Ўзбекистон Республикаси Вазирлар Маҳкамасининг 23.11.2019 й. 944-сон "Маҳсулотларни идентификация воситалари ёрдамида маркировкалаш ва келгусида кузатиш тартибини босқичма-босқич жорий этиш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

23.11.2019 й.

N 944

МАҲСУЛОТЛАРНИ ИДЕНТИФИКАЦИЯ

ВОСИТАЛАРИ ЁРДАМИДА МАРКИРОВКАЛАШ

ВА КЕЛГУСИДА КУЗАТИШ ТАРТИБИНИ

БОСҚИЧМА-БОСҚИЧ ЖОРИЙ ЭТИШ

ЧОРА-ТАДБИРЛАРИ ТЎҒРИСИДА

Республикага алоҳида турдаги маҳсулотлар ноқонуний олиб кирилишининг олдини олиш, уларни ишлаб чиқариш, сотиш ва ҳисобга олиш механизмларини такомиллаштириш, солиқлар ва бошқа мажбурий тўловлар йиғилувчанлиги оширилишини таъминлаш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Давлат солиқ қўмитаси ва Россия Федерациясининг "Истиқболли технологияларни ривожлантириш маркази" масъулияти чекланган жамияти ("Центр развития перспективных технологий") ўртасида Ўзбекистон Республикасида айрим турдаги маҳсулотларни рақамли маркировкалаш ва уларни кузатиш имкониятини таъминлаш тизимини жорий этиш лойиҳаларини амалга оширишда саъй-ҳаракатларни бирлаштириш ва кўмаклашиш назарда тутилган ўзаро англашув ва ҳамкорлик тўғрисида меморандум имзоланганлиги маълумот учун қабул қилинсин.

2. Ўзбекистон Республикаси Молия вазирлиги ва Давлат солиқ қўмитасининг 2019 йил декабрь ойидан бошлаб маҳаллий ишлаб чиқарувчилар ва импорт қилувчилар учун маҳсулотларни идентификация воситалари ёрдамида маркировкалаш ва келгусида кузатиш тартибини босқичма-босқич жорий этиш бўйича тажриба лойиҳасини (кейинги ўринларда тажриба лойиҳаси деб аталади) амалга ошириш тўғрисидаги таклифи қабул қилинсин.

3. Тажриба лойиҳасини амалга ошириш доирасида Ўзбекистон Республикаси Давлат солиқ қўмитаси:

тажриба лойиҳаси иштирокчиларининг, шунингдек идентификация воситалари ёрдамида маркировкаланадиган ва келгусида кузатиладиган маҳсулотларни ишлаб чиқарувчи ва импорт қилувчи тадбиркорлик субъектларининг таркиби аниқланиши;

тажриба лойиҳаси ишга туширилишини ва келгусида мониторинг қилинишини, услубий қўллаб-қувватланишини, шунингдек, тажриба лойиҳаси иштирокчилари ўртасида ўзаро ҳамкорлик ташкил этилишини;

тадбиркорлик субъектлари ўртасида, шу жумладан оммавий ахборот воситалари орқали маҳсулотларни идентификация воситалари ёрдамида маркировкалаш ва келгусида кузатиш имкониятини яратиш тизимини жорий этиш ва ишлатиш бўйича кенг тушунтириш ишлари олиб борилишини таъминласин.

4. Белгилансинки, тадбиркорлик субъектларининг тажриба лойиҳасини амалга оширишда ихтиёрий иштироки уларни қонунчиликда белгиланган мажбурий равишда акциз маркалари билан маркалаш ҳамда давлат тилида маркировка қилиш тартибларига риоя этишдан озод этмайди.

5. Ўзбекистон Республикаси Давлат солиқ қўмитасининг республикага асосий экспортчи мамлакатларнинг маҳсулотларни маркировкалаш борасида тажрибасини ўрганган ҳолда, тажриба лойиҳаси белгиланган муддатда ишга туширилишини таъминлаш мақсадида "Истиқболли технологияларни ривожлантириш маркази" масъулияти чекланган жамияти томонидан таъсис этилган "CRPT TURON" масъулияти чекланган жамиятини маҳсулотларни маркировкалаш ва кузатиш ахборот тизимининг (кейинги ўринларда ахборот тизими деб аталади) оператори этиб тайинлаш ҳамда операторга беғараз асосда:

ахборот тизимидан фойдаланиш имкониятини таъминлаш, манфаатдор вазирлик ва идораларнинг ахборот тизими билан тажриба лойиҳасини амалга оширишга доир ўзаро ахборот алмашинувини йўлга қўйиш;

Ўзбекистон Республикаси Давлат солиқ қўмитасининг ягона ахборот-ресурс базасига ахборот тизимининг ишлаши учун зарур бўлган сервер, телекоммуникация ва бошқа асбоб-ускуналарни ўрнатиш ва ишга тушириш;

маҳсулотлари идентификация воситалари ёрдамида маркировкаланадиган ва келгусида кузатиладиган тадбиркорлик субъектларининг ҳудудида зарур маркировкалаш, сервер, телекоммуникация ва бошқа асбоб-ускуналарни ўрнатиш ҳамда созлаш, келгусида уларни ахборот тизимига улаш вазифасини юклаш тўғрисидаги таклифига розилик берилсин.

6. Қуйидагилар:

Идентификация воситалари билан маркировкаланадиган ва келгусида кузатиладиган маҳсулотлар рўйхати 1-иловага мувофиқ;

Сигареталарни маркировкалаш ва кузатиш бўйича тажриба лойиҳасини амалга ошириш тартиби тўғрисидаги вақтинча низом 2-иловага мувофиқ;

Алкоголь маҳсулотларини маркировкалаш ва кузатиш бўйича тажриба лойиҳасини амалга ошириш тартиби тўғрисида вақтинча низом