Ўзбекистон Республикаси Президентининг 02.06.2016 й. ПҚ-2542-сон "Халқаро шартномани тасдиқлаш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

02.06.2016 й.

N ПҚ-2542

ХАЛҚАРО ШАРТНОМАНИ

ТАСДИҚЛАШ ТЎҒРИСИДА

1. МДҲ ҳукуматлари раҳбарлари кенгашининг йиғилишида имзоланган (2015 йил 30 октябрь, Душанбе шаҳри) Табиий ва техноген хусусиятли фавқулодда вазиятларнинголдини олиш ва оқибатларини бартараф этиш соҳасида ўзаро ҳамкорлик тўғрисида 1993 йил 22 январдаги Битимга ўзгартириш ва қўшимчалар киритиш ҳақидаги Протокол тасдиқлансин.

2. Ўзбекистон Республикаси Фавқулодда вазиятлар вазирлиги ушбу халқаро шартномани амалга ошириш юзасидан масъул ваколатли орган этиб белгилансин.

3. Ўзбекистон Республикаси Ташқи ишлар вазирлиги Ўзбекистон Республикаси томонидан мазкур халқаро шартнома кучга кириши учун зарур бўлган давлат ички тартиб-таомиллари бажарилгани ва уни амалга ошириш учун масъул бўлган ваколатли орган тўғрисидаги тегишли билдиришномани депозитарийга юборсин.

4. Ўзбекистон Республикаси Вазирлар Маҳкамаси ҳамда тегишли вазирлик ва идоралар раҳбарлари ушбу халқаро шартнома кучга киргандан кейин Ўзбекистон Республикасининг мажбуриятлари бажарилиши устидан назоратни белгиланган тартибда таъминласин.

5. Мазкур қарорнинг ижросини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.

Ўзбекистон Республикаси Президенти                                      И. Каримов

Қонун ҳужжатлари маълумотлари миллий базаси (www.lex.uz)