ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Божхона қонунчилиги / Божхона расмийлаштируви. Декларациялаш / Умумий қоидалар /

Ўзбекистон Республикаси Президентининг 14.07.2006 й. ПҚ-416-сон "Маҳаллий дори-дармон ва тиббиёт буюмлари ишлаб чиқарувчиларни қўллаб-қувватлаш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

14.07.2006 й.

N ПҚ-416



МАҲАЛЛИЙ ДОРИ-ДАРМОН

ВА  ТИББИЁТ  БУЮМЛАРИ  ИШЛАБ

ЧИҚАРУВЧИЛАРНИ ҚЎЛЛАБ-ҚУВВАТЛАШ

ЧОРА-ТАДБИРЛАРИ ТЎҒРИСИДА



Республиканинг дори-дармон ва тиббиёт буюмлари ички бозорида рақобат муҳитини шакллантириш, аҳолининг рақобатбардош маҳаллий дори-дармон ва тиббиёт буюмларига бўлган эҳтиёжини янада тўлиқроқ қондириш мақсадида:


1. 2006 йилнинг 1 июлидан 2009 йилнинг 1 январигача бўлган муддатда маҳаллий ишлаб чиқарувчилар томонидан ишлаб чиқариладиган ва сотиладиган дори-дармонлар ва тиббиёт буюмлари, шунингдек улар томонидан ўзлари дори-дармон ва тиббиёт буюмлари ишлаб чиқариш учун олиб келинадиган хом ашё ва материаллар қўшилган қиймат солиғидан озод этилсин.


2. Ишлаб чиқарувчилар томонидан дори-дармон ва тиббиёт буюмлари ишлаб чиқариш учун четдан олиб келинадиган хом ашё ва материалларга бож тўловларини божхона расмийлаштирувидан кейин 60 кундан кечиктирмай тўлаш тартиби ўрнатилсин.


3. Ўзбекистон Республикаси Иқтисодиёт вазирлиги, Молия вазирлиги, Ташқи иқтисодий алоқалар, инвестициялар ва савдо вазирлиги, Давлат божхона қўмитаси, Соғлиқни сақлаш вазирлиги ва "Ўзфармсаноат" ДАК билан биргаликда бир ой муддатда, четдан олиб келинганида мазкур қарорда белгиланган имтиёзлар қўлланадиган хом ашё ва материаллар Рўйхатини тасдиқласин.

4. Ўзбекистон Республикаси Давлат солиқ қўмитаси, Давлат божхона қўмитаси четдан олиб келинганида мазкур қарорда белгиланган имтиёзлар қўлланадиган хом ашё ва материаллардан мақсадли фойдаланилиши устидан қаттиқ назорат ўрнатсин.

Дори-дармон ва тиббиёт буюмлари ишлаб чиқариш учун олиб келинадиган хом ашё ва материаллардан мақсадли фойдаланилмаган ҳолатларда қўшилган қиймат солиғи суммаси ҳамда хом ашё ва материалларни сотишдан тушган даромад қонун ҳужжатларида белгиланган тартибда тегишли санкциялар жорий этилишини ҳисобга олган ҳолда бюджетга ундириб олинади.


5. 2006 йил 1 июлдан бошлаб дори-дармон ва тиббиёт буюмлари ишлаб чиқарувчи маҳаллий корхоналарга Ўзбекистон Республикаси Вазирлар Маҳкамасининг "Бозорни истеъмол товарлари билан тўлдиришни рағбатлантириш ҳамда ишлаб чиқарувчилар ва савдо ташкилотларининг ўзаро муносабатларини такомиллаштириш чора-тадбирлари тўғрисида" 2002 йил 13 ноябрдаги 390-сонли қарорининг 1-бандида истеъмол товарлари ишлаб чиқурувчилар учун белгиланган солиқ имтиёзлари татбиқ этилсин.


6. "Ўзфармсаноат" ДАК 2006 йилнинг 1 сентябригача "Ўзкимёсаноат" ДАК, Ўзбекистон Республикаси Фанлар академияси, бошқа манфаатдор вазирликлар ва идоралар билан биргаликда дори-дармон ва тиббиёт буюмларини тайёрлашда фойдаланиладиган хом ашё ва материалларни ишлаб чиқариш комплекс дастурини ишлаб чиқсин ва белгиланган тартибда Ўзбекистон Республикаси Вазирлар Маҳкамасига киритсин.


7. Ўзбекистон Республикаси Давлат божхона қўмитаси Адлия вазирлиги билан биргаликда идоравий норматив ҳужжатларни мазкур қарорга мувофиқлаштирсин.


8. Мазкур қарорнинг ижросини назорат қилиш Ўзбекистон Республикаси Бош вазирининг ўринбосарлари Р.С. Қосимов ва Р.С. Азимов зиммаларига юклансин.



Ўзбекистон Республикасининг Президенти                          И. Каримов



"Ўзбекистон Республикаси қонун ҳужжатлари тўплами", 2006 йил, 28-29-сон, 267-модда.


































Время: 0.1421
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск