ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Пул ва бюджет тизими. Бюджетдан ташқари фондлар / Бюджет тизими / Бюджет процесси. Макроиқтисодий кўрсаткичлар. Моддий баланслар / 1991 - 2000 йиллар /Ўзбекистон Республикаси Олий Мажлисининг 14.12.2000 й. 157-II-сон "Ўзбекистон Республикасининг 2001 йилга мўлжалланган Давлат бюджети тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ОЛИЙ МАЖЛИСИНИНГ
ҚАРОРИ
14.12.2000 й.
N 157-II
ЎЗБЕКИСТОН РЕСПУБЛИКАСИНИНГ
2001 ЙИЛГА МЎЛЖАЛЛАНГАН ДАВЛАТ
БЮДЖЕТИ ТЎҒРИСИДА
Ўзбекистон Республикаси Вазирлар Маҳкамаси томонидан тақдим этилган, муҳокама давомида Олий Мажлис депутатлари билдирган таклиф ва мулоҳазаларни ҳисобга олган ҳолда қўшимча равишда ишлаб чиқилган Ўзбекистон Республикасининг 2001 йилга мўлжалланган Давлат бюджети лойиҳасини кўриб чиқиб, Ўзбекистон Республикаси Олий Мажлиси ҚАРОР ҚИЛАДИ:
1. Ўзбекистон Республикасининг 2001 йилга мўлжалланган Давлат бюджети бюджет тақчиллигининг юқори даражаси (давлат мақсадли фондларисиз) ялпи ички маҳсулот ҳажмига нисбатан 1,5 фоиз миқдорида белгиланган ҳолда маъқуллансин.
2. Ўзбекистон Республикаси Вазирлар Маҳкамаси:
кадрлар тайёрлаш, соғлиқни сақлаш тизимини ислоҳ қилиш ва мамлакат хавфсизлигини таъминлаш дастурларини устувор тарзда молиялаштиришга алоҳида эътибор қаратган ҳолда макроиқтисодий ва молиявий барқарорлик янада мустаҳкамланишини, фаол инвестиция сиёсати ўтказилишини, аҳолини ижтимоий ҳимоя қилиш кучайтирилишини таъминласин;
давлат бюджетининг тақчиллигини қоплаш учун Ўзбекистон Республикаси Марказий банкининг кредитлари, давлат қимматли қоғозларини жойлаштиришдан ва давлат мулкини хусусийлаштиришдан олинадиган даромадлар жалб этилишини назарда тутсин.
3. Маҳаллий давлат ҳокимияти органлари бюджетга тўловлар тўлиқ тушишини, харажатлар маҳаллий бюджетлардан ўз вақтида молиялаштирилишини ва давлат маблағларидан мақсадга мувофиқ фойдаланилиши устидан қаттиқ назорат қилинишини таъминласинлар.
4. Ўзбекистон Республикасининг Марказий банки 2001 йилда Давлат бюджетининг тақчиллиги ялпи ички маҳсулот ҳажмига нисбатан 0,5 фоиз доирасида қопланишини назарда тутсин.
Ўзбекистон Республикаси
Олий Мажлисининг Раиси Э. Халилов