Ўзбекистон Республикаси Президентининг 11.04.2016 й. ПҚ-2518-сон "Халқаро шартномани тасдиқлаш тўғрисида"ги Қарори

Funksiyani amalga oshirishning imkoni yo`q

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

11.04.2016 й.

N ПҚ-2518

ХАЛҚАРО ШАРТНОМАНИ

ТАСДИҚЛАШ ТЎҒРИСИДА

1. Балоғат ёшига етмаганларни улар доимий яшайдиган давлатларга қайтариш масалаларида Мустақил Давлатлар Ҳамдўстлигида қатнашувчи давлатларнинг ҳамкорлик қилиши тўғрисида 2002 йил 7 октябрдаги Битимга МДҲ ҳукумат раҳбарлари Кенгашининг 2015 йил 30 октябрь куни Душанбе шаҳрида ўтказилган мажлисида имзоланган Ижро этиш протоколи тасдиқлансин.

2. Ўзбекистон Республикаси Ички ишлар вазирлиги мазкур халқаро шартномани амалга ошириш учун масъул бўлган ваколатли орган этиб белгилансин.

3. Ўзбекистон Республикаси Ташқи ишлар вазирлиги Ўзбекистон Республикаси мазкур халқаро шартноманинг кучга кириши учун зарур бўлган ички давлат тартиб-таомилларини бажарганлиги тўғрисида ва уни амалга ошириш учун масъул бўлган ваколатли орган ҳақида депозитарийга тегишли билдиришнома юборсин.

4. Ўзбекистон Республикаси Вазирлар Маҳкамаси ҳамда тегишли вазирликлар ва идораларнинг раҳбарлари мазкур халқаро шартнома кучга киргандан сўнг Ўзбекистон Республикасининг мажбуриятлари бажарилиши устидан назоратни белгиланган тартибда таъминласин.

5. Ушбу қарорнинг ижросини назорат қилиш Ўзбекистон Республикасининг Бош вазири Ш. Мирзиёев зиммасига юклансин.

Ўзбекистон Республикаси Президенти                                И. Каримов

"Ўзбекистон Республикаси қонун ҳужжатлари тўплами",

2016 йил 10 май, 18-сон, 187-модда