ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Суғурта / Қурилиш таваккалчиликлари суғуртаси /Ўзбекистон Республикаси Вазирлар Маҳкамасининг 20.12.1999 й. 532-сон "Объектларни давлат маблағлари ва Ҳукумат кафолати остидаги кредитлар ҳисобига барпо этишда қурилиш таваккалчиликларини мажбурий суғурта қилиш тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
20.12.1999 й.
N 532
ОБЪЕКТЛАРНИ ДАВЛАТ МАБЛАҒЛАРИ ВА
ҲУКУМАТ КАФОЛАТИ ОСТИДАГИ КРЕДИТЛАР
ҲИСОБИГА БАРПО ЭТИШДА ҚУРИЛИШ
ТАВАККАЛЧИЛИКЛАРИНИ МАЖБУРИЙ
СУҒУРТА ҚИЛИШ ТЎҒРИСИДА
Ривожланаётган бозор муносабатлари шароитларида қурилиш пудрати шартномаси бўйича томонларнинг манфаатларини ҳимоя қилиш, суғурта ҳодисалари оқибатида пайдо бўладиган қурилиш таваккалчиликлари қопланишини ва зарарлар тўланишини таъминлаш мақсадида Вазирлар Маҳкамаси ҚАРОР ҚИЛАДИ:
1. Қуйидагилар:
Объектларни давлат маблағлари ва Ҳукумат кафолати остидаги кредитлар ҳисобига барпо этишда қурилиш таваккалчиликларини мажбурий суғурта қилиш тўғрисидаги Низом иловага мувофиқ;
Низомда назарда тутилган таваккалчиликларни мажбурий суғурта қилиш бўйича чекланган тарифлар суғурта пулининг 0,4 фоизи миқдорида тасдиқлансин.
2. Белгилансинки, 2000 йил 1 январдан бошлаб:
мулкчилик шаклларидан қатъи назар, хўжалик юритувчи субъектлар - пудратчилар давлат бюджети маблағлари ва Ҳукумат кафолати остидаги кредитлар ҳисобига маблағ билан таъминланаётган объектларни қуриш учун пудрат шартномаларини тузишда Объектларни давлат маблағлари ва Ҳукумат кафолати остидаги кредитлар ҳисобига барпо этишда қурилиш таваккалчиликларини мажбурий суғурта қилиш тўғрисидаги Низомга мувофиқ, таваккалчиликларни мажбурий суғурта қиладилар;
қурилиш пудрати шартномалари бўйича маблағ билан таъминлаш фақат шартномалар суғурта полислари мавжуд бўлган тақдирда бошланади. Суғурта полиси суғурталовчи томонидан суғурта қилдирувчига суғурта шартномасида белгиланган суғурта мукофоти тўлангандан кейин тақдим этилади.
3. Вазирликлар ва идоралар идоравий меъёрий ҳужжатларни мазкур қарорга мувофиқлаштирсинлар.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Б.С.Ҳамидов ва А.Н.Исаев зиммасига юклансин.
Ўзбекистон Республикасининг Бош вазири Ў.Султонов
"Ўзбекистон Республикаси Ҳукумати қарорлари тўплами",
1999 й., N 12, 70-модда.