органи солиқ тўловчи билан у тўлаган солиқларнинг биргаликдаги ўзаро солиштириш далолатномасини имзолаган кундан эътиборан ўн кун ичида расмийлаштирилади.

Ортиқча тўланган ёки ортиқча ундирилган солиқ суммаларини қайтариш ёки ҳисобга олиш солиқ тўловчининг қайтариш ёки ҳисобга олиш реквизитлари тўлиқ кўрсатилган аризаси ҳамда солиқлар ва йиғимларни ундириш бўйича ваколатли органнинг мазкур Йўриқнома билан белгиланган шаклдаги қарорига асосан мазкур ваколатли орган томонидан тегишли ғазначилик бўлинмасига ушбу Йўриқноманинг 11-иловасига мувофиқ шаклдаги топшириқнома тақдим қилиш йўли билан амалга оширилади.

33-3. Давлат солиқ хизмати органи ахборот тизимидан "ЎРМВ" АТга электрон тарзда юборилган маблағларни қайтариш ёки ҳисобга олиш тўғрисида электрон топшириқнома тегишли туман (шаҳар) ғазначилик бўлинмаси томонидан бир иш куни мобайнида кўриб чиқилиб қонунчилик ҳужжатларига мувофиқ топшириқномада кўрсатилган маблағларни қайтариш ёки ҳисобга олишга эътирозлари бўлмаганида "ЎРМВ" АТда топшириқномани тасдиқлайди, эътирозлар бўлганида эса, сабабини кўрсатган ҳолда қайтарилади.

Зарур ҳолларда, тегишли туман (шаҳар) ғазначилик бўлинмалари давлат солиқ хизмати органидан қайтариш ёки ҳисобга олиш тўғрисида электрон топшириқномани мақсадга мувофиқлигини текшириш учун:

ортиқча тўланган ёки ортиқча ундирилган солиқлар ва йиғимлар суммалари бўйича давлат солиқ хизмати органи ва солиқ тўловчи ўртасида тузилган электрон солиштириш далолатномасини;

солиқлар ва йиғимларни ортиқча тўлаган жисмоний шахс бўйича давлат солиқ органи хизматининг мазкур шахснинг солиқ қарзи ҳолати тўғрисидаги электрон маълумотномаларини талаб қилиб олишлари мумкин.

33-4. Туман (шаҳар) ғазначилик бўлинмалари томонидан "ЎРМВ" АТда маъқулланган топшириқномалар, топшириқномада кўрсатилган даромад шахсий ғазна ҳисобварағидан жорий тушумлар ҳисобидан қайтариш ёки ҳисобга олиш учун бир иш куни муддатида ижрога қабул қилинади.

Туман (шаҳар) ғазначилик бўлинмаларида ортиқча тўланган ёки ортиқча ундирилган солиқ суммаларини қайтариш ёки ҳисобга олиш учун ижрога қабул қилинган топшириқномалар мазкур топшириқномани тақдим этган ваколатли органнинг мурожаатига асосан қайтарилиши мумкин.

34. Солиқлардан ташқари ортиқча тўланган суммаларни қайтариш ёки ҳисобга олиш тўловчининг қайтариш ёки ҳисобга олиш реквизитлари тўлиқ кўрсатилган аризаси ҳамда ушбу тўловларни ундириш бўйича ваколатли органнинг ушбу Йўриқноманинг 9-иловасига мувофиқ шаклдаги топшириқномасига асосан мазкур ваколатли орган томонидан тегишли ғазначилик бўлинмасига топшириқнома тақдим қилиш йўли билан амалга оширилади.

Бунда "UzASBO" ДМга уланган солиқлардан ташқари тўловларни ундириш бўйича ваколатли органлар маблағларни қайтариш ёки ҳисобга олиш учун топшириқномани электрон рақамли имзо билан имзолаган ҳолда электрон равишда тегишли ғазначилик бўлинмасига юборишлари мумкин.

Электрон топшириқномада қуйидагилар албатта кўрсатилади:

топшириқнома рақами;

топшириқноматақдим этувчи орган номи;

тўловчи юридик шахснинг - номи, СТИР рақами ёки тўловчи жисмоний шахснинг - Ф.И.О., СТИР (ЖШШИР);

ортиқча тўланган тўлов номи;

суммаси;

тўловчининг маблағларни қайтариш тўғрисидаги аризасига ҳавола қилинган ҳолда, қайтариш ёки ҳисобга олишнинг аниқ сабаблари;

даромад шахсий ғазна ҳисобварағи;

олувчининг банк реквизитлари;

электрон рақамли имзо билан тасдиқлаган масъул шахс тўғрисидаги маълумотлар.

34-1. Солиқлардан ташқари ортича тўловлар бўйича маблағларни бошқа тўлов турига ҳисобга олиш (ўтказиш) фақат солиқлардан ташқари тўловларни ундириш бўйича ваколатли орган томонидан ундириладиган тўловлар ўртасидагина амалга оширилиши мумкин.

34-2. Маъмурий, Иқтисодий ва Жиноят ишлари бўйича судларнинг жисмоний ва юридик шахслар томонидан ортиқча тўланган давлат божини қайтариш бўйича суд қарори (ажрими, буйруғи) мавжуд бўлганда тегишли ғазначилик бўлинмаларига ваколатли орган томонидан топшириқнома ўрнига суд қарори (ажрими, буйруғи) тақдим қилинади.

34-3. Тегишли ғазначилик бўлинмалари мазкур Йўриқноманинг 34, 34-1 ва 34-2-бандларига мувофиқ топшириқнома ёки суд қарори (ажрими, буйруғи) тақдим қилинганидан сўнг бир иш куни муддатида ушбу ҳужжатларда кўрсатилган тўловчининг реквизитлари ва суммаларни "ЎРМВ" АТдаги маълумотлар билан солиштирадилар. Барча маълумотлар ўзаро мувофиқ бўлганида тақдим этилган топшириқнома ёки суд қарори (ажрими, буйруғи) маблағларни уларда кўрсатилган даромад шахсий ғазна ҳисобварағидан жорий тушумлар ҳисобидан қайтариш ёки ҳисобга олиш учун тегишли ғазначилик бўлинмалари томонидан ижрога қабул қилинади.

Давлат хизматлари марказлари орқали хизматлардан фойдаланишда жисмоний ва юридик шахслар томонидан ортиқча тўланган тўловлар, шунингдек, давлат хизматини тезлаштирилган тартибда кўрсатиш учун қўшимча тўланган йиғимлар суммасини (тезлаштирилган тартибда кўрсатилмаган тақдирда) қайтариш юзасидан тақдим этилган топшириқнома, маблағларни дастлаб Адлия вазирлигининг Давлат хизматларини ривожлантириш жамғармаси шахсий ғазна ҳисобварағидан бир иш куни ичида тўловчига қайтариш, сўнг қайтарилган маблағни регресс тартибида топшириқномада кўрсатилган даромад шахсий ғазна ҳисобварағидан жорий тушумлар ҳисобидан Адлия вазирлигининг Давлат хизматларини ривожлантириш жамғармаси шахсий ғазна ҳисобварағига тиклаш учун тегишли ғазначилик бўлинмалари томонидан ижрога қабул қилинади.

35. Қайтариш ёки ҳисобга олиш банк куни давомида даромадлар бўйича тегишли шахсий ғазна ҳисобварағига келиб тушган тўловлар контингенти суммаси доирасида амалга оширилади. Банк куни давомида даромадлар бўйича тегишли шахсий ғазна ҳисобварағига келиб тушган тўловлар суммаси етмаганда қайтариш ёки ҳисобга олиш кейинги банк кунининг тушумлари ҳисобидан амалга оширилади.

36. Ортиқча тўланган божхона тўловларининг қайтарилиши божхона тўғрисидаги қонунчилик ҳужжатларида белгиланган тартибда амалга оширилади.

37. Агар 5 иш куни мобайнида жорий тушумларнинг етишмаслиги ёки мавжуд бўлмаганлиги сабабли қайтариш ёки ҳисобга олиш имконияти бўлмаса, ортиқча тўланган ёки ундирилган маблағни қайтариш ёки ҳисобга олиш тегишли бюджетнинг шахсий ғазна ҳисобварағидан амалга оширилиши мумкин.

Давлат хизматлари марказлари орқали хизматлардан фойдаланишда жисмоний ва юридик шахслар томонидан ортиқча тўланган тўловларни, давлат хизматини тезлаштирилган тартибда кўрсатиш учун қўшимча тўланган йиғимларни (тезлаштирилган тартибда кўрсатилмаган тақдирда), шунингдек, Давлат хизматлари марказлари, "Лицензия" ахборот тизими ҳамда ЯИДХП орқаликўрсатилаётган давлат хизматлари қонунчилик ҳужжатларида белгиланган муддатидан уч иш кунидан ортиқ вақтга кечиктирилганда, хизматдан фойдаланиш учун тўланган давлат божлари, йиғимлар ва бошқа ҳар қандай тўловларнинг 50 фоизини қайтаришга мазкур банднинг биринчи хатбошисида белгиланган муддат тадбиқ этилмайди.

37-1. Мазкур Йўриқноманинг 37-бандида белгиланган муддат ўтганидан сўнг маблағни қайтариш ёки ҳисобга олиш тўғрисидаги электрон топшириқномани ижро этиш "ЎРМВ" АТда автоматик тарзда тўхтатилади ва қайтариш ёки ҳисобга олиш бўйича тўлов хужжати шакллантирилди.

Бунда тўлов ҳужжати тегишли даромад тури учун қайтариш ёки ҳисобга олиш тўғрисидаги топшириқномалар тасдиқланган давридаги белгиланган ажратмалар меъёрига мутаносиб равишда хар бир бюджет учун алоҳида шакллантирилади.

37-2. Тегишли бюджет маблағларидан маблағларни қайтариш ёки ҳисобга олиш бўйича тўлов ҳужжати маблағлар:

Ўзбекистон Республикасининг республика бюджетидан қайтарилиши лозим бўлса - Ўзбекистон Республикаси Молия вазирлиги Ғазначилиги томонидан;

Қорақалпоғистон Республикаси республика бюджети, вилоятларнинг вилоят бюджетлари ва Тошкент шаҳри шаҳар бюджетидан қайтарилиши лозим бўлса - Қорақалпоғистон Республикаси, вилоятлар ва Тошкент шаҳри бўйича ғазначилик бошқармалари томонидан;

туман ва шаҳар бюджетларидан қайтарилиши лозим бўлса - туман ва шаҳар Ғазначилик бўлинмалари томонидан;

ДМЖ бюджетидан қайтарилиши лозим бўлса - Молия вазирлиги Ғазначилиги томонидан бир иш куни муддатида "ЎРМВ" АТда маъқулланади.

37-3. Ғазначилик бўлинмалари томонидан "ЎРМВ" АТда маъқулланган тўлов ҳужжати шу кундан кечиктирмасдан тасдиқланади ва маблағлар тегишли бюджетдан мавжуд қолдиқлар доирасида қайтарилади.

37-4. Қайтарилган ва ҳисобга олинган маблағлар тўғрисидаги маълумотларни божхона божи, солиқлар ва йиғимларни ундириш бўйича ваколатли органлар ғазначилик бўлинмаларидан олади.

Бунда Ўзбекистон Республикаси Молия вазирлиги ва божхона божи, солиқлар ва йиғимларни ундириш бўйича ваколатли органлар ўртасида электрон маълумот алмашиш тартиби мавжуд бўлганида маълумотлар божхона божи, солиқлар ва йиғимларни ундириш бўйича ваколатли органларга "ЎРМВ" АТдан электрон ҳужжат кўринишида юборилади ва қоғоз кўринишида тақдим этилмайди.

37-5. Солиқлардан ташқари ортиқча тўланган суммаларини қайтариш мазкур Йўриқноманинг 37-бандига мувофиқ тегишли бюджетнинг шахсий ғазна ҳисобварағидан амалга оширилганида маблағнинг божхона божи, солиқлар ва йиғимларни ундириш бўйича ваколатли органларнинг тегишли жамғармасига ўтказилган қисми мазкур жамғармадан қайтарилади.

37-6. Агар 5 иш кун мобайнида маблағлар ортиқча келиб тушган даромад шахсий ғазна ҳисобварағига жорий тушумлар келиб тушиши кутилмаётган бўлса (асосланган ҳолда) солиқлар ва йиғимларни ундириш бўйича ваколатли органлар томонидан тақдим этилган топшириқномалар ижроси истисно тариқасида, бир иш куни мобайнида тегишли бюджет маблағлари ҳисобидан амалга оширилиши мумкин.

Бунда маблағлар мазкур Йўриқноманинг 37-1, 37-2 ва 37-3-бандларида белгиланган тартибда қайтарилади.

38. Ортиқча тўланган ёки ундирилган ва хатолик билан тўланган тўловларни тегишли бюджетнинг шахсий ғазна ҳисобварағидан қайтариш ёки ҳисобга олишда қайтарилган ёки ҳисобга олинган суммалар харажатларда акс эттирилмайди, Ўзбекистон Республикаси Давлат бюджети ёки ДМЖ даромадлари ортиқча ёки нотўғри тўланган (ундирилган) даромад тури бўйича қайтариш ёки ҳисобга олиш суммасига камайтирилади.

39. Бюджет ташкилотларининг жорий молия йилида бюджет ёки бюджетдан ташқари маблағлари ҳисобига тўланган тўловлари суммаси бюджет ташкилотининг тўлов амалга оширилган шахсий ғазна ҳисобварағига қайтарилади. Бунда бюджет ташкилотининг тегишли шахсий ғазна ҳисобварағида жорий молия йилининг касса харажатларининг тикланиши бўйича операция акс эттирилади.

40. Агар бюджет ташкилоти томонидан ўтган молия йилида бюджет маблағлари ҳисобига тўланган тўлов суммаси қайтарилаётган бўлса, у ҳолда маблағлар бюджетдан ташқари маблағлар бўйича (4004 маблағлар манбаси билан) шахсий ғазна ҳисобварағига, келгусида қайтарилган тўлов суммасини тегишли даромад шахсий ғазна ҳисобварағига ўтказиш ҳамда тушган тўлов суммасини тегишли бюджет даромадига тақсимлаш орқали қайтарилади.

41. Агар бюджет ташкилоти томонидан ўтган молия йилида бюджетдан ташқари маблағлар ҳисобига тўланган тўлов суммаси қайтарилаётган бўлса, у ҳолда маблағлар бюджет ташкилотининг тегишли бюджетдан ташқари шахсий ғазна ҳисобварағига қайтарилади. Бундай ҳолатда, қайтарилган тўлов суммаси бюджет ташкилотининг жорий йилдаги бюджетдан ташқари жамғармаси тушуми манбаси сифатида акс эттирилади, бюджет ташкилотининг ўтган молия йилидаги касса харажатлари эса тикланмайди.

42. Тўловчиларга тўловлар қайтарилганлиги ёки ҳисобга олинганлигини тасдиқловчи тўлов топшириқномаси, ғазна мемориал ордери ва бошқа тўлов ҳужжатлари ҳар куни электрон тарзда "ЎРМВ" АТдан божхона божи, солиқлар ва йиғимларни ундириш бўйича ваколатли органларнинг тегишли ахборот тизимларига тақдим этилади.

3-§. Муддатида қайтарилмаган ортиқча тўланган

ёки ортиқча ундирилган солиқ суммасига фоиз

ҳисоблаш ва тўлаб бериш тартиби

42-1. Ортиқча тўланган солиқ суммасини солиқ тўловчига қайтариш Ўзбекистон Республикасининг Солиқ кодексида белгиланган муддат бузилган ҳолда амалга оширилса, белгиланган муддатда қайтарилмаган сумма учун солиқ тўловчига қайтариш муддати бузилган ҳар бир календарь кун учун фоизлар ҳисобланади.

42-2. Ортиқча ундирилган солиқ суммасига фоизлар солиқ тўловчи ундан солиқ ортиқча ундирилгани факти ўзига маълум бўлган кундан ёки суднинг қарори қонуний кучга кирган кундан эътиборан ўттиз кун ичида мурожаат этган тақдирда ҳисобланади.

Фоизлар ундирилган кундан кейинги кундан эътиборан ҳақиқий ҳисобга олинган (қайтарилган) кунга қадар ҳисобланади.

42-3. Фоиз ставкаси Ўзбекистон Республикаси Марказий банкининг шу даврда амалда бўлган қайта молиялаштириш ставкасига тенг этиб қабул қилинади.

42-4. Қуйидаги ҳолларда фоизлар ҳисобланмайди:

солиқ тўловчининг ортиқча тўланган ёки ундирилган солиқ суммасини қайтариш тўғрисида мазкур Йўриқноманинг 8-иловасига мувофиқ шаклдаги аризаси мавжуд бўлмаганда;

солиқ тўловчи томонидан ундан солиқ ортиқча ундирилганлиги факти ўзига маълум бўлган кундан ёки суднинг қарори қонуний кучга кирган кундан эътиборан ўттиз кун ичида мурожаат келиб тушмаса;

ортиқча тўланган ёки ортиқча ундирилган солиқ суммасини ҳисобга олишни (қайтаришни) рад этиш тўғрисида давлат солиқ хизмати органининг қарори қабул қилинганда;

камерал солиқ текширувида солиқ тўловчи томонидан тегишли ҳужжатлар тақдим этилмаганлиги оқибатида қўшимча солиқлар ҳисобланиб ундириб олинганда;

ортиқча тўланган солиқ суммаси қўшилган қиймат солиғидан манфий ва ноль даражали ставка бўйича ҳисоботлар натижасида ҳосил бўлганда;

хатолик билан тўланган солиқ (пеня, жарима) суммасига.

42-5. Муддатида қайтарилмаган ортиқча тўланган ёки ортиқча ундирилган солиқ суммаси солиқ тўловчига тўлиқ қайтарилган кундан эътиборан 3 кун ичида қайтариш муддати бузилган суммага нисбатан фоизлар ҳисоблаш ва тўлаб бериш тўғрисида мазкур Йўриқноманинг 12-иловасига мувофиқ давлат солиқ хизмати органининг қарори қабул қилинади.

42-6. Фоизларни ҳисоблаш мазкур Йўриқноманинг 13-иловасига мувофиқ амалга оширилади.

42-7. Солиқнинг ортиқча тўланган суммаларини ҳамда ҳисобланган фоизларини ҳисобга олиш ёки қайтариш миллий валютада амалга оширилади.

42-8. Фоизлар ҳисоблаш ва тўлаб бериш тўғрисида давлат солиқ хизмати органининг қарори қабул қилинган кундан эътиборан 2 иш куни ичида тегишли бюджетдан солиқ тўловчининг банк ҳисоб рақамига тўлаб берилади. Бунда:

Ўзбекистон Республикасининг республика бюджетига ўтказилган солиқлар бўйича - Ўзбекистон Республикасининг республика бюджети ҳисобидан;

Қорақалпоғистон Республикаси республика бюджети, вилоятлар ва Тошкент шаҳри маҳаллий бюджетлари, туман ва шаҳарлар бюджетларига ўтказилган солиқлар бўйича - тегишли маҳаллий бюджетлар ҳисобидан;

бюджет тизими бюджетлари ўртасида тақсимланган солиқлар бўйича - тегишли бюджетлар ҳисобидан уларга ажратмалар меъёрига мутаносиб равишда амалга оширилади.

42-9. Агар ҳисобланган фоизларни солиқ тўловчига тўлаб бериш мобайнида солиқ тўловчининг шахсий ҳисобварақаларида қарздорликлар юзага келган тақдирда, фоизларни тўлаб бериш вақтинча тўхтатилади.

42-10. Ҳисобланган фоизлар суммаси солиқ тўловчининг ёзма аризасига асосан солиқ турлари бўйича солиқ қарзларига ёки келгуси давр солиқ тўловлари учун ҳисобга олиниши мумкин.

42-11. Ҳисобланган ва тўланган фоизларнинг ҳисоби солиқ тўловчининг шахсий ҳисобварақлари орқали юритилади.

4-БОБ. ЎЗБЕКИСТОН РЕСПУБЛИКАСИ ДАВЛАТ БЮДЖЕТИ

ВА ДМЖ БЮДЖЕТЛАРИГА КЕЛИБ ТУШГАН ТЎЛОВЛАРДАН

АЖРАТМАЛАРНИ ҲИСОБГА ОЛИШ КИТОБИНИ ЮРИТИШ

43. Ўзбекистон Республикасининг республика бюджети, Қорақалпоғистон Республикасининг республика бюджети, вилоятларнинг вилоят бюджети, Тошкент шаҳрининг шаҳар бюджети, туман ва шаҳар бюджетлари, ДМЖ бюджетларига ажратма қилинган тўловлар ҳисобини юритиш учун "ЎРМВ" АТнинг "Даромадларни бошқариш" модулида ҳар йили Тўловлардан ажратмаларни ҳисобга олиш китоби юритилади.

44. Тўловлардан ажратмаларни ҳисобга олиш китоби Давлат бюджети ҳамда ДМЖ бюджетлари таркибига кирувчи ҳар бир бюджет учун алоҳида очилади ва юритилади.

45. Тўловлардан ажратмаларни ҳисобга олиш китобида тўловлар ҳисоби Ўзбекистон Республикаси Давлат бюджети даромадларининг бюджет таснифига мувофиқ юритилади.

46. Тўловлардан ажратмаларни ҳисобга олиш китобида ЯҒҲга келиб тушган, Тўловлар контингентини ҳисобга олиш китобида акс эттирилган, бюджет тизимининг тегишли бюджетига тааллуқлилигини аниқлаш ва бюджет тизими бюджетлари ўртасида тақсимлаш тартиб-таомилларидан ўтган, шунингдек Ўзбекистон Республикасининг республика бюджети, Қорақалпоғистон Республикасининг республика бюджети, вилоятларнинг вилоят бюджети, Тошкент шаҳрининг шаҳар бюджети, туман ва шаҳар бюджетлари, ДМЖ бюджетлари шахсий ғазна ҳисобварақларида акс эттирилган тўловлар суммаси акс эттирилади.

47. Тўловлардан ажратмаларни ҳисобга олиш китобларида келиб тушган тўловларнинг ҳисоби тўловлар тури ва бюджет тизими бюджетларининг шахсий ғазна ҳисобварақларига ўтказилган саналари бўйича юритилади.

5-БОБ. ЎЗБЕКИСТОН РЕСПУБЛИКАСИ ДАВЛАТ

БЮДЖЕТИ ВА ДМЖ БЮДЖЕТЛАРИНИНГ ДАРОМАД

ҚИСМИ ИЖРОСИ ТЎҒРИСИДАГИ ҲИСОБОТЛАРНИ

ТУЗИШ ВА ҲИСОБИНИ ЮРИТИШ

1-§. Тўловлар контингенти тушуми ҳисобини юритиш

ва Ўзбекистон Республикаси Давлат бюджети ва ДМЖ

бюджетларига тўловлар контингенти прогнозининг

ижроси тўғрисидаги ҳисоботларни тузиш

48. Тўловлар контингентини ҳисобга олиш китобида жамланадиган маълумотлар асосида "ЎРМВ" АТда:

туманлар ва шаҳарлар бўйича, шунингдек солиқ тўловчилар кесимида Ўзбекистон Республикаси Давлат бюджети ва ДМЖ бюджетларига тўловлар контингенти тушуми тўғрисида тезкор маълумот;

Ўзбекистон Республикаси, Қорақалпоғистон Республикаси, вилоятлар ва Тошкент шаҳри бўйича, шунингдек солиқ тўловчилар кесимида тўловлар контингенти тушуми тўғрисида тезкор жамланма маълумот;

Ўзбекистон Республикаси, Қорақалпоғистон Республикаси, вилоятлар, Тошкент шаҳри, туманлар ва шаҳарлар бўйича Ўзбекистон Республикаси Давлат бюджети ва ДМЖ бюджетларига тўловлар контингенти тушуми тўғрисида ҳисобот шакллантирилади.

2-§. Даромадлар тушуми ҳисобини юритиш ва Ўзбекистон

Республикаси Давлат бюджети ва ДМЖ бюджетлари

даромадлари ижроси тўғрисидаги ҳисоботларни тузиш

54. "ЎРМВ" АТда:

Ўзбекистон Республикаси республика бюджетига даромадлар тушуми тўғрисида тезкор маълумот;

Қорақалпоғистон Республикаси республика бюджети, вилоятларнинг вилоят бюджети, Тошкент шаҳрининг шаҳар бюджетига даромадлар тушуми тўғрисида тезкор маълумот;

туманлар ва шаҳарлар бюджетларига даромадлар тушуми тўғрисида тезкор маълумот;

ДМЖ бюджетларига даромадлар тушуми тўғрисида тезкор маълумот;

Қорақалпоғистон Республикаси республика бюджети, вилоятларнинг вилоят бюджети, Тошкент шаҳрининг шаҳар бюджетига даромадлар тушуми тўғрисида жамланма маълумот;

Ўзбекистон Республикаси Давлат бюджетига даромадлар тушуми тўғрисида жамланма маълумот;

Ўзбекистон Республикаси Давлат бюджети ва ДМЖ бюджетларига даромадлар тушуми тўғрисида жамланма маълумот.

55. Ушбу Йўриқноманинг 54-бандида кўрсатилган маълумот асосида "ЎРМВ" АТда бюджет тизимининг тегишли бюджетларига даромадлар тушуми тўғрисидаги ҳисобот шакллантирилади.

56. Даромадлар тушуми тўғрисидаги ҳисобот тўловлар турлари кесимида:

туманлар ва шаҳарлар бюджетлари;

Қорақалпоғистон Республикаси республика бюджети, вилоятларнинг вилоят бюджети, Тошкент шаҳрининг шаҳар бюджети;

Ўзбекистон Республикаси республика бюджети;

ДМЖ бюджетлари бўйича шакллантирилади.

57. Даромадлар тушуми тўғрисидаги жамланма ҳисобот тўловлар турлари кесимида:

Қорақалпоғистон Республикаси республика бюджети, вилоятларнинг вилоят бюджети, Тошкент шаҳрининг шаҳар бюджети;

Ўзбекистон Республикаси Давлат бюджети;

Ўзбекистон Республикаси Давлат бюджети ва ДМЖ бюджетлари бўйича шакллантирилади.

6-БОБ. ТЎЛОВЛАР КОНТИНГЕНТИ ТУШИШИ

ВА УЛАРДАН БЮДЖЕТ ТИЗИМИ БЮДЖЕТЛАРИГА

АЖРАТМАЛАР УСТИДАН НАЗОРАТ, ШУНИНГДЕК

ЙЎЛ ҚЎЙИЛГАН ХАТОЛАРНИ ТЎҒРИЛАШ

1-§. Тўловлар контингенти тушиши ва улардан

бюджет тизими бюджетларига ажратмалар

устидан назорат юритиш

58. Тўловлар контингенти тушуми, шунингдек улардан тегишли бюджетларга ушланмалар тўғрисидаги ҳисобот маълумотларининг ишончлилиги ва бир хиллигини таъминлаш мақсадида молия органлари, ғазначилик бўлинмалари, давлат солиқ хизмати органлари, божхона органлари ўртасида тўловлар контингенти тушуми, шунингдек улардан бюджет тизимининг тегишли бюджетларига ажратмалар тўғрисидаги ҳисобот маълумотларининг мажбурий равишда таққосланиши ўтказилади.

59. ЯҒҲга тўловлар контингенти келиб тушиши ва бюджет тизими бюджетлари ўртасида тўловларни тақсимлаш жараёни устидан назорат ғазначилик бўлинмалари ва худудий молия органлари томонидан амалга оширилади.

60. Келиб тушаётган тўловлар контингентини "ЎРМВ" АТда тегишли туман, шаҳар худудий кодлари билан очилган даромадлар бўйича тегишли шахсий ғазна ҳисобварақларида акс эттириш, тўловлардан ажратмалар меъёрларига мажбурий тартибда амал қилинишини таъминлаш, шунингдек келиб тушган, қайтарилган, ҳисобга олинган тўловлар тўғрисидаги маълумотларнинг ишончлилиги ва бирхиллилигини таъминлаш, йўл қўйилган камчиликларни аниқлаш ва уларни тўғрилаш бўйича чоралар кўриш назоратнинг вазифаси ҳисобланади.

2-§. Йўл қўйилган хатоларни тўғрилаш

62. ЯҒҲга пул маблағларини ўтказишда, шунингдек тўланган тўловлар суммасидан бюджет тизими бюджетларига ажратишда йўл қўйилган хатолар тўғриланиши шарт.

63. Банклар томонидан йўл қўйилган хатолар банклар томонидан ғазначилик бўлинмалари ҳамда божхона божи, солиқлар ва йиғимларни ундириш бўйича ваколатли органлар билан келишилган ҳолда тўғриланади.

64. Молия органлари томонидан йўл қўйилган хатолар молия органлари томонидан ғазначилик бўлинмалари ҳамда божхона божи, солиқлар ва йиғимларни ундириш бўйича ваколатли органлар билан келишилган ҳолда тўғриланади.

65. Ғазначилик бўлинмалари томонидан йўл қўйилган хатолар ғазначилик бўлинмалари томонидан молия органлари ҳамда божхона божи, солиқлар ва йиғимларни ундириш бўйича ваколатли органлар билан келишилган ҳолда тўғриланади.

65-1. Солиқлардан ташқари бюджет тизими бюджетларига ажратмалар меъёрлари бўйича тегишли норматив-ҳуқуқий хужжатларга ўзгартириш ва қўшимчалар киритилганда янгидан белгиланган ажратмалар меъёрлари ушбу Йўриқноманинг 13 ва 14-бандларида белгиланган тартибда "ЎРМВ" АТга киритилгунига қадар бюджет тизими бюджетларига амалга оширилган ажратмалар суммаси бўйича юзага келган тафовут Молия вазирлиги Ғазначилиги томонидан даромад турлари кесимида ортиқча ўтказилган суммаларни бюджет тизими бюджетларининг шахсий ғазна ҳисобварақларидан қайта ҳисоб-китоб қилинади ва тўғриланади.

7-БОБ. ЯКУНИЙ ҚОИДАЛАР

66. Ушбу Йўриқнома талаблари бузилишида айбдор бўлган шахслар қонунчилик ҳужжатларига мувофиқ жавоб беради.

67. Ушбу Йўриқнома Ўзбекистон Республикаси Марказий банки билан келишилган.

Йўриқномага

1-ИЛОВА

Тўловлар турлари

ТАСНИФИ

         

Йўриқномага

2-ИЛОВА

        

Йўриқномага

2-1-ИЛОВА

     

Йўриқномага

3-ИЛОВА

         

Йўриқномага

4-ИЛОВА

           

Йўриқномага

5-ИЛОВА

        

            

Йўриқномага

6-ИЛОВА

          

Йўриқномага

7-ИЛОВА

           

АРИЗА

             

                     

                 

              

             

                

               

ортиқча (нотўғри) тўланган суммани қарз узилиш ҳисобига

         

            

              

                

Кераклисининг тагига чизилсин (мазкур солиқ тури бўйича пенялар ва жарималар), (бошқа солиқ турлари бўйича қарздорлик), (бошқа солиқ турлари бўйича пенялар ва жарималар), (мазкур солиқ бўйича келгуси тўловлар), (бошқа солиқ турлари бўйича келгуси тўловлар)

                    

         

20__ йил "___" ____________.

Йўриқномага

8-ИЛОВА

           

АРИЗА

             

Солиқ қарздорлиги йўқлигини ва (ёки) ўтказилган ҳисобга олишни инобатга олиб, тегишли молия органларига Солиқ кодексида назарда тутилган тартибда хулоса беришингизни сўраймиз

                     

                 

              

             

                

               

ортиқча (нотўғри) тўланган суммани қолган суммасини қуйида кўрсатилган банк ҳисобварағига қайтариш

         

(Солиқ тўловчисига хизмат кўрсатувчи банк реквизитлари)

     

банк ҳисоб

         

20__ йил "___" ____________.

Йўриқномага

9-ИЛОВА

ТОПШИРИҚНОМА N _________

___________________________ аризасига асосан (СТИР - ______________)

(тўловчи юридик шахснинг - номи, СТИР ёки тўловчи жисмоний шахснинг - Ф.И.О., СТИР)

Ортиқча (ёки нотўғри) тўланган суммани қайтариш ёки бошқа тўлов ҳисобига олиш тўғрисида

Тақдим этилган материаллар текшируви натижасида 20__ йил "___" ________ ҳолатига ариза берувчи томонидан

ортиқча (ёки нотўғри) тўлангани аниқланди.

Кўрсатилган суммани қайтариш (ёки ҳисобга олиш) қуйидаги даромад шахсий ғазна ҳисобварағига келиб тушган тўловлар контингенти суммаси доирасида амалга оширилсин.

      

20__ йил "___" ______________.

Йўриқномага

10-ИЛОВА

Ортиқча тўланган (ундирилган) солиқ суммасини

қайтариш (ҳисобга олиш) тўғрисида

Қ А Р О Р

_________(шаҳар) туман давлат солиқ инспекцияси (давлат солиқ бошқармаси) томонидан Ўзбекистон Республикаси Солиқ кодексининг 104 (105)-моддасига асосан солиқ тўловчи "___________________________________" нинг (СТИР ________) ____________ бўйича (солиқ коди ___) ортиқча тўланган (ундирилган) ___________сўм солиқ суммасини ҳисобга олиш (қайтариш) тўғрисидаги 20__ йил "___" __________ кунидаги ___-сон аризаси кўриб чиқилиб, қўидагилар

АНИҚЛАНДИ:

Давлат солиқ хизмати органининг маълумотлар базасида солиқ тўловчининг 20__ йил "__" __________ ҳолатига __________ (солиқ коди ____) дан ________ сўм ортиқча тўланган (ундирилган) солиқ суммаси мавжудлиги ва бошқа солиқ турларидан солиқ қарзи мавжуд эмаслиги (_____ сўм солиқ қарзи мавжудлиги).

Давлат солиқ инспекциянинг (ДСБ) ___________ бўлими томонидан 20___ йил "___" ____-сон топшириқнома асосида _________ сўм ортиқча тўланган (ундирилган) солиқ суммаси мавжудлиги.

Солиқ тўловчининг шахсий ҳисобварағида 20___ йил "__" __________ ҳолатига ______________ (солиқ коди __) бўйича __________ сўм ортиқча тўланган (ундирилган) солиқ суммаси вужудга келганлиги ва солиқ суммаларини қайтариш (ҳисобга олиш) бўйича даъво қилиш муддати бузилмаганлиги.

Ўзбекистон Республикасининг Солиқ кодекснинг 104 (105)-моддасига асосан ортиқча тўланган (ундирилган) солиқ суммаси солиқ тўловчининг ёзма аризаси давлат солиқ хизмати органига келиб тушган кундан эътиборан 15 кун ичида солиқ тўловчига қайтарилиши (ҳисобга олиниши) лозим.

Юқоридагиларга ҳамда Ўзбекистон Республикаси Солиқ кодексининг 104 (105)-моддасига асосан _______ (шаҳар) туман давлат солиқ инспекцияси (ДСБ)

ҚАРОР ҚИЛАДИ:

Солиқ тўловчи "_______________________________"нинг (СТИР _____) шахсий ҳисобварағида ______________ (солиқ коди __) бўйича мавжуд ортиқча тўланган (ундирилган) _________ сўм маблағларни қайтариш (ҳисобга олиш) 1 кун муддатда топшириқнома таёрланиб, ижро учун юборилсин.

Ушбу қарор имзоланган кундан эътиборан кучга киради.

          

Йўриқномага

11-ИЛОВА

_________-сон ТОПШИРИҚНОМА

_______________________________________ аризасига асосан (СТИР _______ ____________________) (юридик шахснинг - номи, СТИР ёки жисмоний шахснинг - Ф.И.О., ЖШШИР) ортиқча тўланган (ундирилган) солиқ суммасини қайтариш (ҳисобига олиш) тўғрисида

Тақдим этилган ҳисоб-китоб натижасида 20___ йил "_____" ______________ ҳолатига ариза берувчи томонидан

ортиқча (ёки нотўғри) тўланганлиги (ундирилганлиги) аниқланди.

Давлат солиқ хизмати органининг 20__ йил "____" ___________ даги ____-сон қарори.

