Ўзбекистон Республикаси Вазирлар Маҳкамасининг 06.06.1997 й. 287-сон "Кимёвий қуролларни яратиш, ишлаб чиқариш, тўплаш ва қўллашни тақиқлаш ҳамда уни йўқ қилиб ташлаш тўғрисидаги Конвенцияни рўёбга чиқариш бўйича Ўзбекистон Республикаси Вазирлар Маҳкамасининг комиссиясини ташкил этиш ҳақида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

06.06.1997 й.

N 287

КИМЁВИЙ ҚУРОЛЛАРНИ ЯРАТИШ, ИШЛАБ

ЧИҚАРИШ, ТЎПЛАШ ВА ҚЎЛЛАШНИ ТАҚИҚЛАШ

ҲАМДА УНИ ЙЎҚ ҚИЛИБ ТАШЛАШ ТЎҒРИСИДАГИ

КОНВЕНЦИЯНИ РЎЁБГА ЧИҚАРИШ БЎЙИЧА

ЎЗБЕКИСТОН РЕСПУБЛИКАСИ ВАЗИРЛАР

МАҲКАМАСИНИНГ КОМИССИЯСИНИ

ТАШКИЛ ЭТИШ ҲАҚИДА

Ўзбекистон Республикаси томонидан қабул қилинган мажбуриятларига мувофиқ ва Кимёвий қуролларни яратиш, ишлаб чиқариш, тўплаш ва қўллашни тақиқлаш ҳамда уни йўқ қилиб ташлаш тўғрисидаги Конвенцияни рўёбга чиқариш бўйича вазирликлар ва идораларнинг фаолиятини мувофиқлаштириш мақсадида Вазирлар Маҳкамаси ҚАРОР ҚИЛАДИ:

1. Кимёвий қуролларни яратиш, ишлаб чиқариш, тўплаш ва қўллашни тақиқлаш ҳамда уни йўқ қилиб ташлаш тўғрисидаги Конвенцияни рўёбга чиқариш бўйича Ўзбекистон Республикаси Вазирлар Маҳкамасининг 1-иловага мувофиқ таркибда ташкил этилсин.

2. Кимёвий қуролларни яратиш, ишлаб чиқариш, тўплаш ва қўллашни тақиқлаш ҳамда уни йўқ қилиб ташлаш тўғрисидаги Конвенцияни рўёбга чиқариш бўйича Ўзбекистон Республикаси Вазирлар Маҳкамасининг 2-иловага мувофиқ тасдиқлансин.

3. Қуйдагиларга:

Ўзбекистон Республикаси Ўзбекистон Республикаси Вазирлар Маҳкамаси ҳузуридаги Ер қаърини геологик ўрганиш, саноатда, кончиликда ва коммунал-маиший секторда ишларнинг бехатар олиб борилишини назорат қилиш давлат инспекциясига Комиссиянинг котибияти функциясини бажариш;

Ўзбекистон Республикасининг Бельгия Қироллигидаги Элчихонасига Кимёвий қуролларни тақиқлаш бўйича ташкилот (Гаага) билан ишчи алоқалари ва ўзаро ҳамкорликни амалга ошириш ҳамда Кимёвий қуролларни яратиш, ишлаб чиқариш, тўплаш ва қўллашни тақиқлаш ҳамда уни йўқ қилиб ташлаш тўғрисидаги Конвенцияни рўёбга чиқариш бўйича Ўзбекистон Республикаси Вазирлар Маҳкамасининг Комиссияси котибияти учун зарур материалларни тақдим этиш юклансин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари И.Ҳ. Жўрабеков зиммасига юклансин.

Вазирлар Маҳкамасининг Раиси                                            И. Каримов