Ўзбекистон Республикаси Вазирлар Маҳкамасининг 05.03.1993 й. 125-сон "Республикада иқтисодий ислоҳотни амалга ошириш масалаларига доир қарорларнинг бажарилишини назорат қилувчи жамоат комиссиялари фаолиятини ташкил этиш масалалари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

05.03.1993 й.

N 125

РЕСПУБЛИКАДА ИҚТИСОДИЙ ИСЛОҲОТНИ

АМАЛГА ОШИРИШ МАСАЛАЛАРИГА ДОИР

ҚАРОРЛАРНИНГ БАЖАРИЛИШИНИ НАЗОРАТ

ҚИЛУВЧИ ЖАМОАТ КОМИССИЯЛАРИ

ФАОЛИЯТИНИ ТАШКИЛ ЭТИШ

МАСАЛАЛАРИ ТЎҒРИСИДА

Ўзбекистон Республикаси Президентининг "Республикада иқтисодий ислоҳотни амалга ошириш масалаларига доир қарорларнинг бажарилишини назорат қилувчи жамоат комиссияларини ташкил этиш тўғрисида" 1992 йил 2 ноябрдаги Фармонини бажариш, иқтисодий ислоҳотни амалга оширишни назорат қилишни кучайтириш мақсадида Вазирлар Махкамаси ҚАРОР ҚИЛАДИ:

1. Ўзбекистон Республикаси Президенти ҳузуридаги Давлат назорати қўмитаси ва унинг жойлардаги органлари ходимларининг сони 17 кишига, шу жумладан, қўмита раисининг ўринбосари лавозими қўшилган ҳолда марказий аппарат 3 кишига кўпайтирилсин.

Ўзбекистон Республикаси Молия вазирлиги давлат назорати органларининг юқорида кўрсатилган ходимлар сони учун етарли миқдорда Республика бюджетидан маблағлар ажратилишини назарда тутсин.

2. "Ўзшартномасавдо" давлат уюшмаси Давлат назорати кўмитасига қўшимча ҳисоблаш ва кўпайтириш техникалари ҳамда моддий-техника ресурслари ажратилишини назарда тутсин.

3. Ўзбекистон Республикаси Алоқа вазирлиги ташкил этилган жамоат комиссияларини телефон алоқаси билан таъминласин.

4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимлари Давлат назорати идораларига комиссиялар ишини ташкил қилишда, уларни мебель, тегишли жиҳозлар билан таъминлашда кўмаклашсинлар.

5. Ушбу қарорнинг бажарилишини назорат қилиш Вазирлар Макамасининг тегишли мажмуилари раҳбарларига юклатилсин.

Вазирлар Маҳкамасининг Раиси                                               И. Каримов