Ўзбекистон Республикаси Вазирлар Маҳкамасининг 12.12.2000 й. 474-сон "Давлат-тижорат Халқ банки сармоясини янада кўпайтириш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

12.12.2000 й.

N 474

ДАВЛАТ-ТИЖОРАТ ХАЛҚ БАНКИ

САРМОЯСИНИ ЯНАДА КЎПАЙТИРИШ

ЧОРА-ТАДБИРЛАРИ ТЎҒРИСИДА

Ўзбекистон Республикаси Президентининг “Давлат-тижорат Халқ банкини ривожлантириш борасидаги қўшимча чора-тадбирлар тўғрисида” 2000 йил 7 декабрдаги ПФ-2773-сон Фармонини бажариш юзасидан ва банк омонатчиларининг манфаатларини ҳимоя қилишни кучайтириш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Молия вазирлиги ва Марказий банки 1-иловага мувофиқ жадвалга кўра қўшимча равишда 7,0 млрд сўм ажратган ҳолда давлат-тижорат Халқ банкининг устав сармояси 2000-2005 йилларда 10 млрд сўмгача етказилишини таъминласинлар.

2. Белгилаб қўйилсинки:

солиқлар ва йиғимлардан озод қилишдан бўшатилиб 2000-2004 йиллар мобайнида тушган маблағлар Ўзбекистон Республикаси Молия вазирлигининг Халқ банки устав сармоясидаги улушини шакллантириш учун етмаган тақдирда, маблағларнинг етмаган қисми 2005 йил мобайнида давлат бюджети ҳисобига тўлдирилади;

маблағлар Ўзбекистон Республикаси Молия вазирлигининг Халқ банки устав сармоясидаги улушини шакллантириш учун белгиланган миқдордан ортиқ тушган тақдирда, ушбу маблағлардан банкнинг инфратузилмасини ривожлантириш учун фойдаланилади.

4. Вазирлар Маҳкамасининг “Давлат-тижорат Халқ банкини янада ривожлантиришни таъминлаш чора-тадбирлари тўғрисида” 1999 йил 22 апрелдаги 189-сон қарорига илова ўз кучини йўқотган деб ҳисоблансин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов ва Ўзбекистон Республикаси Марказий банкининг раиси Ф.М. Муллажонов зиммасига юклансин.

Вазирлар Маҳкамасининг Раиси                                                И. Каримов

Вазирлар Маҳкамасининг

2000 йил 12 декабрдаги

474-сон қарорига

1-ИЛОВА

Ўзбекистон Республикаси давлат-тижорат Халқ

банкининг устав сармоясини кўпайтириш учун

қўшимча маблағлар ажратиш

ЖАДВАЛИ

(млн сўм)

*) Халқ банки бўйича солиқлар ва йиғимларни ҳисоблаш прогнозидан келиб чиққан ҳолда.