Ўзбекистон Республикасининг 23.09.1994 й. 2020-XII-сон "Ўзбекистон Республикаси фуқароларидан, ажнабий фуқаролардан ва фуқаролиги бўлмаган шахслардан олинадиган даромад солиғи тўғрисида"ги Ўзбекистон Республикаси Қонунига ўзгартишлар ҳамда қўшимчалар киритиш ҳақида"ги Қонуни

Функция недоступна

ЎЗБЕКИСТОН РЕСПУБЛИКАСИНИНГ

ҚОНУНИ

23.09.1994 й.

N 2020-XII

"ЎЗБЕКИСТОН РЕСПУБЛИКАСИ

ФУҚАРОЛАРИДАН, АЖНАБИЙ ФУҚАРОЛАРДАН

ВА ФУҚАРОЛИГИ БЎЛМАГАН ШАХСЛАРДАН

ОЛИНАДИГАН ДАРОМАД СОЛИҒИ ТЎҒРИСИДА"ГИ

ЎЗБЕКИСТОН РЕСПУБЛИКАСИ ҚОНУНИГА

ЎЗГАРТИШЛАР ҲАМДА ҚЎШИМЧАЛАР

КИРИТИШ ҲАҚИДА

Ўзбекистон Республикаси Олий Кенгаши ҚАРОР ҚИЛАДИ:

Ўзбекистон Республикасининг 1991 йил 15 февралда қабул қилинган "Ўзбекистон Республикаси фуқароларидан, ажнабий фуқаролардан ва фуқаролиги бўлмаган шахслардан олинадиган даромад солиғи тўғрисида"ги Қонунига (Ўзбекистон Республикаси Олий Кенгашининг Ахборотномаси, 1991 йил, N 4, 88-модда; N 8, 191-модда; 1992 йил, N 1, 50-модда; N 4, 168-модда; N 9, 337-модда; 1993 йил, N 1, 20-модда; 1994 йил, N 1, 14-модда) қуйидаги ўзгартишлар ва қўшимчалар киритилсин:

1. 3-модданинг 1-банди қуйидаги мазмундаги "х" бандча билан тўлдирилсин:

"х) жисмоний шахс - патент эгасининг (лицензиарнинг) саноат мулки объектларидан ўз ишлаб чиқаришида фойдаланишдан ёки улар учун лицензиялар сотишдан, шунингдек лицензиатнинг саноат мулки объектларидан фойдаланишдан олган даромад суммаси, шу жумладан валюта тушуми, фойдалана бошланган санадан эътиборан:

патент бўйича ихтиродан фойдаланилса - 5 йил давомида;

дастлабки патент бўйича ихтиродан фойдаланилса - 3 йил давомида;

патент бўйича саноат намунасидан фойдаланилса - 3 йил давомида;

дастлабки патент бўйича саноат намунасидан фойдаланилса - 2 йил давомида;

гувоҳнома бўйича фойдали моделдан фойдаланилса - 2 йил давомида".

2. 4-модда 1-бандининг "б" бандчасидаги "ихтиролар, кашфиётлар ва уларнинг илк саноат нусхаларини" деган сўзлар "интеллектуал мулк объектларини" деган сўзлар билан алмаштирилсин.

3. 7-модданинг "в" бандчасидаги "шунингдек кашфиёт, ихтиро ҳамда саноат намуналари" деган сўзлар чиқариб ташлансин ва "учун муаллифлик ҳақи суммаларидан;" деган сўзлардан олдин "шунингдек интеллектуал мулк объектларидан фойдаланганлик" деган сўзлар билан тўлдирилсин.

4. 8-модданинг 1-бандида келтирилган жадвал қуйидаги таҳрирда баён этилсин:

5. 9-модданинг иккинчи қисми "ижара ҳақи" деган сўзлардан кейин "интеллектуал мулк объектларига бериладиган ҳуқуқларга эга бўлганлик учун патент божи, ҳуқуқларни рўйхатдан ўтказганлик йиғимлари ва ҳуқуқлар учун лецензия тўловлари" деган сўзлар билан тўлдирилсин.

6. 13-модда 2-бандининг бешинчи хатбошидаги "кашфиётлар, ихтиролар ва саноат намуналарининг" деган сўзлар "интеллектуал мулк объектларининг" деган сўзлар билан алмаштирилсин.

7. Қонун қуйидаги мазмундаги 15-1-модда билан тўлдирилсин:

"15-1-модда. Даромад солиғини ҳисоблаб чиқиш ва тўлаш тартибига тузатиш киритиш

Ўзбекистон Республикаси Вазирлар Маҳкамаси даромад солиғини ҳисоблаб чиқиш ва тўлаш тартибига тузатиш киритиш ҳуқуқига эгадир".

8. 17-модданинг учинчи қисми "ижара ҳақи" деган сўзлардан кейин "интеллектуал мулк объектларига бериладиган ҳуқуқларга эга бўлганлик учун патент божи, ҳуқуқларни рўйхатдан ўтказганлик йиғимлари ва ҳуқуқлар учун лицензия тўловлари" деган сўзлар билан тўлдирилсин.

Ўзбекистон Республикасининг Президенти                          И. Каримов

"Ўзбекистон Республикаси Олий Кенгаши Ахборотномаси", 1994 й., 10-сон, 254-модда