Даъвони кўриб чиқиш. ("Иқтисодий низоларни тартибга солиш" бўлими)

Функция недоступна

ДАЪВОНИ КЎРИБ ЧИҚИШ

Мазкур босқичда даъво мазмунан кўриб чиқилади ва ҳал этилади.

Суд муҳокамаси иқтисодий суднинг мажлисида бўлиб ўтади, унда суд бевосита далилларни текширади ва амалдаги ҳолатларни аниқлайди, уларга асосан қонуний ва асослантирилган ҳал қилув қарорини чиқаради. Шахсларнинг суд мажлисида иштироки шахсан иштирок этиш шаклида ҳам, видеоконференцалоқа режимида ҳам бўлиши мумкин (ИПКнинг 166-моддаси).

ИПКнинг 164-моддасида ишни судда кўриб чиқишнинг ягона муддати - ишни суд муҳокамасига тайёрлаш тўғрисидаги суд ажрими чиқарилган кундан бошлаб 1 ой белгиланган. У суд раиси томонидан 1 ойдан кўп бўлмаган муддатга узайтирилиши мумкин.

Ишни кўриб чиқиш белгиланган 1 ой мобайнида исталган санага тайинланиши мумкин. Бу аниқ судьянинг ишларни кўриб чиқиш жадвалига ҳам боғлиқдир.

Суд мажлисида процесснинг барча иштирокчилари ишлаши учун тўлақонли шарт-шароитлар яратиш имконини берувчи тартиб таъминланиши лозим. Мажлис залида ҳозир бўлган барча шахслар судьялар кирганида ўринларидан туриши ва суднинг ҳал қилув қарорини тик турган ҳолда тинглаши шарт.

Мажлис жараёнида судьяга мурожаат қилиш муҳим жиҳат ҳисобланади. “Ҳурматли суд!” деб мурожаат қилиш шарт. Бошқа вариантлар назарда тутилмаган (ИПКнинг 167-моддаси