Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Фуқаролик ва оила қонунчилиги / Ўз кучини йўқотган ҳужжатлар / Мажбуриятлар ва шартномалар тўғрисидаги умумий қоидалар /

Ипотекани давлат рўйхатидан ўтказиш тартиби тўғрисида Муваққат йўриқнома (АВ томонидан 25.04.2008 й. 1798-сон билан рўйхатга олинган ЕРГКДКДҚ 24.03.2008 й. 43-сон қарори билан тасдиқланган)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Ўзбекистон Республикаси

Адлия вазирлигида

2008 йил 25 апрелда 1798-сон

билан рўйхатга олинган

Ер ресурслари, геодезия,

картография ва давлат кадастри

давлат қўмитасининг

2008 йил 24 мартдаги

43-сон қарори билан

ТАСДИҚЛАНГАН



Ипотекани давлат рўйхатидан

ўтказиш тартиби тўғрисида

МУВАҚҚАТ ЙЎРИҚНОМА


Мазкур Йўриқнома Ўзбекистон Республикасининг "Ипотека тўғрисида"ги, "Гаров тўғрисида"ги қонунлари ва Ўзбекистон Республикаси Вазирлар Маҳкамасининг 2007 йил 3 январдаги "Уй-жой қурилишига, уни реконструкция қилишга ва сотиб олишга ипотека кредити бериш тўғрисидаги низомни тасдиқлаш ҳақида"ги 2-сонли қарорига (Ўзбекистон Республикаси қонун ҳужжатлари тўплами, 2007 йил 1-2-сон, 9-модда) мувофиқ ипотекани давлат рўйхатидан ўтказиш тартибини белгилайди.



I. УМУМИЙ ҚОИДАЛАР


1. Ипотекани давлат рўйхатидан ўтказиш кўчмас мулкнинг жойлашган жойи бўйича Ўзбекистон Республикаси Ер ресурслари, геодезия, картография ва давлат кадастри давлат қўмитасининг Қорақалпоғистон Республикаси, вилоятлар ва Тошкент шаҳар ер ресурслари ва давлат кадастри бошқармаларининг рўйхатдан ўтказиш идоралари (кейинги ўринларда матнда - рўйхатдан ўтказувчи орган деб юритилади) томонидан амалга оширилади.


2. Ипотека тўғрисидаги шартнома (шу жумладан, навбатдагилари ҳам) нотариал тартибда тасдиқланиши ва давлат рўйхатидан ўтказилиши лозим.

Ипотека тўғрисидаги шартнома давлат рўйхатидан ўтказилган пайтдан эътиборан тузилган деб ҳисобланади ва кучга киради.

Ипотека тўғрисидаги шартномани нотариал тартибда тасдиқлаш ва давлат рўйхатидан ўтказиш қоидаларига риоя этмаслик унинг ҳақиқий эмаслигини келтириб чиқаради. Бундай шартнома ўз-ўзидан ҳақиқий бўлмайди.



II. ИПОТЕКА ТЎҒРИСИДАГИ ШАРТНОМА

АСОСИДА ВУЖУДГА КЕЛАДИГАН

ИПОТЕКАНИ ДАВЛАТ РЎЙХАТИДАН

ЎТКАЗИШ ТАРТИБИ


3. Ипотека тўғрисидаги шартнома асосида вужудга келадиган ипотекани давлат рўйхатидан ўтказишда "Бино ва иншоотларни давлат рўйхатидан ўтказиш тартиби тўғрисида"ги (1998 йил 7 январь, рўйхат рақами 387) Йўриқноманинг 2-иловасида келтирилган тегишли ҳужжатлар билан бирга қуйидаги ҳужжатлар тақдим этилади:

давлат рўйхатидан ўтказганлик учун йиғим тўланганлиги тўғрисидаги ҳужжатнинг асл нусхаси;

ишончнома асосида ҳаракат қилаётган шахснинг ҳуқуқларини тасдиқловчи ишончноманинг нотариал тасдиқланган нусхаси;

шартнома томонлари сонига тенг миқдорда нотариал тасдиқланган ипотека тўғрисидаги шартнома ва рўйхатдан ўтказиш ишига қўшиш учун шартноманинг иккита асл нусхаси.

Ипотекани давлат рўйхатидан ўтказиш учун тегишли ҳужжатлар тақдим этил маса, ипотекани давлат рўйхатидан ўтказиш рад этилади ва бу ҳақда ариза берувчига асослантирилган ёзма жавоб берилади.


4. Манфаатдор шахс ипотекани давлат рўйхатидан ўтказилиши рад этилиши юзасидан судга мурожаат этиши мумкин.


5. Ипотекани давлат рўйхатидан ўтказиш "Бино ва иншоотларни давлат рўйхатидан ўтказиш тартиби тўғрисида"ги (1998 йил 7 январь, рўйхат рақами 387) Йўриқноманинг 16-иловасида келтирилган шаклдаги Бинолар (иншоотлар) гарови давлат реестрига (кейинги ўринларда матнда - давлат реестри деб юритилади) тегишли ёзув киритиш йўли билан рўйхатдан ўтказувчи орган томонидан ариза кўриб чиқиш учун қабул қилинган кундан бошлаб бир кун ичида амалга оширилади. Давлат реестрида маълумотлар мавжуд бўлган ҳолларда ушбу давлат реестрининг тегишли устунларига ёки эслатма устунига қуйидаги қўшимча маълумотлар киритилиши мумкин:

гаровга қўйилган мол-мулкка тақиқ мавжудлиги;

гаровга қўйилган мулкий ҳуқуқнинг тавсифи ва унинг қиймати;

ипотека нарсасининг номи, унинг жойлашган жойи, қиймати ва қисқача таърифи;

шартнома бўйича мажбуриятнинг миқдори ва ижро этиш муддати.

Давлат реестрида рўйхатдан ўтказувчи орган томонидан ипотека тўғрисидаги қайд ёзуви амалга оширилган кун ипотека давлат рўйхатидан ўтказилган сана ҳисобланади.


6. Давлат реестрига тегишли ёзувлар киритиш билан бирга, Ер участкаларига бўлган ҳуқуқлар давлат регистрининг 8-устунига, туман (шаҳар) Бино ва иншоотлар кадастри дафтарининг 25-устунига, туман (шаҳар) Турар-жой бино ва иншоотлари реестр дафтарининг 16-устунига тегишли кўчмас мулкка бўлган ҳуқуқлар бўйича шартлар (ипотека) мавжудлиги тўғрисида ёзувлар киритилади.


7. Агар ипотека тўғрисидаги шартномада ипотекага олувчининг ҳуқуқлари гаров хати билан тасдиқланиши назарда тутилган бўлса, бу Ер участкаларига бўлган ҳуқуқлар давлат регистри, туман (шаҳар) Бино ва иншоотлар кадастри дафтари, туман (шаҳар) Турар-жой бино ва иншоотлари реестр дафтарининг тегишли устунларида кўрсатилиши лозим. Бунда мазкур устунларда "гаров хати берилган" сўзлари ва рўйхатдан ўтказувчи органлар томонидан гаров хатини дастлабки ипотекага олувчига бериш санаси кўрсатилади.


8. Ипотека тўғрисидаги шартноманинг барча асл нусхаларига ипотекани давлат рўйхатидан ўтказиш амалга оширилганлигини тасдиқловчи, қуйидагилардан иборат бўлган устхатлар киритилади:

рўйхатдан ўтказувчи органнинг тўлиқ номи;

ипотека давлат рўйхатидан ўтказилган жой;

ипотекани давлат рўйхатидан ўтказиш санаси ва рақами.

Кўрсатилган устхатлар тегишли имзо билан тасдиқланади ва уларга рўйхатдан ўтказувчи органнинг муҳри қўйилади.

Ипотекани давлат рўйхатидан ўтказиш амалга оширилганлигини тасдиқлаш мақсадида ҳужжатлардаги рўйхатдан ўтказилганлик устхати штампи қўлланилади (илова), унда "давлат рўйхатидан ўтказилди" сўзларидан олдин "ипотека / гаров хати, гаров хатининг янги эгаси" сўз(лар)и кўрсатилади.


9. Ипотека билан таъминланган мажбурият мазмуни навбатдаги ипотека билан ўзгартирилганда, шунингдек ипотека нарсасига бўлган мулк ҳуқуқи ёки бошқа ашёвий ҳуқуқлар бу мол-мулкни ҳақ эвазига ёхуд ҳақ олмасдан тасарруфдан чиқарилиши натижасида ёки универсал ҳуқуқий ворислик тартибида ипотекага қўювчи дан бошқа шахсга ўтказилганида ипотека қўшимча равишда давлат рўйхатидан ўтказилади. Мазкур талабнинг бажарилмаслиги ипотека билан таъминланган мажбуриятда амалга оширилган ўзгаришлар ҳақиқий эмаслигини келтириб чиқаради.


10. Рўйхатдан ўтказувчи орган ипотекани қўшимча равишда давлат рўйхатидан ўтказишда қуйидагиларни амалга оширади:

давлат реестрига ипотека тўғрисидаги шартнома, ипотекани давлат рўйхатидан ўтказиш санаси ва рақами, мол-мулкка нисбатан янги эгалик қилувчининг ҳуқуқларини тасдиқловчи ҳужжат (олди-сотди, ҳадя шартномалари, меросга бўлган ҳуқуқ тўғрисидаги гувоҳнома ва ҳ. к.) реквизитлари тўғрисидаги ёзувлар киритилади;

Ер участкаларига бўлган ҳуқуқлар давлат регистри, туман (шаҳар) Бино ва иншоотлар кадастри дафтари, туман (шаҳар) Турар-жой бино ва иншоотлари реестр дафтарининг тегишли устунларидаги дастлабки ипотекага қўювчининг ҳуқуқларини чеклаш (уларга шартлар белгилаш) тўғрисидаги аввалги ёзувлар белгиланган тартибда, ипотека тўғрисидаги янги ёзувга ишора қилган ҳолда ўзгартирилади.


11. Ипотекага қўювчи ва ипотекага олувчи томонидан нобуд бўлган ёки шикастланган мулкни тиклаш ёки алмаштириш тўғрисида битим тузилганда давлат реестрига ушбу битим реквизитлари киритилади ва аввалги ёзувлар белгиланган тартибда бекор қилинади.



III. ҚОНУН АСОСИДАГИ

ИПОТЕКАНИ ДАВЛАТ РЎЙХАТИДАН

ЎТКАЗИШ ХУСУСИЯТЛАРИ


12. Қонун асосидаги ипотекани давлат рўйхатидан ўтказиш, агар қонунда бошқача тартиб белгиланмаган бўлса, қайси шахснинг ҳуқуқларига ипотека юкланган бўлса, шу шахснинг мулк ҳуқуқини давлат рўйхатидан ўтказиш билан бир вақтда амалга оширилади. Қонун асосидаги ипотека бўйича ипотекага олувчининг ҳуқуқлари гаров хати билан тасдиқланиши мумкин.


13. Рўйхатдан ўтказувчи орган ҳуқуқларига ипотека юкланган шахснинг мулк ҳуқуқларини давлат рўйхатидан ўтказишда мазкур шахсни Ер участкаларига бўлган ҳуқуқлар давлат регистри, туман (шаҳар) Бино ва иншоотлар кадастри дафтари, туман (шаҳар) Турар-жой бино ва иншоотлари реестр дафтарининг тегишли бўлимларига унинг ҳуқуқи ипотека билан чекланиши (унга шарт белгиланиши) тўғрисидаги ёзув киритилиши ҳақида огоҳлантиради, шунингдек битимга ва (ёки) ҳуқуқнинг бошқа шахсга ўтганлигини давлат рўйхатидан ўтказиш тўғрисидаги аризага қонун асосида вужудга келган ипотека давлат рўйхатидан ўтказилганлиги ҳақида огоҳлантирилганлиги тўғрисида белги қўяди.


14. Қонун асосидаги ипотекани давлат рўйхатидан ўтказишда давлат реестрининг устунларига тегишли ёзувлар киритилади ва бу ҳақда ер участкаларига бўлган ҳуқуқлар давлат регистри, туман (шаҳар) Бино ва иншоотлар кадастри дафтари, туман (шаҳар) Турар-жой бино ва иншоотлари реестр дафтарининг ипотекага қўювчининг мулкий ҳуқуқи тўғрисида ёзув киритилган тегишли бўлимларига ишоралар қўйилади.

Қонун асосидаги ипотекани давлат рўйхатидан ўтказиш санаси шахснинг мулк ҳуқуқи рўйхатдан ўтказилган сана ҳисобланади.

Мулк ҳуқуқининг давлат рўйхатидан ўтказилганлиги тўғрисида ҳуқуқ эгасига (ипотека қўювчига) бериладиган гувоҳномада шарт белгиланганлигини билдирувчи "Қонун асосидаги ипотека" сўзлари ёзилади.


15. Агар битта кўчмас мулк объекти турли асослар бўйича бир нечта ипотека га олувчиларда қонун асосидаги ипотекада бўлса, у ҳолда давлат реестрига ипотека давлат рўйхатидан ўтказилганлиги тўғрисида тегишли ёзув киритилади.


16. Қонун асосидаги ипотеканинг давлат рўйхатидан ўтказилганлигини тасдиқлаш мақсадида ипотекага қўювчининг мол-мулкка бўлган мулк ҳуқуқининг вужудга келишига асос бўлган ҳужжатларга рўйхатдан ўтказилганлик устхати штампи қўйилади ва у белгиланган тартибда тўлдирилади. Рўйхатдан ўтказилганлик устхати штампида "давлат рўйхатидан ўтказилди" сўзларидан олдин "қонун асосидаги ипотека" сўзлари кўрсатилади.



IV. НАВБАТДАГИ ИПОТЕКАНИ

ДАВЛАТ РЎЙХАТИДАН ЎТКАЗИШ


17. Бир мажбурият бажарилишини таъминлаш учун ипотека тўғрисидаги шартнома бўйича гаровга қўйилган мол-мулк (олдинги ипотека) ўша ёки ўзга қарздорнинг бошқа мажбурияти бажарилишини таъминлаш учун ўша ипотекага олувчининг ўзига ёхуд бошқа ипотекага олувчига гаровга берилиши мумкин (навбатдаги ипотека).


18. Навбатдаги ипотекани давлат рўйхатидан ўтказиш Ўзбекистон Республикасининг "Ипотека тўғрисида"ги Қонуни (кейинги ўринларда матнда - Қонун деб юритилади) қоидаларига риоя қилинган ҳолда мазкур Йўриқноманинг II бўлимида назарда тутилган тартибда амалга оширилади.


19. Ипотека тўғрисидаги навбатдаги шартномага айни ўша мол-мулкнинг олдинги ипотекалари тўғрисидаги барча қайд ёзувлари ҳақида белги қўйилади.

Ипотека тўғрисидаги навбатдаги шартномага рўйхатдан ўтказилганлик устхати штампи (штамплари) қўйилади. Кўрсатилган штамп олдинги ипотекани давлат рўйхатидан ўтказишда киритилган маълумотларни ўз ичига олиши лозим. Бунда мазкур штампда (штампларда) "давлат рўйхатидан ўтказилди" сўзларидан олдин "ипотека" сўзи ўрнига "навбатдаги ипотека" сўзлари кўрсатилади.


20. Навбатдаги ипотекани давлат рўйхатидан ўтказиш давлат реестрига мазкур кўчмас мулк объектининг олдинги ипотекалари тўғрисида ёзувлар бўлган тегишли устунларига "навбатдаги ипотека" сўзларини киритиш орқали амалга оширилади.



V. ГАРОВ ХАТИНИ (ЯНГИ ГАРОВ ХАТИНИ,

ГАРОВ ХАТИ ДУБЛИКАТИНИ) БЕРИШ,

ГАРОВ ХАТИНИ БЕКОР ҚИЛИШ,

ГАРОВ ХАТИ МАЗМУНИНИ ЎЗГАРТИРИШ

ТЎҒРИСИДАГИ КЕЛИШУВНИ ДАВЛАТ

РЎЙХАТИДАН ЎТКАЗИШ ТАРТИБИ


21. Ипотекага олувчининг ипотека билан таъминланган мажбурият бўйича ва ипотека тўғрисидаги шартнома бўйича ҳуқуқлари гаров хати билан тасдиқланиши мумкин.


22. Гаров хати эгасининг номи ёзилган қимматли қоғоз бўлиб, у гаров хати қонуний эгасининг қуйидаги ҳуқуқларини тасдиқлайди:

ипотека билан таъминланган пул мажбуриятининг, шу мажбурият мавжудлигининг бошқа далилларини тақдим этмаган ҳолда бажарилишига эришиш ҳуқуқи;

ипотека белгиланган мол-мулкка бўлган гаров ҳуқуқи.


23. Гаров хати мазмуни ипотека тўғрисидаги шартномага ёки мажбурияти ипотека билан таъминланган шартномага номувофиқ бўлган тақдирда, агар гаров хатини олувчи битим тузилаётган пайтда бундай номувофиқлик ҳақида билмаган ва билиши лозим ҳам бўлмаган бўлса, гаров хатининг мазмуни ҳақиқий деб ҳисобланади. Бу қоида гаров хатининг қонуний эгаси дастлабки ипотекага олувчи бўлган ҳолларга нисбатан татбиқ этилмайди.


24. Гаров хати ипотекага қўювчи томонидан, агар у учинчи шахс бўлса, шунингдек ипотека билан таъминланган мажбурият бўйича қарздор томонидан ҳам тузилади.


25. Ипотека давлат рўйхатидан ўтказилганидан кейин гаров хати рўйхатдан ўтказувчи орган томонидан, ипотекага қўювчи билан ипотекага олувчи иштирокида расмийлаштирилади ва дастлабки ипотекага олувчига берилади.


26. Гаров хатининг барча варақлари бир бутун ҳужжатни ташкил қилади, улар рақамланиши ва кўчмас мулкка бўлган ҳуқуқларни давлат рўйхатидан ўтказувчи органнинг муҳри билан муҳрланиши лозим.

Кўрсатиб ўтилган мақсадларда қуйидаги ҳаракатлар амалга оширилади:

гаров хатининг варақлари варақнинг олд томонидаги юқори ўнг бурчагида бир рақамидан бошланган тартиб рақамлари билан рақамлаб чиқилади;

гаров хатининг рақамланган варақлари ўзаро бириктирилади (тикилади);

гаров хати охирги варағининг орқа томонига, агар унда ёзувлар бор бўлиб бўш жой бўлмаса, рўйхатдан ўтказувчи орган томонидан қўшимча равишда илова қилинадиган ва шунга мувофиқ, рақамланмаган тоза варақнинг орқа томонига гаров хатининг рақамланган ва бириктирилган (тикилган) варақлари сони, рўйхатдан ўтказувчининг фамилияси, исми ва отаси исмининг бош ҳарфлари, мазкур ёзув қайд этилган сана тўғрисида устхат киритилади.


27. Гаров хатининг ўзида янги эгалик қилувчилар ва ипотека билан таъминланган мажбурият қисман бажарилганлиги ҳақида белгилар қўйиш ёхуд бошқа зарур маълумотларни ёзиш учун жой етишмаса, гаров хатига қўшимча варақ бириктириб қўйилади, унга ёзувлар ва белгилар гаров хатида бошланиб, ана шу варақда тугайдиган қилиб жойлаштирилади.


28. Рўйхатдан ўтказувчи орган қўшимча варақни (варақларни) гаров хати билан бириктириш учун ипотекага олувчининг ёки гаров хати қонуний эгасининг аризаси асосида мазкур бандда назарда тутилган ҳаракатларни амалга оширади.


29. Ипотекага олувчининг ёки гаров хати қонуний эгасининг қўшимча варақларни гаров хати билан бириктириш тўғрисидаги аризаси аризаларни қайд этиш дафтарига киритилади. Кўрсатилган ҳолларда аризаларни қайд этиш дафтарида:

"Келиб тушган ҳужжатлар" устунига "қўшимча варақни (ёки варақларни) гаров хати билан бириктириш тўғрисида ариза" сўзлари киритилади;

"Рўйхатдан ўтказиладиган ҳуқуқ, чеклаш (шартлар)" устунига "қўшимча варақни (ёки варақларни) гаров хати билан бириктириш" сўзлари киритилади;

"Қабул қилинган қарор" устунига "қўшимча варақ (ёки варақлар) гаров хати билан бириктирилди"сўзлари, гаров хати қўшимча варақ (варақлар) билан ариза берувчига топширилган сана киритилади;

"Изоҳлар" устунида ҳуқуқларнинг давлат рўйхатидан ўтказилганлиги тўғрисида берилган гувоҳномаларни қайд этиш дафтарининг рақамига ва бу китобда гаров хатининг дастлабки ипотекага олувчига берилганлиги тўғрисидаги ёзувнинг рақамига ишора қўйилади.

Аризаларни қайд этиш дафтарининг қолган устунларига ёзувлар белгиланган тартибда киритилади.


30. Агар гаров хатига бириктириладиган қўшимча варақдаги маълумотлар давлат реестрининг тегишли устунларига ёзувлар киритиш заруратини келтириб чиқарса, қўшимча варақни гаров хати билан бириктириш тўғрисидаги илтимоснома тегишли рўйхатдан ўтказиш ҳаракатини амалга ошириш тўғрисидаги аризанинг таркибида бўлиши мумкин. Бунда бундай илтимоснома ҳам аризаларни қайд этиш дафтарининг "Рўйхатдан ўтказиладиган ҳуқуқ, чеклаш (шартлар)" устунида акс эттирилади.


31. Гаров хати бекор қилинган ва шу билан бир вақтда янги гаров хати берилган тақдирда, ипотекага қўювчи рўйхатдан ўтказувчи органга давлат реестрига ўзгартиришлар киритиш ҳақидаги ариза билан биргаликда янги гаров хатини беради, бу гаров хати ипотекага олувчига унинг қонуний эгалигида турган гаров хати ўрнига топширилади.


32. Гаров хати ипотека тўғрисидаги шартномага ёки вужудга келтирган мажбурияти ипотека билан таъминланган шартномага мувофиқ келмаса, рўйхатдан ўтказувчи орган томонидан бир вақтда янги гаров хати берилади.


33. Янги гаров хати рўйхатдан ўтказувчи орган гаров хатига киритиладиган маълумотлардан ташқари, янги гаров хати берилган санани, янги гаров хатини берган рўйхатдан ўтказувчи органнинг номини, рўйхатдан ўтказувчининг фамилияси, исми ва отаси исмининг бош ҳарфларини, унинг рўйхатдан ўтказувчи органнинг муҳри илова қилинган имзосини ҳам ўз ичига олиши лозим.


34. Янги гаров хатининг варақлари Йўриқномада белгиланган тартибда рақамланади, ўзаро бириктирилади (тикилади).


35. Бекор қилинган гаров хати биринчи варағининг олд томонига рўйхатдан ўтказиш ёзувини бекор қилиш штампи босилади, унда фақат бекор қилинган гаров хатининг бекор қилиш санасига мос келадиган сана, рўйхатдан ўтказувчининг фамилияси, исми ва отаси исмининг бош ҳарфлари ва имзоси кўрсатилади.


36. Бекор қилинган гаров хати рўйхатдан ўтказувчи органда ипотека тўғрисидаги рўйхатдан ўтказиш ёзувини бекор қилиш вақтига қадар сақланади (рўйхатдан ўтказиш йиғма жилдига жойлаштирилади).


37. Ипотека тўғрисидаги рўйхатдан ўтказиш ёзуви бекор қилингандан сўнг бекор қилинган гаров хати у бўйича олдин мажбуриятли бўлган шахсга унинг талаби (аризаси) бўйича топширилиши мумкин. Бу ҳолда бекор қилинган гаров хатига белгиланган тартибда тўлдириладиган рўйхатдан ўтказиш ёзувини бекор қилиш қўшимча штампи босилади.


38. Гаров хати ипотеканинг тўхтатилиши муносабати билан бекор қилинган тақдирда бекор қилинган гаров хати биринчи варағининг олд томонига белгиланган тартибда тўлдириладиган рўйхатдан ўтказиш ёзувини бекор қилиш штампи босилади.

Бекор қилинган гаров хатининг асл нусхаси рўйхатдан ўтказиш йиғма жилдига жойлаштирилади. Бекор қилинган гаров хати у бўйича олдин мажбуриятли бўлган шахсга унинг талаби (аризаси) бўйича топширилиши мумкин.


39. Гаров хати йўқолган тақдирда йўқолган гаров хати бўйича ҳуқуқларни тиклаш Қонунда назарда тутилган тартибда амалга оширилади.

Ипотекага қўювчи, агар у учинчи шахс бўлса, шунингдек ипотека билан таъминланган мажбурият бўйича қарздор ҳам имкони борича қисқа муддатларда гаров хатининг дубликатини унда "дубликат" белгиси билан тузишлари ва уни рўйхатдан ўтказувчи органга топширишлари шарт.


40. Рўйхатдан ўтказувчи орган бир иш куни ичида гаров хатининг дубликатини расмийлаштириши шарт, унда "дубликат" деган белги бўлиши керак.


41. Гаров хатининг дубликати йўқолган гаров хатига тўлиқ мувофиқ бўлиши керак. Гаров хатининг дубликати у берилган санани, гаров хатининг дубликатини берган рўйхатдан ўтказувчи органнинг номини, рўйхатдан ўтказувчининг фамилия си, исми ва отаси исмининг бош ҳарфларини, унинг рўйхатдан ўтказувчи органнинг муҳри илова қилинган имзосини ўз ичига олиши лозим.


42. Гаров хати дубликатининг варақлари белгиланган тартибда рақамланади, ўзаро бириктирилади (тикилади).

Гаров хатининг дубликати рўйхатдан ўтказувчи орган томонидан гаров хатини йўқотган шахсга топширилади.

Гаров хати (шунингдек янги гаров хати, гаров хатининг дубликати, бекор қилинган гаров хати) дастлабки ипотекага олувчига берилганлиги тўғрисидаги ёзув ҳуқуқлар давлат рўйхатидан ўтказилганлиги тўғрисидаги берилган гувоҳномаларни қайд этиш дафтарига киритилади. Ҳуқуқлар давлат рўйхатидан ўтказилганлиги тўғрисидаги берилган гувоҳномаларни қайд этиш дафтарига, шунингдек гаров хати у билан бириктирилган қўшимча варақлар билан бирга дастлабки ипотекага олувчига ёки гаров хатининг қонуний эгасига топширилганлиги тўғрисидаги ёзувлар ҳам киритилади.


43. Ипотека билан таъминланган мажбурият бўйича қарздор, ипотекага қўювчи ва гаров хатининг қонуний эгаси гаров хатининг илгари белгиланган шартларини келишувга кўра ўзгартиришлари мумкин. Бу ҳолда, шунингдек ипотека билан таъминланган мажбурият бўйича қарз бошқа шахсга ўтказилаётганда келишувда гаров хатини бекор қилиш ва шу билан бир вақтда тегишли ўзгартиришлар ҳисобга олинган ҳолда тузилган янги гаров хатини бериш назарда тутилиши керак.


44. Гаров хатининг мазмунини ўзгартириш тўғрисидаги келишувни ариза берувчи давлат рўйхатидан ўтказишни сўраб рўйхатдан ўтказувчи органга мурожаат этган пайтдан эътиборан бир иш куни ичида амалга оширилиши керак. Бундай келишувни давлат рўйхатидан ўтказиш бепул амалга оширилади.


45. Ипотекани давлат рўйхатидан ўтказувчи орган давлат реестрининг ипотека рўйхатдан ўтказилган бўлимига битимнинг давлат рўйхатидан ўтказилганлиги тўғрисида ёзув киритади.


46. Гаров хатининг мазмунини ўзгартириш тўғрисидаги битимнинг давлат рўйхатидан ўтказилганлиги битимга ҳужжатлардаги рўйхатдан ўтказилганлик устхати штампи босиш йўли билан тасдиқланади, унда "давлат рўйхатидан ўтказилди" сўзларидан олдин "гаров хатининг мазмунини ўзгартириш тўғрисидаги битим" сўзлари кўрсатилади.


47. Гаров хатининг ажралмас қисми бўлмиш унинг мазмунини ўзгартириш тўғрисидаги битимнинг асл нусхаси гаров хатига илова қилинади ва унга бириктирилади (тикилади).



VI. ГАРОВ ХАТИНИНГ ҚОНУНИЙ

ЭГАЛАРИНИ РЎЙХАТДАН ЎТКАЗИШ


48. Гаров хатининг қонуний эгаси фамилияси, исми, отасининг исми ва яшаш жойини, агар гаров хатининг қонуний эгаси юридик шахс бўлса, унинг номи ва жойлашган жойини (почта манзилини) кўрсатган ҳолда, ўзининг ипотекага олувчи сифатида белгиланган тартибда рўйхатга олинишини рўйхатдан ўтказувчи органдан талаб қилишга ҳақлидир.


49. Гаров хатининг қонуний эгаларини рўйхатдан ўтказиш давлат рўйхатидан ўтказувчи органга тегишли ариза билан мурожаат этилгандан кейин бир иш куни ичида амалга оширилади ва бу ҳақда аризаларни қайд этиш дафтарига ёзиб қўйилади.


50. Гаров хатининг қонуний эгаси тўғрисидаги қайд ёзуви, гаров хати тақдим этилган тақдирда, ариза берувчи рўйхатдан ўтказувчи органга мурожаат этган пайтдан эътиборан бир иш куни ичида қуйидагилар:

гаров хати бўйича ҳуқуқни Қонуннинг 34-моддасига мувофиқ бошқа шахсга ўтказиш ҳамда гаров хатига белги қўйиш асосида, агар бундай ёзувни киритган шахс гаров хатининг қонуний эгаси ёки ипотекага олувчи бўлган бўлса, гаровга ўтказишга доир махсус ёзув унинг номига ёзилган, у гаров хатини Қонуннинг 35-моддаси бешинчи қисмида назарда тутилган тартибда сотган бўлса;

гаров хати бўйича ҳуқуқлар юридик шахс қайта ташкил этилганлиги натижасида ёки мерос тартибида бошқа шахсларга ўтказилганлигини тасдиқловчи ҳужжатлар асосида;

гаров хати бўйича ҳуқуқлар ариза берувчига тегишли деб топилганлиги тўғрисидаги суд қарори асосида амалга оширилиши керак.


51. Гаров хатининг қонуний эгасини рўйхатдан ўтказиш давлат реестрининг дастлабки ипотекага олувчи ёки гаров хатининг олдинги қонуний эгаси кўрсатилган устунига гаров хатининг янги қонуний эгаси тўғрисида ёзув киритиш орқали амалга оширилади. Давлат реестридаги олдинги ёзув белгиланган тартибда бекор қилинади.


52. Гаров хатининг эгасига давлат реестрига тегишли рўйхатдан ўтказиш ёзуви киритилганлигини тасдиқлаш мақсадида унинг аризаси асосида белгиланган тартибда давлат реестридан кўчирма берилиши мумкин.

Бунда рўйхатдан ўтказилган ҳуқуқ чекловлари (шартлари) тўғрисидаги маълумотларни акс эттиришда мазкур кўчирмага ипотека кўрсатилгандан сўнг "гаров хатининг қонуний эгаси" сўзлари ва янги ипотекага олувчи (гаров хатининг янги қонуний эгаси) тўғрисидаги тўлиқ маълумотлар киритилади.


53. Гаров хати уни бошқа шахсга (гаров хатини гаровга олувчига) ўтказиш орқали кредит шартномаси бўйича мажбуриятни ёки шу шахс билан гаров хатида дастлаб кўрсатилган ипотекага олувчи ёхуд унинг ўзга қонуний эгаси ўртасида вужудга келган бошқа мажбуриятни бажарилишини таъминлаш учун гаров хатининг гарови тўғрисидаги шартнома бўйича гаровга қўйилиши мумкин.


54. Гаров хатининг гаровини рўйхатдан ўтказиш ипотекани рўйхатдан ўтказиш учун белгиланган тартибда давлат реестрига тегишли ёзувлар киритиш орқали амалга оширилади.



VII. ЯКУНИЙ ҚОИДА


55. Мазкур Йўриқнома талабларини бузган шахслар қонунчиликка мувофиқ жавобгар бўладилар.





Муваққат йўриқномага

ИЛОВА


Ипотекани ва кўчмас мулкка бўлган ҳуқуқлар

гаровини давлат рўйхатидан ўтказишда тақдим

этилган ҳужжатлардаги рўйхатдан ўтказиш устхатининг

ШАКЛИ


Ўзбекистон Республикаси Ер ресурслари, геодезия, картография ва давлат кадастри давлат қўмитасининг _______________ вилояти (Қорақалпоғистон Республикаси, Тошкент шаҳар) ер ресурслари ва давлат кадастри бошқармасининг рўйхатдан ўтказиш идораси томонидан ипотека / гаров хати / гаров хатининг янги эгаси давлат рўйхатидан ўтказилди.

Бинолар (иншоотлар) гарови давлат реестрининг ____-бетига ______-рақам билан/;

Ер участкаларига бўлган ҳуқуқлар давлат регистрининг ____-бетига ______-рақам билан/;

Туман (шаҳар) бино ва иншоотлар кадастри дафтарининг ____-бетига ______-рақам билан/;

Турар-жой бино ва иншоотлари реестр дафтарининг ____-бетига ______-рақам билан/ 200_ й. "___" ____________да рўйхатдан ўтказиш ёзуви киритилди.



Рўйхатдан ўтказувчи ____________________________________________

Ф.И.Ш



М.Ў.                                  Имзо _________________



"Ўзбекистон Республикаси қонун ҳужжатлари тўплами", 2008 йил, 18-сон, 149-модда.
















































Время: 0.1558
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск