Ўзбекистон Республикасининг 01.02.2024 й. ЎРҚ-901-сон "Педагогнинг мақоми тўғрисида"ги Қонуни (Қонунчилик палатаси томонидан 01.08.2023 й. қабул қилинган, Сенат томонидан 29.09.2023 й. маъқулланган)

Функция недоступна

ЎЗБЕКИСТОН РЕСПУБЛИКАСИНИНГ

ҚОНУНИ

01.02.2024 й.

N ЎРҚ-901

ПЕДАГОГНИНГ МАҚОМИ ТЎҒРИСИДА

Қонунчилик палатаси томонидан 2023 йил 1 августда қабул қилинган

Сенат томонидан 2023 йил 29 сентябрда маъқулланган

1-модда. Педагогнинг мақоми тўғрисидаги қонунчилик

Педагогнинг мақоми тўғрисидаги қонунчилик ушбу Қонун ва бошқа қонунчилик ҳужжатларидан иборатдир.

Агар Ўзбекистон Республикасининг халқаро шартномасида Ўзбекистон Республикасининг педагогнинг мақоми тўғрисидаги қонунчилигида назарда тутилганидан бошқача қоидалар белгиланган бўлса, халқаро шартнома қоидалари қўлланилади.

2-модда. Ушбу Қонуннинг қўлланилиш соҳаси

Ушбу Қонун педагогларнинг ҳуқуқлари, мажбуриятлари ва улар фаолиятининг асосий кафолатларини белгилайди.

Ушбу Қонуннинг амал қилиши ўз фаолиятини Ўзбекистон Республикаси ҳудудида амалга ошираётган давлат ва нодавлат таълим ташкилотларининг (бундан буён матнда таълим ташкилотлари деб юритилади) педагогларига нисбатан татбиқ этилади.

Ушбу Қонун 5-моддаси учинчи ва тўртинчи қисмларининг, 13-моддаси биринчи қисмининг, 14-моддаси учинчи ва ўн биринчи қисмларининг амал қилиши асосий иш фаолиятидан ташқари педагогик фаолият билан шуғулланувчи шахсларга ҳамда ҳарбий таълим муассасаларида педагогик фаолият билан шуғулланувчи ҳарбий хизматчиларга нисбатан татбиқ этилмайди.

3-модда. Педагогнинг мақоми

Таълим ташкилотида қонунчилик ҳужжатларига мувофиқ тузилган меҳнат шартномаси асосида таълим ва тарбия соҳасида касбий фаолиятни амалга оширувчи ҳамда тегишли маълумотга, касбий тайёргарликка ва маънавий-ахлоқий фазилатларга эга бўлган жисмоний шахс педагогдир.

Ўзбекистон Республикасида педагогнинг мақоми тан олинади. Педагогларнинг ўз касбий фаолиятини юритиши учун ташкилий-ҳуқуқий шарт-шароитлар яратилади, уларнинг ижтимоий ҳимояси таъминланади ва ҳуқуқлари амалга оширилиши учун кафолатлар берилади.

Педагогнинг ҳуқуқлари, шаъни, қадр-қиммати ва ишчанлик обрўси давлат ҳимояси остида бўлади.

Педагогик фаолият билан боғлиқ лавозимлар рўйхати тегишинча Ўзбекистон Республикаси Мактабгача ва мактаб таълими вазирлиги ҳамда Олий таълим, фан ва инновациялар вазирлиги томонидан белгиланади.

Таълим тизимида ишлаётган педагогнинг касбий даражасига доир талаблар Хизматчиларнинг асосий лавозимлари ва ишчилар касблари классификаторида ҳамда педагогнинг касбий стандартларида белгиланади.

Агар қонунчиликда бошқача қоида назарда тутилмаган бўлса, педагогик олий маълумотга эга бўлмаган шахсларга қайта тайёрлаш курсларидан ўтганидан кейин таълим ташкилотларида педагогик фаолият билан шуғулланиш ҳуқуқи берилиши мумкин.

Зарурат бўлганда профессионал таълим ташкилотлари ишлаб чиқариш таълими усталарини, шунингдек тегишли билим ҳамда амалий кўникмаларга эга бўлган, олий маълумоти бўлмаган бошқа мутахассисларни амалий ва қўшимча машғулотлар ўтказиш учун жалб этиши мумкин.

Ишлаб