Қишлоқ хўжалигида меҳнат инспекцияси тўғрисидаги 129-Конвенция (Женева, 1969 йил 25 июнь, ХМТ Бош конференциясининг 53-сессиясида қабул қилинган)

Функция недоступна

Қишлоқ хўжалигида меҳнат инспекцияси тўғрисидаги

129-КОНВЕНЦИЯ

Халқаро Меҳнат Ташкилотининг Бош конференцияси,

Халқаро Меҳнат Бюросининг Маъмурий кенгаши томонидан Женевада чақирилиб ва 1969 йилнинг 4 июнида ўзининг эллик учинчи Сессиясига тўпланиб,

Меҳнат инспекцияси соҳасидаги мавжуд халқаро меҳнат конвенциялари қоидаларини, хусусан, саноат ва савдода қўлланиладиган Меҳнат инспекцияси тўғрисидаги 1947 йилги Конвенция ҳамда қишлоқ хўжалик корхоналарининг чекланган тоифаларини қамраб оладиган Экинзорлар тўғрисидаги 1958 йилги Конвенция қоидаларини эътиборга олган ҳолда,

қишлоқ хўжалигидаги меҳнат инспекциясини кўзда тутувчи халқаро стандартлар бўлиши мақсадга мувофиқлигини ҳисобга олиб,

қишлоқ хўжалигидаги меҳнат инспекциясига оид бир қанча таклифларни қабул қилишга қарор чиқариб ва бу Сессия кун тартибининг тўртинчи банди ҳисобланиб,

мазкур таклифларга халқаро конвенция шаклини беришга қарор қилиб,

бир минг тўққиз юз олтмиш тўққизинчи йил июнь ойининг йигирма бешинчи кунида қуйидаги "Қишлоқ хўжалигида меҳнат инспекцияси тўғрисидаги 1969 йилги Конвенция" деб номланиши мумкин бўлган Конвенцияни қабул қилди:

1-модда

1. Мазкур Конвенцияда "қишлоқ хўжалик корхонаси" атамаси ерга ишлов бериш, чорвачилик, шу жумладан, мол боқиш ва парвариш қилиш, ўрмон хўжалиги, боғдорчиликни, деҳқонларнинг ўзлари томонидан қишлоқ хўжалик маҳсулотларини дастлабки қайта ишлаш ёки қишлоқ хўжалик фаолиятининг бошқа ҳар қандай турлари билан шуғулланадиган корхоналарни ёки корхоналар бўлимларини англатади.

2. Зарур бўлган ҳолларда, ваколатли ҳокимият органи тегишли иш берувчилар ва меҳнаткашларнинг энг ваколатли ташкилотлари билан, агар бундай ташкилотлар мавжуд бўлса, маслаҳатлашувдан сўнг, бирорта ҳам қишлоқ хўжалик корхонаси миллий меҳнат инспекцияси тизими қамровидан четлатилишига йўл қўйилмасдан, қишлоқ хўжалигини саноат ва савдодан ажратувчи чегарани белгилайди.

3. Ушбу Конвенция қайсидир бир корхона ёки корхона бир қисмига қўлланилиши бўйича шубҳа туғилаётган ҳар қандай ҳолда, мазкур масала ваколатли ҳокимият органи томонидан ҳал қилинади.

2-модда

Мазкур Конвенцияда "қонун-қоидалар" атамаси қонун ҳужжатларидан ташқари қонун кучига эга, қўлланилиши меҳнат инспекторлари томонидан таъминланиши керак бўлган арбитраж суд қарорлари ва жамоа шартномаларини ҳам ўз ичига олади.

3-модда

Халқаро Меҳнат Ташкилотининг ҳар бир аъзоси, ушбу Конвенция унга нисбатан кучга кирган бўлса, қишлоқ хўжалигида меҳнат инспекцияси тизимига эга бўлиш мажбуриятини ўз зиммасига олади.

4-модда

Қишлоқ хўжалигидаги меҳнат инспекцияси тизими, меҳнаткашларни ёллайдиган ёки шогирдлик усулида жалб қиладиган қишлоқ хўжалик корхоналарига нисбатан, уларнинг меҳ