Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Ўз кучини йўқотган ҳужжатлар / Қурилиш ва архитектура / қққ /

Ўзбекистон Республикаси Давлат архитектура ва қурилиш қўмитаси томонидан қурилиш иншоотлари учун қурилиш, реконструкция, техник қайта қуроллантириш, лойиҳа тайёрлаш, материаллар, конструкциялар ва жиҳозларни харид қилиш бўйича ҳужжатларни экспертизадан ўтказиш тартиби ҳақида Низом (АВ томонидан 09.01.2008 й. 1757-сон билан рўйхатга олинган Давлат архитектура ва қурилиш қўмитасининг 27.11.2007 й. 9-сон қарори билан тасдиқланган)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Ўзбекистон Республикаси

Адлия вазирлигида

2008 йил 9 январда 1757-сон

билан рўйхатга олинган

Давлат архитектура ва

қурилиш қўмитасининг

2007 йил 27 ноябрдаги

9-сон қарори билан

ТАСДИҚЛАНГАН



Ўзбекистон Республикаси Давлат архитектура ва қурилиш

қўмитаси томонидан қурилиш иншоотлари учун қурилиш,

реконструкция, техник қайта қуроллантириш, лойиҳа

тайёрлаш, материаллар, конструкциялар ва жиҳозларни

харид қилиш бўйича ҳужжатларни экспертизадан

ўтказиш тартиби ҳақида

НИЗОМ


Мазкур Низом Ўзбекистон Республикаси Вазирлар Маҳкамасининг "Капитал қурилишда танлов савдолари тизимини такомиллаштириш чора-тадбирлари тўғрисида" 2003 йил 3 июлдаги 302-сон қарори билан тасдиқланган "Ўзбекистон Республикаси ҳудудида капитал қурилишда танлов савдолари тўғрисида низом"га (кейинги ўринларда матнда Низом деб юритилади) асосан, танлов ҳужжатларининг техник қисмига талабларни ҳамда марказлаштирилган манбалар (давлат бюджети маблағлари, бюджетдан ташқари жамғарма ва Ҳукумат қарорлари билан ташкил этилган алоҳида тармоқлар ва ташкилотларнинг махсус жамғармалари, Ўзбекистон Республикаси Ҳуқумати кафолати ёки унинг номидан жалб этиладиган чет эл кредитлари, Ўзбекистон Республикасининг Тикланиш ва тараққиёт жамғармаси маблағлари) давлат бошқарув органлари ва давлат корхоналари маблағлари ҳисобига амалга ошириладиган барча турдаги ишлар ва хизматлар танлов ҳужжатларини экспертизадан ўтказишнинг тартиби, умумий қоидалари ва муддатларини белгилайди.



I. УМУМИЙ ҚОИДАЛАР


1. Қурилишга, техник қайта қуроллантириш, реконструкция, бино ва иншоотларни капитал таъмирлаш бўйича пудрат савдоларини ўтказиш учун тайёрланган ҳужжатларнинг таркибида мажбурий тартибда танлов ҳужжатларининг техник қисмини ишлаб чиқиш учун асос бўлган лойиҳа ҳужжатларига Ўзбекистон Республикаси давлат экспертизасининг ижобий хулосаси бўлиши керак.


2. Танлов савдоси ҳужжатларини экспертиза кўригидан ўтказишда мазкур Низом ва Ўзбекистон Республикасининг бошқа норматив ҳужжатларига амал қилиш лозим.


3. Танлов ҳужжатларини экспертизадан ўтказиш мажбурий босқич бўлиб, унда тақдим этилган барча зарур ҳужжатларнинг мавжудлиги, тақдим этилган ҳужжатларнинг тўлақонлилиги, баҳолаш мезонлари ва ғолибни аниқлаш жиҳатлари регламентга ва танлов савдоларини ўтказиш тартиботларига риоя этилганлиги текшириб чиқилади ва таҳлил қилинади.


4. Танлов ва бошқа танлов савдосининг ҳужжатларни экспертизадан ўтказиш, танлов савдолари ўтказиш усули ва услублари қўлланишининг мақсадга мувофиқлиги ва асосланганлигини аниқлаш Ўзбекистон Республикаси Давлат архитектура ва қурилиш қўмитаси томонидан амалга оширилади (кейинги ўринларда - Давархитектқурилиш деб юритилади).


5. Танлов ҳужжатларини экспертизадан ўтказишдан мақсад, буюртмачи, танлов савдолари ташкилотчиси ва ишлаб чиқувчилари томонидан танлов ҳужжатларини ишлаб чиқишда, уни Низом шартларига, танлов савдолари ишлаб чиқиш, ташкил этиш ва ўтказиш масалаларини тартибга солувчи бошқа норматив-ҳуқуқий ҳужжатларга риоя этилишини назорат қилишдан иборатдир.


6. "Давархитектқурилиш" танлов ҳужжатларини экспертиза кўригидан ўтказиш учун белгиланган тартибда комиссия ҳайъати таркибини (эксперт органини) тасдиқлайди. Бундан ташқари, нодир ва мураккаб иншоотлар учун тайёрланган танлов ҳужжатларини экспертизадан ўтказиш учун шартнома асосида тегишли соҳалардан маслаҳатчилар ва мутахассислар жалб этиши мумкин.


7. Танлов ҳужжатлари шундай тарзда ифодаланиши керакки, уни барча оферент-талабгорлар бир хилда ўқиш ва бир хилда тушуниш имконига эга бўлиши лозим. Ишларнинг тафсилотларини ёзишда умум қабул қилинган атама ва номлардан фойдаланиш лозим.


8. Танлов савдоларини очишда, экспертиза хулосаси танлов комиссиясининг эътиборига етказилади. Экспертиза хулосасида эътирозлар мавжуд бўлганда, уларни бартараф этилганлиги ҳақида материаллар (ҳужжатлар) тақдим этилади.


9. Экспертиза томонидан ижобий хулоса берилганидан сўнг, очиқ танлов савдолари ўтказилаётганда, оммавий ахборот воситаларида эълон чоп этилади, ёпиқ танлов савдолари ўтказилаётганда потенциал иштирокчиларга таклифномалар юборилади.


10. Танлов савдолари жараёнида иштирок этишга таклифномаларни жўнатиш бўйича эълонларни чоп эттириш, пудратчиларни муддатида тайёргарлик кўришлари ва ўз талабномаларини тақдим этишлари учун етарли бўлган муддатда, лекин эълон чоп этилган кундан эътиборан камида 30 календарь кун ва таклифнома жўнатилган кундан эътиборан 35 кундан кам бўлмаган муддатларда буюртмачи билан келишилган ҳолда амалга оширилади.



II. ЭКСПЕРТИЗАГА ТАҚДИМ

ЭТИЛАДИГАН ҲУЖЖАТЛАР


11. Буюртмачи экспертизадан ўтказиш учун танлов савдоси ҳужжатларининг тўлиқ тўпламини ҳамда рухсат берувчи ҳужжатларни ва матбуотда нашр этиш учун тайёрланган эълоннинг тўла матнини тасдиқланган ҳолда кузатув хати билан тақдим этади.


12. Танлов ҳужжатлари қоида тариқасида умумий, техник ва тижорат қисмлардан иборат бўлади.


13. Танлов ҳужжатларининг умумий ва тижорат қисмлари Низомнинг 51, 53-бандлари талабларига мувофиқ тайёрланади. Техник қисми мазкур Низомнинг талабларига мувофиқ тайёрланади.


14. Техник қисм - бу талабгорлар ўз танлов таклифларини қийматини ҳисоб-китоб қилиши учун зарур ва етарли бўлган харид қилинаётган маҳсулот (ишлар, хизматлар) миқдори ва характеристикасини, ишларнинг бажарилиш (товар етказиб бериш, хизматлар) муддати, шунингдек танлов савдолари бир босқичда амалга оширилганда танлов савдолари буюртмачиси ва ғолиб томон ўртасида тузиладиган шартномадан сўнгги ҳисоб-китобларини ўзида мужассамлаштирган маълумотлардан иборат ҳужжатлар йиғмажилди.

Икки босқичли танлов савдоларини ўтказишда техник қисми биринчи босқичда талабгорлар танлов таклифларини тайёрлашлари учун зарур ва етарли бўлган танлов савдолари предметини тахминий характеристикасини ифодаловчи ҳужжатлардан таркиб топади. Биринчи босқич якунлари бўйича техник қисмнинг таркиби тўғриланади ва бу мазкур банднинг 1-хатбошиси талабларига мувофиқ бўлиши керак.


15. Техник қисм қуйидаги таркибда шакллантирилади:

Бино ва иншоотларни қуриш, техник қайта қуроллантириш, реконструкция қилиш ва капитал таъмирлаш учун ўтказиладиган пудрат савдолари учун:

а) иш лойиҳалар мавжуд бўлганда, "калит билан" топшириш шарти ҳисобга олинган ҳолда:

буюртмачининг муҳри ва имзоси билан тасдиқланган локал ресурс ведомостлари (5*-шакл тавсия қилинади);

агар локал ресурс ведомостларида қўлланиладиган материал, жиҳоз ва конструкцияларнинг турлари ва русумлари кўрсатилмаган бўлса, материал, жиҳоз ва конструкцияларнинг буюртма спецификациялари;

б) дастлабки техник-иқтисодий асослаш (дастлабки техник иқтисодий ҳисоблаш) ёки техник-иқтисодий асослаш (техник иқтисодий ҳисоблаш) мавжуд бўлган ҳолларда, кейинги ўринларда ДТИА (ДТИХ) ёки ТИА (ТИХ)**:

танлов таклифларини тайёрлаш учун керакли бўлган ДТИА (ДТИХ) ёки ТИА (ТИХ) материаллари, нарх кўрсаткичлари бундан мустасно;

ДТИА (ДТИХ) ёки ТИА (ТИХ) асосида ишлаб чиқилган танлов савдолари предметини изоҳлаб берувчи буюртмачининг тушунтириш хати;

буюртмачини лойиҳа ҳужжатларини тўлиқ равишда танлов ғолибига ўз вақтида тақдим этиш тўғрисида белгиланган тартибда тасдиқланган кафолат хатлари;

в) ДТИА (ДТИХ) ёки ТИА (ТИХ) асосида "калит билан" топшириш шарти билан бўлган ҳолларда:

ДТИА (ДТИХ) ёки ТИА ТИХ материаллари (нарх кўрсаткичлари бундан мустасно);

лойиҳанинг кейинги босқичлардаги лойиҳалаштириш топшириқлари;

биринчи сонли ахитектура-режалаштириш топшириғи (кейинги ўринларда - биринчи АРТ деб юритилади) ва иккинчи сонли архитектура-режалаштириш топшириғи (кейинги ўринларда - иккинчи АРТ деб юритилади) ёки уларнинг ўрнини босувчи ҳужжатлар;

топографик материаллар ва қурилиш майдони ўрганилган геологик-муҳандислик қидирув материаллари;

ихтисослаштирилган ташкилотлар томонидан бажарилган мавжуд бино ва иншоотларни текширув материаллари (заруратга қараб);

буюртмачининг муҳри ва имзоси билан расмийлаштирилган иш ҳажмларининг ведомостлари (ДТИА (ДТИХ) ёки ТИА (ТИХ) ва лойиҳалаш учун топшириқларда кўзда тутилмаган қўшимча иш ва хизматлар топширилганда пайдо бўлган ҳолларда талабгорга лойиҳаолди ва асосий иш, хизматлар билан биргаликда бажариш учун берилади);

Лойиҳалаштиришдаги пудрат савдолари учун:

а) ДТИА (ДТИХ)ларни ишлаб чиқиш учун:

тегишли маҳаллий давлат ҳокимияти органлари томонидан объектни олдиндан жойлашув манзилини келишилганлиги тўғрисидаги қарори (ер участкасини танлаш ҳужжатлари);

белгиланган тартибда расмийлаштирилган ДТИА (ДТИХ)ларни ишлаб чиқиш топшириқномаси;

б) лойиҳа ҳужжатларини ишлаб чиқишга (ДТИА (ДТИХ)лардан ташқари):

белгиланган тартибда расмийлаштирилган лойиҳалаштиришнинг аввалги босқичда ишлаб чиқилган материаллари (ДТИА (ДТИХ) ёки ТИА (ТИХ) (мавжуд бўлса);

биринчи МРТ ва иккинчи МРТ ёки уларнинг ўрнини босувчи ҳужжатлар (заруратга қараб);

белгиланган тартибда тасдиқланган лойиҳалаштириш топшириғи;

белгиланган тартибда расмийлаштирилган мазкур иш турини бажаришга ихтисослаштирилган ташкилот томонидан бажарилган мавжуд бино ва иншоотни текширув материаллари ёки дефект ҳужжатлари (заруратга қараб);

чизма қисми қуйидаги таркибда: топографик материаллар, геологик-муҳандислик қидирув материаллари;

буюртмачининг муҳри ва имзоси билан расмийлаштирилган иш ҳажмлари ведомостлари (талабгорга лойиҳалаш учун топшириқларда кўзда тутилмаган қўшимча ва лойиҳаолди иш ёки хизматлар топширилганда тақдим этилади);

Моддий-техник мақсадлардаги маҳсулотларни харид қилиш бўйича савдоларга:

буюртмачининг харид қилинадиган ускуналар ёки моддий-техник мақсадлардаги маҳсулотларга, бундан ташқари, мазкур ишлар жараёнида керакли бошқа иш ва хизматларга талаби ва бошқа талаб ҳамда тавсифлар юзасидан умумий қисмлардан иборат танлов предметига қўйилган талабларга тушунтириш хати ёки (ДТИА (ДТИХ) ёки ТИА (ТИХ)лардан кўчирмалар (заруратга қараб);

белгиланган тартибда расмийлаштирилган харид қилинадиган ускуналар ёки моддий-техник мақсаддаги маҳсулотлар рўйхати, ёки буюртмачининг муҳри ва имзоси билан расмийлаштирилган буюртма спецификациялари ҳамда биргаликда иш ва хизматларнинг рўйхати ёки биргаликда иш ва хизматларнинг локал ресурс ведомостлари (агар танлов савдолари шартлари бўйича биргаликда иш ва хизматлар кўзда тутилган бўлса);

чизма материаллар: технологик жиҳозларнинг жойлаштириш режалари, ностандарт жиҳозлар ва бошқа чизмалар (заруратга қараб).


16. Рухсат берувчи ҳужжатлар қуйидаги таркибда шакллантирилади:

тендер ҳужжатларини ишлаб чиқиш ҳуқуқини берувчи лицензиянинг нусхаси (тегишли Ҳукумат қарорлари билан танлов ҳужжатларини ишлаб чиқиш бўйича фаолияти белгиланмаган ишлаб чиқувчиларга қўлланилади);

кредит шартномаси ёки банк маълумотномаси ёки қурилишнинг манзил рўйхати ёхуд давлат бошқарув органининг қарори, белгиланган тартибда расмийлаштирилган ажратиладиган маблағларнинг нархларни кўрсатган ҳолда йўналтириладиган молиялаштириш манбаини аниқловчи инвестор (сармоядор)нинг қарз битимлари ёки бошқа ҳужжати;

давлат экспертизасининг лойиҳа ҳужжатлари ва бошланғич нархи (пудрат танлов савдолари ўтказишда иш лойиҳаси ишлаб чиқилгандан сўнг) ёки бошланғич нарх бўйича берилган ижобий хулосаси (капитал таъмирлаш учун кичик лойиҳаларни амалга оширилаётганда);

ДТИА (ДТИХ) ёки ТИА (ТИХ)ларни тасдиқлаш тўғрисида бегиланган тартибда расмийлаштирилган ҳужжатлар (пудрат танлов савдоларини ўтказишда ДТИА (ДТИХ) ёки ТИА (ТИХ) ишлаб чиқилгандан сўнг);

пудрат савдоларини ўтказиш услубини аниқловчи ва танлов комиссияси таркибини тасдиқловчи буюртмачининг расмий бошқарув ҳужжати;

танлов савдоларини ўтказиш муддатини белгилаган, танлов савдоларида иштирок этиш учун буюртмаларни таъминлаш шаклларини кўриб чиқиб тасдиқлаган, келиб тушган танлов таклифларни техник ва молиявий баҳолаш мезонларини кўриб чиқиб тасдиқлаган ва танлов комиссиясини иш регламентини кўриб чиқиб тасдиқлаган танлов комиссиясининг танловолди йиғилиши баённомаси;

белгиланган тартибда буюртмачи томонидан тасдиқланган танлов комиссиясининг иш регламенти (тартиби);

Ўзбекистон Республикаси Ташқи савдо вазирлигининг импорт товарлар (ишлар ва хизматлар)ни харид қилишда ускуна, қурилиш метериалллари, конструкциялар, ишлар ва хизматларнинг нархлар конъюнктураси бўйича хулосаси.

17. Рухсат берувчи ҳужжатлар ва матбуотда нашр этиладиган эълон матни танлов ҳужжатлари таркибида талабгорларга берилмайди.


18. Танлов ҳужжатларининг техник ва рухсат берувчи қисми таркибига кирувчи ҳужжатлар рўйхати танлов савдоларининг предмети ва шаклидан келиб чиқиб ўзгартирилиши мумкин.


19. Зарурат туғилганда эксперт органи ўз ваколатига доир масалалар бўйича буюртмачидан кўриб чиқиладиган танлов ҳужжатлари бўйича қўшимча маълумот ёки ҳужжатларни сўраб олиш ҳуқуқига эга.



III. ЭКСПЕРТИЗАДА ТЕКШИРИЛАДИГАН

ВА ТАҲЛИЛ ҚИЛИНАДИГАН

АСОСИЙ МАСАЛАЛАР


20. Танлов ҳужжатларини экспертизадан ўтказишда қуйидаги асосий масалалар текширилади ва таҳлил қилинади:

танлов ҳужжатлари, шу жумладан, рухсат берувчи ҳужжатларнинг тўла ҳажмда мавжудлиги;

бир хил ном, ягона атама ва уларнинг ифода этилишидан фойдаланилганлиги;

савдо иштирокчиларига қўйиладиган талабларга амал қилинганлиги (лицензия, етарли иш тажрибасининг борлиги, молиявий ҳолати, техника билан жиҳозланиши, савдонинг аниқ иншоотларига қараб бошқа малака талаблари);

таклифларни техник ва молиявий баҳолашда мезонларни қўллашнинг ҳолисоналиги ва уларнинг аҳамияти;

танлов ҳужжатларини ишлаб чиқишда Низомнинг, мазкур Низомнинг ҳамда танлов ҳужжатларини ишлаб чиқиш, ташкил этиш ва қурилишда танлов савдоларини ўтказиш борасидаги Ўзбекистон Республикасининг бошқа норматив ҳужжатларнинг талабларига мувофиқлиги текширилади ва таҳлил қилинади;

танлов ҳужжатларига киритилаётган ўзгартириш ва қўшимчаларни таҳлил қилиш.



IV. ТАНЛОВ ҲУЖЖАТЛАРИ БЎЙИЧА

ЭКСПЕРТИЗА ХУЛОСАСИ


21. Танлов ҳужжатларини кўриб чиқиш натижалари бўйича танлов савдоси ҳужжатларини тасдиқлаш учун ёки унинг камчиликларини бартараф этиш учун камчиликлари кўрсатилган ҳолда қайта ишлашга тавсия этувчи экспертиза хулосаси тузилади. Экспертиза хулосасининг тавсия этилаётган шакли 1-иловада келтирилган.


22. Хулоса эксперт органининг раҳбари томонидан тасдиқланади ва буюртмачига юборилади.


23. Экспертизанинг ижобий хулосаси матбуотда танлов савдоси тўғрисидаги эълонни чоп эттиришга асос бўлиб хизмат қилади.

Савдо ўтказилиши тўғрисидаги матбуотда чоп этиладиган эълон матнининг тавсия этилган шакли 2-иловада келтирилган.



V. ЭКСПЕРТИЗА ЎТКАЗИШ

МУДДАТЛАРИ


24. Танлов савдоси ҳужжатларини экспертизадан ўтказиш муддати ўн кундан ортиб кетмаслиги лозим.


25. Қайта экспертиза кўригидан ўтказиш муддати экспертиза хулосасида кўрсатилган хатолар ва камчиликлар бартараф этилгандан ва буюртмачи (ташкилотчи)нинг қайтадан мурожаат этганидан кейин беш кундан ошмайди.



VI. ТАНЛОВ САВДОСИ ҲУЖЖАТЛАРИНИ

ТАЙЁРЛАШ ВА ЭКСПЕРТИЗАДАН

ЎТКАЗИШ ХАРАЖАТЛАРИ


26. Танлов савдоси ҳужжатларини тайёрлаш, экспертизадан ўтказиш ҳамда танлов савдоларини ташкил этиш ва ўтказиш буюртмачи (инвестор) маблағлари ҳисобидан амалга оширилади.

Танлов ҳужжатларини экспертизадан ўтказиш шартнома асосида амалга оширилади.



VII. ТАНЛОВ ҲУЖЖАТЛАРИГА

КИРИТИЛАДИГАН  ЎЗГАРИШЛАР

ВА ҚЎШИМЧАЛАРНИ КЕЛИШИШ


27. Танлов ҳужжатларига киритиладиган барча ўзгартишлар ва қўшимчалар танлов савдолари бошланишидан аввал "Давархитектқурилиш" билан келишилиши керак.


28. "Давархитектқурилиш" танлов ҳужжатларига киритилаётган ўзгартириш ва қўшимчалар мазкур Низомнинг ва бошқа Ўзбекистон Республикасининг қонунчилик ҳужжатларига зид бўлганда келишишни рад этиши мумкин.


29. "Давархитектқурилиш" билан келишилганлик натижалари ҳақида танлов савдолари ташкилотчисини ёзма равишда хабардор қилади.


30. Танлов ҳужжатларига киритилган ўзгартириш ва қўшимчалар, рухсат берувчи ҳужжатлардан ташқари, Давархитектқурилиш билан келишилгандан кейин, барча танлов иштирокчиларига белгиланган тартибда юборилади. Зарур бўлганда танлов таклифларини топшириш муддати узайтирилади.



VIII. ТАНЛОВ ҲУЖЖАТЛАРИГА БЕРИЛГАН

ЭКСПЕРТИЗА ХУЛОСАСИНИНГ

АМАЛ ҚИЛИШ МУДДАТИ


31. Экспертиза хулосасининг амал қилиш муддати танлов ҳужжатлари таркибига кирувчи техник қисм ва рухсат берувчи ҳужжатларнинг муддатлари ҳамда танлов савдолари иштирокчилари учун Йўриқномаларнинг (иловалар ва қўйилмалар мазмунини ўзгартиришга) амал қилиш муддати билан чегараланади.


32. Экспертиза хулосасининг амал қилиш муддати, танлов ҳужжатларига киритилаётган ўзгартиришлар натижасида техник қисмининг таркиби ўзгармаса ва Ўзбекистон Республикасининг норматив-ҳуқуқий ҳужжатлари ва мазкур Низомнинг бандларига зид бўлмаса, "Давархитектқурилиш" томонидан узайтирилиши мумкин.



--------------------------

*) 5-шакл - "Давархитектқурилиш" қўмитасининг 2003 йил 12 декабрдаги 74-сон бўйруғи билан тасдиқланган "Қурилиш ва монтаж ишларига ҳисоб-китоб ресурсларини тузиш бўйича услубий қўлланма"да келтирилган.

**) изоҳ - ХМИИ (халқаро молия ва иқтисодиёт институтлари) ва ХХМТ (хорижий ҳукумат молия ташкилотлари)нинг заём маблағлари жалб этилган лойиҳаларни амалга оширишда ТИА (ТИХ)лар асосида ишлаб чиқилган танлов ҳужжатлари тайёрланади.





Низомга

1-ИЛОВА


"ТАСДИҚЛАЙМАН"

эксперт комиссияси ҳайъатининг раиси

_____________________________

(имзо, Ф.И.О., муҳр)


ТАНЛОВ ҲУЖЖАТЛАРИ БЎЙИЧА ЭКСПЕРТ

ХУЛОСАСИ ____-сон

________________________________________________________________

(объектнинг номи)


объектининг пудрат ("калити билан" шарти билан) (жиҳозлар (материаллар) етказиб бериш ёки иш лойиҳаси (ИЛ), ДТИА, ТИА, ДТИХ, ТИХ)ни ишлаб чиқиш) шартномасини тузиш учун


Ҳужжатлар экспертиза комиссиясининг йиғилишида кўриб чиқилган,

20__ йил "___"________ ____- сон баённомаси


Буюртмачи: _______________________________________________________

Танлов комиссияси (ёки доимий фаолият юритувчи танлов комиссияси) ташкил этилган.


___________________________________________________________________

тасдиқланган санаси ва рақами)


___________________________________________________________________

(танлов комиссияси таркибини тасдиқловчи буюртмачининг расмий бошқарув ҳужжатининг номи)


Савдо ташкилотчиси _______________________________________________

                                                       (танлов ҳужжатини ишлаб чиқувчининг номи)


Буюртмачи ______________________ бўйича танлов савдосини ўтказмоқда

(очиқ, ёпиқ, танловолди ёки икки босқичли танлов савдосининг аниқ шакли кўрсатилсин)


Объектнинг бошланғич нархини буюртмачи ёпиқ конвертларда танлов комиссиясига тақдим этади ва талабгорларнинг нархлари эълон қилингандан кейин ўқиб эшиттирилади (буюртмачи танлов савдоларини объектнинг бошланғич нархларини эълон қилиш ёки танлов таклифлари солиштириш йўли билан ўтказилади)

Молиялаштиришни амалга ошириш _________________________________

                                                                       (молиялаштириш манбаининг номи кўрсатилсин)


ҳисобидан кўзда тутилмоқда.


Биринчи (қайта) кўриб чиқилиши.

Танлов савдоси ҳужжатлари қуйидаги

ҳужжатлар асосида тайёрланган

(пудрат ишларига танлов савдолари ўтказилаётганда лойиҳалаштиришнинг босқичи ва лойиҳага берилган экспертиза хулосасининг тасдиқланган санаси ва рақами, материал (жиҳозлар)ни етказиб бериш бўйича танлов савдоларида "етказиб берилаётган маҳсулот рўйхати", лойиҳалаштириш учун ўтказилаётган танлов савдоларида - "лойиҳалаштириш учун топшириқнома, иш ҳажмлари ведомостлари" кўрсатилади)

Экспертизага тақдим этилган ҳужжатлар:

1.

Матбуотда чоп этиладиган эълон шакли (очиқ танлов савдоларини ўтказишда).

5.

Савдо иштирокчиларига йўриқномалар.

2.

Рухсат берувчи ҳужжатлар.

6.

Талабгорнинг савдода қатнашишга буюртмаси шакли.

3.

Савдода иштирок этишга таклифнома.

7.

Контракт лойиҳаси.

4.

Контрактнинг умумий шартлари (пудрат ишларига ўтказилаётган танлов савдоларига).

8.

Техник ҳужжатлар.



Экспертиза комиссиясининг эътироз ва таклифлари

(экспертиза натижалари)


Эксперт комиссияси томонидан танлов ҳужжатларининг қуйидаги бўлимлари кўриб чиқилди: матбуотда чоп этиладиган эълон матни, (очиқ турдаги танлов савдолари ўтказилаётганда) рухсат берувчи ҳужжатлар, савдода иштирок этишга таклифнома, шартноманинг умумий шартлари (пудрат ишларига ўтказилаётган танлов савдоларига), савдо иштирокчиларига йўриқномалар, талабгорнинг савдода қатнашишга буюртмаси шакли, шартнома лойиҳаси, техник хужжатлари;

___________________________________________________________________

(танлов ҳужжатларининг бўлимларида йўл қўйилган хатоликларининг рўйхати кўрсатилади)


___________________________________________________________________

(объектнинг номи)


объектининг пудрат ("калити билан" шарти билан) (жиҳозлар (материаллар) етказиб бериш ёки иш лойиҳа (ИЛ), ДТИА, ТИА, ДТИХ, ТИХни ишлаб чиқиш) шартномасини тузиш учун тасдиқлаш тавсия этилади (йўл қўйилган камчиликларни инобатга олиб) ёки қайта ишлаш учун қайтарилади.



Қурилишда танлов савдолари

Бошқармасининг бошлиғи:              __________ _____________________

                                                                                      (имзо)                              (Ф.И.Ш.)


Эксперт комиссиясининг котиби    __________ ______________________

                                                                                      (имзо)                             (Ф.И.Ш.)





Низомга

2-ИЛОВА


"КЕЛИШИЛГАН":

Қурилишда танлов савдолари

бошқармасининг бошлиғи

______________________



Корхона ва ташкилотлар диққатига!

____________________________________________________

(буюртмачи ёки танлов савдолари ташкилотчисининг номи)


ТАНЛОВ САВДОСИ ЎТКАЗИЛИШИНИ ЭЪЛОН ҚИЛАДИ


Ишларнинг тугалланиш муддати: ____________________________________

Буюртмачи: _______________________________________________________

Жойлашган манзили: _______________________________________________

Лойиҳани молиялаштириш _____________ ҳисобидан амалга оширилади.


Талабгор сифатида иштирок этаётган корхона ва ташкилотлар қуйидаги талабларга жавоб бериши керак: улар танлов савдолари предмети қийматининг камида 20 фоизи миқдоридаги айланма маблағларнинг мавжудлиги ёки кўрсатиб ўтилган маблағларни беришга банк кафолатномаси, ишлаб чиқариш базалари, ишларни бажариш учун зарур бўлган меҳнат ва мутахассислар захираларининг мавжудлиги, танловга қўйилган объектга ўхшаш иншоотларда ишлаганлик тажрибаси ва кўникмаларига, шартномалар тузиш юзасидан фуқаролик муомала ва ҳуқуқий лаёқатга эга бўлишлари лозим.

Савдода қатнашиш ва танлов савдоси ҳужжатларига эга бўлиш учун сўровнома билан савдо ташкилотчиси _________________________ га, қуйидаги

манзилга ______________ тел: ________________ мурожаат қилишлари мумкин.

Хужжатларнинг бир тўплами (коплект) қиймати: __________________ сўм


Таклифлар (оферталар)ни савдо ташкилотчисига тақдим этишнинг охирги муддати оферталар очилиши куни ва соати.


Таклифлар (оферталар) очилиши, уларни матбуотда чоп этилган кундан бошлаб камида 30 кундан кейин, қуйидаги манзилда _______________________

соат __________ да __________________________________ биносида ўтказилади.

Эълон ______________________________________ газетасида чоп этилади.


Буюртмачининг раҳбари

ёки савдо ташкилотчиси:                                     (сана, имзо)



"Ўзбекистон Республикаси қонун ҳужжатлари тўплами", 2008 йил, 1-2-сон, 7-модда.









































Время: 0.2057
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск