ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Халқаро алоқалар / Ташқи сиёсий фаолиятни тартибга солиш / Ўзбекистон Республикаси чет эл ваколатхоналари ва халқаро ташкилотлар фаолиятини тартибга солиш /

Ўзбекистон Республикаси Вазирлар Маҳкамасининг 06.04.2006 й. 58-сон "Бинолар комплексини ер участкаси билан бирга Германия Федератив Республикасига мулк этиб сотиш тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

06.04.2006 й.

N 58


БИНОЛАР КОМПЛЕКСИНИ ЕР УЧАСТКАСИ

БИЛАН БИРГА ГЕРМАНИЯ ФЕДЕРАТИВ

РЕСПУБЛИКАСИГА МУЛК ЭТИБ

СОТИШ ТЎҒРИСИДА



Ўзбекистон Республикаси Ер кодексига ҳамда Ўзбекистон Республикаси Президентининг "Ўзбекистон Республикасидаги дипломатия ваколатхоналари ва халқаро ташкилотларнинг иш шароитларини яхшилашга оид қўшимча чора-тадбирлар тўғрисида" 1995 йил 14 ноябрдаги ПФ-1287-сон Фармонига мувофиқ Вазирлар Маҳкамаси ҚАРОР ҚИЛАДИ:


1. Ўзбекистон Республикаси Ташқи ишлар вазирлиги, Давлат мулки қўмитаси, "Ўзавтойўл" давлат-акциядорлик компанияси ва Тошкент шаҳар ҳокимлигининг "Ўзавтойўл" давлат-акциядорлик компанияси "Ўзйўлбутлаш" Республика бутлаш бошқармасининг Тошкент шаҳар, Ш.Рашидов кўчаси, 15А-уйда жойлашган, 4096 кв. м. майдонга эга бўлган бинолари комплексини ер участкаси билан бирга Германия Федератив Республикасига 1155211,0 АҚШ долларига мулк этиб сотиш тўғрисидаги таклифи қабул қилинсин.


2. Ўзбекистон Республикаси Давлат мулки қўмитаси:

Тошкент шаҳар ҳокимлиги билан биргаликда Германия Федератив Республикаси Элчихонаси билан кўрсатилган бинолар комплексининг ер участкаси билан бирга олди-сотди шартномасини Ўзбекистон Республикаси қонун ҳужжатларига мувофиқ икки ҳафта муддатда тузсин;

Германия Федератив Республикасининг кўрсатиб ўтилган бинолар комплексига, улар жойлашган жойдаги ер участкаси билан бирга, мулк ҳуқуқини тасдиқлайдиган Давлат ордерини белгиланган тартибда берсин.


3. Тошкент шаҳар ҳокимлиги "Ўзавтойўл" давлат-акциядорлик компанияси билан биргаликда "Ўзйўлбутлаш" Республика бутлаш бошқармасининг бошқа бинога жойлаштирилишини таъминласин.


4. Белгилаб қўйилсинки, ер участкасини Германия Федератив Республикасига сотишдан олинган 909426,0 АҚШ доллари миқдоридаги маблағлар, Давлат мулки қўмитаси тасарруфида қолдириладиган маблағларни чегирган ҳолда, Тошкент шаҳрини ижтимоий ривожлантириш учун Тошкент шаҳар ҳокимлигига берилади, "Ўзйўлбутлаш" Республика бутлаш бошқармасининг бинолар ва иншоотлар комплексини сотишдан олинган 245785,0 АҚШ доллари миқдоридаги маблағлар эса белгиланган тартибда тақсимланади.


5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Н.М. Ханов зиммасига юклансин.



Ўзбекистон Республикасининг Бош вазири                           Ш. Мирзиёев












Время: 0.0333
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск