ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Қишлоқ ва сув хўжалиги / Қишлоқ хўжалиги корхоналарининг моддий-техник таъминоти. Агролизинг /

Ўзбекистон Республикаси Вазирлар Маҳкамасининг 27.02.1997 й. 111-сон "ЎзКейсагролизинг" Ўзбекистон-Америка қўшма лизинг компаниясини ташкил этиш тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

27.02.1997 й.

N 111



"ЎЗКЕЙСАГРОЛИЗИНГ"

ЎЗБЕКИСТОН-АМЕРИКА ҚЎШМА

ЛИЗИНГ КОМПАНИЯСИНИ ТАШКИЛ

ЭТИШ ТЎҒРИСИДА


Республика иқтисодиётининг аграр секторига лизинг бўйича юқори унумли қишлоқ хўжалиги техникаси етказиб бериш мақсадида Вазирлар Маҳкамаси ҚАРОР ҚИЛАДИ:


1. Ўзбекистон банклар уюшмасининг "Кейс Кредит Холдингз Лимитед" (АҚШ) компанияси билан биргаликда устав фонди 5,0 млн. АҚШ долларига тенг бўлган "ЎзКейсагролизинг" лизинг компаниясини ташкил этиш тўғрисидаги таклифи маъқуллансин.


2. Маълумот учун қабул қилинсинки:

"Кейс Кредит Холдингз Лимитед" компаниясининг 2550 минг АҚШ доллари миқдоридаги улуши (51 фоиз) пул бадали сифатида қўшилади;

Ўзбекистон банклар уюшмасининг 2450 минг АҚШ доллари миқдоридаги улуши (49 фоиз) пул бадали сифатида қўшилади;

Ўзбекистон банклар уюшмаси устав фондидаги ўз улушининг бир қисмини халқаро молия ташкилотларига бериши мумкин.


3. Қишлоқ хўжалиги техникаси ва асбоб-ускуналар етказиб бериш ва уларни лизингга бериш схемаси иловага мувофиқ, шунингдек "ЎзКейсагролизинг" қўшма лизинг компанияси фаолиятининг қуйидаги асосий йўналишлари маъқуллансин:

мулкчиликнинг барча шаклларидаги хўжалик юритувчи субъектларга лизинг бўйича замонавий юқори унумли қишлоқ хўжалиги техникаси етказиб беришни ўртача муддатларга маблағ билан таъминлаш;

республикага тракторлар, комбайнлар ва механизациялаш воситалари етказиб бериш ва уларни "Ўзқишлоқхўжаликтаъминот-тузатиш" давлат-кооператив қўмитасининг машина-трактор паркларига ва қишлоқ хўжалиги корхоналарига лизинг шартларида бериш;

фермер (деҳқон) хўжаликларига, шахсий ёрдамчи хўжаликларга ва томорқа эгаларига кичик механизация воситаларини лизинг бўйича бериш;

хорижий бозорларни маркетинг асосида тадқиқ қилиш, жаҳон стандартларига мувофиқ келувчи энг янги қишлоқ хўжалиги технологияларини ва асбоб-ускуналарни танлаб олиш ва уларни республикага етказиб бериш.


4. "ЎзКейсагролизинг" қўшма лизинг компаниясига:

зарур бўлганда лизинг бўйича олинган техниканинг лизинг олувчилар билан келишилган жадаллаштирилган амортизация нормаларини белгилашга;

лизинг тўловларини қоплаш учун лизинг олувчилар билан компенсация битишувларини амалга оширишга;

лизинг олувчилардан, шу жумладан, давлат мулки шаклидаги хўжаликлардан мол-мулкни, контрактлар юзасидан ҳуқуқларни ва маҳсулотни гаров сифатида қабул қилишга;

лизинг олувчилар лизинг тўловлари бўйича ўз мажбуриятларини бажармаган ҳолларда улардан компенсация битишувлари натижасида, шунингдек гаров сифатида олинган маҳсулотни ва мол-мулкни ички ва ташқи бозорларда белгиланган тартибда сотишга рухсат этилсин.

6. "ЎзКейсагролизинг" қўшма лизинг компаниясига чет эл инвестициялари иштирокидаги ишлаб чиқариш корхоналари учун қўлланилаётган меҳнатга ҳақ тўлашга йўналтирилаётган маблағларни тартибга солиш тартиби татбиқ этилсин.

8. Ўзбекистон Республикаси тижорат банкларига тузилган шартномаларга мувофиқ белгиланган лизинг тўловлари суммаларини лизинг олувчилар счётларидан огоҳлантирмасдан ундириб олиш тавсия этилсин.


9. Давлат мулки қўмитаси "Ўзқишлоқхўжаликтаъминоттузатиш" давлат-кооператив қўмитаси ҳамда давлат мулки улушига эга бўлган бошқа лизинг олувчилар "ЎзКейсагролизинг" қўшма лизинг компаниясига лизинг тўловларини таъминлаш учун мол-мулкни гаровга қўйишига белгиланган тартибда рухсат берсин.


10. Пул-кредит сиёсати бўйича республика комиссияси "ЎзКейсагролизинг" қўшма лизинг компаниясига қишлоқ хўжалиги техникаси ва эҳтиёт қисмлар харид қилиш, жалб қилинган маблағларни тўлаш, хорижий фирмалар томонидан кўрсатилган бошқарув хизматларига ҳақ тўлаш ва дивидендлар тўлаш учун зарур бўлган миқдорлардаги маблағлар ўз вақтида белгиланган тартибда эркин алмаштириладиган валютага конвертация қилинишини таъминласин.


11. Ўзбекистон банклар уюшмасига бир ой муддатда лизинг тўғрисида вақтинчалик низомни ишлаб чиқиш ҳамда республикада лизингни ривожлантиришга кўмаклашиш жамғармасини ташкил этиш тўғрисидаги таклифни ишлаб чиқиш ва Вазирлар Маҳкамасига киритиш тавсия этилсин.


12. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Қ.Ғ. Обидов зиммасига юклансин.



Вазирлар Маҳкамасининг Раиси                                              И. Каримов




























Время: 0.1370
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск