Ўзбекистон Республика товар-хом ашё биржаси аукцион савдоларида пахта момигини сотиш тартиби тўғрисидаги Вақтинчалик Низом (АВ томонидан 12.05.2004 й. 1353-сон билан рўйхатга олинган 05.04.2004 й. ИВ 26-сон, МВ 47-сон, ДМБДҚ 01/24-17-сон қарори билан тасдиқланган)

Funksiyani amalga oshirishning imkoni yo`q

ЎзР ИВ, ДМҚ, МВ,

“Ўзпахтасаноат” уюшмаси,

“ЎзР ТХБ” ОАЖнинг

2004 йил 5 апрелдаги

26, 01/24-17, 47, 10/773-А,

42-01/155-сон қарори билан

ТАСДИҚЛАНГАН

Мазкур Вақтинчалик Низом рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Ўзбекистон республика товар-хом ашё

биржаси аукцион савдоларида пахта

момиғини сотиш тартиби тўғрисидаги

ВАҚТИНЧАЛИК НИЗОМ

I. УМУМИЙ ҚОИДАЛАР

Мазкур Низом Ўзбекистон Республикаси Вазирлар Маҳкамасининг 2004 йил 5 февралдаги “Маҳсулотлар, хом ашё ва материалларнинг юқори ликвидли турларини сотишнинг бозор механизмларини жорий этишни давом эттириш тўғрисида” 57-сон қарорига мувофиқ ишлаб чиқилган ҳамда пахта момиғини сотиш бўйича аукцион савдоларини тайёрлаш, ташкил этиш ва ўтказишга доир асосий талабларни белгилайди.

1. Мазкур Низомга мувофиқ харид қилинган пахта момиғини фақат республика ичида қайта ишлаш учун фойдаланилиши мумкин ва уни қайта сотиш мумкин эмас.

2. Аукцион савдолари Электрон биржа савдоларининг ягона тизими имкониятларидан фойдаланган ҳолда ойига камида бир маротаба ўтказилади.

II. ПАХТА МОМИҒИНИ АУКЦИОН

САВДОЛАРИГА ҚЎЙИШ

3. Пахта момиғини аукцион савдоларига қўйиш “Пахтасаноат” САЖ томонидан ЎзР ТХБ билан тузиладиган биргаликдаги фаолият тўғрисидаги шартномаларга мувофиқ амалга оширилади.