Ўзбекистон Республикаси Вазирлар Маҳкамасининг 12.11.1996 й. 397-сон "Фарғона нефтни қайта ишлаш заводини реконструкция қилиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

12.11.1996 й.

N 397

ФАРҒОНА НЕФТНИ ҚАЙТА ИШЛАШ

ЗАВОДИНИ РЕКОНСТРУКЦИЯ

ҚИЛИШ ТЎҒРИСИДА

Жаҳон стандартлари даражасидаги тоза нефть маҳсулотларининг сифатли бўлишини таъминлаш, уларнинг ишлаб чиқариш ҳажмларини кўпайтириш, Фарғона нефтни қайта ишлаш заводида замонавий хавфсиз меҳнат шароитлари яратиш ва экологик вазиятни яхшилаш мақсадида Вазирлар Маҳкамаси ҚАРОР КИЛАДИ:

1. "Ўзбекнефтгаз" миллий корпорациясининг дизель ёнилғисини гидротозалаш ва аминотозалаш ҳамда олтингугурт олиш қурилмалари қурилишини ўз ичига олувчи Фарғона нефтни қайта ишлаш заводини 1997-1999 йилларда реконструкция қилиш, шунингдек ишлаб турган қурилмаларни модернизациялаш тўғрисидаги таклифи қабул қилинсин.

2. "Ўзбекнефтгаз" миллий корпорациясига мазкур лойиҳа бўйича "Мицуи" (Япония) фирмаси билан базавий ва батафсил лойиҳалаш, асбоб-ускуналар ва материаллар етказиб бериш, қуриш, ишга туширишдан олдинги ишларга, ишга тушириш ва ишга тушириш-созлаш ишларига техник раҳбарлик қилиш юзасидан молиявий таъминлаш харажатларини ҳисобга олмаган ҳолда 9895 млн. япон иени ва 75,89 млн. АҚШ долларидан ошмайдиган суммага фойдаланишга тайёр ҳолда топшириш шарти билан контракт тузишга рухсат этилсин.

3. "Ўзнефтқайтаишлаш" давлат ишлаб чиқариш бирлашмаси лойиҳанинг бош буюртмачиси этиб белгилансин.

4. Ушбу лойиҳани молиявий таъминлаш Япониянянг Экспорт-импорт банки ҳамда Европа қайта қуриш ва тараққиёт банки томонидан бериладиган кредитлар, шунингдек Ўзбекистон Республикаси томонидан "Ўзбекнефтгаз" миллий корпорациясига бериладиган кредит ҳисобига амалга оширилсин.

Кредитларни узиш "Ўзбекнефтгаз" миллий корпорацияси маблағлари ҳисобидан, кредит битимларида белгиланган муддатларда амалга оширилсин.

5. Ташқи иктисодий фаолият миллий банки:

Молия вазирлиги билан биргаликда икки ой муддатда Япониянинг Экспорт-импорт банки билан кредит битимини ишлаб чиқишни тугалласин ва кредит битими тузсин;

олинган кредит буюртмачига белгиланган тартибда қайта молиялаштирилишини таъминласин.

6. "Ўзбекнефтгаз" миллий корпорацияси Молия вазирлиги ва Ташқи иқтисодий фаолияг миллий банки билан биргаликда икки ой муддатда Европа қайта қуриш ва тараққиёт банки билан кредит битимини ишлаб чиқишни тугалласин ҳамда кредит битими тузсин.

7. Ўзбекистон Республикаси Молия вазири Япониянинг Экспорт-импорт банкига ва Европа қайта қуриш ва тараққиёт банккига мазкур лойиҳа учун жалб қилинаётган кредитлар бўйича Ўзбекистон Республикаси Ҳукумати кафолатини беришга вакил килинсин.

8. Ўзбекистон Республикаси Адлия вазирлиги Ўзбекистон Республикаси Ҳукуматининг кафолатларига оид юридик хулосаларни белгиланган тартибда расмийлаштирсин.

9. Махфий.

10. Мазкур лойиҳа бўйича "Мицуи" фирмаси ва унинг хорижий субпудратчилари контрактни амалга оширишнинг бутун даврида:

барча солиқлар ва бож пошлиналари, шу жумладан контрактни амалга ошириш билан боғлиқ қурилишлар учун жалб қилинган воситаларни келтириш ва қайтариб олиб кетишда солиқлар ва пошлиналар;

"Ўзбекнефтгаз" миллий корпорациясининг буюртманомалари бўйича якка тартибда ва гуруҳ бўлиб келувчи ходимларнинг виза ҳужжатларини расмийлаштирганлик учун консуллик йиғимлари;

Ўзбекистон Республикасидаги турар жойда рўйхатга олинганлик учун йиғимлар тўлашдан озод қилинсин.

11. Давлат солиқ қўмитаси, "Ўзбекистон темир йуллари" компанияси ва "Ўзавтотранс" давлат корпорацияси "Ўзбекнефтгаз" миллий корпорацияси, "Мицуи" фирмаси ёки унинг мазкур лойиҳа бўйича субпудратчилари буюртманомалари бўйича келаётган асбоб-ускуналар ва материаллар, шу жумладан, қурилиш учун асбоб-ускуналар ва материаллар учун божхона ҳужжатларининг ўз вақтида (уч кундан ортиқ бўлмаган муддатда) расмийлаштирилишини ва уларнинг белгиланган жойга тўсиқсиз олиб келинишини таъминласинлар.

12. Ўзбекистон Республикаси резидентлари томонидан "Мицуи" фирмаси билан, унинг мазкур лойиҳа бўйича хорижий пудратчилари ва субпудратчилари билан тўғридан-тўғри контрактлар бўйича эркин алмаштириладиган валютада ҳақ тўланадиган етказиб берилган маҳсулотлар, бажарилган ишлар ва хизматлар ҳажмлари, кўрсатиб ўтилган етказиб берилган маҳсулотлар, бажарилган ишлар ва хизматлар ҳажмларини қўшилган қиймат солиғидан озод этган ҳолда, экспорт сифатида ҳисоблансин.

13. "Ўзбекинвест" миллий суғурта компанияси кўрсатиб ўтилган лойиҳанинг комплекс суғуртавий ҳимояланишини таъминлашда кўмаклашсин.

14. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Қ.Ж. Ҳаққулов ва Б.С. Ҳамидов зиммасига юклансин.

Вазирлар Маҳкамасининг Раиси                                                     И. Каримов