Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Божхона қонунчилиги / Ўз кучини йўқотган ҳужжатлар / Алоҳида турдаги товарлар ва транспорт воситаларини олиб чиқиш ва олиб кириш, жойини ўзгартириш /

Ўзбекистон Республикаси Вазирлар Маҳкамасининг 29.06.2001 й. 284-сон "Жисмоний шахслар томонидан товарлар импортини тарифлар билан бошқаришга доир қўшимча чора-тадбирлар тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

29.06.2001 й.

N 284



ЖИСМОНИЙ ШАХСЛАР ТОМОНИДАН

ТОВАРЛАР ИМПОРТИНИ ТАРИФЛАР

БИЛАН БОШҚАРИШГА ДОИР ҚЎШИМЧА

ЧОРА-ТАДБИРЛАР ТЎҒРИСИДА


Импортни тарифлар билан бошқаришни такомиллаштириш, жисмоний шахслар томонидан истеъмол  товарлари олиб келинишини тартибга солиш мақсадида Вазирлар Маҳкамаси ҚАРОР ҚИЛАДИ:


1. Белгилансинки, 2001 йил  1 июлдан бошлаб:

жисмоний шахслар (ўзлари қатнаб олиб келадиганлар) томонидан республикага тижорат фаолияти учун мўлжалланган товарларни олиб киришда йиғим божсиз олиб киришнинг чекланган нормаси қўлланилмасдан товарлар божхона қийматининг 50 фоизи  ставкаси бўйича ундирилади;

жисмоний шахслар (ўзлари қатнаб олиб келадиганлар) томонидан олиб кириладиган тижорат фаолияти учун мўлжалланган товарлардан  қўшилган қиймат солиғи ва  божхона божлари божсиз олиб киришнинг чекланган нормаси қўлланилмасдан ундирилади.


2. Ўзбекистон Республикаси Вазирлар Маҳкамасининг "Импортни тарифлар билан бошқариш чора-тадбирлари тўғрисида" 1998 йил 24 февралдаги 80-сон қарори билан белгиланган Ўзбекистон Республикаси ҳудудига жисмоний шахслар томонидан олиб кириладиган тижорат фаолияти учун мўлжалланмаган товарлардан йиғим ундиришнинг ставкалари ва амалдаги тартиби сақлаб қолинсин.


3. Тижорат фаолияти билан шуғулланувчи жисмоний шахслардан божхона тўловлари ва солиқлар тўлиқ  ҳисоблаб чиқилиши ва йиғилиши учун назоратни кучайтириш мақсадида Ўзбекистон Республикаси Давлат божхона қўмитаси:

жисмоний шахслар томонидан тадбиркорлик мақсадларида товарлар олиб кирилишида улар давлат солиқ хизмати органларида ҳисобга қўйилганлиги тўғрисида маълумотнома мавжуд бўлганда тақдирдагина юкни божхонадан ўтказсин;

ҳар ойда, ойнинг 10-кунидан  кечикмай давлат солиқ хизматининг тегишли органларига жисмоний шахснинг паспортига оид маълумотларни, товарлар номи ва қийматини  кўрсатган ҳолда жисмоний шахслар томонидан тадбиркорлик мақсадида олиб кирилаётган товарлар тўғрисидаги ахборотни юборсин.


4. Ўзбекистон Республикаси Адлия вазирлиги ўн кун муддатда Вазирлар Маҳкамасига Ўзбекистон Республикаси ҳукуматининг қарорларини мазкур қарорга мувофиқлаштириш тўғрисида таклиф киритсин.


5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.



Вазирлар Маҳкамасининг Раиси                                            И. Каримов



"Ўзбекистон Республикаси Ҳукумати қарорлари тўплами", 2001 й., N 6, 35-модда.




























Время: 0.1493
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск