ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Саноат / Машинасозлик /

Ўзбекистон Республикаси Вазирлар Маҳкамасининг 14.05.1998 й. 207-сон "ЎзКейсТрактор" Ўзбекистон-Америка қўшма корхонасини ташкил этиш тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

14.05.1998 й.

N 207



"ЎЗКЕЙСТРАКТОР" ЎЗБЕКИСТОН-АМЕРИКА

ҚЎШМА КОРХОНАСИНИ ТАШКИЛ

ЭТИШ ТЎҒРИСИДА



Вазирлар Маҳкамасининг 1996 йил 25 июлдаги 263-сон қарорини бажариш юзасидан ва Ўзбекистон Республикаси Ҳукумати билан "Кейс Корпорейшн" (АҚШ) компанияси ўртасидаги Битимга мувофиқ Вазирлар Маҳкамаси ҚАРОР ҚИЛАДИ:


1. "Кейс Эквимпент Холдингз Лимитед" фирмаси (АҚШ), "Ўзқишлоқхўжаликмаш-холдинг" компанияси ва "ТТЗ" давлат акциядорлик бирлашмаси билан масъулияти чекланган жамият шаклидаги "ЎзКейсТрактор" қўшма корхонасини ташкил этиш тўғрисида Битим имзоланганлиги ва унинг Устави тасдиқланганлиги маълумот учун қабул қилинсин.


2. Дастлабкн миқдори 15 млн. АҚШ долларига тенг бўлган устав жамғармасининг қўшма корхона муассислари ўртасида 1-иловага* мувофиқ тақсимланишига розилик берилсин, Ўзбекистон томонининг улуши 7,350 млн. АҚШ доллари (49 фоиз), Америка томонининг улуши 7,650 млн. АҚШ доллари (51 фоиз).


3. "Кейс Корпорейшн" компанияси томонидан ишлаб чиқилган лойиҳанипг техник-иқтисодий асосланишига мувофиқ тракторлар ишлаб чиқаришни 1998 йилдаги 350 тадан 2003 йилда 8300 тагача кўпайтириш назарда тутилаётганлиги қайд этилсин, бунда ишлаб чиқаришлар қуйидаги схемада жойлаштирилади:

қўшма корхона доирасида 2-иловага мувофиқ ҳажмда кучланиш агрегати узелларини, трансмиссияни ва 100 от кучи қувватига эга бўлган "СХ" ва 135 от кучи қувватига эга бўлган "МХ" туркумли универсал-чопиқ тракторларини йиғиш ва синаб кўриш ишлари ташкил этилади;

тракторларнииг деталлари, узеллари ва трансмиссиялари "Кейс Корпорейшн" компанияси раҳнамолигида "ТТЗ" давлат акциядорлик бирлашмаси ва Австриянинг "Штаер" фирмаси томонидан ташкил этиладиган қўшма корхона томонидан тайёрланади;

"ТТЗ" давлат акциядорлик бирлашмасида ва "Ўзқишлоқхўжаликмаш-холдинг" компаниясининг бошқа корхоналарида "Кейс" энергетика кучланиш узелидан фойдаланган ҳолда пахтачилик тракторлари тайёрланади, шунингдек жойнинг ўзида 3-иловага мувофиқ узеллар ва деталлар ишлаб чиқарилади.


4. "Ўзқишлоқхўжаликмаш-холдинг" компанияси, "ТТЗ" давлат акциядорлик жамияти "Кейс Эквимпеит Холдингз Лимитед" фирмаси билан биргаликда бир ой муддатда "Технологияларни лицензиялаш тўғрисида", "Товар белгиларини лицензиялаш ҳақида", "Бошқарув хизматлари кўрсатиш тўғрисида"ги Битимларни ишлаб чиқишни тугатсинлар ва имзоласинлар, уларни кейинчалик Ўзбекистон Республикаси Адлия вазирлигида рўйхатдан ўтказсинлар.


5. Ўзбекистон Республикаси Давлат мулки қўмитаси "Ўзқишлоқхўжаликмаш-холдинг" компанияси билан биргаликда бир ой муддатда "ТТЗ" давлат акциядорлик бирлашмаси ҳудудидаги мол-мулкни қўшма корхонани ташкил этиш тўғрисидаги Битимга мувофиқ "Ўзқишлоқхўжаликмаш-холдинг" компаниясининг "ЎзКейсТрактор" қўшма корхонаси устав жамғармасидаги улуши сифатида "ЎзКейсТрактор" қўшма корхонасига берилишини расмийлаштирсин.


6. "Ўзқишлоқхўжаликмаш-холдинг" компанияси узеллар ва тракторлар деталлари ишлаб чиқаришни ташкил этиш бўйича ишларни мувофиқлаштириш учун қўшма корхоналар дастурларини мувофиқлаштириш бўлимини ташкил этсин. Вазирлар Маҳкамасига компаниянинг ташкилий тузилмаси ва штат жадвали лойиҳаларини икки ҳафта муддатда тақдим этсин.


7. Ўзбекистон Республикаси Президентининг 1998 йил 19 январдаги ПФ-1919-сон Фармонида назарда тутилган имтиёзлар "Кейс" компанияси томонидан ташкил этиладиган қишлоқ хўжалиги техникаси ишлаб чиқарувчи ҳамда лизинг ва сервис хизмати кўрсатувчи қўшма корхоналарга жорий этилсин.


8. Макроиқтисодиёт ва статистика вазирлиги:

1998 йил ва кейинги йилларда "ЎзКейсТрактор" қўшма корхонаси томонидан тракторлар ишлаб чиқариш лойиҳасини;

"ТТЗ" давлат акциядорлик бирлашмасини техник қайта жиҳозлаш лойиҳасини, жумладан, 1999 йилдан бошлаб узеллар ва деталларни жойнинг ўзида ишлаб чиқариш дастурларини Ўзбекистон Республикасининг инвестиция дастурига киритсин.


9-14. Маҳфий.


15. Ўзбекистон Республикаси Ташқи ишлар вазирлиги "Ўзқишлоқхўжаликмаш-холдинг" компаниясининг буюртманомалари бўйича "ЎзКейсТрактор" қўшма корхонаси лойиҳаси бўйича ишлаш учун келаётган мутахассисларга, уларни консуллик йиғимлари тўлашдан озод қилган ҳолда, келиш-кетиш визаларини белгиланган тартибда берсин.


16. Ўзбекистон Ресиубликаси Ички ишлар вазирлиги "ЎзКейсТрактор" қўшма корхонасининг буюртманомалари бўйича кўп марталик визаларни белгиланган тартибда беришни ва уларнинг муддатини узайтиришни, шунингдек қўшма корхонанинг чет эллик мутахассисларининг паспортлари, йиғимлар тўлаш ва давлат божларидан озод қилинган ҳолда, рўйхатдан ўтказилишини таъминласин.


17. "ЎзКейсТрактор" қўшма корхонаси лойиҳаси бўйича ишлаш учун келаётган чет эллик мутахассисларга яшашлари ва республика ҳудудида транспортнинг барча турларида юришлари учун Ўзбекистон Республикаси фуқаролари учун назарда тутилган тарифлар бўйича ҳақ тўлаш ҳуқуқи берилсин.


18. Мазкур қарорнинг бажарилишини назорат қилиш Ўзбекистон Республикасининг Бош вазири Ў. Султонов зиммасига юклансин.



Вазирлар Маҳкамасининг Раиси                                                 И. Каримов



*) Иловалар рус тилидаги матнда берилган.




































Время: 0.1587
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск