Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Ҳуқуқ-тартиботни муҳофаза қилиш. Хавфсизлик. Маъмурий ва жиноий жавобгарлик / Ўз кучини йўқотган ҳужжатлар / Ҳуқуқ-тартибот ва хавфсизликни таъминловчи органлар /

Давлат автомобиль назорати тўғрисида Низом (ЎзР ВМ 26.12.1994 й. 620-сон қарори билан тасдиқланган)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Вазирлар Маҳкамаснинг

1994 йил 26 декабрдаги

620-сон қарори билан

ТАСДИҚЛАНГАН


Давлат автомобиль назорати тўғрисида

НИЗОМ



1. Давлат автомобиль назорати Ўзбекистон Республикаси Ички ишлар вазирлиги тизимига йўл ҳаракати хавфсизлиги устидан давлат назоратини таъминловчи юридик шахс сифатида киради.


2. Давлат автомобиль назоратининг асосий вазифаси барча вазирликлар ва идоралар, мулкчилик шаклларидан қатъи назар, барча ташкилотлар, муассасалар, корхоналар ҳамда жамоат бирлашмалари, мансабдор шахслар, шунингдек, фуқаролар томонидан йўл ҳаракати хавфсизлигини таъминлаш соҳасида амалда бўлган қонун ҳужжатлари ва бошқа норматив ҳужжатларга риоя этилишини назорат қилиш ҳисобланади.

Давлат автомобиль назоратини қонунчилик билан унинг зиммасига юкланмаган вазифаларни бажаришга жалб қилиш тақиқланади.


3. Давлат автомобиль назоратининг фаолияти қонунийликка қатъий риоя қилишга асосланади. Давлат автомобиль назорати ўз фаолиятида Ўзбекистон Республикаси қонунларига, Ўзбекистон Республиками Президентининг фармонлари ва фармойишларига, Ўзбекистон Республикаси Олий мажлисининг қарорларига, Ўзбекистон Республикаси Вазирлар Маҳкамасининг қарорлари ва фармойишларига, мазкур Низомга, Ўзбекистон Республикаси Ички ишлар вазирлигининг буйруқлари ва кўрсатмаларига амал қилади.


4. Давлат автомобиль назорати зиммасига юкланган вазифаларни ички ишлар органларининг бошқа хизматлари, давлат органлари, корхоналар, муассасалар ва ташкилотларнинг маъмуриятлари, Ўзбекистон Республикаси Мудофаа вазирлигининг Ҳарбий автомобиль назорати, шунингдек фаолияти йўл ҳаракати хавфсизлигини таъминлаш билан алоқадор жамоат ташкилотлари билан узвий ўзаро ҳамкорликда ҳал этади.


5. Давлат автомобиль назорати тузилмаси ва штатдаги ходимларининг сони Ўзбекистон Республикаси, Қорақалпоғистои Республикаси бюджетларидан, шунингдек ҳокимликлар томонидан автомобиль йўлларининг (шу жумладан умумфойдаланишдаги ва идораларга қарашли йўлларнинг) узунлиги, аҳоли ҳамда рўйхатга олинган транспорт воситалари сонига боғлиқ равишда ажратиладиган маблағлар билан белгиланади.


6. Давлат автомобиль назорати органлари қуйидаги бўлинмаларни ўз ичига олади:

йўл-патрул хизмати, шу жумладан, сафдаги хизмат бўлинмалари, махсус кузатиб борувчи ва оператив ҳаракат бўлинмалари;

йўл-транспорт ҳодисалари юз берган жойлардан қочиб кетган ҳайдовчиларни қкидириш;

йўл-транспорт ҳодисалари ҳолатлари бўйича суриштириш;

йўл ҳаракати қоидаларини маьмурий бузишлар тўғрисидаги ҳодисаларни суриштириш ишларини ташкил этиш;

ташкилий-таҳлилий;

йўл назорати;

техник назорат;

рўйхатга олиш;

имтиҳон олиш;

йўл ҳаракати хавфсизлигини тарғиб қилиш;

экология муаммолари;

моддий-техника таъминоти;

ихтисослаштирилган монтаж-фойдаланиш;

молиявий-иқтисодий;

шахсий таркиб билан ишлаш;

иш юритиш.

Давлат автомобиль назорати таркибида Ўзбекистон Республикаси Ички ишлар вазирлиги томонидан белгиланадиган тартибда бошқа бўлинмалар ҳам ташкил этилиши мумкин.


7. Ўзбекистон Республикаси Ички ишлар вазирлиги Давлат автомобиль назорати аппараты тузилмасини ва штатлар сонини Ўзбекистон Республикаси Ички ишлар вазири белгилайди.

Давлат автомобиль назорати қуйи аппаратлари тузилмаси Ўзбекистон Республикаси Ички ишлар вазирлиги томонидан тасдиқланадиган намунавий тузилмага мувофиқ белгиланади


8. Ўзбекистон Республикаси Ички ишлар вазирлиги Давлат автомобиль назоратининг бошлиғи ва унинг ўринбосарлари Ўзбекистон Республикаси Ички ишлар вазири томонидан тайинланади.


9. Ўзбекистон Республикаси Ички ишлар вазирлиги Давлат автомобиль назорати жойлардаги Давлат автомобиль назорати фаолияти устидан умумий раҳбарликни ва назоратни амалга оширади, Давлат автомобиль назорати фаолиятига дахлдор масалалар бўйича вазирликлар, идоралар, ташкилотлар билан шартномалар тузади.


10. Қорақалпоғистон Республикаси Ички ишлар вазирлиги, вилоятлар ва шаҳар ички ишлар бошқармалари (Бош бошқармалари) Давлат автомобиль назорати бошлиқлари Ўзбекистон Республикаси Ички ишлар вазирлиги Давлат автомобиль назорати бошлиғи билан олдиндан келишилгандан кейин Ўзбекистон Республикаси Ички ишлар вазири томонидан лавозимга тайинланадилар ва лавозимдан озод қилинадилар


11. Шаҳарлар ва туманлар ички ишлар бўлимлари Давлат автомобиль назорати бошлиқлари Қорақалпоғистон Республикаси Ички ишлар вазирлиги, вилоятлар ва шаҳарлар ички ишлар бошқармалари (Бош бошқармалари) Давлат автомобиль назорати бошлиқлари билан олдиндан келишилгандан кейин Қорақалпоғистон Республикаси Ички ишлар вазири, вилоятлар ва шаҳарлар ички ишлар бошқармалари (Бош бошқармалари) бошлиқлари томонидан лавозимга тайинланадилар ва лавозимдан озод қилинадилар.


12. Қорақалпоғистон Республикаси Ички ишлар вазирлиги, вилоятлар ва шаҳарлар ички ишлар бошқармалари (Бош бошқармалари) Давлат автомобиль назорати бошлиқлари ва уларнинг ўринбосарлари, рўйхатга олиш-имтиҳон қилиш бўлинмалари ва туманлараро рўйхатга олиш имтиҳон қилиш бўлинмалари бошлиқлари, шаҳарлар ва туманлар ички ишлар бўлимлари Давлат автомобиль назорати бўлим (бўлинма) лари бошлиқлари, йўл-патрул хизмати полклари, батальонлари ва роталарининг командирлари лавозимга тайинланишда, навбатдаги унвонни олишда, шунингдек уч йилда бир марта ёки белгиланган муддатдан олдин Ўзбекистон Республикаси Ички ишлар вазирлиги Давлат автомобиль назоратида аттестация комиссиясидан ўтадилар.

Ўзбекистон Республикаси Ички ишлар вазирлиги Давлат автомобиль назоратининг аттестация комиссияси Қорақалпоғистон Республикаси Ички ишлар вазирлиги, вилоятлар ва шаҳарлар ички ишлар бошқармалари (Бош бошқармалари) давлат автомобиль назорати аттестация комиссияси қарорларини ўзгартириш ёки бекор қилиш ҳуқуқига эга.


13. Ўзбекистон Республикаси Ички ишлар вазирлиги Давлат автомобиль назорати бошлиғи Қорақалпоғистон Республикаси Ички ишлар вазирлиги, вилоятлар ва шаҳарлар ички ишлар бошқармалари (Бош бошқармалари) Давлат автомобиль назорати бошлиқларининг нотўғри ва қонунга зид қарорлари ва кўрсатмаларини ўзгартириш ва бекор қилиш ҳуқуқига эга.

Қорақалпоғистон Республикаси Ички ишлар вазирлиги, вилоятлар ва шаҳарлар ички ишлар бошқармалари (Бош бошқармалари) Давлат автомобиль назорати бошлиқлари шаҳарлар ва туманлар ички ишлар бўлимлари Давлат автомобиль назорати бошлиқларининг нотўғри ва қонунга зид қарор ва кўрсатмаларини ўзгартириш ва бекор қилиш ҳуқуқига эга.


14. Давлат автомобиль назоратига хизматга ўрта махсус ва олий маълумотли шу соҳага мувофиқ келувчи мутахассислар ва юристлар қабул қилинадилар. Бунда улар ҳайдовчилар тайёрлаш курсларини тугаллаган ва транспорт воситаларини бошқариш ҳуқуқини берувчи гувоҳномага эга бўлишлари керак.


15. Ўзбекистон Республикаси Ички ишлар вазирлиги Давлат автомобиль назорати ва унинг жойлардаги органлари юридик шахс ҳисобланадилар, мустақил сметага, банкда ҳисоб-китоб счётларига, Давлат герби тасвирланган ва ўз номи ёзилган муҳрга эга бўладилар.


16. Йўл ҳаракати ҳавфсизлиги соҳасида Давлат автомобиль назорати органлари билан келишилмаган норматив ҳужжатларни қўллаш, улардан фойдаланиш тақиқланади.


17. Давлат автомобил назоратининг асосий вазифалари:

йўл ҳаракати хавфсизлигини таъминлаш бўйича қоидаларга, нормативларга ва стандартларга риоя қилиниши устидан назоратни амалга ошириш;

Ўзбекистон Республикаси Президентининг Хавфсизлик хизмати билан ҳамкорликда Ўзбекистон Республикаси Президенти ва қўриқланадиган бошқа шахслар (шу жумладан хорижий давлатлар шахслари) нинг махсус автомобилларини кузатиб боришни ва уларнинг тўсиқсиз ўтишнни, шунингдек, махсус трассалар ва махсус мақсаддаги автомобилларнинг ҳолати устидан назоратни таъминлаш;

оғир вазнли ва ногабарит юкларни ташишга рухсат бериш ҳамда уларни ташишда ҳаракат хавфсизлиги талабларига риоя қилиниши устидан назоратни амалга ошириш;

Ўзбекистон Республикаси Миллий хавфсизлик хизмати, Ўзбекистон Республикаси Ички ишлар вазирлиги, шунингдек, махфий юкларни ташишни амалга оширувчи муассасалар, идоралар ва ташкилотларнинг махсус автомототранспорт воситаларига махсус талонлар бериш;

автомототранспорт воситалари ва уларнинг тиркамаларини давлат техник кўригидан ўтказиш;

автомототранспорт воситалари ва уларнинг тиркамаларини рўйхатга олиш, рўйхатга олинган транспорт воситалари ва тиркамаларга ҳисобга олиш - рўйхатга олиш ҳужжатлари ва номер белгилари бериш;

фуқаролар томонидан мустақил тайёрланган автомототранспорт воситаларини милиция оператив хизмати ходимларининг тегишли текширувидан кейин рўйхатга олиш;

автомототранспорт ҳайдовчиларини тайерловчи ўқув ташкилотларини рўйхатга олиш, йўл ҳаракати қоидалари ва транспорт воситаларини бошқариш малакалари бўйича имтиҳонлар олиш, ушбу транспорт воситаларини бошқариш ҳуқуқини берувчи гувоҳномаларни бериш;

чет эл элчихоналари (консулликлари) ходимларига ва бошқа хорижий фуқароларга ҳайдовчи гувоҳномалари ва махсус номер белгилари бериш;

олиб қочилган ва ўғирланган автомототранспорт воситаларини ҳамда йўл-транспорт ҳодисаси содир этилган жойдан қочган ҳайдовчиларни қидириш ишини ташкил этиш ва амалга ошириш;

милициянинг бошқа хизматлари ходимларига жиноятларни очишда ва жиноят қилган шахсларни ушлашда ёрдам бериш;

техник хизмат кўрсатиш ва автомобилларни тузатиш станцияларида йўл ҳаракати хавфсизлиги соҳасидаги норматив ҳужжатларга риоя қилиниши устидан назоратни амалга ошириш;

йўл-транспорт ҳодисаси содир этилганлиги ҳодисаси бўйича суриштирув ишларини олиб бориш;

йўл-транспорт ҳодисаси содир этилган жойда кечиктириб бўлмайдиган ишларни амалга ошириш (йўл-транспорт ҳодисаси иштирокчиларини ушлаш, гувоҳларни аниқлаш, йўл-транспорт ҳодисаси бўйича материалларни расмийлаштириш, транспорт ва пиёдалар ҳаракатини тартибга солиш, жабрланганларга дастлабки тиббий ёрдам кўрсатиш ва бошқалар);

йўл ҳаракати соҳасидаги маъмурий қонун бузишлар ҳодисаларини суриштириш ишларини конунчиликда белгиланган тартибда амалга ошириш;

йўл ҳаракати соҳасида амалда бўлган қонунчиликни тушунтириш ишларини олиб бориш, шу мақсадда оммавий ахборот воситалари (матбуот, радио, телевидение, кино, видео ва шу кабилар) дан фойдаланиш, йўл ҳаракати қоидаларни тарғиб ва ташвиқот қилишда кўриклар, танловлар, мусобақалардан кенг фойдаланиш ва уларни ўтказиш;

йўл ҳаракати шароитларини ўрганиш, кўчалар ва йўлларда транспорт ҳамда пиёдалар қатновини ташкил этишни такомиллаштириш чора-тадбирларини кўриш;

йўл ҳаракатини тартибга солиш, шу жумаладан техник воситалар ва автоматлаштирилган тизимлардан фойдаланган ҳолда;

автомототранспорт воситаларини белгиланган тартибда кузатиб боришни амалга ошириш, шу жумладан шартнома асосида;

жамоат транспорти мунтазам қатнайдиган йўналишларни кўриб чиқиш ва очиш тўғрисида хулосалар бериш;

белгиланган тартибда рўйхатга олинган автомототранспорт воситалари содир этган йўл-транспорт ҳодисаларини, йўл ҳаракати қоидалари бузилишини ва улар бўйича кўрилган чора-тадбирларнинг ҳисобини олиб бориш, юритиш;

манфаатдор вазпрликлар, идоралар, ташкилотлар ва илмий муассасалар билан биргаликда йўл ҳаракати хавфсизлигини ошириш, йўл ҳаракати соҳасида ҳуқуқ бузилишининг олдини олиш бўйича таклифларни ишлаб чиқиш;

йўл-транспорт ҳодисалари содир этилишига, йўл ҳаракати қоидалари буэилишига, йўл ҳаракати соҳасида бошқа ҳуқуқка зид ҳаракатларга олиб келувчи сабабларни аниқлаш, ўз ваколати доирасида уларни бартараф қилиш чора-тадбирларини кўриш;

автомобиль йўллари, кўчалар, йўл иншоотлари, темир йўлдан ўтиш жойлари, шаҳар электр транспорти йўналишларини қуриш ва уларни қайта қуриш, автомототранспорт воситалари тузилиши лойиҳаларини кўриб чиқиш ва йўл ҳаракати ҳавфсизлигини таъминлаш нуқтаи назаридан улар бўйича хулосалар бериш, кўрсатилган объектларни фойдаланишга қабул қилиш комиссиялари ишида қатнашиш;

атроф муҳитни автомототранспорт воситаларининг зарарли таъсиридан ҳимоя қилиш тадбирларини амалга ошириш, бу соҳада норматив ҳужжатлар бажарилишини назорат қилиш, вазирликлар, идоралар ва жамоат ташкилотлари билан биргаликда зарур чора-тадбирларни белгилаш ва амалга ошириш;

Халқ таълими вазирлиги, бошқа манфаатдор идоралар билан биргаликда болалар ўртасида йўл-транспорт ҳодисалари содир қилинишининг олдини олишга доир амалий чора-тадбирлар ўтказиш;

Давлат автомобиль назорати шахсий таркиби томонидан қонунчиликнинг бузилишига йўл қўймаслик, уларга берилган Ҳуқуқлардан тўғри фойдаланиш, уларда юксак маданият, ишда виждонли ва адолатли бўлишни тарбиялаш, йўл ҳаракати қатнашчилари билан одобли ва мулойим муомалада бўлишни таъминлаш чора-тадбирларини кўриш.


18. Давлат автомобиль назоратининг тегишли органлари, мансабдор шахслари ҳамда ходимлари Ўзбекистон Республикаси қонунчилиги билан милицияга берилган барча ҳуқуқ ва имтиёзлардан ўз ваколатлари доирасида фойдаланадилар.

Давлат автомобиль назорати зиммасига юкланган вазифаларни бажариш учун қуйидаги ҳуқуқларга эга бўлади:

вазирликлар, идоралар, муассасалар, корхоналар, ташкилотлар, мансабдор шахслар, фуқаролар томонидан йўл ҳаракати хавфсизлигини таъминлашга ва атроф муҳитни автомототранспортнинг зарарли таъсиридан ҳимоя қилишга оид қоидалар, нормативлар ҳамда стандартларнинг бажарилишини текшириш, бу мақсадда уларга тўсиқсиз кириш, зарур маълумотлар ва ҳужжатларни текин олиш;

мансабдор шахслар ва фуқароларга йўл ҳаракати хавфсизлигини ва атроф муҳитни ҳимоя қилишни таъминлашга оид қоидалар, нормативлар ва стандартлар бузилишларини бартараф қилиш тўғрисида бажарилиши шарт бўлган кўрсатмалар бериш, бундай кўрсатмалар бўйича чора-тадбирларни кўрмаган шахсларни жавобгарликка тортиш;

шаҳарсозлар ва техник кенгашлар, автомобиль йўллари, кўчалар, йўл иншоотлари, темир йўлдан ўтиш жойлари, шаҳар электр транспорти йўналишларини ва автомототранспорт техникасининг янги намуналарини фойдаланишга қабул қилиш комиссиялари ишида ҳал қилувчи овоз ҳуқуқи билан қатнашиш;

йўл ҳаракати хавфсизлигини таъминлашга доир қонунлар ва бошқа норматив ҳужжатларни ишлаб чиқишда қатнашиш;

оммавий тадбирлар, спорт мусобақалари ўтказилаётганда ёки транспортдан фойдаланиш йўл ҳаракати хавфсизлигига хавф туғдирганда йўл участкаларида йўл ҳаракатларини вақтинча чеклаш ёки тақиқлаш;

белгиланган тартибда фойдаланишга топширилмаган автомобиль йўллари, кўчалар, темир йўлдан, ўтиш жойларида ҳаракатни тақиқлаш;

автомобиль йўллари, кўчалара темир йўлдан ўтиш жойларида йўл ҳаракати хавфсизлигини таъминлаш бўйича белгиланган қоидалар, нормативлар ва стандартлар бузилган ҳолда бажарилаётган тузатиш-қурилиш ёки бошқа ишлар амалга оширилишини тақиқлаш ёки тўхтатиб қўйиш.

йўл ҳаракати хавфсизлигини таъминлаш бўйича белгиланган қоидалар, нормативлар ва стандартлар бузилган ҳолда ёки Давлат автомобиль назорати раҳбариятининг ёзма рухсатисиз бажарилаётган кўчалар ва йўлларни лойиҳалаш, йўлларни қуриш, қайта қуриш ва тузатишни тўхтатиш ёки тақиқлаш тўғрисида кўрсатмалар Беринг;

хавфсизлик талабларига риоя этилмаган ҳолларда белгиланган йўналишда қатновчи жамоат транспорти ҳаракатини, шунингдек, оғир вазнли ва ногабарит юкларни ташишни тақиқлаш;

тегишли ташкилотларга йўл ҳаракатини тартибга солувчи техник-воситаларни ўрнатиш ва олиб ташлаш тўғрисида кўрсатмалар бериш ёки рухсат этиш;

агар транспорт воситаларининг конструкциялари ёки техник ҳолатлари Ўзбекистон Республикасининг амалдаги қонунчилиги, нормативлари ва стандартлари талабларига мувофиқ келмаса, шунингдек, агар транспорт воситалари давлат техник назоратидан ўтмаган бўлса ёки номер белгисига эга бўлмаса ёки яширин ўтирилган, қалбаки ёки қандайдир усулда ўзгартирилган узеллар, агрегатлар номерларга, номер белгиларига эга бўлса, бундай транспорт воситаларидан фойдаланишни тақиқлаш, шу жумладан номер белгиларини олиб қўйиш;

транспорт воситаларини тўхтатиш ва улардан фойдаланиш ҳамда уларни бошқариш ҳуқуқини берувчи ҳужжатларни, шунингдек, транспорт воситалари ва ташилаётган юк ҳужжатларини текшириш, қонунчиликда назарда тутилган ҳолатларда бу ҳужжатларни ушлаб қолиш;

стандартлар талабларини бузиб, лойиҳа ҳужжатларсиз (бундан ҳужжатнинг бўлиши тегишли норматив ҳужжатларда назарда тутилган ҳолларда) ёки белгиланган тартибда келишиб олинмаган ҳужжатларсиз тайёрланган ёки қайта жиҳозланган транспорт воситаларидан (ва қўшимча қурилмалардан), шунингдек, эгалари узеллар ва агрегатлар қонуний харид қилмаганлиги тўғрисида тегишли ҳужжатларни тақдим этмаган транспорт воситаларидан фойдаланишга йўл қўймаслик.

маст ёки касал ҳолатда деб ҳисоблаш учун етарли асослар мавжуд бўлган шахсларни транспорт воситаларини бошқаришдан четлатиш, уларни белгиланган тартибда тиббий кўрикдан ўтишга юбориш ва транспортни бошқариш ҳуқуқидан вақтинча маҳрум қилиш;

транспорт воситаларини бошқариш ёки улардан фойдаланиш ҳуқуқини берувчи ҳужжатлари тўлмаган шахсларни транспорт воситаларини бошқаришдан четлатиш;

жиноят содир қилишга ёки маъмурий ҳуқуқни бузишда гумон қилинаётган шахсларни организмда алкогол ёки гиёҳванд моддалар бор-йўқлигини аниқлаш учун белгиланган тартибда текширувдан ўтказиш, агар текшириш натижаси ҳуқуқ бузилганлигини-тасдиқлаш ёки рад этиш ёхуд ҳуқуқ бузишни тўғрисидаги ишни холис кўриб чиқиш учун зарур бўлган ҳолларда бундан шахсларни тиббий муассасаларга йўллаш ёки олиб келиш;

йўл ҳаракати қоидалари бузилганлигини аниқлаш ва қайд этиш, транспорт воситалари ҳамда автомобиль йўлларининг техник ҳолатини назорат қилиш учун мaxcуc техник ва транспорт воситаларидан фойдаланиш, тўхтатиш ва тўхтаб туриш жойлари қоидалари бузилган ҳолларда транспорт воситаларини ва уларни ташишни мажбурий тўхтатиш;

йўл ҳаракати қоидаларини бузган транспорт воситалари эгалари ва фуқароларни Ўзбекистон Республикаси қонунчилигида белгиланган тартибда ушлаб туришни, ҳайдовчи транспорт воситасидан ҳуқуқга зид мақсадларда фойдаланаётганлиги гумон қилинганда транспорт воситасини шахсий кўрикдан ўтказишни, шунингдек, юк ноқонуний ташилаяпти деб гумон қилиш учун асос бўлганда юкларни текширишдан ўтказишни амалга оширади, қонунчиликда белгиланган ҳолатлардан ташқари фуқароларни шахсан текширишдан ўтказиш бундан мустасно;

жиноят содир этилган ёки йўл-транспорт ҳодисаси рўй берган жойдан қочган ва ички ишлар органлари ходимларининг тўхташ тўғрисидаги талабларига бўйсунмаган транспорт воситаларини қонунчиликда белгиланган тартибда мажбуран тўхтатиш ва ҳайдовчиларни ушлаш;

йўл ҳаракати соҳасидаги қонунчиликнинг бузилишида айбдор бўлган мансабдор шахслар ва фуқароларга нисбатан маъмурий протоколлар тузиш ҳамда берилган ваколатлар доирасида маъмурий жазо чораларини қўллаш;

фуқаролар ва мансабдор шахсларни кўриб чиқилаётган ишлар ва материаллар бўйича Давлат автомобиль назорати идорасига чақириш ва улардан ёзма ҳамда оғзаки тушунтиришларни талаб қилиш;

транспорт воситалари ҳайдовчиларининг йўл ҳаракати қоидалари бўйича билимларини, транспорт воситаларини бошқариш малакаларини текшириш, шунингдек, улашнинг транспорт воситаларини бошқаришга яроқли эканликларини аниқлаш мақсадида белгиланган тартибда тиббий текширувдан ўтказишга йўллаш;

аварияларда шикастланган транспорт воситаларини ташишда корхоналар, муассасалар ва ташкилотларнинг транспорт воситаларидан фойдаланиш;

корхоналар, муассасалар, ташкилотлар, жамоат бирлашмалари ёки фуқароларга тегишли алоқа воситаларидан хизмат мақсадларида тўсиқсиз фойдаланиш;

корхоналар, бирлашмалар, муассасалар ва ташкилотларнинг махсус вакил қилинган комиссияларига давлат техника кўригини ўтказиш ҳуқуқини берувчи рухсатномалар бериш;

йўл ҳаракати қоидаларига риоя этилишини назорат қилиш, йўл-транспорт ҳодисалари содир этилган жойларда уларнинг оғир оқибатларини пасайтириш мақсадларида қўлланиладиган техник воситаларни, шунингдек, йўл ҳаракати хавфсизлигини оширишга ёрдам берувчи авария-қутқарув асбоб-ускуналарини ишлаб чиқиш ва тайерлашда буюртмачи вазифасини бажариш;

манфаатдор ташкилотлар ва илмий муассасалар билан биргаликда йўл ҳаракати хавфсизлигини таъминлаш масалаларига оид илмий тадқиқотларнинг устувор мавзулари ва йўналишларини аниқлашда қатнашиш ҳамда уларни ўтказишда буюртмачи бўлиш:

йўл ҳаракати хавфсизлиги масалалади бўйича халқаро ташкилотлар ишида белгиланган тартибда қатнашиш манфаатдор ташкилотлар билан биргаликда Ўзбекистон Республикасининг ушбу масалалар бўйича давлат ва халқаро битимларда иштирокидан келиб чиқувчи чора-тадбирларни ишлаб чиқиш ҳамда амалга ошириш;

тегишли рухсатномалари ва моддий-текника базалари бўлмаган ўқув ташкилотларининг ҳайдовчиларни тайёрлаш борасидаги фаолиятларини тўхтатиб қўйиш ёки тақиқлаш;

Давлат автомобиль назорати счётидаги маблағлардан белгиланган тартибда фойдаланиш;

йўл ҳаракати қоидаларини ишлаб чиқиш ва уларни ўзгартириш тўғрисида таклифлар киритиш;

суғурта компаниялари ва бошқа ташкилотлар берадиган маблағлардан (солиқлар тўлангандан кейинги даромадлардан) йўл-транспорт ҳодисаларининг олдини олиш чора-тадбирларини амалга ошириш ҳамда Давлат автомобиль назоратининг моддий-техника базасини мустаҳкамлаш мақсадида фойдаланиш;

йўл ҳаракати хавфсизлигини таъминлаш соҳасида доимий тарғибот ва ташвиқот ишларини олиб боришда, шунингдек, оммавий тадбирларни ўтказишда, автоҳалокатлар, йўл ва кўчалардаги йўл ҳаракати хавфсизлигига таъсир этувчи мураккаб об-ҳаво шароитлари ва бошқа салбий ҳолатлар тўғрисида шошилинч хабарлар беришни ташкил этишда оммавий ахборот воситалари (телевидение, радио, матбуот) имкониятларидан бепул фойдаланиш;

мактабларда ва бошқа болалар муассасаларида йўл ҳаракати қоидалари бўйича машғулотлар ўтказилиши устидан назоратни амалга ошириш.


19. Ўзбекистон Республикаси Ички ишлар вазирлиги Давлат автомобиль назорати, қуйи Давлат автомобиль назоратлари таркибида автомототранспорт воситалари ҳайдовчилари тайёрлайдиган ва уларнинг малакаларини оширадиган ўқув ташкилотлари, Давлат автомобиль назоратига қарашли автомототранспортга техник хизмат кўрсатиш ва уларни тузатиш учун тузатиш устахоналари ташкил этилиши мумкин.


20. Давлат автомобиль назорати Ўзбекистон Республикаси Мудофаа вазирлиги, Миллий хавфсизлик хизмати ва Ички ишлар вазирлигига тегишли транспорт воситаларига нисбатан ўз ваколатларини Ўзбекистон Республикаси Ички ишлар вазирлиги-томонидан белгиланган ва юқорида қайд этилган вазирлик ва идоралар билан келишилган тартибда амалга оширади.


21. Хорижий ташкилотлар (элчихоналар, консулликлар ва шу кабилар) га тегишли транспорт воситалари ва ҳайдовчиларга, шунингдек, хорижий фуқароларга нисбатан Давлат автомобиль назорати ўз ваколатларини Ўзбекистон Республикаси Ички ишлар вазирлиги, Ташқи ишлар вазирлиги ва бошқа манфаатдор ташкилотлар белгилайдиган тартибда амалга оширади.


22. Давлат автомобиль назорати ходимлари қонунга зид ҳаракатлари ёки ҳаракатсизликлари учун Ўзбекистон Республикаси қонунчилигида белгиланган тартибда жавоб берадилар.


23. Давлат автомобиль назоратининг молиявий ва моддий-техника таъминоти амалдаги қонунчиликка мувофиқ амалга оширилади.
















Время: 0.1376
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск