Божхона бўйича саволлар ва жавоблар ("СБҲ" 15-сон, 2023 йил 11 апрель)

Функцияни амалга оширишнинг имкони йўқ

Материал чоп этилган санасига ҳақиқийдир*

БОЖХОНА БЎЙИЧА

САВОЛЛАР ВА ЖАВОБЛАР

- Ўзбекистон Республикаси божхона тўловларини бўлиб-бўлиб ёки кечиктириб тўлаш учун тақдим қилинадиган ҳужжатлар ва уларнинг муддатлари тўғрисида маълумот берсангиз?

- Божхона кодексининг 329, 330, 331-моддаларига мувофиқ божхона тўловларини кечиктириб ёки бўлиб-бўлиб тўлаш божхона декларацияси қабул қилинган кундан эътиборан 60 календарь кундан ошмаслиги лозим. Божхона тўловларини кечиктириб ёки бўлиб-бўлиб тўлаш имконияти Президент ёхуд Вазирлар Маҳкамасининг қарорига биноан узоқроқ муддатларга ва божхона тўловлари тўланиши таъминланмаган ҳолда берилиши мумкин.

Божхона тўловларини кечиктириб ёки бўлиб-бўлиб тўлаш имкониятини олиш учун тўловчи божхона органига божхона тўловлари суммаларини тўлаш бўйича ёзма мажбуриятни ўз ичига олган аризани ва божхона тўловлари тўланиши таъминланганлигини тасдиқловчи ҳужжатни тақдим этади.

Божхона тўловлари тўланишини таъминлаш тўловчининг танловига кўра исталган - пул маблағларини божхона органининг шахсий ғазна ҳисобварағига киритиш, товарларни гаровга қўйиш, банк кафолатини тақдим этиш, божхона тўловларини тўлаш мажбуриятини суғурталаш ёки кафиллик орқали амалга оширилади.