Ўзбекистон Республикаси Президентининг 12.12.2018 й. ПФ-5594-сон "Саноат, радиация ва ядро хавфсизлиги соҳасида давлат бошқаруви ва назорати тизимини тубдан такомиллаштириш чора-тадбирлари тўғрисида"ги Фармони

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

12.12.2018 й.

N ПФ-5594

САНОАТ, РАДИАЦИЯ ВА ЯДРО

ХАВФСИЗЛИГИ СОҲАСИДА ДАВЛАТ

БОШҚАРУВИ ВА НАЗОРАТИ ТИЗИМИНИ

ТУБДАН ТАКОМИЛЛАШТИРИШ ЧОРА-

ТАДБИРЛАРИ ТЎҒРИСИДА

Мамлакатдаги минерал-хомашё ва қишлоқ хўжалиги ресурсларини чуқур қайта ишлашни ташкил этиш учун замонавий технологияларни жалб этган ҳолда иқтисодиётни диверсификация қилиш, ишлаб чиқаришни модернизациялаш, техник ва технологик янгилаш борасида кенг кўламли дастурларни изчил амалга ошириш етакчи тармоқлар, шу жумладан, энергетика, нефть ва газ, кон-металлургия ва кимё саноатини ривожлантиришнинг жадал суръатларини сақлаш имконини бермоқда.

Ёқилғи-энергетика ресурсларидан оқилона фойдаланиш ва уларнинг ишлаб чиқариш ҳажмларини кўпайтириш орқали, шу жумладан, атом энергетикасини ташкил этиш ҳисобидан республиканинг электр энергиясига нисбатан ортиб бораётган эҳтиёжини таъминлаш чора-тадбирлари амалга оширилмоқда.

Шу билан бирга, таҳлил ва ўрганиш натижалари хавфли ишлаб чиқариш объектларининг саноат хавфсизлигини таъминлашсоҳасида амалга оширилаётган давлат сиёсати самарасизлигиҳамда бу йўналишда методологик ҳужжатларни ишлаб чиқиш учун етарли эътибор мавжуд эмаслигидан далолат бермоқда.