Кўрсатилган суммани қайтариш (ҳисобга олиш) қуйидаги даромад шахсий ғазна ҳисобварағига келиб тушган тўловлар контингенти суммаси доирасида амалга оширилсин:

      

Йўриқномага

12-ИЛОВА

Муддатида қайтарилмаган ортиқча тўланган

(ундирилган) солиқ суммасига фоизлар

ҳисоблаш ва тўлаб бериш тўғрисида

Қ А Р О Р

_________ (шаҳар) туман давлат солиқ инспекцияси (давлат солиқ бошқармаси) бошлиғининг (ўринбосари) 20__ йил "___" ________ қарорида солиқ тўловчи "_____________________________________"нинг (юридик шахс бўлса СТИР, тўловчи жисмоний шахс бўлса - ЖШШИР) ____________ бўйича (солиқ коди ___) ортиқча тўланган (ундирилган) ___________сўм солиқ суммасини ўз вақтида қайтарилмаганлиги сабабларини кўриб чиқиб, қўидагилар

АНИҚЛАНДИ:

Солиқ тўловчи "________________________" (юридик шахс бўлса СТИР, тўловчи жисмоний шахс бўлса - ЖШШИР) 20__ йил "___" ________ ортиқча тўланган (ундирилган) солиқ суммаларини ҳисоб рақамига қайтариб бериш тўғрисида ариза билан мурожаат қилган.

Мазкур мурожаатга асосан ортиқча тўланган (ундирилган) солиқ суммаси 20__ йил "___"________ куни солиқ тўловчининг ҳисоб рақамига тўлиқ қайтариб берилган.

Ўзбекистон Республикаси Солиқ кодексининг 104-моддасида ортиқча тўланган (ундирилган) солиқ суммасини солиқ тўловчига қайтариш муддати бузилган ҳолда амалга оширилса, белгиланган муддатда қайтарилмаган сумма учун солиқ тўловчига қайтариш муддати бузилган ҳар бир календарь кун учун фоизлар ҳисоблаш белгиланган.

(Ўзбекистон Республикаси Солиқ кодексининг 105-моддасида ортиқча ундирилган солиқ суммасига фоизлар солиқ тўловчи ундан солиқ ортиқча ундирилгани факти ўзига маълум бўлган кундан ёки суднинг қарори қонуний кучга кирган кундан эътиборан ўттиз кун ичида мурожаат этган тақдирда ҳисобланиши белгиланган. Бунда фоизлар ундирилган кундан кейинги кундан эътиборан ҳақиқий ҳисобга олинган (қайтарилган) кунга қадар ҳисобланади.).

Баён этилганларга ҳамда Ўзбекистон Республикаси Солиқ кодексининг 104 (105)-моддасига асосан _______(шаҳар) туман давлат солиқ инспекцияси (давлат солиқ бошқармаси)

ҚАРОР ҚИЛАДИ:

Солиқ тўловчи "________________________" (юридик шахс бўлса СТИР, тўловчи жисмоний шахс бўлса - ЖШШИР) томонидан 20__ йил "___" ________ ортиқча тўланган (ундирилган) солиқ суммасини қайтариш (ҳисобга олиш) муддати _____ кунга бузилганлиги сабабли, Ўзбекистон Республикаси Солиқ кодексининг 104-моддасига асосан кечиккан ҳар бир календарь кун учун Ўзбекистон Республикаси Марказий банкининг шу даврда амалда бўлган қайта молиялаш ставкасининг уч юз олтмиш бешдан бирига тенг миқдорда миллий валютада фоизлар ҳисоблансин.

Ҳисобланган фоиз суммаси тегишли бюджетдан солиқ тўловчининг банк ҳисоб рақамига тўлаб бериш тўғрисида 1 кун муддатда топшириқ таёрланиб, ___________туман (шаҳар) ғазначилик бўлимига ижро учун юборилсин.

Ушбу қарор имзоланган кундан эътиборан кучга киради.

      

Йўриқномага

13-ИЛОВА

Муддатида қайтарилмаган ортиқча тўланган

ёки ундирилган солиқ суммасига фоизлар

ҳисоблаш тартиби

1. Муддатида қайтарилмаган ортиқча тўланган солиқ суммасига фоизлар қуйидаги формула асосида ҳисобланади:

Бунда:

n - қайтарилиши талаб қилинган ортиқча тўланган солиқнинг қайтариш муддати кечиктирилган кунлар сони;

i - қайтарилиши талаб қилинган ортиқча тўланган солиқнинг қайтариш муддатидан кейинги кунларнинг тартиб рақами;

Qi - i-кундаги қайтарилиши талаб қилинган ортиқча тўланган солиқнинг қайтарилмаган қисми;

МBQМSi - i-кундаги Ўзбекистон Республикаси Марказий банкининг қайта молиялаштириш ставкаси, фоизда.

2. Муддатида қайтарилмаган ортиқча ундирилган солиқ суммасига фоизлар қуйидаги формула асосида ҳисобланади:

Бунда:

n - қайтарилиши талаб қилинган ортиқча ундирилган солиқнинг қайтариш муддати кечиктирилган кунлар сони;

i - қайтарилиши талаб қилинган ортиқча ундирилган солиқнинг қайтариш муддатидан кейинги кунларнинг тартиб рақами;

OUi - i-кундаги қайтарилиши талаб қилинган ортиқча ундирилган солиқнинг қайтарилмаган қисми;

МBQМSi - i-кундаги Ўзбекистон Республикаси Марказий банкининг қайта молиялаштириш ставкаси, фоизда.

"Ўзбекистон Республикаси қонун ҳужжатлари тўплами",

2016 йил 4 апрель, 13-сон, 124-модда