Ўзбекистон Республикаси Вазирлар Маҳкамасининг 19.12.2001 й. 477-сон "2002 йилда пахта хом ашёси етиштириш, ғўзани навлар бўйича жойлаштириш ҳамда навларни янгилашни такомиллаштириш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

19.12.2001 й.

N 477

2002 ЙИЛДА ПАХТА ХОМ АШЁСИ

ЕТИШТИРИШ, ҒЎЗАНИ НАВЛАР БЎЙИЧА

ЖОЙЛАШТИРИШ  ҲАМДА НАВЛАРНИ

ЯНГИЛАШНИ ТАКОМИЛЛАШТИРИШ

ЧОРА-ТАДБИРЛАРИ ТЎҒРИСИДА

Ғўзани навлар бўйича жойлаштириш ва ғўза навларини янгилашни янада такомиллаштириш, барча майдонларга ғўзанинг толаси сифати бўйича халқаро стандартлар ва талабларга жавоб берадиган, тезпишар ва юқори ҳосилли селекция навларини жойлаштириш, 2002 йил пахта ҳосили учун чигит экиш ва ҳосилни йиғиб-териб олишга доир барча ишлар комплексининг ўз вақтида ташкил этилишини таъминлаш мақсадида Вазирлар Маҳкамаси ҚАРОР ҚИЛАДИ:

1. Қорақалпоғистон Республикаси Вазирлар Кенгаши, вилоятлар ҳокимликлари, Ўзбекистон Республикаси Қишлоқ ва сув хўжалиги вазирлиги, Макроиқтисодиёт ва статистика вазирлиги, Ташқи иқтисодий алоқалар вазирлиги, "Ўзпахтасаноат" уюшмасининг 2002 йил ҳосили учун чигит экиш майдонлари, ғўзани навлар бўйича жойлаштириш ва пахтанинг ялпи ҳосили миқдори тўғрисидаги хўжаликларнинг ҳисоб-китобларига асосланган 1 ва 2-иловаларга мувофиқ таклифларига розилик берилсин.

Белгилансинки, пахта хом ашёси тайёрлаш бўйича топшириқ бажарилган тақдирда тасдиқланган давлат эҳтиёжлари учун харид қилиш  ҳажмларидан ортиқча етиштирилган пахта толаси шартнома нархларида сотилади.

2. 2002 йил вегетация даврида Қорақалпоғистон Республикаси, вилоятлар ва сув хўжалиги тизимлари бўйича сув  олиш лимитлари 3-иловага мувофиқ тасдиқлансин.

Ўзбекистон Республикаси Қишлоқ ва сув хўжалиги вазирлиги, Қорақалпоғистон Республикаси Вазирлар Кенгаши, вилоятлар ҳокимликлари сув олишнинг белгиланган лимитларини уларни ўн кунликлар бўйича тақсимлаган ҳолда барча сувдан фойдаланувчиларга етказсинлар ҳамда уларга қатъий риоя қилинишини таъминласинлар.

3. "Ўзпахтасаноат уюшмаси, Ўзбекистон Республикаси Қишлоқ ва сув хўжалиги вазирлиги:

2002 йил 1 февралгача уруғлик пахта тозаланишини ҳамда 20 февралгача 4-иловага мувофиқ миқдорда уруғлик чигит тайёрлаб қўйилишини тугалласинлар. Юқори сифатли уруғлик чигит хўжаликларга фақат дориланган ҳолда ва  сертификатлар мавжуд бўлган тақдирда, ғўза селекция навларининг тасдиқланган жойлаштирилишига қатъий мувофиқ равишда  берилиши таъминлансин;

2002 йил 15 февралгача 5-иловага мувофиқ уруғлик чигитни вилоятлараро ташишни тугалласинлар.

4. Қорақалпоғистон Республикаси Вазирлар Кенгаши Раиси, вилоятлар ҳокимлари, Қорақалпоғистон Республикаси Вазирлар Кенгаши Раисининг, вилоятлар ҳокимларининг агросаноат комплексини ривожлантириш масалалари учун мутасадди бўлган биринчи ўринбосарлари, Ўзбекистон Республикаси Қишлоқ ва сув хўжалиги вазирлиги  ҳамда "Ўзпахтасаноат" уюшмаси раҳбарлари 2002 йил ҳосили учун ғўзани 2 ва 6-иловаларга мувофиқ навлар бўйича жойлаштиришга доир белгиланган топшириқларга ҳамда чигит экиш нормаларига қатъий риоя қилинишини таъминласинлар.

Туманлар ва хўжаликлар раҳбарлари навларни жойлаштириш белгиланган тартибининг ўзбошимчалик билан бузилишига йўл қўймасинлар,  улар айбдор шахсларга нисбатан амалдаги қонун ҳужжатларига мувофиқ жавобгарлик чоралари кўрилиши тўғрисида огоҳлантирилсинлар.

5. Ўзбекистон Республикаси Қишлоқ ва сув хўжалиги вазирлиги, "Ўзпахтасаноат" уюшмаси, Қорақалпоғистон Республикаси Вазирлар Кенгаши, вилоятлар ҳокимликлари:

навларни жойлаштиришнинг тасдиқланган тартибига риоя қилиниши устидан назоратни таъминласинлар, туманларда тавсия қилинган ғўза навларининг иккитадан ортиқ, хўжаликларда эса - биттадан ортиқ нави экилишига йўл қўймасинлар, биттадан ингичка толали ва ўрта толали нав экиладиган хўжаликлар бундан мустасно;

2002 йил 1 мартгача уруғлик пахта учун чигит экиладиган хўжаликлар рўйхатини танлов асосида қайта кўриб чиқсинлар;

ғўзанинг янги, истиқболли ва районлаштирилган навларини кўпайтирувчи элита-уруғчилик хўжаликлари ишини алоҳида назоратга олсинлар, ушбу навларни юқори унумдор ва сув билан таъминланган ерларга  эксинлар, агротехника ва уруғчиликка доир тадбирларни юқори даражада ўтказсинлар;

хўжаликларда ғўзанинг янги навлари ўзбошимчалик билан синаб кўрилишига йўл қўймасинлар. Бундай навларни синаш фақат илмий-тадқиқот институтларининг экспериментал базаларида, янги навларни дастлабки кўпайтириш хўжаликларида ҳамда давлат нав синаш участкаларида олиб борилсин.

6. 2002 йил ҳосили пахта хом ашёси  учун харид нархлари 7-иловага мувофиқ тасдиқлансин.

Белгилансинки, пахта хом ашёсининг 2002 йилда навлар бўйича жойлаштириш учун тасдиқланган барча селекция навлари 8-иловага мувофиқ уч гуруҳга бўлинади.

Ўзбекистон Республикаси Вазирлар Маҳкамасининг 2000 йил 26 декабрдаги 501-сон қарори билан тасдиқланган пахта хом ашёсининг сифат кўрсаткичларини ҳисобга олган ҳолда улар  учун ҳисоб-китоб қилиш тартиби, селекция навлари харид нархларига тузатиш коэффициентлари сақлаб қолинсин.

7. Ўзбекистон Республикаси Молия вазирлиги:

Қишлоқ ва сув хўжалиги вазирлиги, "Ўзпахтасаноат" уюшмаси билан биргаликда икки ҳафта муддатда ўзларига қарашли таркибий бўлинмаларга ва пахта етиштирувчиларга харид нархлари прейскурантини ва ҳисоб-китоб тартибини етказсин;

жаҳон бозорида пахта толасига нархлар конъюнктураси ўзгаришини  ҳисобга олган ҳолда 2002 йил 10 августгача Вазирлар Маҳкамасига  пахта хом ашёси харид нархлари бўйича таклифлар киритсин.

9. "Ўзқишлоқхўжаликкимё" акциядорлик компанияси, "Ўзпахтасаноат" уюшмаси, Ўзбекистон Республикаси Қишлоқ ва сув хўжалиги вазирлиги, Макроиқтисодиёт ва статистика вазирлиги, Ташқи иқтисодий алоқалар вазирлиги уруғлик чигитларни белгиланган муддатларда тайёрлашни тугаллаш учун зарур миқдор ва ассортиментдаги уруғликни дорилаш воситаларининг "Пахтасаноат" ҳудудий бирлашмаларига икки ҳафта муддатда етказиб берилишини таъминласинлар.

Ўзбекистон Республикаси Қишлоқ ва сув хўжалиги вазирлиги, "Ўзпахтасаноат" уюшмаси, "Ўзқишлоқхўжаликкимё" акциядорлик компанияси ҳамда Ўзбекистон Республикаси Қишлоқ ва сув хўжалиги вазирлиги ҳузуридаги "Ўздавуруғликназорат" маркази уруғлик чигитни дорилаш сифати устидан кундалик назорат ўрнатсинлар, хўжаликларга қоғоз қопларга жойланмаган ва дориланмаган чигитлар берилишига йўл қўймасинлар.

10. "Ўзқишлоқхўжаликкимё" акциядорлик компанияси минерал ўғитларни биринчи навбатда уруғчилик хўжаликларига ҳамда қишлоқ хўжалиги илмий муассасаларига озиқли моддалар бўйича қатъий мутаносибликда ва товар пахта етиштирувчи хўжаликлар учун белгиланган меъёрлардан 10 фоиз ортиқ миқдорда етказиб берсин.

11. Қишлоқ хўжалиги товар ишлаб чиқарувчиларини давлат томонидан қўллаб-қувватлаш ҳамда уларнинг молиявий аҳволини мустаҳкамлаш мақсадида "Ўзагромашсервис" уюшмаси машина-трактор парклари томонидан 2002 йилда пахта етиштирувчи хўжаликларга кўрсатиладиган механизациялашган хизматлар қийматининг 25 фоизи миқдорида чегирмалар белгилансин.

12. Махфий.

13. Ғўзаларнинг мазкур қарорга қатъий мувофиқ равишда навлар бўйича жойлаштирилишига ва уларни ўстиришнинг нав агротехникаси талаблари бажарилишига риоя этилишини назорат қилиш учун 9-иловага мувофиқ таркибда махсус ишчи комиссия тузилсин.

Ишчи комиссия  чигитни экишга тайёрлашдан бошлаб ғўзанинг бутун вегетация даврида ҳар бир навнинг ўзига хос хусусиятларини ҳисобга олган ҳолда:

далаларнинг экишдан олдин тайёрланиши ва чигитнинг экилиши;

ниҳолларни ундириб олиш, уларни парвариш қилиш муддатлари ва сув режимига риоя қилиш;

зараркунандаларга ва касалликларга, шунингдек қурғоқчиликка чидамлилик;

ниҳолларнинг ривожланиши ва ҳосилнинг етилиши босқичлари;

теримга тушиш, теримнинг давом этиш муддатлари ва пахтанинг ҳосилдорлиги;

селекция навлари рейтинггига кўра пахта хом ашёси ва пахта толасининг сифат кўрсаткичлари устидан мониторинг олиб борсин.

Мониторингни ва кузатувларни ҳисобга олган ҳолда 2002 йил ҳосили пахта хом ашёсини йиғиб-териб олиш  якунларига кўра 2003 йил ҳосили учун ғўзани навлар бўйича жойлаштириш юзасидан таклифлар киритилсин.

14. Ўзбекистон Республикаси Адлия вазирлиги бир ой муддатда вазирликлар ва идоралар томонидан ўз норматив ҳужжатларининг мазкур қарорга мувофиқлаштирилишини таъминласин.

15. Мазкур қарорнинг бажарилишини назорат қилиш Ўзбекистон Республикаси Президентининг Давлат маслаҳатчиси И.Ҳ. Жўрабеков ва Ўзбекистон Республикаси Бош вазирининг ўринбосари Т.Х. Холтоев зиммасига юклансин.

Вазирлар Маҳкамасининг Раиси                                            И. Каримов

Вазирлар Маҳкамасининг

2001 йил 19 декабрдаги

477-сон қарорига

1-ИЛОВА

2002 йилда пахта майдони ва ялпи ҳосили

Вазирлар Маҳкамасининг

2001 йил 19 декабрдаги

477-сон қарорига

2-ИЛОВА

Ўзбекистон Республикаси бўйича 2002 йил

ҳосили учун ғўзанинг рўйхатдан ўтказилган

ва истиқболли навларини жойлаштириш

минг гектар

Жадвал давоми

Жадвал давоми

Вазирлар Маҳкамасининг

2001 йил 19 декабрдаги

477-сон қарорига

3-ИЛОВА

2002 йил вегетация даврида Амударё ва Сирдарё

дарёлари ҳавзасидан Қорақалпоғистон Республикаси

ва вилоятларнинг суғориш учун сув олиш лимитлари

Изоҳ: Об-ҳаво шароитлари ва суғориш манбалари суви миқдорига қараб сув олиш лимитлари ўзгартирилиши мумкин.

Вазирлар Маҳкамасининг

2001 йил 19 декабрдаги

477-сон қарорига

4-ИЛОВА

2002 йил ҳосили учун уруғлик

чигитни тайёрлаш бўйича

ТОПШИРИҚ

минг тонна

Вазирлар Маҳкамасининг

2001 йил 19 декабрдаги

477-сон қарорига

5-ИЛОВА

2001 йил ҳосили учун уруғлик чигитни

вилоятлараро етказиб бериш бўйича

ТОПШИРИҚ

Вазирлар Маҳкамасининг

2001 йил  19 декабрдаги

477-сон қарорига

6-ИЛОВА

Қўлланиладиган экиш схемалари ва

чигит экиш нормалари

Вазирлар Маҳкамасининг

2001 йил 19 декабрдаги

477-сон қарорига

8-ИЛОВА

Ғўзанинг асосий селекция навларининг

истиқболлилигига кўра гуруҳланиши

Вазирлар Маҳкамасининг

2001 йил 19 декабрдаги

477-сон қарорига

9-ИЛОВА

Ғўза навларининг жойлаштирилишига риоя

қилинишини назорат қилиш ва монторинги

бўйича ишчи комиссияси

ТАРКИБИ