Корхоналарнинг молиявий аҳволини яхшилаш, нормативдан ортиқча қолдиқлар ҳажмини қисқартириш ва статистик ахборотларнинг ишончлилигини таъминлаш мақсадида Вазирлар Маҳкамаси ҚАРОР ҚИЛАДИ:
1. Вазирликлар, идоралар, корпорациялар, концернлар, уюшмаларнинг тайёр маҳсулотлар қолдиқларининг технологик цикллар хусусиятларини ва олувчиларнинг. буюртмаларини ҳисобга олган ҳолда ишлаб чиқилган нормативларини белгилаш тўғрисидаги таклифлари иловага мувофиққабул қилинсин.
2. Вазирликлар ва идоралар, корпорациялар, концернлар ва уюшмаларнинг раҳбарлари:
тайёр маҳсулотлар қолдиқларининг тегишли ўртача нормативларини корхоналарга уч кун муддатда етказсинлар;
ҳақиқий қолдиқларнинг нормативдагидан ошиб кетишига йўл қўймасинлар;
корхоналар омборидаги тайёр маҳсулотлар қолдиқларини уларнинг таркиби, ликвидлиги ва нарх омилларини ҳисобга олган ҳолда камайтиришга доир ишларни доимий амалга оширсинлар, қолдиқларнинг вужудга келиши сабабларини таҳлил қилсинлар, нормативдагидан ортиқча қолдиқларни қисқартириш юзасидан қарорлар қабул қилиш учун Мақроиқтисодиёт ва статистика вазирлигига тегишли таклифлар киритсинлар.
3. Мазкур қарорнинг бажарилишини назорат қилиш Ўзбекистон Республикаси Бош вазири ўринбосарларининг тегишли Котибиятларига юклансин.
Ўзбекистон Республикасининг Бош вазири Ў. Султонов
78-150-11-72 
info@norma.uz
Мобильная версия сайта