ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Саноат / Автомобилсозлик /

Ўзбекистон Республикаси Вазирлар Маҳкамасининг 25.07.2001 й. 316-сон "СамКочавто" қўшма корхонасида ишлаб чиқаришни янада ривожлантириш тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

25.07.2001 й.

N 316



"САМКОЧАВТО" ҚЎШМА

КОРХОНАСИДА ИШЛАБ ЧИҚАРИШНИ

ЯНАДА РИВОЖЛАНТИРИШ ТЎҒРИСИДА


Мамлакатимизда автобуслар ва юк автотранспорти  ишлаб чиқаришни янада ривожлантириш учун қулай шарт-шароитлар яратиш, уларни экспортга ва ички бозорга етказиб беришни кўпайтириш мақсадида Вазирлар Маҳкамаси ҚАРОР ҚИЛАДИ:


1. Қуйидагилар:

"СамКочавто" қўшма корхонасининг устав фонди 1998 йилдан буён қўшма корхона муассисларининг улушларига мутаносиб тарзда 47,5 млн АҚШ долларидан 64,1 млн АҚШ долларигача кўпайганлиги;

"СамКочавто" қўшма корхонаси томонидан қўшма корхонанинг ишлаб чиқариш  фаолиятини ташкил этишнинг  2001 йилга бизнес-режаси  ҳамда 2005 йилга бориб автобуслар ишлаб чиқаришни 4 баравардан ортиқ кўпайтиришга ва маҳаллийлаштириш даражасини  25 фоизгача етказишга қаратилган 2001-2005 йилларда  автомобиллар учун бутловчи буюмлар ва деталлар ишлаб чиқаришни маҳаллийлаштириш дастури тасдиқланганлиги;

2001-2002 йилларда экспортга етказиб беришга мўлжалланган 1000 автобус ишлаб чиқариш учун зарур бўлган бутловчи деталлар, хом ашё ва материаллар нархи хорижий ҳамкор томонидан пасайтирилганлиги;

2001 йилдан бошлаб "Асака" банки томонидан очиладиган тўловни кечиктириш бутловчи деталлар ва материаллар юклаб жўнатилган санадан бошлаб хорижий банкларнинг кредит линиялари ҳисобига  тасдиқланган аккредитивлар бўйича 180 кундан 270 кунга кўпайтирилганлиги  маълумот учун қабул қилинсин.


2. Белгилансинки, юридик ва жисмоний шахслар томонидан "СамКочавто" қўшма корхонаси ишлаб чиқарган автотранспорт  воситаларини сотиб олишда Республика йўл жамғармасига йиғим сотиб олинган автотранспорт воситалари қийматининг 5 фоизи миқдоридаги ставка бўйича  ҳисоблаб чиқилади.


3-4. Махфий.

6. "Ўзавтосаноат" уюшмаси ва "СамКочавто" қўшма корхонаси буюртманомалари бўйича  корхонанинг ишлаб чиқариш фаолияти билан боғлиқ ишларни бажариш учун республикага келаётган хорижий мутахассисларга республика ҳудудида яшаганлик ва транспортнинг барча  турларида юрганлик учун Ўзбекистон Республикаси фуқаролари учун назарда тутилган миллий валютадаги тарифлар бўйича ҳақ тўлаш ҳуқуқи берилсин.


7. Ўзбекистон Республикаси Ташқи ишлар вазирлиги, Ички ишлар вазирлиги "СамКочавто" қўшма корхонасининг буюртманомалари бўйича хорижий мутахассисларни давлат божи тўлашдан озод қилган ҳолда уларга кўп марталик визалар узайтирилиши ва берилишини, яшаш жойида  вақтинча рўйхатдан ўтказиш ва вақтинча рўйхатдан ўтказиш узайтирилишини таъминласинлар.


8. Мазқур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.



Вазирлар Маҳкамасининг Раиси                                                    И. Каримов


“Ўзбекистон Республикаси қонун хужжатлари тўплами”, 14-сон 2001 й.


"Ўзбекистон Республикаси Ҳукумати қарорлари тўплами", 2001 й., N 7, 42-модда.


































































Время: 0.1860
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск