Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Хўжалик ва тадбиркорлик фаолиятининг умумий масалалари / Ўз кучини йўқотган ҳужжатлар / Маҳсулот сифати. Стандартлаштириш. Сертификатлаштириш. Метрология /

Метрология хизматларини тиббий ускуналар ва аппаратураларнинг метрологик нормалар ва стандартларга мувофиқлиги тўғрисида хулосалар бериш ҳуқуқини аккредитациядан ўтказиш Қоидалари (АВ томонидан 10.10.2007 й. 1726-сон билан рўйхатга олинган "Ўзстандарт" агентлиги бош директорининг 14.08.2007 й. 367-сон буйруғи билан тасдиқланган)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Ўзбекистон Республикаси

Адлия вазирлигида

2007 йил 10 октябрда 1726-сон

билан рўйхатга олинган

"Ўзстандарт" агентлиги

Бош директорининг

2007 йил 14 августдаги

367-сон буйруғи билан

ТАСДИҚЛАНГАН



Метрология хизматларини тиббий ускуналар

ва аппаратураларнинг метрологик нормалар ва

стандартларга мувофиқлиги тўғрисида хулосалар

бериш ҳуқуқини аккредитациядан ўтказиш

ҚОИДАЛАРИ


Мазкур Қоидалар Ўзбекистон Республикасининг "Метрология тўғрисида"ги Қонуни, Ўзбекистон Республикаси Вазирлар Маҳкамасининг 2007 йил 18 майдаги 104-сон қарори асосида Ўзбекистон Республикаси қонун хужжатларига мувофиқ метрология хизматларини тиббий ускуналар ва аппаратураларнинг метрологик нормалар ва стандартларга мувофиқлиги тўғрисида хулосалар бериш ҳуқуқи учун аккредитациядан ўтказиш тартибини белгилайди.

Қоидалар Ўзбекистон Республикасига олиб кирилаётган, ишлаб чиқарилаётган ва фойдаланилаётган тиббий ускуналар ва аппаратураларнинг метрологик нормалар ва стандартларга мувофиқлигини баҳоловчи ва бу ҳақда хулоса берувчи юридик шахсларнинг метрология хизматларига тааллуқлидир.



I. УМУМИЙ ҚОИДАЛАР


1. Мазкур Қоидаларда қуйидаги асосий атамалар ва тушунчалар қўлланилади:


метрология хизматларини аккредитациядан ўтказиш - метрология хизматларининг белгиланган аккредитациядан ўтказиш соҳасида ўлчашлар бирлигини таъминлаш мақсадида ишлар ўтказишининг қонунийлигини расман тан олиш;


аккредитациядан ўтказувчи орган - тиббий ускуналар ва аппаратураларнинг мавжуд талабларга мувофиқлиги ҳақида хулоса бериш ҳуқуқига расман ваколат берувчи давлат бошқаруви органи ("Ўзстандарт" агентлиги);


апелляция - акредитация аризачисининг унинг тегишли ҳолатига нисбатан бирор-бир салбий қарорни қайта кўриб чиқиш учун қилган ёзма мурожаати;


аккредитация аризачиси - аккредитация қилинишига талабгор юридик шахс;


метрология хизмати - давлат органлари ва юридик шахслар метрология хизматларининг тизими ва уларнинг ўлчашлар бирлигини таъминлашга йўналтирилган фаолияти;


аккредитация мезонлари - аккредитация аризачисининг мувофиқ бўлиши лозим бўлган талаблар мажмуаси;


аккредитация соҳаси - мувофиқликни тасдиқлаш бўйича маълум фаолият соҳасидаги аниқ ишларни бажариш учун берилган ариза ва (ёки) берилган аккредитация;


аккредитация қилинганлиги тўғрисида гувоҳнома - белгиланган аккредитация соҳасида аккредитация қилинган метрологик хизматларнинг ўлчашлар бирлигини таъминлаш ҳуқуқларини тасдиқловчи расмий ҳужжат;


аккредитациядан ўтказиш бўйича Кенгаш - Миллий аккредитациядан ўтказиш тизимининг ўтказилган аккредитациядан ўтказиш натижалари бўйича қарор қабул қилувчи раҳбарий идораси (бундан кейин Кенгаш деб юритилади);


техник эксперт - аккредитация соҳасида баҳоланишга нисбатан махсус билимларни таъминлаш ёки экспертиза учун аккредитациядан ўтказувчи орган томонидан тайинланадиган шахс;


сифат бўйича эксперт - аудитор - қонун ҳужжатларида белгиланган тартибда аккредитация қилинган, аккредитация соҳасидаги ишларни олиб бориш учун тегишли малакага эга мутахассис.


2. Аккредитация ўзининг тиббий ускуналар ва аппаратураларнинг метрологик нормалар ва стандартларга мувофиқлигини баҳолаш соҳасидаги лаёқатини тан олиш тўғрисида ариза билан мурожаат қилган ҳамда аккредитациядан ўтказиш учун тўловларни қонун ҳужжатларида белгиланган тартибда амалга оширган аризачига нисбатан аккредитациядан ўтказувчи орган томонидан амалга оширилади.


3. Тиббий ускуналар ва аппаратураларни баҳолаш бўйича ишларни ўтказиш ҳуқуқини аккредитациядан ўтказиш тиббий ускуналар ва аппаратураларнинг метрологик нормалар ва стандартларга мувофиқлиги тўғрисида хулоса беришни амалга оширувчи метрология хизматларининг лаёқатини тасдиқлаш мақсадида ўтказилади.


4. Метрология хизматлари Ўзбекистон Республикасининг "Метрология тўғрисидаги" Қонунида назарда тутилган бошқа турдаги метрология назоратига ҳам аккредитация қилиниши мумкин, шунингдек ўзининг таркибида ўлчаш воситаларини қонун ҳужжатларида белгиланган тартибда метрологик аттестациялаш, қиёслаш ва тиббий ускуналар ва аппаратураларни калибрлаш ҳуқуқига аккредитация қилинган калибрлаш лабораторияларига эга бўлиши мумкин.


5. Метрология хизматини аккредитациядан ўтказиш учун умумий мезонлар қуйидагилар ҳисобланади:

а) тиббий ускуналар ва аппаратуралар ишлаб чиқарувчилари, етказиб берувчилари ва исътемолчиларидан мустақиллиги;

б) аккредитацияланувчи аризачининг юридик ҳолатини тасдиқловчи ва тиббий ускуналар ва аппаратураларни баҳолаш ва мувофиқлигини тасдиқловчи ишларни бажариш қоидаларини белгиловчи ҳужжатларнинг мавжудлиги;

в) малакали ва метрологик тайёргарликка эга, ўрнатилган тартибда аттестация қилинган мутахассисларнинг (бош метролог, ўлчаш турлари бўйича метролог) мавжудлиги;

г) баҳоланаётган объектларга норматив ҳужжатларнинг мавжудлиги;

д) ўлчаш воситаларини аттестация қилиш, қиёслаш ва/ёки калибрлашни амалга оширувчи аккредитация қилинган лабораториялар билан ҳамкорлиги тўғрисидаги келишувларнинг мавжудлиги (ўзининг таркибида мутахассис метрологлар ва/ёки аккредитация қилинган лабораториялари мавжуд бўлмаган метрология хизматлари учун).



II. АККРЕДИТАЦИЯДАН ЎТКАЗИШ ТАРТИБИ


6. Метрология хизматларини аккредитациядан ўтказиш қуйидаги босқичларни ўз ичига олади:

а) аккредитациядан ўтказиш учун ариза бериш, аризани олдиндан кўриб чиқиш ва у бўйича қарор қабул қилиш, аккредитациядан ўтказувчи орган билан экспертиза ўтказиш тўғрисида шартнома тузиш, ариза берувчи томонидан экспертиза ўтказиш учун тўловларни амалга ошириш;

б) экспертиза далолатномасини расмийлаштириш билан бирга ҳужжатлар тўпламини экспертиза қилиш, баҳолашга тайёрлаш ва уни ўтказиш тўғрисида шартнома тузиш, аккредитациядан ўтказиш тўғрисидаги қарор лойиҳасини тайёрлаш, баҳолаш ўтказилиши учун аризачи томонидан тўловнинг амалга оширилиши;

в) аккредитация объектини баҳолашга тайёрлаш (комиссия тайинлаш, буйруқ чиқариш, объектни жойида баҳолаш дастурини ишлаб чиқиш);

г) далолатнома расмийлаштирилиши билан бирга аризачини жойида баҳолаш;

д) ҳужжатлар экспертизаси натижаси, жойида баҳолаш натижаларини, аризачи томонидан камчиликларнинг бартараф этилиши самарадорлигини таҳлил этиш, қарор лойиҳасини тайёрлаш;

е) экспертиза ва баҳолаш ҳужжатларини Кенгашда кўриб чиқиш, шунингдек аккредитациядан ўтказиш ёки аккредитациядан ўтказишни рад этиш ҳақидаги қарорни қабул қилиш;

ж) аккредитация қилинганлиги тўғрисида гувоҳномани расмийлаштириш, қайд этиш ва тақдим этиш ва аризачи томонидан тўловларни амалга ошириш.

Аккредитациядан ўтказишнинг ҳар бир босқичи олдинги босқичнинг ижобий натижалари бўйича амалга оширилади.


7. Аккредитациядан ўтказиш учун тўловлар Хизматларга тўловларни амалга ошириш тартибига (1999 йил 28 апрель, рўйхат рақами 722) мувофиқ амалга оширилади.


8. Аккредитациядан ўтказиш бўйича тўловлар аризачи томонидан ҳар бир босқич учун алоҳида амалга оширилади.

Аризачи тузилган шартномага кўра аккредитациядан ўтказиш ишлари билан боғлиқ барча тўловларни уларнинг натижаларидан қатъи назар, тўлаши шарт.


9. Тиббий ускуналар ва аппаратураларнинг Миллий аккредитациядан ўтказиш тизимининг доирасида метрология нормалари ва стандартларига мувофиқлигини баҳолаш соҳасидаги ўзининг лаёқатини тан олиниши истагини билдирувчи аккредитация аризачиси аккредитациядан ўтказувчи орган мазкур Қоидаларнинг 1-иловасига мувофиқ ариза ва аккредитация мезонларининг бажарилганлигини тасдиқловчи ҳужжатларни йўллайди.


10. Метрология хизматини аккредитациядан ўтказиш тўғрисида берилган аризага қуйидаги ҳужжатлар илова қилинади:

а) таъсис ҳужжатлари нусхалари;

б) аккредитация соҳасининг лойиҳаси;

в) тиббий ускуналар ва аппаратураларнинг метрологик нормалар ва стандартларга мувофиқлигини баҳолаш ва тасдиқлаш бўйича метрология хизмати низоми лойиҳаси;

г) тиббий ускуналар ва аппаратураларни баҳолаш ва уларни метрологик нормалар ва стандартларга мувофиқлиги бўйича хулосалар бериш тартиби;

д) метрология хизмати мутахассисларининг метрологик тайёргарлиги кўрсатиб ўтилган рўйхати;

е) баҳоланувчи ускуналар ва аппаратураларнинг метрологик хоссаларини белгилаш учун аккредитация соҳасининг лойиҳасида кўрсатилган мувофиқлик баҳолаш объектларининг норматив ҳужжатлари рўйхати.

Баҳоланувчи ускуналар метрологик хоссаларини белгиловчи норматив ҳужжатлари ўзгарганда, аккредитация қилинган метрология хизматлари аккредитациядан ўтказувчи органга тегишли ахборотни тақдим этадилар.


11. Аккредитациядан ўтказиш учун тақдим этилган ариза ва ҳужжатларни ўрганиб чиқиш нитижаси бўйича, ариза қайд қилинган кундан бошлаб уч кун ичида аккредитация ишларини олиб бориш тўғрисида ёзма равишда қарор қабул қилинади.


12. Аккредитациядан ўтказувчи орган ариза бўйича қарор қабул қилиб экспертиза ўтказилишини таъминлайди. Экспертиза аккредитациядан ўтказувчи орган томонидан экспертиза учун тўловлар амалга оширилгандан сўнг ўтказилади. Аккредитациядан ўтказиш ишларига (ҳужжатлар экспертизаси, метрология хизматини текшириш ва ҳ. к.) аккредитациядан ўтказувчи орган штатига кирмайдиган эксперт-аудиторлар, маслаҳатчилар ва мутахассислар жалб этилган ҳолда, уларга тўловлар фуқаролик-ҳуқуқий тусдаги шартномалар асосида амалга оширилади.


13. Ҳужжатлар экспертизаси ариза бўйича қарор қабул қилинган кундан бошлаб бир ойдан ошмаган муддат ичида амалга оширилади. Экспертиза натижаси сифат бўйича эксперт-аудитор томонидан берилган хулоса билан расмийлаштирилади.


14. Экспертиза натижалари салбий бўлганда аккредитациядан ўтказувчи орган аккредитация мезонларига номувофиқлиги сабабли уни аккредитациядан ўтказиш рад этилганлиги ҳақида аризачини хабардор қилади ва аниқланган камчиликларни бартараф этиш учун муддат берилади. Ушбу муддат 30 кундан ошмаслиги лозим.


15. Аккредитациядан ўтказиш рад этилганлиги тўғрисидаги хабарнома аризачига рад этилиш сабаблари ва камчиликлар бартараф этилиб, ҳужжатлар қайта тақдим этилиши мумкин бўлган муддат кўрсатилган ҳолда ёзма равишда юборилади (тақдим этилади).


16. Аризачи томонидан аккредитациядан ўтказиш рад этилиши учун асос бўлиб хизмат қилувчи сабаблар бартараф этилганда, ҳужжатларнинг қайта кўрилиши аризачининг аризаси билан биргаликда барча зарур ҳужжатлар олинганидан сўнг ўн кундан кўп бўлмаган муддатда амалга оширилади.

Аризани қайта кўриш учун тўловлар ундирилмайди. Аккредитациядан ўтказишни рад этиш тўғрисидаги хабарномада кўрсатилган муддат ўтганидан сўнг тақдим этилган ариза янги тақдим этилган ариза бўлиб ҳисобланади.


17. Экспертизанинг ижобий натижалари бўйича аккредитациядан ўтказувчи орган аккредитация объектини жойида баҳолаш учун комиссия тузади. Комиссия аккредитациядан ўтказувчи орган раҳбарининг комиссия таркиби, жойида баҳолашни ўтказиш мақсади, санаси ва муддати кўрсатилган буйруғи билан тайинланади.

Комиссия раиси сифат бўйича эксперт-аудитор даражасига аккредитация қилинган бўлиши лозим.

Комиссия шакллантирилишида баҳолаш объектив ўтказилиши учун зарур бўлган лаёқат, билим ва малака ҳисобга олинади.


18. Зарур ҳолларда эксперт-аудиторлар раҳбарлигида ишлашлари лозим бўлган техник экспертлар жалб этилиши мумкин.


19. Баҳолаш объектлари ва мезонларини қамраб олувчи баҳолаш режаси комиссия томонидан ишлаб чиқилади ва аккредитациядан ўтказувчи орган раҳбари ёки бунга ваколатли бўлган шахс томонидан тасдиқланади. Баҳолаш буйруғи ва режаси баҳолаш ўтказилишидан олдин аризачига танишиб чиқиш учун тақдим этилади.


20. Аккредитация объектини жойида баҳолашда объектнинг амалдаги ҳолати аризага илова қилинган ҳужжатларга мувофиқлиги ва даъво этилаётган вазифаларни амалга оширишга қодирлиги текширилади.


21. Комиссия аккредитация объектининг аккредитациянинг белгиланган мезонларига мувофиқлигини баҳолаш режасига мувофиқ баҳолашни ўтказади.

Баҳолаш давомийлиги бир ойдан ошмаслиги лозим. Аккредитация объектини жойида баҳолаш натижалари баҳолаш далолатномаси (маълумотномаси) билан ушбу Қоидаларнинг 2-иловасига мувофиқ расмийлаштирилади.


22. Далолатнома комиссиянинг барча аъзолари томонидан имзоланади. Комиссиянинг бирор-бир аъзоси комиссия хулосаси билан рози бўлмаган ҳолда, у баҳолаш далолатномасига илова қилинадиган ёзма эътирозини билдириши мумкин.


23. Аккредитациядан ўтказувчи орган аризачи томонидан тақдим этилган барча маълумотларни текшириб бўлганидан сўнг, ҳужжатлар экспертизаси натижалари, баҳолаш далолатномаси, далолатнома бўйича хулоса ва эътирозлар, аризачининг тақдим қилинган фикрларини таҳлил этади ва Кенгашда кўриб чиқилиши учун киритади.


24. Кенгаш 15 кундан кўп бўлмаган муддатда аризачи томонидан тақдим этилган ҳужжатларни кўриб чиқади ва аккредитациядан ўтказиш ёки аккредитациядан ўтказишни рад этиш тўғрисида қарор қабул қилади.


25. Аккредитациядан ўтказиш рад этилган ҳолда Кенгаш томонидан аккредитация объектига аниқланган камчиликлар ва аккредитация талабларига номувофиқликларни бартараф этиш учун бир ойлик муддат берилади.


26. Қайта баҳолашда ҳам камчиликлар ва аккредитация талабларига номувофиқликлар аниқланса, Кенгаш аккредитациядан ўтказишни рад этиш тўғрисида қарор қабул қилади.


27. Аккредитациядан ўтказиш муддати аккредитация объектнинг тайёрлигига боғлиқ бўлиб, аккредитациядан ўтказиш учун ариза қайд этилган кундан бошлаб олти ойдан ошмаслиги керак.



III. АККРЕДИТАЦИЯ ҚИЛИНГАНЛИГИ

ТЎҒРИСИДА ГУВОҲНОМАНИ БЕРИШ


28. Аккредитациядан ўтказиш тўғрисида ижобий қарор қабул қилинганда, аккредитациядан ўтказувчи орган аризачига ушбу Қоидаларнинг 3-иловасида келтирилган шаклдаги аккредитация қилинганлиги тўғрисида гувоҳнома беради.


29. Аккредитация қилинганлиги тўғрисида гувоҳнома Ўзбекистон Республикасининг Миллий аккредитациядан ўтказиш тизими реестрида (бундан кейин реестр деб юритилади) қайд этилади.


30. Аккредитация қилинганлиги тўғрисида гувоҳномага Аккредитация объектининг низоми, шунингдек аккредитациядан ўтказувчи орган раҳбари томонидан ушбу Қоидаларнинг 4-иловасига мувофиқ тасдиқланган аккредитация соҳаси илова қилинади.


31. Аккредитация соҳасининг ҳар бир саҳифаси "Ўзстандарт" агентлигининг аккредитация бўлими бошлиғи ҳамда аккредитациядан ўтказилган ташкилот раҳбари томонидан имзоланади ва муҳр билан тасдиқланади.


32. Аккредитация қилинганлиги тўғрисида гувоҳнома муддатсиз берилади.


33. Аккредитация объекти фаолиятининг белгиланган аккредитация мезонларига мослигининг инспекция назорати аккредитациядан ўтказувчи орган томонидан "Аккредитация қилинган сертификатлаштириш идоралари ва синов лабораториялари (марказлари) фаолиятини инспекция назоратидан ўтказиш қоидалари"га (2005 йил 20 апрель, рўйхат рақами 1472) мувофиқ амалга оширилади.



IV. АККРЕДИТАЦИЯ ҚИЛИНГАНЛИГИ

ТЎҒРИСИДА ГУВОҲНОМАНИ БЕКОР

ҚИЛИШ ВА ТЎХТАТИБ ТУРИШ


34. Аккредитация қилинганлиги тўғрисида гувоҳнома аккредитация қилинган орган аризаси, шунингдек "Аккредитация қилинган сертификатлаштириш идоралари ва синов лабораториялари (марказлари) фаолиятини инспекция назоратидан ўтказиш қоидалари"да (2005 йил 20 апрель, рўйхат рақами 1472) белгиланган ҳолларда бекор қилинади ва (ёки) тўхтатиб турилади.


35. Тўхтатиб турилган аккредитация қилинганлиги тўғрисида гувоҳноманинг амал қилиши қонун ҳужжатларида белгиланган муддатларда номувофиқликлар бартараф этилганидан сўнг тасдиқланиши мумкин. Бунда гувоҳнома эгаси томонидан номувофиқликлар бартараф этиш бўйича кўрилган чораларни тасдиқловчи ҳужжатлар тақдим этилади.


36. Аккредитация қилинганлиги тўғрисида гувоҳнома бекор қилинганда, реестрга аккредитация қилинганлиги тўғрисида гувоҳнома бекор қилинганлиги тўғрисида тегишли ёзув киритилади.

Реестрга тегишли ёзувлар киритилган санадан бошлаб уч иш куни мобайнида аккредитация қилинганлиги тўғрисида гувоҳнома эгасига гувоҳнома бекор қилинганлиги тўғрисида маълумот хати юборилади.

Аккредитация қилинганлиги тўғрисидаги гувоҳнома бекор қилинганидан сўнг қайта аккредитациядан ўтишга ариза мазкур Қоидаларнинг II-бўлими талабларига кўра тақдим қилиниши мумкин.



V. ЮРИДИК ШАХС ҚАЙТА ТАШКИЛ ЭТИЛГАН,

НОМИ ЁКИ МАНЗИЛИ (ПОЧТА МАНЗИЛИ)

ЎЗГАРГАНДА ҲУЖЖАТЛАРНИ

КЎРИБ ЧИҚИШ ТАРТИБИ


37. Юридик шахс қайта ташкил этилганда, номи ёки жойлашган ери (почта манзили) ўзгарган ҳолларда, аккредитация объекти қайта қайд этилганидан сўнг бир ҳафталик муддат ичида аккредитация қилинганлиги тўғрисида гувоҳномани қайта расмийлаштириш тўғрисидаги аризани кўрсатилган маълумотларнинг тасдиқловчи ҳужжатларни (Уставнинг нотариал тасдиқланган нусхаси, Уставга киритилган ўзгартиришлар қайд этилганини тасдиқловчи ҳужжатлар ва аввал берилган аккредитация қилинганлиги тўғрисида гувоҳноманинг асл нусхаси) илова қилган ҳолда аккредитациядан ўтказувчи органга топшириши шарт. Ариза ҳужжатлар тўплами билан биргаликда аризачи томонидан бевосита ёки почта алоқа воситалари орқали етказиб берилади. Гувоҳнома қайта расмийлаштирилгунига қадар аккредитация объекти ўз фаолиятини аввал берилган гувоҳнома асосида амалга оширади.


38. Ариза келиб тушганида аккредитациядан ўтказувчи орган юридик шахснинг қайта ташкил этилгани, номи ёки жойлашган ери (почта манзили) ўзгарганини тасдиқловчи тақдим этилган ҳужжатларни ва ушбу ўзгаришларнинг қонун ҳужжатларида белгиланган тартибда қайд этилганини текширади.


39. Агар аризачи аввал аккредитация қилинган юридик шахснинг ҳуқуқий вориси бўлса, ҳужжатлар кўриб чиқилишининг кейинги босқичлари мазкур Қоидаларнинг II-бўлимининг 2-параграфида баён этилган тартибда амалга оширилади.


40. Қайта расмийлаштирилган аккредитация қилинганлиги тўғрисидаги гувоҳнома аккредитациядан ўтказувчи орган томонидан ариза келиб тушган кундан бошлаб беш кун давомида мазкур Қоидалар талабларига мувофиқ берилади.



VI. АПЕЛЛЯЦИЯЛАРНИ КЎРИБ ЧИҚИШ ТАРТИБИ


41. Аккредитациядан ўтказиш натижалари билан норози бўлган манфаатдор томон "Ўзстандарт" агентлигининг апелляция кенгаши ёки бевосита судга мурожаат қилиш ҳуқуқига эга.


42. Апелляция кенгаши қарори устидан қонун ҳужжатларида белгиланган тартибда судга шикоят қилиниши мумкин.



VII. ЯКУНИЙ ҚОИДАЛАР


43. Мазкур Қоидалар Ўзбекистон Республикаси Соғлиқни сақлаш вазирлиги ва Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш Давлат қўмитаси билан келишилган.






Қоидаларга

1-ИЛОВА



ЎЗБЕКИСТОН РЕСПУБЛИКАСИ

МИЛЛИЙ АККРЕДИТАЦИЯДАН ЎТКАЗИШ ТИЗИМИ


Аккредитациядан ўтказувчи орган раҳбарига

________________________________________



Аккредитациядан ўтиш учун

АРИЗА


1. ____________________________________________________________нинг

(аризачи номи)


тиббий ускуналар ва аппаратураларнинг метрологик нормалар ва

стандартларга мувофиқлигини баҳолаш учун _________________________

                                                                                                                     (аккредитация объекти)


______________________________ни аккредитациядан ўтказишни сўрайди.

2. Манзил, телефон, телекс, факс, ҳисоб рақами _______________________

___________________________________________________________________

___________________________________________________________________

3. Раҳбар Ф.И.О. ___________________________________________________

___________________________________________________________________

4. Жавобгар ходим Ф.И.О., телефони ________________________________

___________________________________________________________________

___________________________________________________________________

Акрредитациядан ўтиш учун илова қилинадиган ҳужжатлар:

1. _________________________________________________________________

2. _________________________________________________________________

3. _________________________________________________________________

4. _________________________________________________________________

5. _________________________________________________________________

6. _________________________________________________________________

7. _________________________________________________________________


Ҳақ тўлаш кафолатланади.

Аризачи _________________________ __________ ______________________

                                   (ташкилот номи)                          (имзо)                              (Ф.И.Ш.)






Қоидаларга

2-ИЛОВА



Миллий аккредитациядан ўтказиш тизими


Аккредитациядан ўтувчи метрология хизматини баҳолаш

ДАЛОЛАТНОМАСИ (МАЪЛУМОТНОМАСИ)


___________________________________________________________________

(аризачи номи)


___________________________________________________________________

(аккредитация соҳаси)

"___" _______ 20 й. дан "___" _______ 20 й. гача бўлган муддатда ________

___________________________________________________________________

(баҳолаш ўтказилганлиги тўғрисидаги ҳужжат номи, сони, санаси)

Комиссия таркибида:

Комиссия раиси                _______________________________________

                                                                                      (Ф.И.О., лавозими)

Комиссия аъзолари          _______________________________________

                                                                                       (Ф.И.О., лавозими)


___________________________________________________________________

аккредитациядан ўтказиш мақсадида ___________ ни баҳолашдан ўтказди

                                                                                  (аризачи номи)


Баҳолаш натижасида аниқланди:

___________________________________________________________________


Комиссия тавсия этади:

___________________________________________________________________

(комиссиянинг аризачи фаолиятини такомиллаштириш борасидаги тавсиялари)


Хулоса: ___________________________________________________________

(аризачи ташкилотни аккредитациядан ўтказиш тўғрисидаги комиссия хулосаси)


___________________________________________________________________

Комиссия раиси                       __________________________

                                                                                              (имзо)


Комиссия аъзолари                 __________________________

                                                                                               (имзо)






Қоидаларга

3-ИЛОВА



Ўзбекистон стандартлаш, метрология

ва сертификатлаштириш агентлиги

-------------------------------------------------------------------------------------------

Ўзбекистон Республикаси Миллий

аккредитациядан ўтказиш тизими



Метрология хизматини

АККРЕДИТАЦИЯ ҚИЛИНГАНЛИГИ ТЎҒРИСИДА ГУВОҲНОМА

Миллий аккредитациядан ўтказиш

тизими Давлат реестрида қайд этилган

"___" ________________ 20___ й.

N UZ.AMT.06 (04).MAI___________


"Ўзстандарт" агентлиги тасдиқлайдики, ______________________________

                                                                                                       (аризачи номи, манзили)

___________________________________________________________________

___________________________________________________________________

Аккредитациядан ўтказиш тизими талабларига __________ жавоб беради,

ва Ўзбекистон Республикаси Миллий аккредитациядан ўтказиш тизимида

аккредитация қилинганлигини тасдиқлайди.


Низом ва аккредитация соҳаси илова қилинади.

Гербли

муҳр ўрни


Аккредитациядан

ўтказувчи орган

раҳбари


(лавозими)

(имзо)

(Ф.И.О)





Қоидаларга

4-ИЛОВА



Аккредитация соҳаси шакли

"ТАСДИҚЛАЙМАН"

Аккредитациядан ўтказувчи

орган раҳбари

_____________________________

(Ф.И.О.)

"____" ____________ 20__ й.

Аккредитация қилинганлиги

тўғрисида гувоҳнома

ИЛОВАСИ

N _____________________

__________________ 20__ й.


АККРЕДИТАЦИЯ СОҲАСИ

________________________________________________

(метрология хизматининг номи ва манзили)

Баҳоланувчи тиббий техника ва тиббий

ўлчов воситаларининг номи (гуруҳи)

Маҳсулотга қўйиладиган мажбурий

талабларни мужассамлаштирувчи

норматив ҳужжатнинг белгиланиши

1

2


"Ўзбекистон Республикаси қонун ҳужжатлари тўплами", 2007 йил, 41-42-сон, 424-модда.





































Время: 0.1510
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск