Ўзбекистон Республикаси Вазирлар Маҳкамасининг 16.11.1996 й. 400-сон "АБН Амро Банк Ўзбекистон МБ, Ҳ. Ж." акционерлик банкини ташкил этиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

16.11.1996 й.

N 400

"АБН АМРО БАНК ЎЗБЕКИСТОН МБ, Ҳ. Ж."

АКЦИОНЕРЛИК БАНКИНИ ТАШКИЛ

ЭТИШ ТЎҒРИСИДА

Ўзбекистон Республикасида банк хизматлари бозорини халқаро стандартларга мувофиқ ривожлантириш, халқаро савдони ривожлантиришни маблағ билан таъминлаш ва тўғридан-тўғри хорижий инвестицияларни жалб этиш мақсадида Вазирлар Маҳкамаси ҚAPOP ҚИЛАДИ:

1. Ўзбекистон Республикаси Ташқи иқтисодий фаолият миллий банкининг Халқаро молия корпорацияси, Европа тикланиш ва тараққиёт банки ва Голландиянинг "АБН Амро Банк" банки иштирокида "АБН Амро Банк Ўзбекистон МБ, Ҳ.Ж." акционерлик банкини ташкил этиш тўғрисидаги таклифи маъқуллансин.

2. "АБН Амро Банк Ўзбекистон МБ, Ҳ.Ж."нинг устав сармояси 10 млн. АҚШ долларига тенг суммада, шу жумладан хорижий томоннинг улуши - 70 фоиз (АБН Амро Банк - 50 фоиз, Халкаро молия корпорацияси - 10 фоиз, Европа тикланиш ва тараққиёт банки - 10 фоиз) ва Ўзбекистон Республикаси Ташқи иқтисодий фаолият миллий банкининг улуши (ўзининг жорий даромадлари маблағлари ҳисобидан) - 30 фоиз қилиб белгиланганлиги маълумот учун қабул қилинсин.

3. Белгилаб қўйилсинки, "АБН Амро Банк Ўзбекистон МБ, Ҳ.Ж." юридик шахс ҳисобланади ва ўз фаолиятини Ўзбекистон Республикаси қонун ҳужжатларига мувофиқ амалга оширади.

4. Марказий банкка бир ой муддатда "АБН Амро Банк Ўзбекистон МБ, Ҳ.Ж."ни рўйхатдан ўтказиш тавсия қилинсин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.С. Ҳамидов ва Ўзбекистон Республикаси Марказий банки раиси Ф.М. Муллажонов зиммасига юклансин.

Вазирлар Маҳкамасининг Раиси                                                  И. Каримов