Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Хўжалик ва тадбиркорлик фаолиятининг умумий масалалари / Ўз кучини йўқотган ҳужжатлар / Тадбиркорлик субъектлари /

Ўзбекистон Республикаси Президентининг 20.07.2007 й. ПФ-3897-сон "Иқтисодиётнинг стратегик тармоқлари корхоналарини хусусийлаштириш жараёнларини чуқурлаштиришга доир қўшимча чора-тадбирлар тўғрисида"ги Фармони

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

20.07.2007 й.

N ПФ-3897



ИҚТИСОДИЁТНИНГ СТРАТЕГИК ТАРМОҚЛАРИ

КОРХОНАЛАРИНИ ХУСУСИЙЛАШТИРИШ

ЖАРАЁНЛАРИНИ ЧУҚУРЛАШТИРИШГА

ДОИР ҚЎШИМЧА ЧОРА-ТАДБИРЛАР

ТЎҒРИСИДА


Очиқ савдоларда хусусий мулк этиб сотиладиган корхоналар ва объектлар рўйхатини кенгайтириш, бунда халқаро амалиётда қабул қилинган нормаларга риоя этиш мақсадида:


1. 2007 йилнинг 1 августидан бошлаб мамлакат иқтисодиёти учун устувор аҳамиятга эга бўлган стратегик тармоқларнинг хусусийлаштириладиган айрим акциядорлик жамиятларини бошқаришда давлат иштирокининг махсус чекланган ҳуқуқи (кейинги ўринларда - "олтин акция") жорий этилсин.


2. Белгилансинки:

хусусийлаштириладиган айрим акциядорлик жамиятларини бошқаришда давлат иштирокининг махсус ҳуқуқи ("олтин акция") ҳар бир алоҳида ҳолатда стратегик аҳамиятга эга бўлган ҳамда республиканинг иқтисодий манфаатларини ҳимоя қилишни таъминлайдиган давлат корхоналарини хусусийлаштириш ёки акциядорлик жамиятларининг давлат акция пакетларини хусусий мулк этиб сотишда Ўзбекистон Республикаси Ҳукуматининг қарорига асосан жорий этилади;

"олтин акция" устав капиталида давлат улуши бўлмаган ёки бу улуш 25 фоиздан ошмайдиган акциядорлик жамиятларида жорий этилиши мумкин;

"олтин акция" қийматга эга эмас, бировнинг ихтиёрига ўтказилмайди ва гаровга топширилмайди, устав фонди миқдорини белгилашда ва дивидендларни қўшишда ҳисобга олинмайди;

акциядорлик жамиятларида "олтин акция"ни жорий этишда белгиланган тартибда давлат вакиллари тайинланади, улар акциядорлик жамиятининг кузатув кенгаши таркибига киради ва акциядорларнинг умумий йиғилишларида қатнашишлари шарт.


3. Белгилаб қўйилсинки, "олтин акция"га эгалик қилиш Ўзбекистон Республикаси Ҳукумати томонидан вакил қилинган орган (Ўзбекистон Республикаси Давлат рақобат қўмитаси)га, зарур ҳолларда акциядорлик жамиятлари бошқарув органларининг қуйидаги қарорларига "вето" қўйиш ҳуқуқини беради:

акциядорлик жамиятининг уставига ўзгартиш ва қўшимчалар киритиш тўғрисида ёки акциядорлик жамиятининг уставини янги таҳрирда тасдиқлаш ҳақида;

акциядорлик жамиятининг устав фонди миқдорини ўзгартириш тўғрисида;

акциядорлик жамиятининг асосий фаолият йўналишларини ўзгартириш ҳақида;

акциядорлик жамияти томонидан йирик битимлар ва замирида манфаатдорлик ётган битимлар тузиш тўғрисида;

акциядорлик жамиятининг бошқа хўжалик жамиятларида қатнашуви ҳақида;

акциядорлик жамиятини қайта ташкил этиш ёки тугатиш, тугатиш бўйича комиссия тайинлаш тўғрисида ҳамда оралиқ ва узил-кесил тугатиш баланслари тўғрисида.


4. Ўзбекистон Республикаси Вазирлар Маҳкамаси ўн кун муддатда давлат томонидан акциядорлик жамиятини бошқаришда иштирок этиш махсус ҳуқуқи ("олтин акция")дан фойдаланиш тўғрисидаги низомни тасдиқласин.

5. Ўзбекистон Республикаси Давлат мулки қўмитаси Адлия вазирлиги билан биргаликда бир ой муддатда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.


6. Мазкур Фармоннинг ижросини назорат қилиш Ўзбекистон Республикаси Бош вазири Ш.М. Мирзиёев зиммасига юклансин.



Ўзбекистон Республикаси Президенти                                 И. Каримов



"Ўзбекистон Республикаси қонун ҳужжатлари тўплами",

2007 йил, 29-30-сонлар, 299-модда.







































Время: 0.1396
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск