Давлат органлари ахборот тизимларини ҳисобга олиш ва рўйхатдан ўтказиш тартиби тўғрисида Низом (АВ томонидан 21.12.2006 й. 1646-сон билан рўйхатга олинган ЎзААА 17.11.2006 й. 355-сон буйруғи билан тасдиқланган)

Функция недоступна

Ўзбекистон Республикаси

Адлия вазирлигида

2006 йил 21 декабрда 1646-сон

билан рўйхатга олинган

ЎзААА бош директорининг

2006 йил 17 ноябрдаги

355-сон буйруғи билан

ТАСДИҚЛАНГАН

Мазкур Низом рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Давлат органлари ахборот тизимларини

ҳисобга олиш ва рўйхатдан ўтказиш

тартиби тўғрисида

НИЗОМ

Мазкур Низом Ўзбекистон Республикасининг "Ахборотлаштириш тўғрисида", "Электрон рақамли имзо тўғрисида", "Электрон ҳужжат айланиши тўғрисида", "Ахборот олиш кафолатлари ва эркинлиги тўғрисида", "Электрон ҳукумат тўғрисида"ги қонунларига ва Ўзбекистон Республикаси Вазирлар Маҳкамасининг 2005 йил 22 ноябрдаги 256-сон "Ахборотлаштириш соҳасида норматив-ҳуқуқий базани такомиллаштириш тўғрисида", 2015 йил 17 декабрдаги 365-сон "Жисмоний ва юридик шахслар марказий маълумотлар базаларини шакллантириш ва "Электрон ҳукумат" тизими фойдаланувчиларини идентификациялашнинг ягона ахборот тизимини жорий этиш чора-тадбирлари тўғрисида" ва 2016 йил 3 июндаги 188-сон "Электрон ҳукумат тўғрисида"ги Ўзбекистон Республикаси Қонунини амалга оширишни давом эттириш чора-тадбирлари тўғрисида"ги қарорларига мувофиқ давлат органлари ахборот тизимларини ҳисобга олиш ва рўйхатдан ўтказиш тартибини белгилайди.

Мазкур Низом давлат органлари ахборот тизимларини шакллантириш ва улардан фойдаланишни амалга оширадиган давлат органларига татбиқ этилади.

1-§. УМУМИЙ ҚОИДАЛАР

1. Мазкур Низомда қуйидаги атамалар ва таърифлардан фойдаланилади:

давлат ахборот ресурслари - қуйидагилардан шаклланадиган ахборот ресурслари:

давлат органларининг ахборот ресурслари;

юридик ва жисмоний шахсларнинг давлат бюджети маблағлари ҳисобига барпо этилган ахборот ресурслари;

юридик ва жисмоний шахсларнинг давлат сирлари ва махфий тутиладиган ахборотни ўз ичига оладиган ахборот ресурслари;

юридик ва жисмоний шахсларнинг белгиланган тартибда тақдим этиладиган ҳужжатлаштирилган ахбороти;

давлат органларининг ахборот тизими - давлат ахборот ресурслари, ахборот технологиялари ва алоқа воситаларининг ахборотни йиғиш, сақлаш, излаш, қайта ишлаш ва ундан фойдаланиш имконини берадиган ташкилий-тартибга солинган мажмуи;

давлат органлари ахборот тизимининг паспорти (бундан кейин - паспорт) - ахборот тизими тўғрисидаги маълумотлар, шу жумладан унда фойдаланилаётган, рўйхатдан ўтказилган давлат ахборот ресурслари ва маълумотлар базалари тўғрисидаги маълумотлар;

Давлат ахборот ресурслари ва давлат органларининг ахборот тизимлари реестри (бундан кейин - Реестр) - давлат ахборот ресурслари ва ахборот тизимлари рўйхатини ҳамда қонун ҳужжатларига мувофиқ улар тўғрисидаги ахборотни ўз ичига оладиган Интернет