Тавсия. Иш вақтини ҳисобга олиш

Функция недоступна

ИШ ВАҚТИНИ ҲУЖЖАТЛИ ҲИСОБГА ОЛИШ

Ҳар бир ходимнинг иш вақти ҳисобини юритинг ва уни шунга мўлжалланган махсус ҳужжатда: табель, журнал ва ҳ.к.да қайд этинг.

Иш вақтини ҳисобга олиш турига қараб: кунлик ёки жамланган - ҳисобга олиш ҳужжатини расмийлаштиринг.

Кунлик ҳисобга олишда ҳар бир ходим томонидан ишланган соатларни ҳар куни ҳисобга олинг. 5 кунлик иш ҳафтасида иш вақти кунига 8 соатдан ва 6 кунлик иш ҳафтасида кунига 7 соатдан ортиқ бўлмаслиги керак. Белгиланган муддатдан ортиқ бўлган иш вақтини иш вақтидан ташқари  деб ҳисобланг. Бунда айрим ходимларда қисқартирилган ёки тўлиқсиз иш вақти бўлиши мумкинлигини унутманг. Шунинг учун уларнинг иш вақтининг кунлик нормаси умумбелгиланган нормадан камроқ бўлади.

Мисол

Ногирон ходим ҳафтасига 36 соатдан ортиқ ишламаслиги керак (МКнинг 220-моддаси). Демак, унга 6 кунлик иш ҳафтасида кунига 6 иш соатидан ва 5 кунлик иш ҳафтасида кунига 7 иш соатидан ортиқ бўлмаган вақтни белгилаш зарур.

Агар ходимнинг кундалик иш вақти турлича бўлса ёки кундалик нормал иш вақтига риоя қилиш мумкин бўлмаса, иш вақтини жамлаб ҳисобга олишни қўлланг.

Бундай усул қўлланилганда ходим учун йўл қўйиладиган иш соатлари сони бир кун учун эмас, балки узоқроқ вақт даври (ҳисобга олиш даври): ҳафта, ой, чорак ва ҳ.к. учун белгиланг, лекин бу давр бир йилдан ортиқ бўлмаслиги керак. Агар корхонада бажариладиган вазифалар ҳажми бир хил тусда бўлмаса (қурилиш-монтаж ишлари, қишлоқ хўжалиги ва ҳ.к.), одатда ҳисобга олишнинг узоқ даври (чорак, ярим йил, йил) ўрнатилади.

Шунингдек иш куни (смена) 12 соатдан ошмаслиги кераклигини унутманг.

Вазият

Ўрта тиббий ходимлар учун хусусий клиникада “уч суткадан кейин бир сутка” иш жадвали белгиланди. Агар ҳисобга олишнинг йўл қўйиладиган муддатига риоя қилинадиган бўлса, бундай иш вақти режимини қўллаш мумкинми?

- Йўқ, мумкин эмас. МКнинг 123-моддасига кўра, ҳисобга олиш даврида умумий ишланган вақт ушбу ходим учун белгиланган иш вақти нормаси доирасида бўлса ҳам, иш сменасининг давомийлиги 12 соатдан ортиқ бўлиши мумкин эмас.

Ҳисобга олиш даврида ишланган вақт белгиланган нормадан ошиб кетмаслигини кузатиб бо