Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Солиқлар. Мажбурий тўловлар / 1991 йилдан 1997 йилгача солиқ қонунчилигига оид ўз кучини йўқотган ҳужжатлар / Маҳаллий солиқ ва йиғимлар /

Ўзбекистон Республикасининг 28.12.1993 й. 996-XII-сон "Тадбиркорлик фаолияти билан шуғулланувчи жисмоний шахслардан рўйхатга олганлик учун ундириладиган йиғим ва бундай шахсларни рўйхатга олиш тартиби тўғрисида"ги Қонуни

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИНИНГ

ҚОНУНИ

28.12.1993 й.

N 996-XII



ТАДБИРКОРЛИК ФАОЛИЯТИ БИЛАН

ШУҒУЛЛАНУВЧИ ЖИСМОНИЙ ШАХСЛАРДАН

РЎЙХАТГА ОЛГАНЛИК УЧУН УНДИРИЛАДИГАН

ЙИҒИМ ВА БУНДАЙ ШАХСЛАРНИ РЎЙХАТГА

ОЛИШ ТАРТИБИ ТЎҒРИСИДА


1-модда. Рўйхатга олганлик учун ундириладиган

йиғимларни тўловчилар

Ўзбекистон Республикасинииг қонун ҳужжатларида тақиқланмаган тадбиркорлик фаолияти билан шуғулланиш истагини билдирган жисмоний шахслар юридик шахс тузмаган ҳолда тадбиркор сифатида давлат рўйхатидан ўтганларида рўйхатга олганлик учун ундириладиган йиғим тўлайдилар.



2-модда. Йиғим ставкалари ва йиғим бўйича

бериладиган имтиёзлар

Рўйхатга олганлик учун ундириладиган йиғим ставкасининг энг юқори миқдори, шунингдек йиғим бўйича имтиёзлар бериладиган тўловчиларнинг тоифалари Ўзбекистон Республикаси Вазирлар Маҳкамаси томонидан белгиланади. Бунда йиғим ставкасининг энг юқори миқдори республикада белгиланган энг кам ойлик иш ҳақи миқдоридан ошиб кетмаслиги керак.

Айрим тўловчилар учун йиғим ставкасининг аниқ миқдорлари давлат ҳокимиятининг маҳаллий органлари томонидан белгиланади.

Йиғим суммалари тадбиркор рўйхатга олинган жойдаги тегишли бюджетга ўтказилади.



3-модда. Давлат рўйхатидан ўтказиш ва йиғим тўлаш

Ўзбекистон Республикаси қонун ҳужжатларида рухсат этилган тадбиркорлик фаолияти билан шуғулланиш истагини билдирган жисмоний шахсни давлат рўйхатидан ўтказиш ана шу шахснинг доимий истиқомат жойидаги тегишли туман, шаҳар, шаҳардаги туман ҳокимлиги томонидан амалга оширилади.

Рўйхатга олиш жисмоний шахс ариза берган вақтдан эътиборан уч кунлик муддатда амалга оширилиши лозим. Жисмоний шахс рўйхатга олганлик учун ундириладиган йиғимни тўлаганлиги тўғрисидаги ҳужжатни тақдим этганидан кейин унга аризада кўрсатилган муддатга гувоҳнома берилади.

Жисмоний шахсларни рўйхатдан ўтказиш тартиби ва уларга гувоҳнома беришнинг белгиланган муддатини бузишда айбдор бўлган мансабдор шахслар қонун ҳужжатларига мувофиқ жавобгар бўладилар.

Рўйхатга олганлик учун ундириладиган йиғим банк муассасаси ёки аҳолидан солиқ ва йиғим тўловлари қабул қилиб олувчи бошқа муассасалар орқали тўланади. Рўйхатга олганлик учун тўланган йиғим суммаси қайтарилмайди.

Жисмоний шахс тадбиркор сифатида рўйхатга олинганлиги тўғрисидаги гувоҳнома уч нусхада расмийлаштирилади. Унинг бир нусхаси тадбиркор рўйхатга олинган жойдаги солиқ органига юборилади.

Жисмоний шахсга давлат рўйхатига олинганлик тўғрисида берилган гувоҳнома:

гувоҳнома берилган муддат ўтганидан кейин;

тадбиркор гувоҳнома берган ҳокимликка тадбиркорлик фаолиятини тўхтатганлиги тўғрисида ариза берган вақтдан бошлаб;

тўлиқ ширкат қатнашчилари таркибидан чиққани тақдирда;

қонун ҳужжатларида назарда тутилган бошқа ҳолларда 15 кунлик муддат ичида қайтарилиши лозим.

Тўлиқ хўжалик ширкати рўйхатга олинган вақтда ёки бундай ширкатга кирган чоғда жисмоний шахсга - ана шундай ширкатнинг аъзосига ушбу модданинг бешинчи қисмида назарда тутилган тартибда давлат рўйхатига олинганлик тўғрисида гувоҳнома берилади. Бунда, рўйхатга олинганлик учун йиғим ундирилмайди.



4-модда. Якуний қоидалар

Жисмоний шахслар, шу жумладан, тўлиқ хўжалик ширкати қатнашчилари тадбиркорни рўйхатга олганлик тўғрисидаги гувоҳномада кўрсатилган фаолият турларинигина амалга оширишлари мумкин.

Давлат рўйхатидан ўтганлик тўғрисидаги гувоҳномалар солиқ органларининг ва қонун ҳужжатлари билан белгилаб қўйиладиган бошқа органларнинг мансабдор шахслари ўз вазифаларини амалга ошириш чоғида талаб қилганларида кўрсатилади.



Ўзбекистон Республикасининг Президенти                                 И. Каримов



"Ўзбекистон Республикаси Олий Кенгаши Ахборотномаси", 1994 й., 1-сон, 12-модда







































Время: 0.2136
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск