Одам савдосидан жабрланган ёки одам савдосидан жабрланган деб тахмин қилинаётган шахсларни идентификация қилиш ва қайта йўналтириш тартиби тўғрисида Низом (ЎзР ВМ 08.02.2021 й. 60-сон қарорига 1-илова)

Функция недоступна

Вазирлар Маҳкамасининг

2021 йил 8 февралдаги

60-сон қарорига

1-ИЛОВА

Одам савдосидан жабрланган ёки одам

савдосидан жабрланган деб тахмин қилинаётган

шахсларни идентификация қилиш ва қайта

йўналтириш тартиби тўғрисида

НИЗОМ

1-БОБ. УМУМИЙ ҚОИДАЛАР

1. Ушбу Низом одам савдосидан жабрланган ёки одам савдосидан жабрланган деб тахмин қилинаётган шахсларни идентификация қилиш ва қайта йўналтириш тартибини белгилайди.

2. Ушбу Низомда қуйидаги асосий тушунчалар қўлланилади:

дастлабки идентификация - жисмоний шахсни одам савдосидан жабрланган деб тахмин қилинаётган шахс деб тан олиш тўғрисида қарор қабул қилиш мақсадида маълумотларни олишга, ўрганишга ва баҳолашга қаратилган чора-тадбирлар;

суҳбат - одам савдосидан жабрланган деб тахмин қилинаётган шахсларни аниқлаш, уларга тегишли ёрдамларни кўрсатиш учун одам савдосидан жабрланган шахс сифатида эътироф этишга ҳамда уларнинг Қонунда кўрсатилган ҳуқуқларини тиклашга қаратилган суҳбат;

суҳбат ва қайта йўналтиришни олиб борувчи мутахассис - "Одам савдосига қарши курашиш тўғрисида"ги Ўзбекистон Республикаси Қонунининг (кейинги ўринларда - Қонун) 10-моддасида кўрсатилган давлат органлари ва уларнинг ҳудудий бўлинмаларининг махсус билим ва кўникмага эга бўлган вакили;

қайта йўналтириш - одам савдосидан жабрланган, одам савдосидан жабрланган деб тахмин қилинаётган шахсларни тезкор, сифатли ва малакали ёрдам кўрсатилишига ҳамда ҳимояга олишга йўналтириш;

якуний идентификация - жисмоний шахсни одам савдосидан жабрланган деб тан олиш ёки тан олишни рад этиш тўғрисида қарор қабул қилиш.

3. Одам савдосидан жабрланган, одам савдосидан жабрланган деб тахмин қилинаётган шахсларни идентификация қилиш ва қайта йўналтириш фаолияти давлат органлари ва уларнинг ҳудудий бўлинмалари томонидан фуқароларнинг ўзини ўзи бошқариш органлари, нодавлат нотижорат ташкилотлари ва фуқаролик жамиятининг бошқа институтлари билан ҳамкорликда амалга оширилади.

4. Одам савдосидан жабрланган, одам савдосидан жабрланган деб тахмин қилинаётган шахсларни идентификация қилиш ва қайта йўналтиришда фуқароларнинг ўзини ўзи бошқариш органлари, нодавлат нотижорат ташкилотлари ва фуқаролик жамиятининг бошқа институтлари давлат органларига кўмаклашади.

5. Ушбу Низом қоидалари одам савдосидан жабрланган, одам савдосидан жабрланган деб тахмин қилинаётган Ўзбекистон Республикаси фуқаролари, чет эл фуқаролари ва фуқаролиги бўлмаган шахсларга нисбатан қўлланилади.

6. Одам савдосидан жабрланган ёки одам савдосидан жабрланган деб тахмин қилинаётган шахсларни аниқлаш ва идентификация қилиш мазкур шахсларнинг ҳуқуқларини ҳимоя қилиш, одам савдосидан жабрланганларнинг камситилишига йўл қўймаслик тамойилига асосланади.

2-БОБ. ИДЕНТИФИКАЦИЯ ВА ҚАЙТА

ЙЎНАЛТИРИШНИ АМАЛГА ОШИРУВЧИ

ОРГАНЛАР ВА ТАШКИЛОТЛАР ҲАМДА

УЛАРНИНГ ВАЗИФАЛАРИ

7. Қуйидагилар дастлабки идентификацияни бевосита амалга оширувчи давлат органлари ва уларнинг ҳудудий бўлинмалари (кейинги ўринларда - ваколатли давлат органлари) ҳисобланади:

Ўзбекистон Республикаси Ички ишлар вазирлиги;

Ўзбекистон Республикаси Бош прокуратураси;

Ўзбекистон Республикаси Давлат хавфсизлик хизмати;

Ўзбекистон Республикаси Камбағалликни қисқартириш ва бандлик вазирлиги ва унинг тизимидаги ташкилотлар;

Ўзбекистон Республикаси Ташқи ишлар вазирлиги, Ўзбекистон Республикасининг хориждаги дипломатик ваколатхоналари ва консуллик муассасалари;

Ўзбекистон Республикаси Соғлиқни сақлаш вазирлиги.

8. Якуний идентификация Одам савдосига қарши курашиш ва муносиб меҳнат масалалари бўйича ҳудудий комиссия (кейинги ўринларда - ҳудудий комиссия) томонидан коллегиал тарзда амалга оширилади.

9. Ўзбекистон Республикаси Ички ишлар вазирлиги ўз ваколатлари доирасида:

одам савдоси билан боғлиқ жиноятлар ва ҳуқуқбузарликлар тўғрисидаги аризаларни, хабарларни ва бошқа ахборотни қабул қилади, рўйхатга олади ҳамда уларнинг "Жисмоний ва юридик шахсларнинг мурожаатлари тўғрисида"ги Ўзбекистон Республикасининг Қонун, шунингдек, маъмурий жавобгарлик, жиноят-процессуал, жиноят-ижроия тўғрисидаги қонун ҳужжатлари ва бошқа қонунларга мувофиқ кўриб чиқилишини таъминлайди;

келиб тушган мурожаатлар орқали одам савдосидан жабрланган ёки одам савдосидан жабрланган деб тахмин қилинаётган шахсларни аниқлаш мақсадида уларни идентификация қилади ҳамда қайта йўналтиради;

ушлаб турилганлар, қамоққа олинганлар ва маҳкумлар орасида одам савдоси билан боғлиқ жиноятлардан жабрланган шахслар ҳақида маълумот тўплайди, таҳлил қилади ва уларни идентификация қилишни ташкил этади;

ахборот-коммуникация технологиялари ва ижтимоий медиа соҳасида одам савдоси билан боғлиқ жиноятлардан жабрланган шахслар ҳақида маълумот тўплайди, таҳлил қилади ва уларни идентификация қилишни ташкил этади;

одам савдосидан жабрланган деб тахмин қилинаётган шахсни дастлабки идентификация қилиш мақсадида пул маблағлари ёки бошқа мол-мулк билан боғлиқ операцияларни амалга оширувчи ташкилотлар билан ҳамкорлик қилади ва "Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида"ги Ўзбекистон Республикаси Қонунда назарда тутилган ҳаракатларни амалга оширади;

одам савдоси билан боғлиқ жиноятларни фош этиш бўйича тезкор-қидирув фаолиятини, жиноят ишлари бўйича терговга қадар текширув, суриштирув ва дастлабки тергов ўтказишни ташкил этиш ҳамда амалга ошириш даврида одам савдосидан жабрланган, одам савдосидан жабрланган деб тахмин қилинаётган шахсларни дастлабки идентификация қилиш ва қайта йўналтиришни амалга оширади;

одам савдоси ва у билан боғлиқ жиноятларга тўқнаш келиш хавф остида бўлган шахслар орасидан одам савдосидан жабрланган, одам савдосидан жабрланган деб тахмин қилинаётган шахсларни аниқлаш учун идентификация қилишга йўналтирилган ижтимоий дастурлар ва лойиҳаларни амалга оширади;

идентификация қилиш ва қайта йўналтириш жараёнларида қатнашаётган давлат органлари ва фуқароларнинг ўзини ўзи бошқариш органлари, нодавлат нотижорат ташкилотлари ва фуқаролик жамиятининг бошқа институтлари мутахассисларининг одам савдосидан жабрланган, одам савдосидан жабрланган деб тахмин қилинаётган шахсни аниқлаш ва идентификация қилиш усуллари ва мезонлари бўйича малака даражасини ошириш мақсадида ҳар йили камида бир маротаба ўқув семинар-тренинглар ташкил этади. Ўз ходимларининг малака даражасини ошириш истагини билдирган мазкур орган ва ташкилотларнинг тақдимномасига асосан Ўзбекистон Республикаси Ички ишлар вазирлигининг Малака ошириш институти ва унинг ҳудудий филиалларида ўқитиш ташкил этилади;

одам савдоси жиноятлари содир этилган хорижий давлатлар ҳудудида жойлашган Ўзбекистон Республикасининг дипломатик ваколатхоналари ва консуллик муассасалари ходимлари учун ҳар йили одам савдосининг муаммоси тўғрисида хабардорликни ошириш ва бошқа мамлакатда аниқланган одам савдосидан жабрланган, одам савдосидан жабрланган деб тахмин қилинаётган шахсни қайта йўналтириш бўйича кўникмаларни ривожлантиришга қаратилган ўқув семинар-тренингларини масофавий видео-алоқа каналлари орқали ташкил этади.

Идентификация қилиш ва қайта йўналтириш жараёнларида қатнашаётган давлат органлари ва фуқароларнинг ўзини ўзи бошқариш органлари, нодавлат нотижорат ташкилотлари ва фуқаролик жамиятининг бошқа институтлари мутахассисларининг одам савдосидан жабрланган, одам савдосидан жабрланган деб тахмин қилинаётган шахсни аниқлаш ва идентификация қилиш усуллари ва мезонлари бўйича малака даражасини ошириш мақсадида ҳар йили камида бир маротаба ўқув семинар-тренинглар ташкил этади;

10. Ўзбекистон Республикаси Бош прокуратураси ўз ваколатлари доирасида:

одам савдоси билан боғлиқ жиноятлар ва ҳуқуқбузарликлар тўғрисидаги аризаларни, хабарларни ва бошқа ахборотни қабул қилади, рўйхатга олади ҳамда уларнинг "Жисмоний ва юридик шахсларнинг мурожаатлари тўғрисида"ги Ўзбекистон Республикасининг Қонуни, шунингдек, маъмурий жавобгарлик, жиноят-процессуал, жиноят-ижроия тўғрисидаги қонун ҳужжатлари ва бошқа қонунларга мувофиқ кўриб чиқилишини таъминлайди;

келиб тушган мурожаатлар орқали одам савдосидан жабрланган, одам савдосидан жабрланган деб тахмин қилинаётган шахсларни аниқлаш мақсадида уларни идентификация қилади ҳамда қайта йўналтиради;

одам савдосидан жабрланган ёки одам савдосидан жабрланган деб тахмин қилинаётган шахсларни аниқлаш мақсадида уларни идентификация қилиш ва қайта йўналтириш фаолияти билан шуғулланувчи вазирликлар, давлат қўмиталари, идоралар, фуқароларнинг ўзини ўзи бошқариш органлари, жамоат бирлашмалари, корхоналар, муассасалар, ташкилотлар, ҳокимлар ва бошқа мансабдор шахслар томонидан қонунларнинг ижро этилишини назорат қилади;

одам савдосидан жабрланган, одам савдосидан жабрланган деб тахмин қилинаётган шахсларнинг Қонунда кўрсатилган ҳуқуқ ҳамда эркинликларини таъминлашга қаратилган ҳаракатлар ижросини назорат қилади;

тезкор-қидирув фаолиятини, терговга қадар текширувни, суриштирувни, дастлабки терговни амалга оширадиган органлар томонидан одам савдосидан жабрланган, одам савдосидан жабрланган деб тахмин қилинаётган шахсларни идентификация қилиш ва қайта йўналтириш фаолиятида қонунларнинг ижро этилишини назорат қилиш ҳамда уларнинг одам савдосига қарши курашиш борасидаги фаолиятини мувофиқлаштиради.

11. Ўзбекистон Республикаси Давлат хавфсизлик хизмати ўз ваколатлари доирасида:

одам савдоси билан боғлиқ жиноятлар ва ҳуқуқбузарликлар тўғрисидаги аризаларни, хабарларни ва бошқа ахборотни қабул қилади, рўйхатга олади ҳамда уларнинг "Жисмоний ва юридик шахсларнинг мурожаатлари тўғрисида"ги Ўзбекистон Республикасининг Қонун, шунингдек, маъмурий жавобгарлик, жиноят-процессуал, жиноят-ижроия тўғрисидаги қонун ҳужжатлари ва бошқа қонунларга мувофиқ кўриб чиқилишини таъминлайди;

келиб тушган мурожаатлар орқали одам савдосидан жабрланган, одам савдосидан жабрланган деб тахмин қилинаётган шахсларни аниқлаш мақсадида уларни идентификация қилади ҳамда қайта йўналтиради;

халқаро террорчилик ташкилотлари ва уюшган жиноий гуруҳлар томонидан амалга ошириладиган одам савдоси билан боғлиқ жиноят ишлари бўйича терговга қадар текширув ҳамда дастлабки тергов ўтказиш ҳамда одам савдоси билан шуғулланувчи шахслар ва одам савдосидан жабрланганлар томонидан Ўзбекистон Республикасининг Давлат чегарасини кесиб ўтишга уринишлар даврида одам савдосидан жабрланган, одам савдосидан жабрланган деб тахмин қилинаётган шахсларнинг дастлабки идентификация қилиш ва қайта йўналтиришни амалга оширади;

одам савдоси ва у билан боғлиқ жиноятларга тўқнаш келиш хавф остида бўлган шахслар орасидан одам савдосидан жабрланган, одам савдосидан жабрланган деб тахмин қилинаётган шахсларни аниқлаш учун идентификация қилишга йўналтирилган ижтимоий дастурлар ва лойиҳаларни амалга оширади.

12. Ўзбекистон Республикаси Камбағалликни қисқартириш ва бандлик вазирлиги ўз ваколатлари доирасида:

одам савдоси билан боғлиқ жиноятлар ва ҳуқуқбузарликлар тўғрисидаги аризаларни, хабарларни ва бошқа ахборотни қабул қилади, рўйхатга олади ҳамда уларнинг "Жисмоний ва юридик шахсларнинг мурожаатлари тўғрисида"ги Ўзбекистон Республикасининг Қонун, шунингдек, маъмурий жавобгарлик, жиноят-процессуал, жиноят-ижроия тўғрисидаги қонун ҳужжатлари ва бошқа қонунларга мувофиқ кўриб чиқилишини таъминлайди;

келиб тушган мурожаатлар орқали одам савдосидан жабрланган, одам савдосидан жабрланган деб тахмин қилинаётган шахсларни аниқлаш мақсадида уларни идентификация қилади ҳамда қайта йўналтиради;

вазирликлар, идоралар ва хўжалик бошқаруви органларида меҳнат муносабатлари, меҳнатни муҳофаза қилиш, касб ва меҳнат стандартлари, гендер тенгликка риоя этишни таъминлаш жараёнида қонун бузилиш ҳолатлари аниқланганда, одам савдосидан жабрланган деб тахмин қилинаётган шахсларни дастлабки идентификация қилишни амалга оширади;

хорижда меҳнат фаолиятини амалга ошириш даврида зўравонлик, мажбурий меҳнат ва камситишдан жабрланган, меҳнат ва бошқа ҳуқуқлари бузилган, оғир молиявий аҳволга тушган ва шахсини тасдиқловчи ҳужжатларсиз, кундалик зарур эҳтиёжлари учун маблағсиз қолган шахслар орасидан одам савдосидан жабрланган ёки одам савдосидан жабрланган деб тахмин қилинаётган шахсларни дастлабки идентификация қилиш ва қайта йўналтиришини амалга оширади;

одам савдоси ва у билан боғлиқ жиноятларга тўқнаш келиш хавф остида бўлган шахслар орасидан одам савдосидан жабрланган ёки одам савдосидан жабрланган деб тахмин қилинаётган шахсларни аниқлаш учун идентификация қилишга йўналтирилган ижтимоий дастурлар ва лойиҳаларни амалга оширади.

13. Ўзбекистон Республикаси Ташқи ишлар вазирлиги, Ўзбекистон Республикасининг хориждаги дипломатик ваколатхоналари ва консуллик муассасалари ўз ваколатлари доирасида:

одам савдоси билан боғлиқ жиноятлар ва ҳуқуқбузарликлар тўғрисидаги аризаларни, хабарларни ва бошқа ахборотни қабул қилади, рўйхатга олади ҳамда уларнинг "Жисмоний ва юридик шахсларнинг мурожаатлари тўғрисида"ги Ўзбекистон Республикаси Қонунига мувофиқ кўриб чиқилишини таъминлайди;

келиб тушган мурожаатлар орқали одам савдосидан жабрланган деб тахмин қилинаётган шахсларни аниқлаш мақсадида улар томонидан тақдим этилган маълумот ва ҳужжатларга асосан дастлабки идентификация қилишни амалга оширади ҳамда қайта йўналтиради;

чет эл ҳудудида бўлиб турган, одам савдосидан тахминий жабрланган Ўзбекистон Республикаси фуқаролари ва Ўзбекистон Республикасининг фуқаролиги бўлмаган шахсларнинг ҳуқуқларини ҳимоя қилиш бўйича фаолиятни амалга ошириш давомида одам савдосидан жабрланган деб тахмин қилинаётган шахс деб топиш мақсадида улар томонидан тақдим этилган маълумот ва ҳужжатларга асосан дастлабки идентификация қилиш ва қайта йўналтиришни амалга оширади.

14. Ўзбекистон Республикаси Соғлиқни сақлаш вазирлиги ўз ваколатлари доирасида:

одам савдоси билан боғлиқ жиноятлар ва ҳуқуқбузарликлар тўғрисидаги аризаларни, хабарларни ва бошқа ахборотни қабул қилади, рўйхатга олади ҳамда уларнинг "Жисмоний ва юридик шахсларнинг мурожаатлари тўғрисида"ги Ўзбекистон Республикасининг Қонун, шунингдек, маъмурий жавобгарлик, жиноят-процессуал, жиноят-ижроия тўғрисидаги қонун ҳужжатлари ва бошқа қонунларга мувофиқ кўриб чиқилишини таъминлайди;

келиб тушган мурожаатлар орқали одам савдосидан жабрланган, одам савдосидан жабрланган деб тахмин қилинаётган шахсларни аниқлаш мақсадида уларни идентификация қилади ҳамда қайта йўналтиради;

шахсларга тиббий ёрдам кўрсатиш ва уларни даволаш даврида одам савдосидан жабрланган ёки одам савдосидан жабрланган деб тахмин қилинаётган шахсларни дастлабки идентификация қилиш ва қайта йўналтиришни амалга оширади.

15. Фуқароларнинг ўзини ўзи бошқариш органлари, нодавлат нотижорат ташкилотлари ва фуқаролик жамиятининг бошқа институтлари идентификация қилиш ва қайта йўналтиришда иштирок этиш жараёнида қуйидаги ҳуқуқларга эга:

одам савдосидан жабрланган ёки одам савдосидан жабрланган деб тахмин қилинаётган шахсларни дастлабки ва якуний идентификация қилиш ва қайта йўналтириш ваколатли давлат органлар томонидан амалга оширилишида иштирок этади ва кўмаклашади;

одам савдосидан жабрланган ёки одам савдосидан жабрланган деб тахмин қилинаётган шахслар ҳақида маълумот келиб тушганда зудлик билан ваколатли давлат органларини бу ҳақда хабардор қилади ва дастлабки, якуний идентификация қилиш ҳамда қайта йўналтиришда иштирок этади;

идентификация ва қайта йўналтириш босқичларида жамоатчилик назоратини амалга оширади;

одам савдоси ва у билан боғлиқ жиноятларга тўқнаш келиш хавф остида бўлган шахслар орасидан одам савдосидан жабрланган ёки одам савдосидан жабрланган деб тахмин қилинаётган шахсларни аниқлаш учун идентификация қилишга йўналтирилган ижтимоий дастурлар ва лойиҳаларни амалга оширишда иштирок этади.

3-БОБ. ОДАМ САВДОСИДАН ЖАБРЛАНГАН

ЁКИ ОДАМ САВДОСИДАН ЖАБРЛАНГАН

ДЕБ ТАХМИН ҚИЛИНАЁТГАН ШАХСЛАРНИ

ИДЕНТИФИКАЦИЯ ҚИЛИШ ТАРТИБИ

16. Одам савдосидан жабрланган ёки одам савдосидан жабрланган деб тахмин қилинаётган шахсларни идентификация қилиш ва қайта йўналтириш ушбу Низомга 1-иловага мувофиқ схема бўйича амалга оширилади.

17. Дастлабки идентификация қилиш жараёни ушбу фаолиятни амалга оширувчи давлат органининг махсус жиҳозланган хонасида, ҳар бир шахс билан алоҳида, хавфсиз муҳитда, одам савдосидан жабрланган деб тахмин қилинаётган шахсларнинг асосий эҳтиёжлари (озиқ-овқат ва сув, мос кийим, биринчи зарур тиббий ёрдам) қондирилгандан сўнг амалга оширилади.

18. Одам савдосидан жабрланган деб тахмин қилинаётган шахсларни аниқлашнинг дастлабки босқичида шифокорлар ёки тиббиёт ходимлари уларнинг соғлиғи ҳолатини, жисмоний шикастланишлар ва касалликлар мавжудлигини қайд этишлари шарт. Aгар дастлабки идентификация қилиш босқичида шифокор ёки соғлиқни сақлаш мутахассиси мавжуд бўлмаган тақдирда, дастлабки идентификация қилишни амалга оширувчи ваколатли давлат органининг мутахассиси (кейинги ўринларда - мутахассис) соғлиқ ва жисмоний шикастланишларни (агар мавжуд бўлса) танасини кўздан кечириш асосида қайд этиши керак.

19. Дастлабки идентификация қилишда мутахассис одам савдосидан жабрланган деб тахмин қилинаётган шахсларга улар тушунадиган тилда ўзини таништириши ва улар билан ишлашдаги ролларини тушунтириши, шунингдек, идентификация жараёнлари ҳақида тўлиқ маълумот бериши ҳамда зарур ҳолларда психологнинг иштирокини таъминлаши шарт.

Мутахассис одам савдосидан жабрланган ёки одам савдосидан жабрланган деб тахмин қилинаётган шахсларга чуқур руҳий, ижтимоий, жисмоний ва бошқа таъсир ёки жароҳат билан боғлиқ бўлган хулқ-атвор, алоқа ва бошқа хусусиятларни ҳамда одам савдосидан жабрланган эркак ва аёлларнинг турли талаб, хоҳиш-истаги, қизиқишини ва эҳтиёжларга эга бўлишлигини инобатга олиб, камситилишга йўл қўймаслик каби ёндашувлар асосида суҳбат олиб бориши лозим.

20. Одам савдосидан жабрланган деб тахмин қилинаётган шахсларнинг дастлабки идентификацияси суҳбат шаклида амалга оширилади ва уни ўтказиш учун шахсдан розилик олиш талаб этилади.

21. Шахс одам савдосидан жабрланган деб тахмин қилинаётган шахс сифатида дастлабки идентификациядан ўтишга розилик берган бўлса, ушбу Низомга 2-иловага мувофиқ шаклда расмийлаштирилади.

22. Агар шахс одам савдосидан жабрланган деб тахмин қилинаётган шахс сифатида дастлабки идентификациядан ўтишга розилик бермаган бўлса, ушбу Низомга 3-иловага мувофиқ шаклда расмийлаштирилади ҳамда ушбу Низомда назарда тутилган ҳаракатларни амалга ошириш тўхтатилади.

23. Суҳбат ўтказиш жараёнида мутахассис одам савдосидан жабрланган деб тахмин қилинаётган шахсларни қуйидаги маълумотлар билан таништириши шарт:

одам савдосидан жабрланганлик ҳолатига аниқлик киритиш учун дастлабки идентификациядан ўтиш тартиби;

дастлабки идентификация жараёнида одам савдосидан жабрланган деб тахмин қилинган шахс сифатида тан олинса, унга ҳимоя ва Қонунда кўрсатилган ёрдам турларидан фойдаланиш ҳуқуқи;

одам савдосидан жабрланган шахслар мажбурлов ёки таҳдид остида содир этилган қилмиш учун фуқаролик, маъмурий ва жиноий жавобгарликдан қонун ҳужжатларида белгиланган тартибда озод қилиниши.

24. Дастлабки идентификация қуйидаги асослар мавжуд бўлганда амалга оширилиши мумкин:

одам савдоси жиноятларидан жабрланган шахслар, уларнинг яқин қариндошлари ва қонуний вакилларининг аризалари;

корхоналар, муассасалар, жамоат бирлашмалари, нодавлат нотижорат ташкилотлар, оммавий ахборот воситалари ва мансабдор шахсларнинг хабарлари;

дастлабки идентификацияни амалга оширувчи ваколатли давлат органлари, фуқароларнинг ўзини ўзи бошқариш органлари, нодавлат нотижорат ташкилотлари ва фуқаролик жамиятининг бошқа институтлари билан ҳамкорликда одам савдоси билан боғлиқ жиноят содир этганлигини кўрсатувчи маълумотлар ва изларни бевосита ўзлари аниқлаши;

одам савдосидан жабрланганларнинг мурожаат қилишлари учун мўлжалланган "ишонч телефони"га келиб тушган мурожаатлар;

одам савдосидан жабрланган, одам савдосидан жабрлаган деб тахмин қилинаётган шахслар Ўзбекистон Республикасининг хориждаги дипломатик ваколатхоналари ва консуллик муассасаларига бевосита мурожаат этганида, шунингдек, хорижий давлатлар ёки халқаро ташкилотларнинг тегишли ахбороти;

шахсларнинг ўз айбини бўйнига олиш ҳақидаги аризалари.

25. Ушбу Низомнинг 24-бандида кўрсатилган ҳолатлар аниқланганда, мутахассис 5 суткадан кечиктирмасдан ушбу Низомга 4-иловага мувофиқ одам савдосидан жабрланган шахсларни дастлабки идентификация қилиш учун суҳбат ўтказади.

26. Суҳбат давомида етарли асослар мавжуд бўлган тақдирда, шахс одам савдосидан жабрланган деб тахмин қилинаётган шахс деб тан олинади ёки рад этилади ва ушбу Низомга 5-иловага мувофиқ одам савдосидан жабрланган деб тахмин қилинаётган шахсларни идентификация қилиш анкетаси тўлдирилади.

27. Дастлабки идентификация қилиш давомида мутахассис одам савдосидан жабрланган деб тахмин қилинаётган шахсларни қуйидаги ҳуқуқлари билан таништиради ҳамда одам савдосидан жабрланган деб тахмин қилинаётган шахс сифатида тан олинганда, уларнинг ушбу ҳуқуқлардан фойдаланиши таъминланади:

тиббий ёрдам олиш;

психологик ёрдам олиш;

ҳуқуқий маслаҳат олиш;

вақтинча яшаш жойидан (бошпанадан) фойдаланиш;

яқин қариндошлари билан алоқа ўрнатиш;

таржимон хизматларидан текин фойдаланиш.

28. Суҳбат ўтказган мутахассис қуйидагиларни расмийлаштиради:

одам савдосидан жабрланган деб тахмин қилинаётган шахслар ушбу Низомга 6-иловага мувофиқ шаклда дастлабки ёрдам кўрсатиш зарурлиги ҳақида аризани тўлдириб, агар ёрдам олишни рад этса, ушбу Низомга 7-иловага мувофиқ шаклда ҳамда ўз ваколати доирасида аризани кўриб чиқади ёки ваколат доирасига кирмаса тегишлилиги бўйича ваколатли давлат органига юборади;

ушбу Низомга 6-иловага мувофиқ дастлабки ёрдам кўрсатиш зарурлиги ҳақидаги аризани ёки ёрдам олишни рад этса, 7-иловага мувофиқ аризанинг бир нусхасини одам савдосидан жабрланган деб тахмин қилинаётган шахсларга топширади.

29. Одам савдосидан жабрланган деб тахмин қилинган шахсларни ёки одам савдосидан жабрланган деб тахмин қилинаётган вояга етмаган шахсларни аниқлаш учун мутахассис ушбу Низомга 8-иловада кўрсатилган мезонларга мувофиқ ушбу шахсларни дастлабки идентификация қилади.

30. Одам савдосидан жабрланган деб тахмин қилинаётган шахсларни аниқлаш учун дастлабки идентификация қилишнинг қуйидаги мезонлари амалга оширилади:

ҳаракатлар, яъни шахснинг розилиги билан ёки розилигисиз амалга ошириладиган одамни олди-сотди қилиш, ёллаш, ташиш, топшириш, яшириш ёки қабул қилиш;

таъсир ўтказиш воситаларининг қўлланилганлиги, яъни куч ишлатиш ёки куч билан таҳдид қилиш ёхуд мажбурлашнинг бошқа шаклларидан фойдаланиш, ўғирлаш, фирибгарлик, алдаш, ҳокимиятни суиистеъмол қилиш ёки вазиятнинг қалтислигидан фойдаланиш орқали ёхуд бошқа шахсни назорат қилувчи шахснинг розилигини олиш учун тўловлар ёки манфаатдор қилиш эвазига оғдириб олиш;

мақсад, яъни одамлардан фойдаланиш бошқа шахсларнинг фоҳишалигидан фойдаланишни ёки улардан шаҳвоний фойдаланишнинг ўзга шаклларини, мажбурий меҳнатни ёки хизматларни, қулликни ёхуд қулликка ўхшаш одатларни, эрксизлик ҳолатини ёхуд инсон аъзоларини, тўқималарини ва (ёки) ҳужайраларини ажратиб олиш ҳаракатларининг мавжудлиги.

31. Шахс одам савдосидан жабрланган деб тахмин қилинаётган шахс сифатида эътироф этилганда, мутахассис мазкур шахсни унинг ҳуқуқлари билан таништиради ва унинг розилиги билан ҳудудий комиссияга шахсни якуний идентификация қилиш масаласини кўриб чиқиш учун ҳужжатларини юборади, зарур бўлганда жисмоний ва психологик жиҳатдан тикланишида ёрдам кўрсатиш учун ихтисослаштирилган муассасага юборади.

32. Одам савдосидан жабрланган деб тахмин қилинаётган шахс билан суҳбат ўтказиш жараёни мутахассис томонидан амалга оширилади.

33. Суҳбат савол-жавоб тарзида ўтказилади ва унда мутахассис савол бериш йўли билан одам савдосидан жабрланган деб тахмин қилинаётган шахснинг идентификация анкетасини тўлдиради. Мутахассис суҳбат давомида одам савдосидан жабрланган деб тахмин қилинаётган шахснинг руҳий ва жисмоний ҳолатини инобатга олган ҳолда, суҳбатни тўхтатиши ва уни бошқа вақтда давом эттириши мумкин.

34. Суҳбат якунида мутахассис:

одам савдосидан жабрланган деб тахмин қилинаётган шахсдан олинган маълумотларни таҳлил қилади;

одам савдосидан жабрланган деб тахмин қилинаётган шахсдан дастлабки идентификация мезонларига мувофиқ олинган маълумотлар асосида якуний идентификацияни амалга ошириш, зарур ҳужжатларни расмийлаштиради ва ушбу масалани белгиланган тартибда кўриб чиқиш учун ҳудудий комиссияга киритади;

агар шахс одам савдосидан жабрланган деб тахмин қилинаётган шахс сифатида эътироф этилган бўлса, ушбу Низомга 9-иловага мувофиқ қарор қабул қилинади ҳамда унга одам савдосидан жабрланганларни қайта йўналтириш жараёнида иштирок этиш учун ариза бериш таклиф этилади;

одам савдосидан жабрланган деб тахмин қилинаётган шахсга Қонунда кўрсатилган ёрдамлар кўрсатилиши учун ариза олинади.

35. Якуний идентификация шахсни одам савдосидан жабрланган деб тахмин қилинаётган шахс деб тан олиш тўғрисидаги қарор келиб тушган пайтдан эътиборан ҳудудий комиссия томонидан "Жисмоний ва юридик шахсларнинг мурожаатлари тўғрисида"ги Ўзбекистон Республикаси Қонуннинг 28-моддасида назарда тутилган муддатларда амалга оширилади.

36. Якуний идентификация маъмурий жавобгарлик, фуқаролик процессуал, жиноят-процессуал, жиноят-ижроия тўғрисидаги қонун ҳужжатларига мувофиқ ҳудудий комиссиялар томонидан одам савдоси билан боғлиқ ҳолатларга ойдинлик ва аниқлик киритилгандан кейин шахсни ушбу Низомнинг 10-иловасига мувофиқ одам савдосидан жабрланган деб топиш тўғрисида қарорни қабул қилиш орқали амалга оширилади

37. Одам савдосидан жабрланган деб тан олинган шахс ижтимоий реабилитация ва мослашув ҳуқуқига эга.

4-БОБ. ОДАМ САВДОСИДАН ЖАБРЛАНГАН

ЁКИ ОДАМ САВДОСИДАН ЖАБРЛАНГАН ДЕБ

ТАХМИН ҚИЛИНАЁТГАН ШАХСЛАРНИ

ҚАЙТА ЙЎНАЛТИРИШ

38. Одам савдосидан жабрланган ёки одам савдосидан жабрланган деб тахмин қилинаётган шахсларни қайта йўналтириш уларга зарур бўлган ёрдамни, ҳимояни ва реабилитацияни таъминлаш учун амалга оширилади.

39. Одам савдосидан жабрланган ёки одам савдосидан жабрланган деб тахмин қилинаётган шахсларни қайта йўналтириш уларнинг ушбу Низомга 6-иловага мувофиқ ёзган аризаси асосида амалга оширилади.

40. Дастлабки идентификация натижасига кўра, одам савдосидан жабрланган деб тахмин қилинаётган шахсларга зарур бўлган ёрдамни кўрсатиш учун қайта йўналтириш тартиби белгиланади.

41. Қайта йўналтириш одам савдосидан жабрланган ёки одам савдосидан жабрланган деб тахмин қилинаётган шахсларнинг розилиги билан фақат қуйидаги ҳолатларда амалга оширилади:

одам савдосидан жабрланган шахсларни қайта йўналтириш улар учун хавф туғдирмаса;

одам савдосидан жабрланган ёки одам савдосидан жабрланган деб тахмин қилинаётган шахсларни одам савдосидан жабрланганларни реабилитация қилиш, уларга ёрдам кўрсатиш ва уларни ҳимоя қилиш бўйича ихтисослаштирилган муассасаларга юбориш талаб этилса;

одам савдосидан жабрланган ёки одам савдосидан жабрланган деб тахмин қилинаётган шахслар уларни қайта йўналтиришни амалга оширувчи давлат органлари билан ҳамкорлик қилиш ҳуқуқидан фойдаланишдан бош тортмаса.

42. Қайта йўналтиришни амалга ошираётган ваколатли давлат органлари одам савдосидан жабрланган ёки одам савдосидан жабрланган деб тахмин қилинаётган шахсларга қуйидагилар ҳақида маълумот беради:

одам савдосидан жабрланган шахсларни ҳимоя қилиш тизими;

вақтинчалик яшаш жойидан (бошпанадан) фойдаланиш ҳуқуқи;

одам савдоси жиноятларини содир этилишини ташкил этаётган ва амалга ошираётган шахсларни жиноий жавобгарликка тортиш учун ҳуқуқни муҳофаза қилувчи органлар билан ҳамкорлик қилиш ҳуқуқи;

ёрдам бериш ва ҳимоя қилиш мақсадида уларнинг розилиги билан одам савдосидан жабрланган шахсларга ёрдам кўрсатиш ва уларни ҳимоя қилиш бўйича ихтисослаштирилган муассасаларга (кейинги ўринларда - ихтисослаштирилган муассасалар) юборилиши.

43. Ихтисослаштирилган муассасаларда тез тиббий ёрдам, психологик ёрдам, ҳуқуқий маслаҳат, таржимон хизматларидан текин фойдаланиш ҳуқуқи, вақтинча яшаш жойи (бошпана) билан таъминлаш ҳамда яқин қариндошлари билан алоқа ўрнатилишига ёрдам берилади.

44. Одам савдосидан жабрланган ёки одам савдосидан жабрланган деб тахмин қилинаётган шахсларни қайта йўналтиришда мутахассис томонидан қуйидаги чора-тадбирлар амалга оширилади:

ижтимоий ва реабилитация хизматларини кўрсатишни ташкил этиш;

одам савдоси жиноятларини содир этишда иштирок этаётган шахсларни жиноий жавобгарликка тортиш учун ваколатли органлар билан ҳамкорлик қилишни таклиф этиш;

заруратга кўра, Қонунда белгиланган тартибда соғлиқни сақлаш, бандлик ва бошқа соҳаларда ёрдам кўрсатилишига кўмаклашиш ва йўналтириш;

одам савдосидан жабрланган шахслар тўғрисида ҳуқуқни муҳофаза қилувчи органларга хабар бериш.

45. Одам савдосидан жабрланган ёки одам савдосидан жабрланган деб тахмин қилинаётган шахсларни қайта йўналтиришда Ўзбекистон Республикаси Соғлиқни сақлаш вазирлиги ва унинг ҳудудий бўлинмалари томонидан қуйидаги чора-тадбирлар амалга оширилади:

дастлабки тиббий текширувни амалга оширилиши, уларга тиббий ёрдам кўрсатилиши ҳамда ихтисослаштирилган муассасаларга юборилишини таъминлаш;

одам савдосидан жабрланганлар тўғрисида ҳуқуқни муҳофаза қилувчи органларга хабар бериш.

46. Одам савдосидан жабрланган ёки одам савдосидан жабрланган деб тахмин қилинаётган шахсларни қайта йўналтиришда Ўзбекистон Республикаси Камбағалликни қисқартириш ва бандлик вазирлиги ва унинг тизимидаги ташкилотлар томонидан қуйидаги чора-тадбирлар амалга оширилади:

дастлабки идентификацияни амалга оширувчи мутахассислар берган хабар асосида хорижда меҳнат фаолиятини амалга ошириш даврида зўравонликка, мажбурий меҳнатга ва камситишга, меҳнат ва бошқа ҳуқуқлари бузилишига дучор этилган, шахсини тасдиқловчи ҳужжатларсиз, оғир молиявий аҳволга тушиб қолган фуқароларнинг ватанга қайтариш;

одам савдосидан жабрланган шахсларни касбга йўналтириш ва бандлигини таъминлаш.

Бунда Ўзбекистон Республикаси Камбағалликни қисқартириш ва бандлик вазирлиги ҳузуридаги Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси маблағларидан белгиланган тартибда фойдаланилиши мумкин.

47. Одам савдосидан жабрланган ёки одам савдосидан жабрланган деб тахмин қилинаётган шахсларни қайта йўналтиришда ҳуқуқни муҳофаза қилувчи органлар ва уларнинг ҳудудий бўлинмалари томонидан қуйидаги чора-тадбирлар амалга оширилади:

одам савдоси жиноятларини содир этишда иштирок этган шахсларни жиноий жавобгарликка тортиш учун ваколат доирасида терговга қадар текширув, суриштирув, дастлабки тергов ҳаракатларини амалга ошириш;

одам савдосидан жабрланган ёки одам савдосидан жабрланган деб тахмин қилинаётган шахсларнинг "Жабрланувчиларни, гувоҳларни ва жиноят процессининг бошқа иштирокчиларини ҳимоя қилиш тўғрисида"ги Ўзбекистон Республикаси Қонунида белгиланган тартибда дахлсизлигини таъминлаш;

одам савдосидан жабрланган шахсларга тиббий, психологик ва ижтимоий ёрдам кўрсатиш учун уларни тегишли орган ва ташкилотларга йўналтириш.

48. Одам савдосидан жабрланган ёки одам савдосидан жабрланган деб тахмин қилинаётган шахсларни қайта йўналтиришда Ўзбекистон Республикаси Ташқи ишлар вазирлиги, Ўзбекистон Республикасининг хорижий давлатлардаги дипломатик ваколатхоналари ва консуллик муассасалари томонидан қуйидаги чора-тадбирлар амалга оширилади:

хорижий давлатларда одам савдосидан жабрланган ёки одам савдосидан жабрланган деб тахмин қилинаётган шахсларнинг ҳуқуқларини ҳимоя қилиш;

хорижий давлатлардан одам савдосидан жабрланган ёки одам савдосидан жабрланган деб тахмин қилинаётган шахсларнинг Ўзбекистон Республикасига олиб келинишини таъминлаш;

заруратга кўра, хорижий давлатларда одам савдосидан жабрланган ёки одам савдосидан жабрланган деб тахмин қилинаётган шахсларнинг Ўзбекистон Республикасининг Консуллик уставида назарда тутилган ҳуқуқларини таъминлаш;

одам савдоси жиноятларини содир этган шахсларни жиноий жавобгарликка тортиш учун ҳуқуқни муҳофаза қилувчи органлар билан ҳамкорлик қилиш тўғрисида маълумот бериш.

49. Одам савдосидан жабрланган ёки одам савдосидан жабрланган деб тахмин қилинаётган шахсларни қайта йўналтиришда Ўзбекистон Республикаси Адлия вазирлиги ва унинг тизимидаги ташкилотлар томонидан қуйидаги чора-тадбирлар амалга оширилади:

одам савдосидан жабрланган деб тахмин қилинаётган шахсларга ҳуқуқий ёрдам ҳамда ўз ваколатига кирувчи бошқа масалаларда ёрдам кўрсатиш;

одам савдосидан жабрланган ёки одам савдосидан жабрланган деб тахмин қилинаётган шахсларнинг ҳуқуқлари, эркинликлари ва қонуний манфаатларини ҳуқуқий ҳимоя қилиш бўйича чора-тадбирларни амалга ошириш;

одам савдосидан жабрланган ёки одам савдосидан жабрланган деб тахмин қилинаётган шахсларни идентификация қилиш ва қайта йўналтириш фаолиятида қатнашаётган нодавлат нотижорат ташкилотларининг қонун ҳужжатлари ва таъсис ҳужжатларида ушбу фаолият билан шуғулланиш ваколати юзасидан мониторинг юритиш ҳамда қонун бузилиш ҳолатларининг олдини олиш.

50. Фуқароларнинг ўзини ўзи бошқариш органлари, нодавлат нотижорат ташкилотлари ва фуқаролик жамиятининг бошқа институтлари одам савдосидан жабрланган ёки одам савдосидан жабрланган деб тахмин қилинаётган шахсларни қайта йўналтиришни амалга ошираётган ваколатли давлат органларига қуйидаги чора тадбирлар амалга оширилишида кўмаклашади:

ҳуқуқий, тиббий ва психологик ёрдам кўрсатиш ва жабрланганларни ихтисослаштирилган муассасаларга юбориш;

одам савдосидан жабрланган ёки одам савдосидан жабрланган деб тахмин қилинаётган шахсларни Ўзбекистон Республикасига олиб келиш;

одам савдосидан жабрланган ёки одам савдосидан жабрланган деб тахмин қилинаётган шахсларни касбга йўналтириш ва мослаштириш;

одам савдосидан жабрланган ёки одам савдосидан жабрланган деб тахмин қилинаётган шахсларни ҳимоя қилиш тизимини тушунтириш;

одам савдосидан жабрланган шахсларнинг ижтимоий реабилитацияси ва мослашуви бўйича чора-тадбирларни амалга ошириш, шу жумладан, одам савдосидан жабрланган шахсларга ёрдам кўрсатиш ва уларни ҳимоя қилиш бўйича ихтисослаштирилган муассасаларни ташкил этиш;

одам савдосидан жабрланган шахсларга вақтинча бошпана бериш.

5-БОБ. ОДАМ САВДОСИДАН ЖАБРЛАНГАН

ЁКИ ОДАМ САВДОСИДАН ЖАБРЛАНГАН ДЕБ

ТАХМИН ҚИЛИНАЁТГАН ВОЯГА ЕТМАГАН

ШАХС БИЛАН ИШЛАШ

51. Одам савдосидан жабрланган ёки одам савдосидан жабрланган деб тахмин қилинаётган вояга етмаган шахсларни идентификация қилиш ва қайта йўналтириш ушбу Низомга 11-иловага мувофиқ схема бўйича амалга оширилади.

52. Мутахассис вояга етмаган шахсларни одам савдосидан жабрланган ёки одам савдосидан жабрланган деб тахмин қилинаётган вояга етмаган шахслар сифатида идентификация қилганда, уларнинг "Бола ҳуқуқларининг кафолатлари тўғрисида"ги Ўзбекистон Республикаси Қонунида кўрсатилган ҳуқуқлари амалга оширилиши учун Болалар масалалари бўйича комиссияни хабардор қилади.

53. Болалар масалалари бўйича комиссия одам савдосидан жабрланган ёки одам савдосидан жабрланган деб тахмин қилинаётган вояга етмаган шахсларни идентификация қилган мутахассис билан биргаликда ҳуқуқ ва қонуний манфаатларни таъминлаш учун зарур ҳолларда зудлик билан одам савдосидан жабрланганларга ёрдам кўрсатиш ва уларни ҳимоя қилиш бўйича ихтисослаштирилган муассасаларга қайта йўналтиради.

54. Одам савдосидан жабрланган ёки одам савдосидан жабрланган деб тахмин қилинаётган вояга етмаган шахсларни идентификация қилиш ва қайта йўналтиришда қуйидагилар таъминланади:

вояга етмаган шахсларнинг уй-жойи хавфсизлиги, дахлсизлиги, хат-хабарлари сир тутилиши;

эксплуатация ва зўравонликнинг барча шаклларидан, шу жумладан, жисмоний, руҳий ва жинсий зўравонликдан, қийноқларга солишдан ёки шафқатсиз, қўпол ёхуд инсон қадр-қимматини камситувчи бошқа шаклдаги муомаладан, ҳуқуқбузарликлар ва ғайриижтимоий ҳаракатлар содир этишга жалб этилишидан ҳимоя қилиниши;

таржимон, педагог ёки психолог, шу билан бирга қонуний вакилнинг иштироки.

55. Хориждаги одам савдосидан жабрланган ва одам савдосидан жабрланган деб тахмин қилинаётган вояга етмаган шахслар Ўзбекистон Республикасига Вазирлар Маҳкамасининг 2020 йил 7 январдаги 6-сон қарори билан тасдиқланган Хорижда ота-онаси қарамоғидан маҳрум бўлган Ўзбекистон Республикаси фуқароларининг болаларини Ўзбекистон Республикасига қайтариш тартиби тўғрисидаги низомга мувофиқ олиб келинади.

56. Одам савдосидан жабрланган ёки одам савдосидан жабрланган деб тахмин қилинаётган вояга етмаган шахслар ота-онаси, уларнинг ўрнини босувчилар қарамоғидан маҳрум бўлган бўлса ёки ўз оиласининг қаердалигини билмаса, дастлабки идентификацияни амалга оширган мутахассис бошқа ваколатли давлат органлари билан ҳамкорликда вояга етмаган шахслар оиласини қидириш ёки уларга васийлик ёки ҳомийлик белгилаш чораларини кўради.

57. Одам савдосидан жабрланган деб тахмин қилинаётган вояга етмаган шахсларни дастлабки идентификация қилиш учун ушбу жараён улар билан махсус жиҳозланган хонада, қайд этишнинг техник воситаларидан фойдаланган ҳолда, ота-онаси ёки қонуний вакили, ҳомийлик ҳамда васийлик органининг вакили ва психолог иштирокида суҳбат ўтказиш орқали амалга оширилади.

58. Суҳбат вояга етмаган шахсларнинг жинси, ёши ва бошқа ўзига хос хусусиятлари инобатга олинган ҳолда амалга оширилади.

Одам савдосидан жабрланган ёки одам савдосидан жабрланган деб тахмин қилинаётган вояга етмаган шахслар билан суҳбат бир хил жинсдаги мутахассис томонидан ўтказилади.

59. Ўзбекистон Республикаси ҳудудида одам савдосидан жабрланган ёки одам савдосидан жабрланган деб тахмин қилинаётган вояга етмаган шахсларни идентификация қилиш бўйича суҳбатда вояга етмаган шахслар ота-онаси ёки уларнинг ўрнини босувчи шахсларнинг иштирок этиши таъминланади.

Вояга етмаган шахслар суҳбатда ота-онаси ёки уларнинг ўрнини босувчи шахсларнинг иштирок этишини рад этган тақдирда, вояга етмаганлар ўртасида назоратсизлик ва ҳуқуқбузарликлар профилактикаси инспектори ҳамда психологнинг иштироки таъминланади.

Хориждаги одам савдосидан жабрланган ёки одам савдосидан жабрланган деб тахмин қилинаётган вояга етмаган шахслар билан суҳбат масофавий видео-алоқа каналлари орқали ўтказилади.

60. Одам савдосидан жабрланган ёки одам савдосидан жабрланган деб тахмин қилинаётган вояга етмаган шахслар билан суҳбат ўтказишдан мақсад унинг ёши, фуқаролиги, ота-онаси ёки васийларининг мавжудлиги ва уларнинг қаердалиги ҳақида маълумотлар тўплашдан иборат.

61. Вояга етмаган шахслар дастлабки идентификация босқичида одам савдосидан жабрланган деб тахмин қилинаётган вояга етмаган шахслар сифатида ушбу Низомга мувофиқ тан олинади.

62. Одам савдосидан жабрланган ёки одам савдосидан жабрланган деб тахмин қилинаётган вояга етмаган шахслар чет эл фуқаролари бўлса, идентификацияни амалга оширувчи давлат органининг мутахассиси Ўзбекистон Республикаси Ташқи ишлар вазирлигини хабардор қилади.

63. Идентификация қилиш учун ваколатли давлат органининг одам савдосидан жабрланган ёки одам савдосидан жабрланган деб тахмин қилинаётган вояга етмаган шахсларни идентификация қилиш тўғрисидаги қарор уларнинг розилигидан қатъи назар қабул қилинади.

Ўн олти ёшга тўлган вояга етмаган шахсларга нисбатан эса уларнинг ихтиёрий розилиги билан, қонуний вакилининг ва (ёки) ҳомийлик ҳамда васийлик органи вакилининг, тегишли ихтисослаштирилган муассаса вакилларининг мурожаати асосида қарор қабул қилинади.

64. Одам савдосидан жабрланган вояга етмаган шахсларга нисбатан олиб борилаётган барча ҳаракатлар "Бола ҳуқуқларининг кафолатлари тўғрисида"ги Ўзбекистон Республикасининг Қонуни ва халқаро шартномалари талабларига мувофиқ амалга оширилади.

6-БОБ. ОДАМ САВДОСИДАН ЖАБРЛАНГАН,

ОДАМ САВДОСИДАН ЖАБРЛАНГАН ДЕБ ТАХМИН

ҚИЛИНАЁТГАН ШАХСЛАР ТЎҒРИСИДАГИ ШАХСИЙ

МАЪЛУМОТЛАРНИНГ НООШКОРАЛИГИНИ

ТАЪМИНЛАШ ТАРТИБИ

65. Қуйидагилар одам савдосидан жабрланган ёки одам савдосидан жабрланган деб тахмин қилинаётган шахслар тўғрисида шахсий маълумотлар ноошкоралигини таъминловчи субъектлар (кейинги ўринларда - субъектлар) ҳисобланади:

одам савдосидан жабрланган шахсларни аниқлаш, қайта йўналтириш ва уларга ижтимоий ёрдам кўрсатишда одам савдосидан жабрланган шахсларни аниқлаш ва суҳбат жараёнида иштирок этувчи ваколатли давлат органлари;

фуқароларнинг ўзини ўзи бошқариш органлари, нодавлат нотижорат ташкилотлари ва фуқаролик жамиятининг бошқа институтлари (келишилган ҳолда);

халқаро ташкилотлар (келишилган ҳолда);

ташкилий-ҳуқуқий шаклидан ва идоравий бўйсунувидан қатъи назар ихтисослаштирилган муассасалар.

66. Мутахассис суҳбат пайтидан бошлаб, одам савдосидан жабрланган, одам савдосидан жабрланган деб тахмин қилинаётган шахслар ҳақидаги шахсий маълумотларнинг махфийлигини таъминлайди.

Одам савдосидан жабрланган шахсларни аниқлашда иштирок этадиган субъектлар махфий ахборотни ҳимоя қилиш бўйича идоравий ҳужжатга эга бўлиши керак, бу эса махфий маълумотлар билан ишлаш учун рухсатга эга бўлган шахслар доирасини, шунингдек, ходимларнинг махфий ахборотни ошкор қилмаслик мажбуриятини белгилайди.

67. Субъектлар маълумотларнинг махфийлигини таъминлаш учун одам савдосидан жабрланган, одам савдосидан жабрланган деб тахмин қилинаётган шахсларнинг шахсий маълумотлари билан ишлашда қуйидагиларга масъулдир:

одам савдосидан жабрланган, одам савдосидан жабрланган деб тахмин қилинаётган шахсларни улар ҳақида маълумот тўплашнинг сабаблари ва мақсадлари ҳақида хабардор қилиш;

одам савдосидан жабрланган, одам савдосидан жабрланган деб тахмин қилинаётган шахслар ҳақида шахсий маълумотни ўзларининг ёзма ва оғзаки розилигисиз муайян мақсадлар учун узатмаслик;

одам савдосидан жабрланган ёки одам савдосидан жабрланган деб тахмин қилинаётган шахсларнинг, улар ҳақидаги маълумотлар билан танишиш имкониятини яратиш;

оммавий чиқишларда ёки оммавий ахборот воситалари билан бўладиган учрашувларда ушбу шахслар розилигисиз уларнинг шахсига доир маълумотларни ошкор қилмаслик;

одам савдосидан жабрланган, одам савдосидан жабрланган деб тахмин қилинаётган шахслар ҳақидаги маълумотларни фақат уларнинг розилиги билан ошкор этиш ва бундай ошкоралик олиб келиши мумкин бўлган хатарлар тўғрисида тушунтириш;

одам савдосидан жабрланган шахсларни тасвирлайдиган график тасвирлар ёки видеоматериаллардан фойдаланганда, уларни танитмаслик ва овозни ўзгартиришни таъминлаш.

Одам савдосидан жабрланган, одам савдосидан жабрланган деб тахмин қилинаётган шахслар ва субъектлар ушбу Низомга 12-иловага мувофиқ махфийлик тўғрисидаги келишув битимига имзо чекади.

Маълумотларнинг махфийлигини таъминлаш ва уларни ошкор қилиш оқибатлари масалалари бўйича мутахассисларнинг малакасини доимий равишда ошириш таъминланади.

68. Одам савдосидан жабрланган, одам савдосидан жабрланган деб тахмин қилинаётган шахсларнинг шахсий маълумотлари билан ишлашда қуйидагилар тақиқланади:

ахборотни олиш ваколатига эга бўлмаган оммавий ахборот воситаларига ёки учинчи шахсларга одам савдосидан жабрланган, одам савдосидан жабрланган деб тахмин қилинаётган шахслар ҳақидаги маълумотлар билан ишлаш ва тарқатиш;

одам савдосидан жабрланганнинг шахсини аниқланиши мумкин бўлган график тасвирлар ёки видеоларни нашр этиш;

одам савдосидан жабрланган шахсларни аниқлашга имкон берадиган муайян ишнинг келиб чиқиши ёки ҳолати ҳақида маълумот бериш;

одам савдосидан жабрланган, одам савдосидан жабрланган деб тахмин қилинаётган шахслар ҳақида чоп этилган босма маълумотларни бошқалар учун фойдаланиш имконияти мавжуд бўлган жойларда қолдириш.

69. Шахсий маълумотларни қабул қилувчига ушбу маълумотларни узатишда махфийлик тартиботига риоя қилиш мажбурияти юкланади.

70. Шахсий маълумотларнинг трансчегаравий узатилишида халқаро шартномалар асосида қабул қилувчи томон одам савдосидан жабрланган шахсларнинг ҳуқуқ ва эркинликларини етарли даражада ҳимоя қилишни таъминлайди.

71. Субъектлар одам савдосидан жабрланган шахслар ҳақидаги маълумотларни Ўзбекистон Республикаси ҳудуди орқали узатаётганда шахсий маълумотларни муҳофаза қилиш чора-тадбирларини таъминлайди, уларнинг бузилиши ва рухсатсиз ишлатилишининг олдини олади.

72. Одам савдосидан жабрланган, одам савдосидан жабрланган деб тахмин қилинаётган шахсларнинг шахсий маълумотларини уларнинг ҳуқуқлари ва эркинликларини етарли даражада ҳимоя қилишни таъминламайдиган мамлакатларга ўтказиш қуйидаги ҳолларда амалга оширилиши мумкин:

шахсий маълумотларни узатиш учун одам савдосидан жабрланган шахсларнинг розилиги;

агар одам савдосидан жабрланган шахсларнинг ҳаётий манфаатларини ҳимоя қилиш учун маълумотларни узатиш зарур бўлса;

оммавий фойдаланилаётган маълумотлар ичида шахсий маълумотлар мавжуд бўлса.

73. Одам савдосидан жабрланган шахсларнинг шахсий маълумотларини жаҳон интернет ахборот тармоғи орқали узатишда бундай маълумотларни узатувчи субъект ахборотнинг махфийлигига риоя қилган ҳолда, уларни зарур ҳимоя воситалари билан таъминлаши шарт.

74. Одам савдосидан жабрланган, одам савдосидан жабрланган деб тахмин қилинаётган шахслар ҳақидаги маълумотлар тарқатилиши уларнинг ҳаёти ёки соғлиғига таҳдид соладиган бўлса ошкор қилинмайди.

7-БОБ. ЯКУНЛОВЧИ ҚОИДАЛАР

75. Одам савдосидан жабрланган ёки одам савдосидан жабрланган деб тахмин қилинаётган шахсларни идентификация қилишни ва қайта йўналтиришни молиялаштириш ҳамда моддий-техник таъминлаш Ўзбекистон Республикаси Давлат бюджети маблағлари ҳамда қонун ҳужжатларида тақиқланмаган бошқа манбалар ҳисобидан амалга оширилади.

76. Мазкур Низом талабларининг бузилишида айбдор бўлган шахслар қонун ҳужжатларида белгиланган тартибда жавоб берадилар.

77. Дастлабки идентификациянинг нотўғри амалга оширилиши, етарли асосларсиз одам савдосидан жабрланган деб тахмин қилинган шахс сифатида эътироф этилиши натижасида шахсларга кўрсатилган ёрдамлар учун сарфланган бюджет маблағлари дастлабки идентификацияни амалга оширган давлат органи томонидан қонун ҳужжатларида белгиланган тартибда қопланади.

Шахс қонун ҳужжатларида кўрсатилган ҳуқуқларга эга бўлиш мақсадида ёлғон хабар берса, қонун ҳужжатларида кўрсатилган тартибда жавобгарликка тортилади ва етказилган зарарни қоплаб беради.

78. Идентификация жараёнида шахс ўзига нисбатан қабул қилинган қарорлардан қониқмаса, Одам савдосига қарши курашиш масалалари бўйича кичик комиссия ва Муносиб меҳнат масалалари бўйича кичик комиссия раисларига мурожаат қилиш ҳуқуқига эга.

Низомга

1-ИЛОВА

Одам савдосидан жабрланган ёки одам савдосидан

жабрланган деб тахмин қилинаётган шахсларни

идентификация қилиш ва қайта йўналтириш

СХЕМАСИ

Низомга

2-ИЛОВА

Намуна

Одам савдосидан жабрланган деб тахмин қилинаётган

шахс сифатида дастлабки идентификациядан

ўтишга розилик бериш тўғрисида

АРИЗА

одам савдосидан жабрланган деб тахмин қилинаётган шахс сифатида идентификация қилиш тартибини ихтиёрий равишда қабул қиламан.

Қуйидагиларни тасдиқлайман, жумладан:

1) мен идентификация қилиш тартиби ва унинг оқибатлари ҳақида маълумотга эга бўлдим;

2) идентификация қилиш жараёни ҳақидаги шартларни қабул қиламан.

Мен ҳақимдаги шахсий маълумотлар менга тегишли ва ёрдам кўрсатиш учун зарурлигини тушунаман. Менга шахсий маълумотларни тўплашнинг аҳамияти ва зарурлиги тўғрисида хабар беришди ва менга берилаётган ёрдам натижадорлигига эришиш учун ваколатли давлат органининг мутахассисига шахсий маълумотларимни тўплаш ва улардан фойдаланишга рухсат бераман.

Мен тақдим этган маълумот ҳақиқат ва менинг гувоҳлигимга мос келишини тан оламан. Нотўғри маълумот бериш ёрдамнинг тўхтатилишига ва низомда ва Қонунларда белгиланган тартибда жавобгарликка олиб келишини тушунаман.

Низомга

3-ИЛОВА

Намуна

Одам савдосидан жабрланган деб тахмин қилинаётган

шахс сифатида дастлабки идентификациядан

ўтишни рад этиш тўғрисида

АРИЗА

ихтиёрий равишда одам савдосидан жабрланган деб тахмин қилинаётган шахс сифатида идентификация қилиш жараёни ва тартибидан ўтишни рад этаман.

Шунингдек, мен идентификация қилиш тартиби ва унинг оқибатлари ҳақида хабардор қилинганимни тасдиқлайман.

Низомга

4-ИЛОВА

Шахсни дастлабки идентификация қилиш учун

суҳбат ўтказиш босқичлари

Низомга

5-ИЛОВА

Шахсни дастлабки идентификация қилиш

АНКЕТАСИ

Ташкилот тури:

q дипломатик ваколатхона/консуллик муассасаси

q ҳуқуқни муҳофаза қилувчи орган (ИИВ, Прокуратура, ДХХ)

q соғлиқни сақлаш органлари

q бандлик ва меҳнат органлари

q ННТ

q халқаро ташкилот

q бошқа

1. Шахсий маълумотлар

Жинси:   q Аёл   q Эркак

Фуқаролиги: q Ўзбекистон Республикаси q Фуқаролиги бўлмаган шахс q Бошқа давлат q

Оилавий аҳволи:

q ёлғиз

q уйланган/турмушга чиққан

q ажрашган

q айрилган

q бирга яшовчи

q бева/бева аёл

2. Ижтимоий-иқтисодий аҳволи

(одам савдосига дуч келишидан олдин)

Таълим даражаси:

q бир ёш

q 1-3 ёш

q 3-7 ёш

q 7-9 ёш (бошланғич синфлар)

q 10-17 ёш (ўрта мактаб)

q лицей

q ўрта-махсус маълумот (коллеж)

q олий маълумот

q тугалланмаган олий маълумот

q бошқа

Агар таълим даражаси 0, саводхонлик даражасини кўрсатади (ўқиш ва ёзишни билиши?)

q Ҳа  q Йўқ

Олдинги иш тажрибаси мавжудлиги: q Ҳа  q Йўқ  q Бошқа q

Кетишидан олдин ижтимоий ҳолати қандай эди:

q талаба

q хизматчи

q ишсиз

q бошқа

Миграция сабаби:

q қашшоқлик

q оиладаги зўравонлик

q ишсизлик

q уй-жойи мавжуд эмаслиги

q бошқа _______________

Муқаддам судланганлиги: q Ҳа  q Йўқ

Агар бўлса, жиноят тури, суд ҳукмининг санаси ва судланиш муддатини кўрсатинг:

3. Одам савдоси жиноятининг босқичлари ва элементлари

3.1. Ёллаш

Ёлловчи билан ушбу шахс ўртасида қандай йўл билан алоқа ўрнатилган:

q шахсий алоқа

q газетага эълон

q радиога эълон

q интернет (ижтимоий тармоқлар)га эълон

q телевидениега эълон

q танишлар орқали/қўшнилар

q оила аъзолари орқали

q олиб қочиш

q бошқа

Мазкур шахсга борадиган давлатида ваъда қилинган иш ёки даромад тури:

q энага

q уй ишлари

q қурилиш ишлари

q қишлоқ хўжалигида ишлаш

q бошқа жисмоний меҳнат

q савдо

q рақсга тушиш

q официант(ка)

q никоҳ тузиш

q шаҳвоний-бизнес

q тиланчилик

q жиноий фаолият

q ҳарбий хизмат

q туризм

q бошқа ___________________________________________________________

Мазкур шахс ёлловчига олдиндан аванс тариқасида ҳақ тўлаганми? q Ҳа  q Йўқ

Ёлловчи ҳақидаги маълумотлар: q Юридик шахс  q Жисмоний шахс

Агар ёлловчи - юридик шахс бўлса, кўрсатинг:

q Саёҳат агентлиги

q Бандлик агентлиги

q Бошқа _________________________________

Агар ёлловчи жисмоний шахс бўлса, кўрсатинг:

Биринчи ёлловчининг жинси: q Э  q А

Биринчи ёлловчининг фуқаролиги:

q Ўзбекистон   q Бошқа давлат _____________________  q Номаълум

Биринчи ёлловчи билан муносабатлар тури:

q оила аъзоси

q қариндош

q севиклиси

q дўсти

q қўшниси

q таниши

q нотаниш

q номаълум

q бошқа __________________________________________________________________

Иккинчи ёлловчининг жинси: q Э  q А

Иккинчи ёлловчининг фуқаролиги:

q Ўзбекистон   q Бошқа давлат _________________________   q Номаълум

Иккинчи ёлловчи билан муносабатлар тури:

q оила аъзоси

q қариндош

q севиклиси

q дўсти

q қўшниси

q таниши

q нотаниш

q номаълум

q бошқа __________________________________________________________________

ёллаш даврида фойдаланилган бошқариш воситалари:

q алдов

q шахсни сотиб олиш, жабрланувчини бошқариш

q ўғирлаш

q жисмоний қарамликдан фойдаланиш (наркотиклар ёки психотроп моддалар)

q бошқа воситалар __________________________________________________________

ёлловчига мазкур шахс қарзини тўлаши керак эдими?

q Ҳа  q Йўқ  q Номаълум

3.2. Ташиш

Мазкур шахс ўз мамлакатидан бошқа жойга кўчирилганми?

q Ҳа  q Йўқ

Мазкур шахс ўз мамлакатидан бошқа жойга олиб ташилганми?

q Ҳа  q Йўқ

Транспорт харажатлари ким томонидан қопланган:

q мазкур шахс

q одам сотувчи/йўлловчи

q бошқа __________________________________________________________________

Саёҳат усули:

q пиёда

q машинада

q қатновчи такси

q йўловчи автобус

q поезд

q самолёт

q денгиз кемаси

q бошқа _________________________________________________________________

Мазкур шахс чегарани кесиб ўтдими?

q Ҳа  q Йўқ  q Номаълум

Агар ҳа бўлса, чегарани қандай кесиб ўтганлигини кўрсатинг:

q қонуний q ноқонуний q номаълум

Агар ноқонуний бўлса, фойдаланилган шахсини тасдиқловчи ҳужжатини кўрсатинг:

q шахсий q қалбаки q номаълум

Виза керак эдими?

q Ҳа  q Йўқ  q Номаълум

Агар ҳа бўлса, қандай виза билан фойдаланилганлигини кўрсатинг:

q расмий q қалбаки q номаълум

Шахсини тасдиқловчи ҳужжати ҳозир қаерда?

q мазкур шахсда

q йўлловчида/одам сотувчида

q ички ишлар органларида

q номаълум

q бошқа ________________________________________________________________

Мазкур шахс бошқа давлатлар орқали транзит йўллари билан юрганми?

q Ҳа  q Йўқ  q Номаълум

Агар ҳа бўлса, ушбу шахс мазкур давлатлар ҳудудида бирон-бир фаолиятга жалб этилганлигини кўрсатинг?

q Ҳа  q Йўқ  q Номаълум

Агар ҳа бўлса, фаолият турини кўрсатинг:

q энага

q уй меҳнати

q қурилиш ишлари

q қишлоқ хўжалиги ишлари

q бошқа жисмоний меҳнат

q савдо

q рақсга тушиш

q официант

q шаҳвоний-бизнес

q тиланчилик

q жиноий фаолият

q ҳарбий хизмат

q туризм

q бошқа

Ёллаш маршрути бўйича маълумот:

Ташиш вақтида фойдаланилган бошқариш воситалари:

q алдов

q жисмоний зўравонлик

q руҳий зўравонлик

q олиб қочиш

q ҳужжатларни олиб қўйиш

q жисмоний қарамликдан фойдаланиш

q бошқа ___________________________________________________________________

Мазкур шахс ташувчига қарзини тўлаши керакми?

q Ҳа  q Йўқ  q Номаълум

Давр____________________

3.3. Эксплуатация

Мазкур шахс бошқа шахс томонидан фойда кўриш мақсадида эксплуатация (фаолиятга мажбурланганми) қилинганми?

q Ҳа  q Йўқ  q Номаълум

Биринчи одам сотувчининг жинси: q Э   q А

Иккинчи одам сотувчининг жинси: q Э   q А

Бўлган давлатда жабрланувчининг фаолият/эксплуатация тури:

q Тижорат шаҳвоний эксплуатация

q Нотижорат шаҳвоний эксплуатация

q Раққоса сифатида эксплуатация

q Энага сифатида эксплуатация

q Уй меҳнати эксплуатацияси

q Савдо эксплуатацияси

q Қишлоқ хўжалиги эксплуатацияси

q Қурилиш эксплуатацияси

q Меҳнат ёки хизматлар эксплуатациясининг бошқа турлари_____________________

q Қулликда ёки қулликка ўхшаш шароитлардаги эксплуатация ___________________

q Тиланчиликка мажбурлаш

q Жиноий фаолиятда фойдаланиш

q Қуролли тўқнашувларда фойдаланиш

q Органларни ёки тўқималарни олиб қўйиш

q Суррогат она сифатида фойдаланиш

q Фарзандни эксплуатация қилиш мақсадида боқиб олиш

q Эксплуатациянинг бошқа турлари ___________________________________________

Эксплуатация босқичида фойдаланиладиган бошқарув воситаси:

q Алдов

q Жисмоний зўравонлик

q Руҳий зўравонлик

q Зўравонлик қилиш билан таҳдид қилиш

q Ҳужжатларни олиб қўйиш

q Муайян қарзини тўлагунча гаров сифатида ушлаб туриш

q Жисмоний қарамликдан фойдаланиш (наркотик ва бошқалар)

q Ҳокимиятни суиистеъмол қилиш

q Жабрланувчини назорат қилган шахснинг розилигини олиш учун тўлов ёки имтиёзларни бериш ёки олиш

q Қийноқларни қўллаш

q Зўрлаш

q Қурол қўллаш

q Махфий маълумотларни овоза қилиш билан таҳдид қилиш

q Ҳаракат эркинлигини чеклаш

q Ҳокимиятга топшириш билан таҳдид қилиш

q Манипуляция

q Бошқа___________________________________________________________________

Мазкур шахс қандайдир қарзини эксплуататорларга тўлаши керакми?

q Ҳа  q Йўқ  q Номаълум

давр________________________

Эксплуатация шартлари қандай эди?

q Белгиланган соатдан кўпроқ

q Танлаш имкони бўлмаган/иш танлаш чекланган бўлган

q Озиқ-овқат йўқлиги

q Сув йўқлиги

q Дам олиш кунлари йўқлиги

q Тиббий ёрдам йўқлиги

q Бошқа ___________________________________________________________________

Мазкур шахс пул олдими?

q Ҳа  q Йўқ  q Номаълум

Мазкур шахсга пул тўплашига рухсат берилганми?

q Ҳа  q Йўқ  q Номаълум

Бошқа шахслар ҳам шунга ўхшаш ҳолатларга тушиб қолганми?

q Ҳа  q Йўқ  q Номаълум

Жинси қанақа?

q Ҳа  q Йўқ  q иккала жинсли

Ёши тахминан нечада бўлган?

q вояга етмаган 18 ёшгача

q вояга етган, 18 ёшдан каттароқ

4. Одам савдоси вазиятидан чиқиш йўллари

Жабрланувчи қандай озод этилди?

q Эксплуататор томонидан озод этилган

q Ўзи озод бўлган

q Бошқа жисмоний шахс ёрдами билан озод этилган

q Ҳуқуқни муҳофаза қилувчи органларининг аралашуви билан

q ННТ ёрдами билан

q номаълум

q Бошқа: _________________________________________________________________

5. Илгари одам савдосидан жабрланганлик ҳолати

Мазкур шахс илгари одам савдосидан жабрланган бўлганлиги ҳолати

q Ҳа  q Йўқ  q Номаълум

Жабрланувчи илгари одам савдосидан жабрланган бўлган вақтидаги фаолият тури/ эксплуатация:

q Тижорат шаҳвоний эксплуатация

q Нотижорат шаҳвоний эксплуатация

q Раққоса сифатида эксплуатация

q Энага сифатида эксплуатация

q Уй меҳнати эксплуатацияси

q Савдо эксплуатацияси

q Қишлоқ хўжалиги эксплуатацияси

q Қурилиш эксплуатацияси

q Меҳнат ёки хизматлар эксплуатациясининг бошқа турлари_____________________

q Қулликда ёки қулликка ўхшаш шароитлардаги эксплуатация ___________________

q Тиланчиликка мажбурлаш

q Жиноий фаолиятда фойдаланиш

q Қуролли тўқнашувларда фойдаланиш

q Органларни ёки тўқималарни олиб қўйиш

q Суррогат она сифатида фойдаланиш

q Фарзандни эксплуатация қилиш мақсадида боқиб олиш

q Эксплуатациянинг бошқа турлари___________________________________________

Мазкур шахс илгари ҳам одам савдосидан жабрланган деб идентификация қилинганми:

q Ҳа  q Йўқ  q Номаълум

Агар ушбу шахс одам савдосидан жабрланган деб идентификация қилинган бўлса, аниқлаштиринг:

Жабрланувчи илгари одам савдосидан жабрланган бўлганда, ёрдам кўрсатилганми:

q Ҳа  q Йўқ  q Номаълум

Ҳолатнинг аниқ тафсилоти:

Якунловчи хулоса:

Мазкур шахс одам савдосидан жабрланган деб ҳисобланади/ҳисобланмайди

Н изомга

6-ИЛОВА

Намуна

Одам савдосидан жабрланган деб тахмин қилинаётган

шахс томонидан дастлабки ёрдам олиш ҳақида

AРИЗА

билан суҳбатлашдим. Суҳбат жараёнида менга "Одам савдосига қарши курашиш тўғрисида"ги Қонуннинг 22-моддасида кўрсатилган ҳуқуқларим билан таништирди. Мен ушбу Қонунда кўрсатилган ҳуқуқларимдан фойдаланишга ёрдам беришингизни сўрайман.

Мен асосий ёрдамга бўлган эҳтиёжни аниқлаш учун одам савдосидан жабрланган деб тахмин қилинаётган шахс билан суҳбатни ўтказганимни тасдиқлайман.

Низомга

7-ИЛОВА

Намуна

Одам савдосидан жабрланган деб тахмин

қилинаётган шахс томонидан дастлабки

ёрдам олишни рад этиш тўғрисида

АРИЗА

билан суҳбатлашдим. Суҳбат жараёнида мени "Одам савдосига қарши курашиш тўғрисида"ги Қонуннинг 22-моддасида кўрсатилган ҳуқуқларим билан таништирди. Мен ушбу Қонунда кўрсатилган ҳуқуқларимдан фойдаланишни рад этаман.

Мен асосий ёрдамга бўлган эҳтиёжни аниқлаш учун одам савдосидан жабрланган деб тахмин қилинаётган шахс билан суҳбатни ўтказганимни тасдиқлайман.

Низомга

8-ИЛОВА

Одам савдосидан жабрланган деб тахмин қилинаётган

шахсларни идентификация қилиш

МЕЗОНЛАРИ

Низомга

9-ИЛОВА

Намуна

Одам савдосидан жабрланган деб тахмин қилинаётган

шахс сифатида эътироф этиш тўғрисида

ҚАРОР

ҚУЙИДАГИЛАР АНИҚЛАНДИ

Жумладан,

Юқоридагилардан келиб чиқиб, "Одам савдосига қарши курашиш тўғрисида"ги Ўзбекистон Республикасининг Қонунига асосан

ҚАРОР ҚИЛАМАН

билан амалга оширилди ҳамда у одам савдосидан жабрланган деб тахмин қилинаётган шахс ҳисоблансин ва тан олинсин.

одам савдосидан жабрланган сифатида тахмин қилинаётган шахсни тан олиш тўғрисидаги маълумотнома берилсин ва йиғилган материални келгусида кўриб чиқиш учун Қонунда белгиланган тартибда Одам савдосига қарши курашиш ва муносиб меҳнат масалалари бўйича