Ўзбекистон Республикаси Вазирлар Маҳкамасининг 17.06.2020 й. 388-сон "Ўзбекистон Республикаси Молия вазирлиги ҳузуридаги Инқирозга қарши курашиш жамғармасига Халқаро валюта жамғармасидан маблағлар жалб қилиш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

17.06.2020 й.

N 388

ЎЗБЕКИСТОН РЕСПУБЛИКАСИ

МОЛИЯ ВАЗИРЛИГИ ҲУЗУРИДАГИ ИНҚИРОЗГА

ҚАРШИ КУРАШИШ ЖАМҒАРМАСИГА ХАЛҚАРО

ВАЛЮТА ЖАМҒАРМАСИДАН МАБЛАҒЛАР ЖАЛБ

ҚИЛИШ ЧОРА-ТАДБИРЛАРИ ТЎҒРИСИДА

Ўзбекистон Республикаси Президентининг "Коронавирус пандемияси ва глобал инқироз ҳолатларининг иқтисодиёт тармоқларига салбий таъсирини юмшатиш бўйича биринчи навбатдаги чора-тадбирлари тўғрисида" 2020 йил 19 мартдаги ПФ-5969-сон Фармони ижросини таъминлаш мақсадида Вазирлар Маҳкамаси ҚАРОР ҚИЛАДИ:

1. Қуйидагилар:

Ўзбекистон Республикаси Ҳукумати томонидан Халқаро валюта жамғармасининг (кейинги ўринларда - ХВЖ) "Тезкор кредитлаш дастури" бўйича 10 йил муддатга 5 йиллик имтиёзли даври билан 92,05 миллион махсус айирбошлаш ҳуқуқи (МАҲ ёки SDR) миқдоридаги фоизсиз қарз ва "Тезкор молиялаштириш инструменти" бўйича 5 йил муддатга 3 йиллик имтиёзли даври билан 183,55 миллион МАҲ миқдоридаги қарз ажратиш бўйича расмий сўровнома юборилганлиги;

ХВЖ томонидан мазкур сўровнома асосида 2020 йил 18 май куни Ўзбекистон Республикасига юқоридаги маблағлар ажратилиши маъқуллаганлиги;

Ўзбекистон Республикаси Ҳукумати ва Ўзбекистон Республикаси Марказий банки ўртасида мазкур қарзларни Ўзбекистон Республикаси республика бюжетига тушириш ва қарзга хизмат кўрсатиш механизмларини ифодаловчи Англашув Меморандуми имзоланганлиги;

ХВЖ томонидан ажратиладиган қарзлар Ўзбекистон Республикаси Молия вазирлиги ҳузуридаги Инқирозга қарши курашиш жамғармасига йўналтирилиши маълумот учун қабул қилинсин.

2. Қуйидагилар:

Халқаро валюта жамғармаси томонидан "Тезкор кредитлаш дастури" бўйича ажратиладиган қарзни қайтаришнинг прогноз жадвали 1-иловага;

Халқаро валюта жамғармаси томонидан "Тезкор молиялаштириш инструменти" бўйича ажратиладиган қарзни қайтариш, фоиз ва хизмат кўрсатиш ҳақи бўйича тўловларни амалга оширишнинг прогноз жадвали 2-иловага мувофиқ тасдиқлансин.

3. Белгилансинки:

Ўзбекистон Республикаси Молия вазирлиги ХВЖ томонидан ажратиладиган қарзлардан мақсадли ва самарали фойдаланилиши юзасидан масъул ижро этувчи орган ҳисобланади;

ХВЖ томонидан ажратиладиган қарзлар доирасида амалга ошириладиган давлат харидларининг очиқлиги ва шаффофлигини таъминлаш мақсадида давлат буюртмачилари ушбу маблағлар доирасида шартномалар тузилган давлат харидлари ижрочиларининг бенефициарлари тўғрисидаги маълумотларни Ўзбекистон Республикаси Молия вазирлигига тақдим этади;

ХВЖ томонидан ажратиладиган қарзларни қайтариш, фоиз ва хизмат кўрсатиш ҳақи бўйича тўловларни амалга ошириш билан боғлиқ харажатлар Ўзбекистон Республикаси республика бюджети маблағлари ҳисобидан амалга оширилади.

4. Мазкур қарорнинг ижросини назорат қилиш Ўзбекистон Республикаси Бош вазирининг молия - иқтисодиёт ва камбағаликни қисқартириш масалалари бўйича ўринбосари - Ўзбекистон Республикаси иқтисодий тараққиёт ва камбағалликни қисқартириш вазири Ж. А. Қўчқоров ва Ўзбекистон Республикаси молия вазири Т. А. Ишметов зиммасига юклансин.

Ўзбекистон Республикасининг Бош вазири                                                    А. Арипов

Вазирлар Маҳкамасининг

2020 йил 17 июндаги

388-сон қарорига

1-ИЛОВА

Халқаро валюта жамғармаси томонидан

"Тезкор кредитлаш дастури" бўйича

ажратиладиган қарзни қайтаришнинг

ПРОГНОЗ ЖАДВАЛИ

Вазирлар Маҳкамасининг

2020 йил 17 июндаги

388-сон қарорига

2-ИЛОВА

Халқаро валюта жамғармаси томонидан

"Тезкор молиялаштириш инструменти" бўйича

ажратиладиган қарзни қайтариш, фоиз ва хизмат

кўрсатиш бўйича тўловларни амалга оширишнинг

ПРОГНОЗ ЖАДВАЛИ

*) Фоиз ставкаси ХВЖнинг ҳар ҳафта ўзгарувчи SDR фоиз ставкасининг ўзгаришига боғлиқ равишда ўзгаради.

Қонун ҳужжатлари маълумотлари миллий базаси (www.lex.uz),

2020 йил 18 июнь