Малое предприятие
Нормативно-правовые акты / Изменения в законодательстве / 2023 г. /Ўзбекистон Республикаси Вазирлар Маҳкамасининг 23.11.2023 й. 619-сон "Шаҳарсозлик фаолиятида рухсат бериш тартиб-таомилларини такомиллаштиришга қаратилган Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида"ги Қарори
Funksiyani amalga oshirishning imkoni yo`q
Mazkur funksiyadan faqat mijozlar (foqdalanuvchilar) foydalanishlari mumkin
Hujjatning to`liq matni pullik versiyada mavjud. Саволлар бўйича 1172 қисқа рақамига қўнғироқ қилинг.
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
23.11.2023 й.
N 619
ШАҲАРСОЗЛИК ФАОЛИЯТИДА
РУХСАТ БЕРИШ ТАРТИБ-ТАОМИЛЛАРИНИ
ТАКОМИЛЛАШТИРИШГА ҚАРАТИЛГАН ЎЗБЕКИСТОН
РЕСПУБЛИКАСИ ҲУКУМАТИНИНГ АЙРИМ
ҚАРОРЛАРИГА ЎЗГАРТИРИШ ВА ҚЎШИМЧАЛАР
КИРИТИШ, ШУНИНГДЕК, БАЪЗИЛАРИНИ
ЎЗ КУЧИНИ ЙЎҚОТГАН ДЕБ
ҲИСОБЛАШ ТЎҒРИСИДА
Ўзбекистон Республикасининг "Лицензиялаш, рухсат бериш ва хабардор қилиш тартиб-таомиллари тўғрисида"ги Қонунига ва Ўзбекистон Республикаси Президентининг "Ўзбекистон Республикаси қурилиш тармоғини модернизация қилиш, жадал ва инновацион ривожлантиришнинг 2021-2025 йилларга мўлжалланган стратегиясини тасдиқлаш тўғрисида" 2020 йил 27 ноябрдаги ПФ-6119-сон Фармонига мувофиқ, шунингдек, шаҳарсозлик фаолиятида рухсат бериш тартиб-таомилларини такомиллаштириш орқали маъмурий тўсиқларни бартараф этиш ҳамда қурилиш-монтаж ишлари сифатини янада ошириш мақсадида Вазирлар Маҳкамаси ҚАРОР ҚИЛАДИ:
1. Ўзбекистон Республикаси Ҳукуматининг 1-иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:
а) лойиҳалаштириш ва қурилишнинг айрим фаолият турларини лицензиялаш бўйича:
чет эл юридик шахсларига (доимий муассасаси мавжуд бўлган) лицензия бериш тартибини жорий этиш;
аризаларни кўриб чиқиш муддатларини 5-10 кунгача қисқартириш;
ходимлар маълумоти, сони ва иш стажига бўлган талабларни кучайтириш;
б) шаҳарсозлик ҳужжатларини экспертизадан ўтказувчи юридик шахсларни аккредитация қилиш бўйича:
олий маълумотга эга мутахассисларнинг асосий иш жойи бўйича фаолият юритиш талабини белгилаш;
эксперт хулосасини "Шаффоф қурилиш" миллий ахборот тизимига мажбурий киритиш;
шаҳарсозлик ҳужжатларини экспертизадан ўтказишда манфаатлар тўқнашувининг олдини олиш;
в) Қурилиш ва уй-жой коммунал хўжалиги соҳасида назорат қилиш инспекциясидан рўйхатдан ўтмаган ҳолда (рухсат олинмасдан) қурилган бино ва иншоотлардан фойдаланиш учун рухсатнома беришни бекор қилиш;
г) қурилишда назорат ўлчовини ўтказиш учун юридик шахсларга бўлган талабларни кучайтириш;
д) объектларнинг хавф-хатар тоифалари таснифини такомиллаштириш.
2. Қурилиш ва уй-жой коммунал хўжалиги соҳасида назорат инспекцияси 2024 йил 1 апрелдан ҳудудий инспекцияларда рўйхатдан ўтмасдан қурилган объектларни инструментал техник текширувдан ўтказиб, фойдаланишга рухсат бериш ишларини тўхтатсин.
3. Лойиҳалаштириш ва қурилишнинг айрим фаолият турларини амалга ошириш учун лицензияга эга бўлган юридик ёки жисмоний шахслар (лицензиат) ҳамда шаҳарсозлик ҳужжатларини экспертизадан ўтказувчи юридик шахслар учун мазкур қарор билан белгиланган лицензия ҳамда аккредитация талаб ва шартлари 2024 йил 1 мартдан кучга киради.
4. Ўзбекистон Республикаси Ҳукуматининг 2-иловага мувофиқ айрим қарорлари ўз кучини йўқотган деб ҳисоблансин.
5. Қурилиш ва уй-жой коммунал хўжалиги вазирлиги:
Тоғ-кон саноати ва геология вазирлиги, Энергетика вазирлиги, Экология, атроф-муҳитни муҳофаза қилиш ва иқлим ўзгариши вазирлиги ва тегишли бош лойиҳа институтлари билан биргаликда қурилиш объектларининг хавф-хатар тоифаларини таҳлил қилиб, уч ой муддатда хавфи юқори бўлган объектларнинг рўйхатини тасдиқласин;
2024 йил 1 мартга қадар фаолият олиб бораётган амалдаги лицензиатлар ҳамда шаҳарсозлик ҳужжатларини экспертизадан ўтказувчи юридик шахсларнинг фаолияти мазкур қарор билан белгиланган лицензия ва аккредитация талаб ва шартларига мувофиқлаштирилишини таъминласин;
манфаатдор вазирликлар ва идоралар билан биргаликда икки ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин;
Ўзбекистон Миллий ахборот агентлиги билан биргаликда мазкур қарорнинг махмун ва моҳияти оммавий ахборот воситаларида кенг ёритилишини таъминласин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ҳамда қурилиш ва уй-жой коммунал хўжалиги вазири Б.И. Закиров зиммасига юклансин.
Ўзбекистон Республикасининг Бош вазири А. Арипов
2023 йил 23 ноябрдаги
619-сон қарорига
1-ИЛОВА
Ўзбекистон Республикаси Ҳукуматининг
айрим қарорларига киритилаётган
ўзгартириш ва қўшимчалар
1. Вазирлар Маҳкамасининг 2019 йил 7 майдаги 381-сон қарори билан тасдиқланган Қурилиш лойиҳаларини экспертизадан ўтказувчи юридик шахсларни аккредитация қилиш тартиби тўғрисидаги низомда:
а) 2-банд "Ўзбекистон Республикаси Қурилиш" сўзларидан кейин "ва уй-жой коммунал хўжалиги" сўзлари билан тўлдирилсин;
б) 6-банд қуйидаги таҳрирда баён этилсин:
"6. Қуйидагилар аккредитация қилиш талаблари ва шартлари ҳисобланади:
а) қонунчилик ҳужжатлари, давлат стандартлари ҳамда шаҳарсозлик нормалари ва қоидалари талабларига мажбурий риоя этиш;
б) муассислар ва (ёки) экспертиза органлари бенефициарлари таркибида давлат бошқаруви органлари, маҳаллий давлат ҳокимияти органларининг мансабдор шахслари ва (ёки) уларнинг аффилланган шахсларининг бўлмаслиги;
в) мулкий ҳуқуқ ёки бошқа ашёвий ҳуқуқ асосида экспертиза органи фаолиятини амалга ошириш учун зарур бўлган тегишли бинолар ва иншоотлар, техник-технологик ва аппарат-дастурий воситаларнинг мавжудлиги;
г) талабгорнинг штатида қурилиш лойиҳаларининг экспертизасини ўтказиш бўйича лойиҳалаштириш ишларида камида беш йиллик иш стажига эга бўлган 6 нафардан кам бўлмаган сертификатланган, соҳа бўйича олий маълумотли мутахассислар, шу жумладан, архитектура ва қурилиш ечимлари бўйича (архитектор, конструктор) 2 нафар мутахассис, 1 нафар смета (баҳолаш) бўйича мутахассис, 1 нафар ёнғин хавфсизлиги бўйича мутахассис, 1 нафар муҳандислик тармоқлари бўйича мутахассис, 1 нафар энергия самарадорлиги бўйича мутахассиснинг айни шу ташкилотда асосий иш жойи бўйича мавжуд бўлиши;*
д) лойиҳа ҳужжатлари бўйича ижобий эксперт хулосаси эксперт ташкилотлари томонидан "Шаффоф қурилиш" миллий ахборот тизимидаги "Эксперт хулосаларининг ягона реестри"га мажбурий киритилиши;
е) эксперт тайинланишида бевосита ёки билвосита иштирок этган лойиҳалар юзасидан ёхуд эр (хотин) ва (ёки) бошқа яқин қариндошлар иштирокида бажарилган лойиҳалар юзасидан экспертиза ўтказмаслик;*
ё) шаҳарсозлик фаолиятининг субъектлари билан меҳнатга оид, молиявий жиҳатдан ва (ёки) бошқача тобелик муносабатларида бўлмаслик;*
ж) лицензияланган лойиҳа ташкилоти томонидан ишлаб чиқилган лойиҳа ҳужжатларини айнан ушбу ташкилот томонидан экспертизадан ўтказмаслик;*
з) шаҳарсозлик ҳужжатларини экспертизадан ўтказишда норматив-ҳуқуқий ҳужжатларда белгиланган хавф-хатар тоифалари бўйича кўриб чиқиш;*
и) норматив-ҳуқуқий ҳужжатлар ҳамда техник жиҳатдан тартибга солиш соҳасидаги норматив ҳужжатларни ўз ичига олган маълумотлар базасининг шакллантирилиши шарт.
Изоҳ. * Қўпол равишда бузиш деб ҳисобланадиган талаб ва шартлар".
в) 8-банд қуйидаги мазмундаги бешинчи хатбоши билан тўлдирилсин:
"Талабгордан ушбу бандда кўрсатилмаган маълумотларни ҳамда бошқа ҳужжатларни талаб қилиш тақиқланади."
г) 9-банд қуйидаги таҳрирда баён этилсин:
"9. Аккредитацияловчи орган аризани кўриб чиқиш муддати давомида ҳужжатларни текшириши, заруратга кўра бошқа давлат органларидаги мавжуд, қарор қабул қилиш учун зарур бўлган маълумотларни "Электрон ҳукумат" тизими идоралараро интеграциялашув платформаси орқали мустақил равишда олиши, объектларни жойига чиқиб ўрганиши, ушбу ҳаракатларни амалга ошириш учун ўз ходимлари таркибидан ёки ўз ҳисобидан бошқа шахсларни жалб қилган ҳолда эксперт ва ишчи гуруҳлар ташкил этиши, шунингдек, талабгорнинг аккредитация талаблари ва шартларига риоя қилинишини таъминлаш мақсадида қонунчилик ҳужжатлари билан тақиқланмаган бошқа ҳаракатларни амалга ошириши мумкин";
д) 11-банднинг "а" ва "б" кичик бандлари қуйидаги таҳрирда баён этилсин:
"а) Давлат хизматлари марказларига ўзи келиб мурожаат этганда:
20 фоизи - Ўзбекистон Республикаси Адлия вазирлиги Давлат хизматларини ривожлантириш жамғармасининг ҳисобварағига;
қолган маблағлар Ўзбекистон Республикаси Қурилиш ва уй-жой коммунал хўжалиги вазирлиги фаолиятини қўллаб-қувватлаш жамғармаси ҳисобварағига;
б) ЯИДХП орқали мурожаат этилганда:
10 фоизи - Ўзбекистон Республикаси Адлия вазирлиги Давлат хизматларини ривожлантириш жамғармасининг ҳисобварағига;
11,25 фоизи - Рақамли технологиялар вазирлиги ҳузуридаги "Электрон ҳукумат лойиҳаларини бошқариш маркази" давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасининг махсус ҳисобварағига;
қолган маблағлар Ўзбекистон Республикаси Қурилиш ва уй-жой коммунал хўжалиги вазирлиги фаолиятини қўллаб-қувватлаш жамғармаси ҳисобварағига ўтказилади.
Талабгор берилган сўровномадан воз кечган тақдирда, тўланган йиғим қайтарилмайди.
Талабгор унга гувоҳнома бериш рад этилган кундан бошлаб ўн иш куни мобайнида гувоҳномани олиш учун йиғимни тўламасдан қайта мурожаат қилиш ҳуқуқига эга";
е) 17-банднинг "а" ва "б" кичик бандлари қуйидаги таҳрирда баён этилсин:
"а) Давлат хизматлари марказларига ўзи келиб мурожаат этганда:
20 фоизи - Ўзбекистон Республикаси Адлия вазирлиги Давлат хизматларини ривожлантириш жамғармасининг ҳисобварағига;
қолган маблағлар Ўзбекистон Республикаси Қурилиш ва уй-жой коммунал хўжалиги вазирлиги фаолиятини қўллаб-қувватлаш жамғармаси ҳисобварағига;
б) ЯИДХП орқали мурожаат этилганда:
10 фоизи - Ўзбекистон Республикаси Адлия вазирлиги Давлат хизматларини ривожлантириш жамғармасининг ҳисобварағига;
11,25 фоизи - Рақамли технологиялар вазирлиги ҳузуридаги "Электрон ҳукумат лойиҳаларини бошқариш маркази" давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасининг махсус ҳисобварағига;
қолган маблағлар Ўзбекистон Республикаси Қурилиш ва уй-жой коммунал хўжалиги вазирлиги фаолиятини қўллаб-қувватлаш жамғармаси ҳисобварағига ўтказилади";
ё) 25-банддаги "Тадбиркорлик фаолияти соҳасидаги рухсат бериш тартиб-таомиллари тўғрисида" сўзлари "Лицензиялаш, рухсат бериш ва хабардор қилиш тартиб-таомиллари тўғрисида" сўзлари билан алмаштирилсин;
ж) 28-банднинг ўн учинчи хатбошисидаги "Қурилиш вазирлиги" сўзлари "Қурилиш ва уй-жой коммунал хўжалиги вазирлиги" сўзлари билан алмаштирилсин;
з) 2-иловадаги 3, 5 ва 6-бандлар чиқариб ташлансин.
2. Вазирлар Маҳкамасининг "Объектларда давлат қурилиш назоратини амалга ошириш бўйича маъмурий регламент ҳамда объектларнинг хавф-хатарлар тоифалари таснифини тасдиқлаш тўғрисида" 2020 йил 20 августдаги 496-сон қарорида:
а) 1-банднинг иккинчи хатбошисидаги "қурилиш соҳасида назорат инспекциясининг" сўзлари "Қурилиш ва коммунал хўжалиги назорати инспекцияси" сўзлари билан алмаштирилсин;
б) 1-иловада:
1-банд қуйидаги таҳрирда баён этилсин:
"1. Ушбу Маъмурий регламент (кейинги ўринларда - Регламент) Ўзбекистон Республикаси Қурилиш ва уй-жой коммунал хўжалиги вазирлиги ҳузуридаги Қурилиш ва уй-жой коммунал хўжалиги соҳасида назорат қилиш инспекцияси (кейинги ўринларда - инспекция) ҳамда қурилиш ва уй-жой коммунал хўжалиги соҳасида ҳудудий назорат қилиш инспекциялари (кейинги ўринларда - ҳудудий инспекциялар) томонидан хавф-хатар тоифасидан келиб чиққан ҳолда ҳамда ташкилий-ҳуқуқий шакли ва молиялаштириш манбаларидан қатъи назар, қурилиш объектларида давлат қурилиш назоратини олиб бориш тартибини белгилайди";
14-банднинг биринчи ва иккинчи хатбошилари қуйидаги таҳрирда баён этилсин:
"14. Қуйидагилар архитектура, лойиҳалаштириш ва бош режаларга риоя этилиши бўйича амалга ошириладиган давлат архитектура назоратининг предмети ҳисобланади:
мутасадди вазирликлар ва идораларнинг ҳудудий бошқармалари, Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар ва Тошкент шаҳар қурилиш ва уй-жой коммунал хўжалиги бош бошқармалари, туман, шаҳар қурилиш бўлимлари томонидан аҳоли пунктларини режалаштириш ва қуришда шаҳарсозлик тўғрисидаги қонунчилик ҳужжатларига, шаҳарсозлик нормалари, қоидалари ва стандартларига риоя этилиши";
15-банддаги биринчи хатбоши чиқариб ташлансин;
в) 2-илова матни қуйидаги таҳрирда баён этилсин:
"Қурилиш объектларининг хавф-хатар тоифаси
бўйича мураккаблик тоифалари
ТАСНИФИ
Т/р
|
Объектларнинг номи
|
Кўрсаткичлар ва тавсифлар
|
Тоифа
|
А. Ишлаб чиқариш объектлари
|
|||
1. Энергетика объектлари
|
|||
1.1 |
Атом ва ядро саноати соҳаси |
- уранни қазиб олиш, сақлаш ва бирламчи қайта ишлаш объектлари; - ионлаштирувчи нурланиш манбаларидан фойдаланувчи объектлар; - ядровий ва радиоактив материалларни ташувчи объектлар; - радиоактив чиқиндиларни кўмиш ва утилизация қилиш объектлари; - ядровий ва радиоактив материаллар, радиоактив чиқиндиларни сақлагичлар; - атом реакторлари; - гамма қурилмалар, циклотрон ва тезлатгичлардан фойдаланувчи объектлар |
IV |
1.2 |
Гидроэлектр станциялар (ГЭС) |
қуввати 30 МВт гача бўлган кичик станциялар; |
III |
қуввати 30 МВт дан юқори станциялар; |
IV |
||
1.3 |
Иссиқлик электр станциялари (ИЭС), буғ қозонлари |
қувватидан қатъи назар |
IV |
1.4 |
Фотоэлектр станцияси |
қуввати 1 МВт гача |
III |
қуввати 1 МВт дан юқори |
IV |
||
1.5 |
Очиқ тақсимлаш қурилмалари (ОРУ) |
кучланиши 35 кВ, 110 кВ |
IV |
кучланиши 220 кВ, 500 кВ |
IV |
||
1.6 |
Ёпиқ тақсимлаш қурилмалари (КРУН, ЗРУ) |
кучланиши 6-10 кВ |
III |
кучланиши 35 кВ, 110 кВ |
IV |
||
1.7 |
Трансформатор подстанциялари (бир ёки икки трансформаторли) |
кучланиши 35/6-10 кВ, 35/0,4, 10/0.4, 6/0.4 кВ тақсимлаш пунктлари |
III |
кучланиши 110/35/6-10, 110/6-10кВ ва ундан юқори (220/6-10, 220/35/6-10, 220/110/35/6-10, 500/110/35-10, 500/220/35-10, 1000/500 кВ) |
IV |
||
1.8 |
Ҳаво электр узатиш тармоқлари (1 ва 2 занжирли) |
кучланиши 35 кВ гача бўлган (0,4, 6, 10 кВ) |
III |
кучланиши 35 кВ ва ундан юқори бўлган (110, 220, 500, 1000 кВ) |
IV |
||
1.9 |
Кабель электр узатиш тармоқлари |
кучланиши 35 кВ гача бўлган (0,4, 6, 10 кВ) |
III |
кучланиши 35 кВ ва ундан юқори бўлган (110, 220, 500, 1000 кВ) |
IV |
||
1.10 |
Электр энергетика соҳасининг бошқа объектлари |
ёрдамчи бинолар ва қурилмалар |
II |
2. Нефть, газ ва кўмир саноати объектлари
|
|||
2.1 |
Нефть, газ ва газ конденсатини қазиб олиш, тайёрлаш, қайта ишлаш ва сақлаш объектлари |
- қудуқлар (параметрик, қидирув, тузилмавий, эксплуатация ва б.); - конда ва конлараро ташиш қувурлари (газ қувурларининг кириш қисми блоки билан); - кон ичидаги қувурлар ва газ йиғиш коллекторлари; - жамлаш пунктлари; - магистрал қувур ўтказгичлар (насос, компрессор, газ тақсимлаш ва босимни кўтариш компрессор станциялари билан); - компрессор хўжалиги объектлари (газни қуритиш қурилмаси, ёрдамчи машина-агрегатлар); - маҳсулотларни сақлаш ва тушириш-юклаш объектлари (резервуарлар парки, қуйиш ва тўкиш эстакадалари билан) |
IV |
ўрта ва паст босимли газ тақсимлаш пункти |
III |
||
паст босимли қувурлар |
II |
||
газни ҳисоблаш узеллари |
III |
||
2.2 |
Суюлтирилган табиий газни сақлаш ва тушириш-юклаш жойлари |
ҳажми - 100 куб.м дан ортиқ |
IV |
ҳажми - 100 куб.м гача |
III |
||
2.3 |
Инерт газлар ишлаб чиқариш |
III |
|
2.4 |
Биогаз қурилмалари |
реактор ҳажми 50 куб.м гача |
II |
ҳажми 50 куб.м дан юқори |
III |
||
2.5 |
Кўмир конлари |
шу жумладан, ер ости шахталари |
IV |
2.6 |
Кўмирни ер ости усулида газга айлантириш майдонлари |
IV |
|
2.7 |
Кўмир майдасидан (увоғи) кўмир брикетларини ишлаб чиқариш |
II |
|
2.8 |
Кўмирни сақлаш ва қайта юклаш очиқ омборлари |
II |
|
2.9 |
Кислород ва бошқа газлар ишлаб чиқариш |
завод шароитида тайёрланган модул типидаги, ишлаб чиқариш ҳажми 50 куб.м/соат қувватгача |
II |
ишлаб чиқариш цехи, ҳажми 8 000 куб.м/соат қувватгача |
III |
||
ишлаб чиқариш цехи, ҳажми 8 000 куб.м/соат қувватда ва ундан ортиқ |
IV |
||
2.10 |
Газгольдерлар ва реципиентлар |
ҳажми 50 куб.м гача ва босими 10 кг/скв.м гача |
III |
ҳажми 50 куб.м дан катта ва босими 10 кг/скв.м дан юқори |
IV |
||
2.11 |
Водород ишлаб чиқариш |
барчаси. |
IV |
3. Тоғ-кон саноати объектлари
|
|||
3.1 |
Тоғ-кон бойитиш фабрикалари (комбинатлари) |
майдалаш, бойитиш корпуслари, концентрат омборхоналари |
IV |
3.2 |
Шахталар, конлар, очиқ карьерлар |
- бойитиш фабрикаси; - ер остидан руда олиш шахталари, конлар ва очиқ карьерлар; - карьер ва шахта олди саноат майдончалари |
IV |
3.3 |
Комплексдан ташқари ва комплексга кирадиган бошқа алоҳида объектлар |
мақсадларига кўра ишлаб чиқариш билан боғлиқ (технологик) жараёнларни ташкил этиш учун бино ва иншоотлар |
IV |
3.4 |
Суюқ холатдаги чиқиндиларни сақлаш жойи |
Чиқиндихоналар |
IV |
3.5 |
Суюқ холатдаги чиқиндиларни сақлаш жойининг алоҳида объектлари (чиқиндихоналар) |
тўсиб турадиган дамбалар, фильтрациядан сақловчи экранлар, гидротехник иншоотлар |
IV |
3.6 |
Хомашёни қайта ишлашдан чиққан чиқиндиларни сақлаш жойлари |
қолдиқ жинслар уюмлари ва шлам тўплагичлар |
III |
3.7 |
Пульпа насос станциялари |
қуввати соатига 300 куб.м дан ортиқ |
IV |
қуввати соатига 300 куб.м гача |
III |
||
3.8 |
Магистрал пульпа қувурлари |
қувур диаметридан қатъий назар |
III |
3.9 |
Айланма совитиш суви насос станцияси (сув олиш иншооти билан) |
қуввати соатига 150 куб.м гача |
II |
қуввати соатига 150 куб.м дан ортиқ |
III |
||
3.10 |
Махсус гидротехник иншоотлар |
дренажлар, сув кетказиш каналлари, қирғоқ ва асосини мустаҳкамлаш, ш.к. |
II |
диаметри 400 мм. гача ўлчамдаги ёпиқ дренажлар, ўтказувчанлиги 100куб.м/секундгача юқори оқимли каналлар, қирғоқларни мустаҳкамлаш (шу жумладан, дарё ва сойлар), шу кабиларнинг ўзани ва асосини тартибга солиш. |
III |
||
диаметри 400 мм. ва ундан катта ўлчамдаги ёпиқ дренажлар, ўтказувчанлиги 100куб.м/секунддан юқори оқимли каналлар, қирғоқларни мустаҳкамлаш (шу жумладан дарё ва сойлар), шу кабиларнинг ўзани ва асосини тартибга солиш |
IV |
||
3.11 |
Тош тузи олиш корхоналари |
шу жумладан, ўзи чўкувчан | |
78-150-11-72 
Мобильная версия сайта