Давлат божхона қўмитасининг 01-02/20-9-сон, Ташқи иқтисодий алоқалар, инвестициялар ва савдо вазирлигининг ЭГ-01/10-1447-сон, Метрология ва сертификатлаштириш агентлигининг П-2-сон "Ўзбекистон Республикаси Жанубий-Ғарбий Ҳисор ва Устюрт минтақаси ҳудудларидаги конлар бўйича 2007 йил 23 январдаги маҳсулот тақсимотига оид битим доирасида Ўзбекистон Республикаси божхона чегараси орқали олиб ўтиладиган товарларнинг божхона расмийлаштируви қоидаларини тасдиқлаш тўғрисида"ги 16.03.2007 й. Қарори (АВ томонидан 14.04.2007 й. 1674-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

14.04.2007 й.

N 1674

ЎЗБЕКИСТОН СТАНДАРТЛАШТИРИШ,

МЕТРОЛОГИЯ ВА СЕРТИФИКАТЛАШТИРИШ

АГЕНТЛИГИНИНГ

16.03.2007 й.

N П-2

ҚАРОРИ

Ўзбекистон Республикаси Жанубий-Ғарбий Ҳисор

ва Устюрт минтақаси ҳудудларидаги конлар бўйича

2007 йил 23 январдаги маҳсулот тақсимотига оид битим

доирасида Ўзбекистон Республикаси божхона чегараси

орқали олиб ўтиладиган товарларнинг божхона

расмийлаштируви қоидаларини тасдиқлаш тўғрисида

(2007 йил 24 апрелдан кучга киради)

Ўзбекистон Республикасининг "Давлат божхона хизмати тўғрисида"ги Қонунининг 6-моддаси ва Ўзбекистон Республикаси Президентининг "Ўзбекистон Республикасининг Жанубий-Ғарбий Ҳисор ва Устюрт минтақаси ҳудудларида геология-қидирув ишларини ўтказиш, конларни ишлатиш ва углеводородларни кавлаб олиш бўйича чора-тадбирлар тўғрисида" 2007 йил 16 январдаги ПҚ-567-сон қарорига мувофиқ Ўзбекистон Республикаси Давлат божхона қўмитаси, Ташқи иқтисодий алоқалар, инвестициялар ва савдо вазирлиги ва Ўзбекистон стандартлаштириш, метрология ва сертификатлаштириш агентлиги ҚАРОР ҚИЛАДИ:

1. Илова қилинаётган Ўзбекистон Республикаси Жанубий-Ғарбий Ҳисор ва Устюрт минтақаси ҳудудларидаги конлар бўйича 2007 йил 23 январдаги маҳсулот тақсимотига оид битим доирасида Ўзбекистон Республикаси божхона чегараси орқали олиб ўтиладиган товарларнинг божхона расмийлаштируви Қоидалари тасдиқлансин.

2. Ушбу қарор Ўзбекистон Республикаси Адлия вазирлигида давлат рўйхатидан ўтказилгандан сўнг ўн кундан кейин кучга киради.

3. Мазкур қарор кучга кирган кундан бошлаб "УзПЕК Лимитед" компанияси ва унинг ёрдамчи пудратчилари томонидан Ўзбекистон Республикаси божхона чегараси орқали олиб ўтиладиган товарларнинг божхона расмийлаштируви қоидаларини тасдиқлаш ҳақида"ги қарор (2001 йил 30 июль, рўйхат рақами 1057 - Норматив ҳужжатларининг ахборотномаси, 2001 й., 14-сон) ўз кучини йўқотган деб топилсин.

Давлат божхона қўмитаси раиси                                      С. Носиров

Ташқи иқтисодий алоқалар,

инвестициялар ва савдо вазири                                         Э. Ғаниев

Ўзбекистон стандартлаштириш,

метрология ва сертификатлаштириш

агентлиги бош директори                                                   Р. Бўриев

"Ўзбекистон Республикаси қонун ҳужжатлари тўплами", 2007 йил, 16-сон, 166-модда.